"Neeg Tuag Txaus Ntshai Heev"
Nplooj1“Neeg Tuag Tau Txaus Ntshais Heev” Xyoo 2002-2003 nyob rau lub zos Thongnamy teb chaws los tsuas, muaj ob kwv tij hmoob Xyooj nkawv pheej nyiam mus tua tsiaj hav zoov coj los muag thiab coj los rau poj niam me nyuam noj nkawv txoj kev yos hav zoov feem ntau yog nyiam mus kab tua tsij hmo ntuj, lub 12 hli 2002 uas yuav luag txog peb caug, tus kwv yuav los baj 30 ces nws tseem tsis mus lawm ces tus tij laug txawm mus nws ib leeg xwb thaj chaws nws pheej nyiam nyiam mus ntawv yog nyob rau ib lub roob tsuas loj thiab siab heev nyob deb ntawm zos mus li 3 xuab moos,. Thaum nws yuav mus nws hais rau nws poj niam tias twb yuav txog peb caug ces nws tsuas mus 1 hmo xwb yuav los npaj peb caug ces nws txawm mus lawm. Thaum nws mus txog ntawm thaj chaw uas nkawv niaj zaus mus ces nws txawm mus muab chaw pw rau ntawm ib theem tsua uas siab li 60 mev. Nws mus tau 3 hmo lawm cas tsis pom los li ces hmo thib 4 nws poj niam txhawj heev thiaj li hais cov kwv tij mus nrog pab nrhiav seb cas hos tsis pom los li nws hais. Ces cov kwv tij kuj txhawj heev thiaj li mus nrhiav seb puas pom, thaum lawv mus lawv thiaj coj aub coob thiab mus coob leej lawv mus nrhiav tag txhua qhov tsis pom dab tsi ces lawv thiaj los txog ntawm ib theem tsua uas nyob kiag ntawm npoo tsua thiaj pom nws lub chaw pw thiab pom nws rab phom ib rau ntawm tus ntoo thiab pom nws lub hnab cas sis pom nws li, lawv mam saib zoo zoo na has pom lw poob mus raug ib daim nplooj toov laj nyob kiag ntawm npoo tsuas, ces lawv thiaj li nqi mus xyuas na has ntuj aw... nws twb tuag tib tug niag txhav txhav rau hauv, tab sis mas lub sij hawm ntawv qhov uas txawv thiab txaus ntshais tshaj plaws mas yog sij hawm ntawv cia li muaj 1 lub pob zeb luaj phawv ntog kiag saum nws chaw pw los yuav luag raug lawv cov mus ntawv thiab tsw phem tshaj plaws kawg tias lawv cov aub coob npaum ntawv tus twg lo yeej ntshai li ntshai pos tw nthoob khiav los nkag lawv ob ceg xwb, sij hawm ntawv lawv leej twg los koj ntsia kuv kuv hos kuv ntsia koj xwb lawv yeej ntshai heev li, ces lawv thiaj li txiav txim siab muab tus tuag ntawv kwv los ua dab ua qhua rau nram zos. Thaum lawv kwv los mas kuv tus txiv ntawm hais tias nyhav tiag tiag li yam tsis txaus ntseeg kiag tsis tas li thaum coj los txog tsev mas kuv tus txiv ntxawm lawv mus zov nws hais tias txias siab tiag tiag li. tus tuag ntawv nws yeej tsis lwj heev tab si niag nplaig mas tawm kiag li 1 dos leej twg los yeej tsis tau luag ntsia li, leej twg tuaj txog los yeej quaj tsis tau vim txawv heev hos thaum tsaus ntuj kiag mas aub tom tiag tiag li aub mas tom sib huas nyhev rau ntawm qab tsib tawg, ntawm tus tuag ntawv lub qab tsev los muaj ib koog hav txiv yeem fab fab tsis tau luaj thiab mas cov aub mas tom ntsia ntsoov rau zaj hav fab ntawv xwb txawm kab teeb npaum cas los yeej tsis pom dab tsi li. Kuv tus txiv ntawm hais rau kuv tias nws mus zov zov neeg tuag laus li ntawv yeej tsis tau pom dua los li ua rau suav daws mas ntshai