Tsim Meej thiab Paj Yeeb 3
Tus Sau: Hmoob Khej3 Email: [email protected] (thov txim yom nyob rau zaj 2 kuv sau tag los no kuv hais tias Koos Phas 562 yog Koos Phas tub rog Nyab Laj nyob rau Tim Rhawv Zeb npaj yuav tuaj ntaus Khaib Npab Nas....qhov tseeb tiag tsis yog Koos Phas xwb...tiam sis nws yog 1 koos phoos diam...thiab Koos Phoos 562 nws tsis yog nyob Tiaj Rhawj Zeb Koos Phoos 562 ntawm no nyob rau Luam Phab Npas...Koos Phoos Thab Ham Nyab Laj Qaum Teb uas nyob rau Tiaj Rhawv Zeb thaum ntawv yog Koos Phoos 317....Koos Phoos 317 ntawm no yog cov uas tuaj mus tua Zos Paj Doos thaum xyoo 1963...tom qab ntawv kawv thim los rau sab Tiaj Rhawv Zeb...lawv rov qab mus rau Nyab Laj Teb tag lawm...txog rau xyoo 1968-69 lawv rov qab tuaj tua nyob rau sab Tiaj Rhawv Zeb hauv Khaib Npab Nas zaum no.Lub sij hawm thaum ntawv Nyab Laj tuaj rau hauv Teb Chaws Nplog tag nrho yog 3 Koos Phoos loj loj xws li yog Koos Phoos 317 nyob rau Tiaj Rhawv Zeb, Koos Phoos 562 nyob Luam Phab Npas thiab Koos Phoos 414 uas yog tuaj mus ntaus nyob rau sab Pham This) Tom qab mloog Nais Koos Loi piav li ntawv rau tub rog txhua tus mloog tag muaj ib yawg hluas ntawm Tsim Meej lawv koos loi thiaj li tau nug hais tias "Yawg Loj Nais Koos..Koos Phoos 317 puas yog cov nyuag uas tuaj tua peb tim Zos Paj Doos?" Nais Koos teb tias "Yog kawg...pab nyuag ntawm no ntag cov nyuag uas tua peb tim Paj Doos ntag" Yawg hluas ua ntsej muag ntshaus ntsho ua ntej nws yuav teb hais tias "kuv niam kuv txiv kuv 2 tug tij laug 1 tug muam tuag tag huv si tim Zos Paj Doos lawm...kuv tos nrhw Koos Phoos nyuag ntawm no tuaj lawm xwb tiag...kuv yuav pauj kua zaub ntsuab ntag"... "Me tub...kuv xav tias koj yeej yuav tsum tau ntsib Koos Phoos 317 no xwb ntag....cov nyuag dev twb liab ntawm no ntag lau yog cov nyuag raws peb rau ub rau no....tuaj tua peb tim Zos Paj Doos tag...peb khiav los rau Pham Qhaum tseem raws peb txog Pham Qhaum tuaj tua peb...khiav los txog rau Looj Ceeb tseem yuav tuaj tua peb thiab...zaum no ua nwg kom tsis pub ib tug dim rov qab mus li seb" Nais Koos Phas Hais. Tsaus ntuj zuag Nais Koos Phas xaj kom txhua tus nyias nyob nyias chaw kom zoo cov uas zov nyas los zov kom zoo. Nyab Laj yuav tsum ntaus lawv khaib ua ntej yuav txog caij ntuj nag thaum nag yuav nqis vim tias yog Nyab Laj cia txog caij ntuj nag mam li tuaj ntaus ces yuav nyuaj heev vim tias los nag lawm ces txhua yam tsis yooj yim. Tsaus ntuj zuag nyuam qhuav noj hmo tag xwb 2 lub nplaum uas lawv caws rau nram qab khaib tib txhij tawg "Npoog npoog" sib lawg liag. Txhais tau tias Nyab Laj twb tuaj txog tsis dab nram qab khaib lawm Nyab Laj tuaj dawm lawv 2 lub nplaum lawv caws es nplaum tawg Tag ntawv tsis ntev xwb twb tsis muaj 10 nas this Nyab Laj rab phom loj 130mm tim Phus Vias tua tuaj mus rau saum Khaib Npab Nas. Nyab Laj tua phom loj heev tiag tiag tuaj mus rau lawv kwv yees li 30 seconds tua tuaj 1 zaug mos txwv phom loj 130mm tuaj poob saum lawv khaib muaj 4-5 lub dua li cov ces tuaj poob qaum khaib thiab dhau zog lawm. Tub rog Hmoob txhua tus nyias nkaum nyias hauv qhov taub npaj tos seb Nyab Laj puas nce tuaj ntaus lawv lawm xwb. Txhua txhua rab M16, 8 teg thiab cov M1 Carbine npaj txhij tag tos. Thaum Nyab Laj cov mos txwv phom loj tuaj poob saum khaib Nais Koos Phas tau ntaus xov tooj mus rau Looj Ceeb qhia