Pov Thoj Lub Neej
Thov caw nej los nrog peb lub
website www.3haivhmoob.com Taug tub hu nkauj suab kub lub neej thiab nws tej keeb kwm hais tias nws yog leej twg ? Ua li nws ho ua tau dab tsi tseg rau tom qab no rau nws tej phooj ywg thiab niam txiv khaws cia. 1. Pov Thoj Yog Leej Twg? 2. Pov Thoj Ncaim Tau Tsawg Xyoo Lawm? 3.Pov Thoj Tsev Neeg Nyob Li Cas Lawm? 4. Pov Thoj Nyiam Ua Dab Tsi Nws Lub Neej? 5. Pov Thoj muaj tsawg tus kwv tij? 6. Pov Thoj poj niam menyuam ne nyob li cas lawm? 7. Pov Thoj puas muaj tub kis tseg rau tom qab thiab? 8. Pov Thoj tsev neeg nyob lub zos twg? 9. Pov Thoj tus tij laug Viv Thiab cov kwv lawv ho ua dab tsi? 10. Yuav nrog lawv tham tau li cas? Ua ntej tshaj plaws kuv thov ua tsaug rau kwv Viv Thoj thiab nws tsev neeg uas tso cai rau peb lub Vej Xaij no los taug me ntsis keeb kwm ntawm Pov Thoj thiab muab nplooj vas sab ntawm no ua Pov Thoj ntiag tug kom nws tej phooj ywg tau tuaj saib ua chaw nco. Peb mus taug cov nqi lus nug saum toj no: 1. Pov Thoj yog leej twg? Pov Thoj yog peb thawj tug tub Hmoob hu nkauj uas hu tau lub suab seev txawv dua lwm tus tib si thiab nws tsis tau qog ntawm leej twg los li. Cov nkauj Pov Thoj hu nws tsim tawm thiab muab suab ntawm tus kheej xwb. Pov Thoj lub suab nkauj qab zib heev li leej twg tau mloog lawm tsis dhuav thiab zaj nkauj yeej zwm rau tus tib neeg mloog ntawd nruab siab kiag. 2. Pov Thoj Ncaim Tau Tsawg Xyoo Lawm? Pov Thoj tau ncaim nws tsev neeg thiab nws cov phooj ywg uas mloog nws tej nkauj (cov fans) nyob rau lub 1 hlis ntuj hnub tim 17 xyoo 1999 (01/17/1999) los txog tam sim no (2012) twb tau 13 lub Xyoos lawm. 3. Pov Thoj Tsev Neeg Nyob Li Cas Lawm? Pov Thoj niam thiab txiv nrog rau tsev neeg kuj tseem nyob zoo. Lawv nyob rau lub zos Khej Me, Thaib teb. 4. Pov Thoj Nyiam Ua Dab Tsi Nws Lub Neej? Pov Thoj yog ib tug me tub mloog lus pab niam pab txiv, ua ib tug qauv zoo rau tej muam thiab tej kwv yau. Nws nyiam ntaus kev phooj ywg rau tej phooj ywg ib phaum, tej laus thiab tej me nyuam yaus tib sis yog li ntawd Pov Thoj thiaj li muaj txhua phaum phooj ywg, qhov no yog raws li nws tej laug Viv Thoj tau qhia rau peb. Nco Qub Hluas Nkauj
|
Ncaim Ua Zaum Kawg
5. Pov Thoj muaj tsawg tus kwv tij? Thiab lawv yog leej twg? Pov Thoj muaj kwv tij thiab muam tag nrho yog 9 leeg. 2 tug muam 7 leej kwv tij. Ntawm cov kwv tij muaj xws li: Viv Thoj, Coob Thoj, Phiab Thoj , Meej Thoj thiab tshuav qee leej tsis tau teev npe rau nov, lawv cov no kuj nyiam hu nkauj, sau nkauj ib yam nkaus Pov Thoj. Tsis tas li xwb lawv tseem yog cov tub Hmoob ua yeeb yaj kiab (Hmong movie Stars) rau peb tsoom Hmoob tau coj los saib deev siab laug hnub laug hmo thiab.
6. Pov Thoj poj niam me nyuam ne nim no ho nyob li cas lawm thiab? Tom qab Pov Thoj tau tso sawv daws tseg lawm, nws poj niam kuj tau mus ua lub neej rau tom ntej raws li Hmoob tej kab lig kev cai lawm vim tsis muaj tus yuav los ntaus thawj rau kev coj noj coj ua rau hauv yim neej li yad tag los . 7. Pov Thoj puas muaj tub kis tseg rau tom qab thiab? Pov Thoj thiab nws tus txij nkawm thaum nws tseem ua neej nyob nkawd kuj muaj ob tug me nyuam. Ib tug yog tub ib tug yog ntxhais. Tus tub lub npe hu ua: Ceeb Kee Thoj thiab nyuam qhuav yuav poj niam tsis ntev tag los no. Pov Thoj tus ntxhais cia nrog niam mus ua neej tom ntej lawm tab sis tam sim no tseem nij hnub kawm ntawv xwb tsis tau yuav txiv. Nws npe hu Maiv Ntshiab Thoj. 8. Pov Thoj tsev neeg nyob lub zos twg? Tam sim no lawv nyob rau lub zos Khej Me, nroog Qhaum Qhaub, Xeev Phev Tshab Npus, Thaib Teb. 9. Pov Thoj tus tij laug Viv Thiab cov kwv lawv ho ua dab tsi? Lawv sau nkauj, sau dab neeg yeeb kaj kiab (sau movies) , txiav yeeb yaj kiab, xa tuaj muag rau teb chaws mes kas thiab lwm lub teb chaws uas muaj Hmoob nyob. 10. Yuav nrog lawv tham tau li cas? Sau ntawv thiab hu xov tooj rau lawv raws li nram no: Viv Thoj Phone: 01166861292402 Email: vivthoj@gmail.com Interviewed Vi Thao On: 03/03/2012 Kawg no thov ua tsaug rau tsev neeg ib zaug ntxiv tsis tas li xwb Pov Thoj tsev neeg thov ua tsaug rau nws cov phooj ywg mloog nkauj uas tseem pab lawv nco txog Pov Thoj es nij hnub no tseem khaws Pov Thoj tej nkauj los mloog ua dab muag. Vas Sab 3haivhmoob thov kom Pov tus ntsuj plig mus zoo thiab Pov fwm sawv daws cov nyob tom qab.
Ua tsaug ntau. 3Haiv Hmoob Admin. |
Muaj lus rau pov thoj tsev neeg los yog rau Pov Thoj sau rau nram qab no. Ua Tsaug.
Widget is loading comments...