tiag tiag yeej tsis tau luag tawm mus tso zis li. Tom qab lawv muab coj mus pov tseg tag lawm cov aub los yeej tseem tom ib hmos ib hmos ntsia ntsoov rau koog hav nroj ntawv tib yam nkaus. Nyob rau ntawm lawv thaj chaw ntawv los muaj lawv cov ntxhais hmoob Xyooj coob coob leej kawg tab si mas aub tom tau txawv thiab txias siab heev li ces ua rau cov tub hluas leej twg los yeej tsis kam mus tham cov ntxhais ntawv ib hmo li. Lub sij hawm tus neeg ntawv tuag kuv tuaj mus kawm ntawv pem viantiane lawm tsuas hnov kuv tus hluas nkauj hu xov tooj tuaj qhia kuv me ntsis li ntawv xwb vim tus tuag ntawv yog kuv tus hluas nkauj lawv tus txiv ntawm nyob kiag ntawm lawv tog tsev. Twb tau 1 lub hlis dhau mus lawm kuv xeem ntawv part I tag kuv coj tau 2 tug phooj ywg peb mus saib peb lub zos tham hluas nkauj ua si rau nram peb zos. Thaum peb mus txog kuv cov kwv tij hais rau kuv thiab kuv 2 tus phooj ywg tias nej must tham hluas nkauj rau thaj tsam pem koj tus hluas nkauj no ces nej mus ua ke nawb thiaj tau luag vim thaj chaw pev tau 1 lub hlis los no aub tom txawv heev yeej tsis muaj leej twg kam mus nrog lawv cov ntxhais nyob ua si li. Kuv tias ua li mas ces kuv txawm coj kuv 2 tus phooj ywg peb mus saib kuv tus hluas nkauj ua ntej thaum mus txog khwv yees li ntawm 8 teev tawm me ntsis ntawv, peb mus pom kuv tus hluas nkauj tag ces kuv 2 tus bawg hais rau kuv tias bawg koj tus hluas koj ntxim hlub heev li tiag mas yom, kuv teb nkawv tias yog mas ua tsaug uas neb pab kuv nyiam thiab os lod, sij hawm ntawv kuv hais rau kuv tus hluas nkauj tias koj nyob tos kuv es kuv coj kuv 2 tus bawg no mus saib koj 2 tus niam laus tiv seb koj 2 tus niam laus puas kam nrog nkawv nyob tso kuv mam li rov los koj, txhob maj pw nco koj heev li koj tos kuv nawb, kuv tus hluas nkauj teb tias ua li mas kuv saib ntawv tos koj os tus hlub koj mus kiag los nawb. |
Nplooj2Ces Kuv coj nkawv mus saib hluas nkauj li hais sij hawm ntawv aub mas yeej tom ntsia ntsoov rau tim ntug fab heev li hos cua los tuaj txias zias hnov kab ziam kab civ liv mas quaj zom zaws tab ssi kuv yeej tsis nco ntshai dab tsi vim yus yog neeg kawg yeej tsis lam ntseeg tej yam tsis muaj tseeb yus yeej xav rau hauv yus lub siab twj ywm li ntawv xwb, sij hawm ntawv kuv ob tug bawg kuj nug kuv tias bawg cas nej lub zos no aub yuav tom ua luaj li es puas muaj neeg phem tej ma? Kuv teb nkawv tias peb lub zos tshiab ces tseem muaj muaj hav zoov ze es ntshe aub lam tom xwb tos kuv hais li lo kuv kiag kuv yeej tsis nco qab ntshai dab tsi tiag tiag thiab. Kuv coj nkawv mus ib tug kuj nyiam hluas nkauj thiab ces nrog hluas nkauj nyob lawm hos ib tug nrog kuv rov los thaum wb los txog ntua ntawm tus tuag ntawv tog tsev muaj li 4-6 tug aub xyov yog caum 1 tug txiaj dab tsi wb hnov cov aub caum tawm kiag ntawm ib tauv hav nroj luaj li ib lub tsev tawm plaws los kiag ntawm wb xub ntiag wb kab teeb saib pom cov aub thiab 1 tug dab tsi mas txaij dub zoo li npog ib daim pam raws li wb pom mas yog zoo li 1 tug tsiaj 4 txhais