rau tus loj paub tias hmo no Nyab Laj ntaus lawv lawm. Nais Koos Phas tau thov mus kom hu mus rau Udonthani Thaib Teb kom Meskas cov dav hlau tua rog ya tuaj pab lawv tuaj nchuav npoos raws qab khaib li 2 flights. Hauv looj Ceeb lawv kuj teb tias cia mam hu rau Udon kom Meskas pab tuaj tua 2 flights tib pliag muaj dab tsi mam li hu rov qab...Tus nyob rau hoob kas Looj Ceeb nws khwb xov tooj lawm. Thaum Tsim Meej rov qab mus txog rau tom Khaib Npab Nas lawm nws kuj tau muaj kev txhawj xeeb vim tias tshuav nws niam nws txiv nyob rau Looj Ceeb nkawv laus lawm tsis muaj tus pab mus ua teb. Tiam sis kuj ho zoo ib qho tias nyob rau Looj Ceeb Nais Phoos faib txhuv fab kas poom nqaij thiab nqaij qhuav rau pej xeem tau noj yog tias lawv muaj tub ki mus rau tom tshav rog lawm. Tshwj xeeb yog Tsim Meej nco Paj Yeeb heev vim tias thaum nws los txog rau Looj Ceeb Tim Meej tsis muaj sij hawm mus saib Paj Yeeb mus nrog Paj Yeeb tham rau qhov tias muaj tej kwv tij cov txheeb ze sawv daws tuaj nrog Tsim Meej tham txog ntawm lub teb lub chaw, kev sib ntaus sib tua ntawm tub rog Phaj 2 thiab cov Paj Thej Laus thiab Nyab Laj. Tsim Meej nws siv sij hawm los nrog sawv daws tham piav qhov tseeb rau sawv daws mloog. Peb ib txhia yeej paub txog "Koos Paj Cai" zoo tiam sis muaj ib txhia tsis paub Koos Paj Cai los yog Koos Phas Paj Cai pab ntawm no yog Hmoob Liab los sis Hmoob Communist lawv tuaj tog Paj Thej Laus thiab Nyab Laj tog lawv lub Head Quarter nyob rau Zos Noom Hej. Cov Koos Paj Cai ntawm no ua hauj lwm nrog Tog Paj Thej Laus yog li ntawv txhua zaug uas yuav luag txhua zaug Paj Thej Laus ua hauj lwm txog twg Koos Paj Cai yeej tuaj txog qhov ntawv li thiab. Zaum no kuj yog ib zaug uas Koos Paj Cai tuaj mus ntau Khaib Npab Nas nrog rau cov Paj Thej Laus thiab Nyab Laj Qaumk Teb. Cov tub rog mus Lav Tas Vees rov los txog ntawm khaib lawv hais tias lawv tau pom muaj ib pab tub rog hnav ris thsho yog tog Paj Thej Laus tiam sis ho hais lus Hmoob cov ntawm no ces txawm yog tub rog Koos Paj Cai ntag. Pab ntawm no tau tuaj soj ntsuam xyuas ze rau Khaib Npab Nas tej zaum tsis dhau hmo no los yog tag kis hmo xwb Nyab Laj pib ntaus Khaib Npab Nas lawm ntag. Khaib Npab Nas yog ib lub khaib loj nws nyob siab li 1,800 feet lub khaib ntawm no muaj tub rog Hmoob nyob coob txog 300 tawm leej los yog 3 koos loi nyob rau sauv riam phom tiv thaiv nyob rau sauv lawv kuj muaj 2 rab phom Las Miv Tais nrog rau 3-4 rab 60 thiab nrog rau cov hoob pob M26 Grenade coj tuaj tso rau ntawm ntug kwj hoob 3 dag ib thav puv nkaus txhia chaw phom loj 105, 106 lawv tsis muaj. Hmo ntawv tsaus ntuj Tsim Meej tus nais koos loi los hais rau txhuas tus tub rog kom ceev faj kom zoo tej zaum tsis dhau hmo no Nyab Laj qhib ntaus lawv lawm ntag "tub rog txhua tus yuav tau nyias ceev faj nyias tus kheej kom zoo nkaum tej qhov taub los sis kwj hoob kom zoo Koos Phas tub rog Nyab Laj Qaum Teb uas yog Koos Phas 562 nrog rau cov Paj Thej Laus tam sim no nyob nram peb tej qab khaib puv tag lawm lawv tsuas tos qhas xaj pem Vieng Xai tuaj lawm xwb li cas los tsis dhau hmo no lawv yuav tsum nce peb khaib xwb xwb li ntag....kuv mam li hu mus rau Looj Ceeb kom lawv xa cov aiv phoos tuaj nchuav npoos 2 lwm ncig qab khaib pab peb thiab" Nkauj Dab Los Tos Xyum Part 2 |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...