Tsim MeeJ ThiaB PaJ YeeB Kev Hlub Nrog Tsov Rog -5
Hmoob Khej3
birdybrid@yahoo.com Tsim Meej Thiab Paj Yeeb 5 Tus hluas ua nws niam nws txiv nws ob tug tij laug thiab tus muam raug Nyab Laj tua tuag tag thaum xyoo 1963 nyob Zos Paj Doos nws chim siab dhau heev li lawm nws thiaj li tawm xov pos hlau sab nrauv mus muab cov niag Nyab Laj tuag ntawv cov taub hau txiav tau 5 lub coj los pauj rau nws cov neeg uas raug Nyab Laj tua tuag. Thaum nws muab pauj dab tag lawm nws mus txiav xyoob coj los txhos muab cov niag taub hau Nyab Laj ntawv coj los txhos rau saum tus tswg xyoob muab khaub nyab coj los pav tus xyoob ntawv ua ib tug maj zeej (Scarecrow) muab tig ntsej muag mus rau sab hnub tuaj nws txawm mus ntua rau cov niag taub hau Nyab Laj ntawv tias "Nej tuaj sab hnub tuaj tuaj nawb....nej rov qab lawm sab hnub tuaj...nej tuaj ua rog nrog peb...nej tsis yeej peb nawb" nws ua ib niag maj zeej taw tes lawm sab hnub tuaj kom coj cov niag Nyab Laj uas tuag ntawv cov ntsuj plig lawm sab hnub tuaj uas yog Nyab Laj Teb. Hnub ntawv Tus Loj nyob rau Looj Ceeb nws siab tsis kaj xav tias yuav tsum muaj xwm txheej tshwm sim rau Khaib Npab Nas lawm xwb (Khaib Npab Nas ntawm no ib txhia lawv hu ua Nas Kas los yog Nas Qhas)nws thiaj li tau tso ib pab tub rog nce lub roob tsuas uas sab hnub tuaj ntawm Looj Ceeb (Skyline Ridge) tuaj mus rau saum ncov roob hu xov tooj tiv tauj lawv seb ua li cas lawm. Thaum ntawv thiaj li mam hu tau sawv daws thiaj li mam sib tham. Nais Koos Phas los kuj qhia txog tus xwm txheej nag hmo rau pab ntawv thiab thov kev pab kom hauv Looj Ceeb pab xa lub puav cov nyoob hoom tshuab ntsuab tuaj mus thauj cov tuag thiab cov raug mob rov lawm Looj Ceeb thiab thauj mos txwv riam phom tuaj ntxiv lawv vim tsis paub tseeb tias hmo no Nyab Laj yuav rov nce lawv khaib dua thaum twg...thiaj tshwj xeeb yog zaub mov noj thiab dej haus. Tus Loj kuj tau hais tias nws mam xaj kom nyoob hoom tuaj tam sim no. Tub rog txhua tus lawv puav leej npaj siab tos seb thaum twg Nyoob hoom mam li tuaj txog tuaj mus pov dej thiab pov mov los rau lawv noj vim ib tag kis laus tav li no sawv daws tshaib plab thiab nqhis dej heev. 30 Nas This tom qab ntawv sawv daws thiaj li mam hnov lub suab nyob hoom tshuab ya nrov nplhawj nplhawj tim npoo roob tuaj 4 lub nyoob hoom tshuab ntsuab ya tuaj thiaj li tuaj mus tsaws kiag rau saum khaib. 4 lub nyoob hoom tshuab ntawm no yog thauj mos txwv thiab nplaum thiaj luj tem tuaj rau lawv. Tom qab thau cov koom nyoob hoom thauj tuaj ntawv tag thiaj li muab cov tub rog raug tuag thiab raug mob ntsaws tsuag tsuag rau hauv nyoob hoom tseem tab tom yuav pib ya mus xwb Nyab Laj tua phom loj tuaj "npoog...npoog npoog" 3 teg sib lawg tiam sis zoo li Nyab Laj ntswj Nyaj Laj rab phom loj tua tuaj mus dhau lawv lawm mos txwv phom loj tsis poob rau saum khaib hos poob rau nram qab khaib tag lawm 4 lub nyoob hoom tshuab yav rov qab rau Looj Ceeb tag lawm. 15 Nas This tom qab ntxiv muaj ib lub nyoob hoom tshuab thiaj li mam ya rov qab tuaj thaum no nws tsis kom los tsaws lawm nws ya siab siab puag saum ub lawm xwb thaum ya tuaj ncaj lawv khaib nws pov tau 2 pallets khoom los rau lawv. Ob pallets khoom uas nyoob hoom ya tuaj pov rau lawv ntawv muaj ib pob yog "Nab Kuab" (Ice) muaj