Khaws tau khoom Dab los Tsev Ua rau Tsev Neeg MoB
 taw nees pob zeb
Khoom pov haum muaj qee yam kuj yog khoom dab uas koj khaws tau los ua muaj teeb meem rau tsev neeg li zaj keeb kwm yuav piav ntxuas ntxiv mus no.
Thaum xyoo 2010 los ntawv kuv tus txiv ntxawm wb mus yos hav zoov ces nws txawm pom ib lub pob zeb saib mas zoo nkaus li yog nees ob tug rau taw ces nws zoo siab heev nws muab khaws nqa los tsev coj los ua pov haum, tab sis thawj hmo pw xwb ua npau suav tias muaj ib tug yawg plaub hau dawb paug los hais tias, koj nqa tau kuv qhov khoom los tsev lawm mas yog koj tsis xa ces koj tsev neeg yuav pom tej yam tshwm sim xwb xwb li.. Kuv tus txiv ntxawm no kuj tsis paub tias yog dab tsi nws kuj ho tsis nco qab txog tus taw nees pob zeb uas nws khaws tau los no thiab. Hnub tom qab kiag xwb ces nws tus me nyuam pib mob huam leej huam ceem txoj sia yuav tu li, dhau kiag ntawv ces nws poj niam txawm mob tib yam nkaus li tus me nyuam thiab ces thiaj tau mus hu ib tug txiv neeb tuaj ua neeb saib no thaum ua neeb txog nrab xwb tus nees dab tau tuam ua nws tus txiv neeb pob roj neeb kiag thiab nws sab ncej puab doog dub nciab ces tswb neeb dhia tag nrho. Tus txiv neeb no thiaj nqis neeb thiab hais rau kuv tus txiv ntxawm tias nej coj tau ib tug nees dab los nyob hauv tsev no lawm kuv ua neeb tus nees dab no tuam kuv poob roj thiab nws yog tus ua mob rau koj poj niam thiab koj tus me nyuam ua li puas muaj leej twg khaws tau dab tsi nqa los tsev no? ces kuv tus txiv txawm thiaj qhia tias nws khaws tau ib tug rau taw nees pob zeb los ua pov haum ntshe yog qhov ntawv xwb no ces mam muab thau los saib tus txiv neeb thiaj hais tias yog qhov no lawm nawb.. cia li ua ib lub hauv phaj es muab xa tawm tam sim no mus rau tim pob tsuas mas thiaj tag tsis li ces yuav muaj teeb meem loj tshaj nov rau koj tsev neeg. Tom qab muab tus taw nees pob zeb no xa mus lawm ces nws poj niam me nyuam thiaj li zoo nws mam xav txog qhov tus yawg plaub hau dawb paug los ua npau suav rau nws tias kom xa qhov khoom rov qab tsis li ntawv ces nws yuav pom xwb xwb li . Ib tsoom phooj ywg tej pov haum suav daws khaws los muaj tej yam zoo tab sis yog nej pom ib lub pob zeb zoo li nees txhais ko taw no ces txhob khaws los lawm nawb tsis yog pov haum tab sis yog ko taw nees dab xwb yuav ua teeb meem rau yus tsev neeg. Zaj no tag li no xwb ntseeg tias suav daws yuav kawm tau qhov tseem ceeb mus tau siv. Kawg no thov ua tsaug rau www.3haivhmoob.com uas muaj qhov chaw piav dab neeg keeb kwm no rau suav daws tau nyeem kawm mus siv mam ntsib nej dua Sau npe: Pov Lis nyob zos khaub xib. |
zos hmoob
Lwm Txoj Dab Neeg Tshiab |
Pov haum tej lub sij hawm kuj ua teeb meem rau tus neeg khaws tau thiab ua li koj puas ntseeg tej yam zoo li no?
Comment Form is loading comments...
