Ntxhais HmooB Raug Dab Zaj TuagNyob rau lub Zos Khab Khaim ntawm teb chaws nplog muaj ib tug ntxhais Hmoob hu ua Maiv Kiab no tau raug dab zaj thiab nws tau tag sim neej rau thaum xyoo 2013 tag los no.
Qhov teeb meem tshwm sim raug tus dab zaj no vim yog tias nws niam nkawv mus ua teb ces hnub ntawv txawm los nag tshav ntuj thiab muaj ob tug zaj sawv nyob rau ntawm kwj ha uas yog ntawm lawv daim qab teb. Nkawv ob niam tub tau los nkaum nag hauv lub tsev teb thaum los nag tab sis ua cas nag tu los ob tug zaj sawv no yeej tseem sawv liab ploog tsis ploj li ces nws tus ntxhais Maiv Kiab txawm khaws tau ib lub pob zeb txawb mus rau nram qhov zaj sawv thiab hais tias: Nag tu lawm ua cas neb tsis nkaum rov qab hauv hav dej es sij sawv ntsuab xiab li ko? Maiv Kiab niam tau cem kom nws tsum txhob ua li ua tsis tau no. Ib pliag ob tug zaj sawv no tau ploj thiab nkawv ob niam tub kuj tau los tsev lawm. Hmo ntawv tsaus ntuj Maiv Kiab txawm pw ua yog toog pom ib tug tub hluas ntoo lub kaus mom liab los hais rau Maiv Kiab tias, puag ta koj txawb raug kuv tus kwv lawm mas tsis txaus siab kuv yuav los coj koj mus hais plaub tso, los los nag es wb tawm tuaj ua si xwb wb twb tsis tau thab koj ne? Hais li no tag ces txawm ploj kiag lawm. Hmo tom qab los kuj rov qab los dua thiab tus tub hluas no nws nqa ib rab pas thiab ib txoj hlua los muab Maiv Kiab khi ces Maiv Kiab qw qw tsim dheev yog li nws thiaj tau piav qhia nws niam txog rau ob tug npau suav no. Maiv Kiab niam lawv tau txhawj heev thiaj tau ua neeb saib no, tus txiv neeb cov qhua neeb qhia tias Maiv Kiab txawb raug tus thom chim uas yog tus zaj sawv raug mob mas dab zaj tsis txaus siab yeej yuav los coj kom tau mus hais plaub xwb xwb li..vim zaj nyob zaj cia li mus thab plaub txawb raug mas luag tsis zoo siab. Lawv tau muab Maiv Kiab hloov npe thiab chaws qhov tsev mus nyob lwm lub tsev tab sis kuj pab tsis tau. Tau li 4 hnub tom qab ces Maiv Kiab mob plab heev heev nws tau tuag lawm. Qhov no qhia tau tias kom txhob lam txawb pob zeb rau dab zaj los yog nram tej kw ha thiab tej roob tsam raug dab taub hau dab tsis txaus siab thaum kawg yus tau txais kev tuag li Maiv Kiab. Ua tsaug ntau www.3haivhmoob.com uas muab qhov chaw no kuv tuaj sau zaj keeb kwm no. Mam ntsib nej dua nawb cov phooj ywg. Sau npe: Txoos Eeb Vaj nyob zos Khaib Khaim. |
|
Cov laus hais tias txawb pob zeb raug dab tau hau dab tsis txaus siab no puas muaj tiag?
Comment Box is loading comments...