Tsim Meej thiab Paj Yeeb -2
Tus Sau: Hmoob Khej3 Email: Birdybrid@yahoo.com Tsov rog hauv Lub Teb Chaws Nplog tiam thaum ntawv nws yeej muab nyob txhua thaj chaw tsis yog hauv Tiaj Rhawv Zeb xwb hais tau hais tias yeej muaj kev sib ntaus sib tua yuav luag txhua hnub li los yog tub rog nyob rau txhua qhov chaw tuag yuav luag txhua hnub. Cov Nyoob hoom tshuab ntsuab ya mus thauj cov tub rog raug Nyab Laj tua tuag tom tshav rog los rau Looj Ceeb muab ntaub dawb kauv lub cev zoo zoo thauj los txog tej niam tej txiv kwv tij sawv daws nyias mam li mus txheeb nyias tus neeg. Muaj tej tug ces yeej ntsoog tag lwj tag lawm thaum pom twb nco tsis tau lawm. Kev sib ntaus sib tua nyhav nlove li ntawv los yog vim tias Tog Pab Thej Laus thiab cov Nyab Laj lovem Teb lawv yuav tsum ntaus kom tau Lub Teb Chaws Nplog kom sai sai rau 2-3 xyoos tom ntej no. Tsov rog loj tiag tiag Hauv Teb Chaws Nplog nws yog ib cheeb tsam ntawm Tiaj Rhawv Zeb. Nyab Laj taug txoj kev 7 thiab kev 13 tuaj mus hla sab Tiaj Rhawv Zeb yog tias Nyab Laj thiab cov Pab Thej Laus lawv muaj peev xwm ntaus tau sab Tiaj Rhawv Zeb tawg lawm ces Nyab Laj muaj peev xwm hla tau los rau sab Xam Las Phus Khoos qhov uas yuav txeeb kom tau lub Lub Nroog Vientiane nws yooj yim xwb. Koos Thav Phaj 2 ntawm Nom Tswv Nplog Tog Sab Xis uas yog Nais Phoos Vaj Pov lawv lub luag hauj lwm yog tiv thaiv nyob rau sab Xeev Khuam Tiaj Rhawv Zeb ntawv. Txoj kev sib ntaus sib tua tsis hais peb tog los yog Nyab Laj thiab cov Pab Thej Laus sawv daws puav leej ploj tuag tib yam nkaus tiam sis cov tuag coob tshaj yog cov tub rog Nyab Laj lovem Teb vim tias Meskas bombs nyhav heev(1966-1969) tsis hais nruab hnub hmo ntuj cov B-52 los bombs nyhav nlove li ntawv cov nyoob hoom Aiv Phoos (Jets) los yeej ya tuaj mus bombs txhua thaj chaws qhov uas muaj Nyab Laj nyob thaum Nyab Laj tuaj nce khais cov nyoob hom Aiv Phoos tuaj tua raws ntug khaib sab nrauv cov F-4 yog ya tuaj mus tiv thaiv lub B-52 thaum lawv ya tuaj mus bombs cov Nyab Laj. Cov Tub Rog Nyab Laj lovem Teb uas kuv hais tias tuaj txog 12 Koos Phoos tuag yuav luag tag nyob rau 3 lub xyoos (1966-1969) no Tog Nom Tswv Nplog Sab Xis muaj peev xwm pushed tau cov Pab Thej Laus thiab Nyab Laj lovem Teb thim ntawm Tiaj Rhawv Zeb mus rau tom ciam teb Nyab Laj tag nrho. Nws yog ib qho uas ua rau cov Pab Thej Laus kam los mus nrog Tog Nom Tswv Nplog Sab Xis rub rooj Ces Lab Cas nyob rau thaum ntawv kom ob tog nres txoj kev sib ntaus sib tua tsis pub koj cov tub rog tuaj rau kuv sab tsis pub kuv cov tub rog tuaj rau koj sab. Tiam sis thaum ob tog nres txoj kev tsis sib ntaus tsis sib tua lawm Nyab Laj lovem Teb thiab cov Pab Thej Laus lawv tau yuam cai .xa tub rog tuaj mus txeem txhua thaj chaw tag li lawm lawv tsis ua raws li qhov sawv daws tau cog lus tseg. Thaum ob tog Ces Lab Cas tsis sib haum rov qab sib tua dua thaum ntawv Nyab Laj twb nyob puv txhua thaj chaw lawm. Hnub ntawv Tsim Meej rov qab hauv Looj Ceeb tuaj txog rau tom Tshav rog twb yuav tsaus ntuj thaum lub nyoob hoom kiv tshuab xav Tsim Meej lawv pab ntawv mus tsaws ho muaj ib pab tub rog los mus so lub nyoob hoom ntawv thauj pab tub rog ntawv rov los rau Looj Ceeb lawm. Hmo ntawv yuav tsaus ntuj Tus Nais Koos Phas hu cov Nais Thab Ham txhua tus los sib tham sab laj kom nyias mus hais rau nyias cov tub rog kom npaj kom txhim vim tias cov tub muab xov xwm tau mus muab xov xwm los txog lawv tau los hais tias muaj Nyab Laj coob heev npaj yuav ntaus kom tau lawv lub khaib ntawm no sai sai rau ib hmos ob hmos tom ntej no kom sawv daws npaj kom txhij tsis txhob plom moj. Nyab Laj ntaus lawv khaib zaum no yuav tsis zoo li txhua zaug lawm tej zaum mas Nyab Laj yuav cia li tib teg ntaus kiag kom thoob plaws qab teb lovem teb nws yuav yog ib nplua rog loj heev kom ib tsoom tub rog txhua tus sawv daws nkaum rau tej kwj hoob,, tej qhov taub kom zoo npaj tos. Thaum Tsim Meej hnov li ntawv tag ua rau nws nco Paj Yeeb heev nws rov qab mus txog rau hauv nws lub qhov taub nws thau Paj Yeeb daim duab coj los saib muab hnia ib pas tag nws muab puag rau ntawm nws lub hauv siab ua rau nws rov qab nco txog Paj yeeb thaum nws thiab Paj Yeeb tseem nyob rau Zos Hav Deb Dub nkawv niaj hnub ua ke tsis hais mus ua teb mus ce dej cug dej ob leeg sib tuav tes rawv mus ua kev koj saib kuv kuv saib koj...koj luag rau kuv kuv luag rau koj....los nag ob leeg kwv ib daig nplooj tsawb ua ke. Nkauj Dab Los Tos Xyum Part 2 |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...