Ling Lee Txoj Kev Ua YeeB Yaj KiaB Thiab Hu Nkauj
Keeb Kwm Ling Lee
Ling Lee (lim Lis) yog ib tug ntxhais Hmoob Suav, nws nyob rau lub Xeev Kua Xim (Quang Xi)Teb Chaws Suav.
Ling muaj 2 tug viv ncaus thiab 4 tug nus. Ling yog tus ntxhais ntxawm. Nyob rau ntawm Ling tus kheej nws nyiam sau nkauj thiab hu nkauj. Ling pib hu nkauj Hmoob thaum xyoo 2005. Thaum Lim nyuam qhuav hu nkauj ntawd nws tus nus hu ua Xeev Tej Lis ua tus sau cov nkauj rau nws hu. Txij thaum ntawd los rau tam sim no Lim twb hu nkauj tau 7 lub xyoo thiab nws tawm tau 5 daim nkauj lawm. Daim nkauj thib 4 cov nkauj nyob rau hauv yog Ling tus (sponsor) tub txhawb nqa Jerry Yang ua tus sau cov nkauj rau nws hu. Txhua Zaj nkauj ntawm Ling, nws tus nus uas yog Xeev Tij Lis yog tus ua cov suab nkauj tag nrho rau nws. Thawj zaug uas tu siab tshaj plaws ntawm Ling lub neej yog lub caij thaum uas nws txiv tau tag sim neej tso nws thiab tsev neeg tseg nyob rau xyoo 2001. Thawj thawj zaug uas Ling zoo siab tshaj plaws ntawm Ling lub neej yog thaum uas nws txiv mus ua luam twm es yuav tau ib ce khaub ncaws tshiab los rau nws hnav. Lim txiv yog tus uas ua nws zoo siab tshaj plaws thiab kuj yog tus uas ncaim lawm es nws tu siab tshaj plaws hauv lub neej tib yam nkaus.. Tus ntxhais Ling no nws tuaj thawj zaug rau teb chaws Mes Kas yog xyoo 2009, dhau nov nws kuj tuaj rau teb chaws Mes Kas no ntau ntau zaus thiab tau mus koom tsiab 30 Hmoob rau ntau ntau lub Lav. Dhau ntawm kev hu nkauj lawm Ling kuj yog ib tug ntxhais uas tau pib tsim tsa lub Koom Haum npe hu ua“Hmoob Suav Teb Org”. Hmoob Suav Teb Org, yog ib lub Koom Haum tsa los khaws Hmoob li txuj ci teej tug txog kev hu nkauj , kev ua yeeb yaj kiab (movie) kom peb Hmoob thoob qab ntuj suav daws tau saib. Thawj zaj yeeb yaj kiab (movie) ntawm Hmoob Suav Teb Org,yog hu ua “ Nkauj Nyab Pob Ntxha”. Npaj siab pab yuav coj mus saib, yuav tawm sai sai rau lub tsiab 30 no thiab rau cov khw Hmoob uas nyob ze ntawm koj ko. Ling tau hais rau ib tsoom Hmoob thiab nws tej phooj ywg li nram qab no tias: "Kuv yeej vam thiab yuav thov kom peb hmoob sawv daws los sib pab. Yog nej xav tau kuv cov nkauj los movie. Sau ntawv thiab email rau kuv raws li nram no." Ling Lee ( Lim Lis) Tus Email: hmoobsuavteb@hotmail.com |
3haivhmoob.com thov ua tsaug rau tus muam Ling Lee uas muab koj lub sij hawm muaj nqis los nrog peb sib tham txog neb tej keeb kwm rau ib tsoom phooj ywg Hmoob tau paub.
|
Koj xav kom peb cov tub ntxhais Hmoob Tsim Kho kev ua yeeb yaj kiab los yog nkauj li cas thiaj zoo ntxiv lawm tom ntej tawm tswv yim rau nram qab no.
Widget is loading comments...
