Ntsib Dab Nyob Zos Looj CeeB

Zos Looj Ceeb

Thaum xyoo 2011 tag nrho  txuas rau xyoo 2012 ntawv kuv tus txiv ntxawm wb  tau  mus pw rau ntawm lub zos Looj CeeB  uas yog Hmoob lub qub nroog thaum ub ua tsov rog loj es Nai Phoo Vaj Pov nyob rau hauv.    Ces kaj ntug wb sawv ntxov ntxov los mus tsev thaum wb hla  lub qub tshav nyooj hoom no kwv yees yog 4 teev sawv ntxov nws pos huab heev thiab tsaus ntuj nti xwb wb txawm hnov tham luj loos  tom hauv tshav nyooj hoom tuaj xav tias yog tib neeg mus dab tsi los.   Ua cas wb mus ces  cov suab tham lus no sij ua wb ntej  thaum wb mus  ceev ceev zoo li kuj mus ceev ceev  hos wb maj mam los kuj zoo li   nws maj mam mus thiab tham luj loos li.. tab sis koj mloog mas cov lus tsis muaj lub muaj log  tias yog hais li cas li..ces wb txawm ntshai thiab wb cia li nres twj ywm ib pliag  kiag xwb ces hnov ib co suab li cab nyuj cab twm mas qw zom zaws los  rau ntawm wb .
             Thaum zoo li no lawm wb thiaj khiav nkaum pem qaum kev  no  pom los tej tug dawb paug mas coob kwv yees li  kaum leej  dhau plaws  ntawm wb rau tom lub tshav nyooj hoom lawm ces wb ntshai heev thiaj li sib tw khiav   txog siav tag wb mam los  txog nram cov pub thawj nyob ces twb 5 teev tawm kaj ntug lawm.  Hmo ntawv wb los txog tsev ces  kuv tus txiv ntxawm thiaj ua npau suav tias muaj ob tug thab ham tub rog los hais rau nws tias, lawv hnov hais tias  txiv hlob Nai Phoo Vaj Pov tau rov qab los  saib lub zos Looj Ceeb yog li lawv yog qub tub rog thaum ub es lawv los mus saib nws  xwb ua cas wb yuav ua rau lawv txaj muag ua luaj li..kom wb txhob ntshai lawv no.  Kuv tus txiv ntxawm tsim dheev no twb kaj kaj ntug lawm... Lub sij hawm ntawv tab tom yog  Txiv Hlob Nai Phoo tau tag sim neej nyob rau teb chaws mes kas tsis ntev es ntshe nws tus ntsuj plig los mus saib zos  Looj Ceeb yog li  nws cov qub tug rog thiaj los hawm thiab saib nws ces wb txawm los ntsib lawv li piav tag los no xwb..
Nws yog ib qho txawv thiab txaus ntshai kawg li ib tsoom phooj ywg.  Kawg no ua tsaug ntau rau vas sab www.3haivhmoob.com uas tsim tau tej chaw zoo zoo no rau peb tuaj piav dab piav poj ntxoog mam tsib ntsib dua.
Sau npe: Nom Leej Lis
                                 Teb chaws Los Tsuas.

---

Lub neej HmooB

Tsis hais neej los dab cov tag sim neej  yeej txawj sib nrhiav li zaj keeb kwm saum no..koj xav li cas xwb?

Comment Box is loading comments...