tes taw loj siab dua cov aub kiav kiag los ntawm wb xub ntiag muaj 1 dag xwb qhov wb 2 leeg pom tseeb tseeb ces pom cov aub mas sib huas nyhev caum los mus ua ncho pa lug thaum dhau plaws wb rau tom ntej deb li 4 dag ces pom zoo li tus tsiaj ntawv cia li sawv tsees li ib tus tib neeg kuv lub teeb dawb dawb kuv kab caum wb yeej pom tseeb tseeb, sij hawm ntawv wb kuj tsis nco ntshai dab tsi thiab tab sis qhov wb ntshai thiab plaub hau xob tshaj plaws mas yog qhov tus ntxhiab tsw nyoos, sij hawm ntawv mas tsw nyoo tsw phem tsw iab siab tiag tiag kuv loj luaj li no kuv tsis tau hnov dua ib tug tsiaj tsw nyoo, tsw phem thiab tsw txawv li ntawv li, tus ntxhiab tsw lwj kuj ho tsis yog tsw lwj tsw kub nhyiab kuj ho tsis yog tsw nws tsw tau txias siab heev li yam tsis paub piav. Sij hawm ntawv kuv paub kiag tias kuv tus bawg ntshai heev kuv los yeej txias siab kawg tab sis kuv ua tus tsis ntshai ces wb nkag kiag mus rau ntawm kuv tus hluas nkauj 1 tug niam hluas lub tsev kuv khob qhov rooj thiab hu ces hluas nkauj thiaj tawm tuaj qhib qhov rooj thaum nws pom kiag kuv nws tias aud aib Tub koj twb los lawm lov? Kuv teb nws tias yog mas, tab sis kuv ntsia mas hluas nkauj los yeej tsis tau luag ib yam thiab, lub sij hawm ntawv kuv thiaj thov tias Iab! Koj puas kam nrog kuv tus phooj ywg no tham lus ib pliag os lod? Hluas nkauj tias tau mas neb los tsev, sij hawm ntawv kuv faj kuv tus bawg rau tus muam Iab tag ces kuv ua siab tawv qhawv rov mus rau ntawm kuv tus hluas nkauj tsev kuv mus hu kiag ces kuv tus hlub nkauj qhib qhov rooj nws tias koj los tsev tam sim no, kuv thiaj mus hauv tsev nws hais rau kuv tias aub tom tag baum no koj tsis ntshai li lov? Kuv teb kuv tus hlub tias kuv tsis nco ntshai dab tsi os vim dab thiab neeg nyias muaj nyias kev. Dhau ntawv Kuv tus hlub thiaj mam li tham qhia kuv tej xwm txheej uas lawv tus txiv ntxawm ntawv tuag tau txawv txawv li ntawv thiab nws hais tias txij hnub nws tuag tas los aub yeej tom li no txhua hmo thiab yeej tsis muaj leej twg kam tuaj ze peb thaj chaws no li lawm, koj mas siab tawv tiag tiag li os yom. Nws tham li ntawv kuv mam li muab xav txog tus ntxhiab uas tus tSiaj aub caum los ntawv kuv mam li hnov plaub hau xob thiab nco ntshais. Thaum kuv tawm los mus coj kuv 2 tug bawg mas kuv ntshai heev tab sis ho zoo rau qhov lub hli pom pom kev ces kuv los hu kiag nkawv xwb peb thiaj li los tsev lawm xwb. Ntawv nws yog thauj thauj zaug uas kuv pom kiag ntawm kuv qhov muag uas txawv thiab txias siab heev thiab nws yog 1 zaug uas kuv pom tseeb tseeb uas kuv tau ntshai hauv kuv lub neej uas niaj hnub no muab xav txog kuv yeej tseem ntshai. Es kuv zaj neej neeg muaj tseeb tsuas los xau li no xwb, kawg no thov ua tsaug ntau rau peb Hmongmeka.com uas tseem qhib tau nplooj siab loj pub rau peb tuaj tham pem ua si rau ib tsoom phooj ywg suav daws. Vam tias peb Hmongmeka.com yuav loj hlob mus zuj zus lawm yav tom ntej. Ua tsaug ntau. Tus sau Tub Meej Vaj .... Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |