Dab Me Nyuam Mos Liab Caum
Nplooj-1
Nyob rau tej qub zog tib neeg tsiv los yog khiav tag lawm tseem tshuav qee yam uas tshwm sim tau txaus ntshai heev thiab yeej tshwm sim muaj tiag tiag tsis hais thaum ub los yog nij hnub nim no...Zaj Dab Me Nyuam Mos Liab caum noj mes no tshwm sim rau kuv thiab kuv tus phooj ywg hu ua Ab Kub nyob rau lub zos Phav Kheb uas ze rau ntawm Looj Ceeb thaum xyoo 1973.
Sij hawm li ntawm 1b teev ib tag hmo wb taug kev los hla ib lub roob toj ntxas uas thaum cov neeg tseem nyob lawv yeej tuaj faus tuag tsis hais neeg laus los yog cov me nyuam yaus thiab me nyuam mos ab. Hmo ntawv yog xiab 15 uas lub hli pom kev kaj lug xwb..wb mus tham hluas nkauj los txog ntawm lub roob toj ntxas no tsis muaj chaw lug mus qhov twg li ces yuav tsum tau hla los xwb..wb hnov tej mes kab cus liv , kab ziam mas quaj zom zaws qab ke qaum kev li.. Thaum wb los ze zuj zus rau ntawm cov toj ntxas lawm ces zoo li plaub hau mas xob tag thiab kuj hnov cua nplawm txias zias rov ib sab roob tuaj, wb kuj ua siab tawv qhawv tsis tau hnov muaj dab tsi tab sis mas thaum wb hla dhau kiag lub roob toj txas no ces txawm hnov ib lub suab me nyuam mos liab quaj heev heev tom qab tuaj tias: ab hav..! ab hav..! ab hav..! no ces wb ntshai heev sib tw khiav wb khiav khiav mas khau khiab hle tag li..vim lub caij ntawv txom nyem tseem rau khau khiab mus yos hluas nkauj xwb...wb hla dhau plaws ib lub kwj ha los lub suab me nyuam mos liab no yeej tsis ntsiag li thiab kuj hnov lub suab quaj mas nkag cuag dab tsi rau hauv wb ob ceg thiab ntawm hauv ntej, tom qub qab li..thaum no mas wb ob lub suab qw los kuj nrov loj heev li thiab, txawm wb qw heev npaum no los tus dab me nyuam mos liab no yeej tsis ntsiag li.. (Nyeem Txuas sab Tov.....) |
Nplooj-2
Wb khiav khiav khiav los txog ntua ntawm qab tsib taug ces neeg zej zog ceeb tag li tias wb qw ua dab tsi no...ib co sawv tag li tab sis tus dab me nyuam mos liab no tsis ntsiag li...cov tib neeg sawv tuaj saib wb los lawv yeej hnov tib si..thaum kawg ces peb pog thiaj li muab kiag ib teg nqeeb kauv kiag ua ib lub yiv tws coj los lwm wb thiab hais tias" Auv..me naib aws..nws tshaib tshaib plab no ces los noj niam mis nov es txhob quaj lawm ov....thaum lwm tag li no muab kiag lub Yiv Tws Nqeeb no coj mus tso rau ntawm qab ke ces niag dab me nyuam mos liab no thiaj ntsiag kiag lawm... Tsis yog tag li no xwb..dhau ib hlis tom qab los kuv tseem mob mob yuav tuag li lawv tuaj ua neeb saib ces hais tias poob plig lawm no tseem tau hu plig thiaj li zoo. Zaj dab neeg mes nyuam mos liab caum noj mis tag li no xwb..txaus ntshai kawg nkaus...yog nej mus es me nyuam mos liab caum no c es nco tsoov ua li qhov kuv qhia ntawm no thiaj li ntsiag nawb. Kawg no thov ua tsaug rau www.3haivhmoob.com uas nej tsim muaj teb qho chaw zoo zoo no rau peb tuaj piav dab , piav tsov rau suav daws tau nyeem, es mam sib ntsib dua.
Tus sau: Tub Hmoob FAB Kis |
|
|
|
|
Ceeb Toom: Yog koj tsis tau luag txhob nias mus nyeem cov dab neeg dab nram no vim thaum koj poob plig lawm peb yuav tsis muaj qaib qe hu koj plig thiab peb yuav tsis tuaj yeem thaj tsob. Nov peb tso rau cov neeg uas tsis ntshai siab loj loj tau tuaj nyeem ua kev lom zem xwb...
Ua Tsaug, 3HaivHmooB Admin. |
|
Cov Npeb Dab Neeg Poj Ntxoog
|
Dab Neeg Dab Ntawm YouTube |