ib pob ces yog "Qhaub Heeb" los yog mov nkig. Hnub ntawv sawv daws nyob ib hnub yuav luag tsaus ntuj Nyab Laj mam li pib tua rab Les Kas 82 tuaj mus rau saum lawv khaib dua (rab phom loj Les Kas 82 ntawm no kuv xav tej zaum yog rab M43 Mortar..xyov puas yog li ntawv los tsis yog). Hmo ntawv tsaus ntuj sij hawm 6 moos tawm xwb Nyab Laj rov pib ntaus lawv dua. Nyab Laj tua Les Kas 82 tuaj tag zog nrog rau cov RPG tawg pig poog txhia chaw sawv daws cov suab phom me nrov tsaug zim txhia chaw Nyab Laj cov AK47 thiab cov Xes Kas Xes (SKS) nrov ib zag ib zag sab nraum xov pos hlau tuaj rau lawv. Cov Nyab Laj nyob coob rau sab khaib sab hnub tuaj sab qaum khaib Nyab Laj ho tsawg zog tsuas hnov tus Nais Nyab Laj lub suab nthe ib sij nthe ib lwm xyov yog nws nthe kom cov tub rog nce tsuag tsuag mus los yog ua cas tsis paub vim tsis muaj leej twg paub lus Nyab Laj. Tsis ntev xwb Nyab Laj twb nce tuaj txog ntawm ntug xov pos lawm Nyab Laj tua RPG thiab phom loj tuaj mus khoo Tsim Meej lawv tog tsa tsis tau taub hau hlo liNyab Laj twb txiav txoj xov pos hlau tu lawm Nyab Laj twb nkag los yuav txog ntawm tus ntug kwj hoob qhov uas sawv daws nkaum lawm tiag. Yog hais tias tsis ua ib yam dab tsi los tiv thaiv ces tib pliag xwb Nyab Laj ntaus lawv khaib tawg lawm ntag. Nais Koos Phas thiaj li xaj kom tub rog coj ib lub Mine 18 (Claymore Mine) coj mus teeb kiag rau ntawm ntug xov pos muab kiag sab sau hais tias "Toward Enemy" tig kiag rau sab nram cov Nyab Laj nyob tus tub rog rog ntawv nkag ceev ceev los rau hauv kwj hoob thiaj li mam zuaj lub Mine "Npoog...." ua nwg sab ntawv laub lug rau hauv qab khaib Nyab Laj tuag tag nrho tsis tshuav hlo ib tug...cov tuag los tuag cov raug mob ces nti npaum qaib huaj cheej plas ntawv rau hauv qab khaib. Mine 18 tawg tsis dog dig nws muaj peev xwm thas lais tau mus deb li 300 Mev (meter) qhov uas Nyab Laj ntshai ces txawm yog ntshai cov Mine 18 ntawm no thiab cov Npoos Npib (Cluster Bomb) xwb rau qhov hais tias Npoos Npib tawg nws tawg puv toj puv pes tag Nyab Laj txawm nyob rau qhov twg nkaum rau qhov twg los yeej tuag..tsis tuag twb raug mob. Nais Koos Phas xav tias yog tias muaj cov Mine 18 ntawm no ntau lub ces hmo no lawv muaj peev xwm yuav tiv tau Nyab Laj ib hmos kaj ntug tiam sis zoo li lawv tshuav 2 lub xwb twb muab ib lub tua lawm tshuav tib lub lawm xwb. Cov tub rog Nyab Laj tuag sis laub sis lug rau hauv qab khaib cov tuag lawm los nws tuag nws cov tsis tau tuag tseem nce rua ib pab rov tuaj ntaus lawv dua zaum no zoo li Nyab Laj nce tuaj mus coob dua txhua zaug txhua txhua sab ncig lawv khaib yeej hnov Nyab Laj nthe txhia chaw zaum no Nyab Laj nce tuaj mus coob heev zoo li tuaj tag nrho 1 koos phoos nyab laj li ntag. (1 Koos Phoos Nyab Laj muaj 10,000 tus tub rog vs 300 tawm leej tub rog Nplog Tog Sab Xis....nej xav tias coob los tsawg...1 tug tub rog Hmoob tua nrog 200 tawm tus Nyab Laj...xav seb...ua cas thiaj li yuav tua yeej) Nias Koos Phas rov kom coj Mine 18 mus tua dua tom qab lub suab Mine 18 tawg tag sab qaum Khaib twb tawg lawm Nyab Laj twb nkag tau sab qaum khaib los mus puv saum Tsim Meej lawv khaib tag lawm. Nyab Laj xuas RPG tua tawg pig poog rau txhua lub qhov taub lawv nkaum thiab tua raws rau cov kwj hoob uas tub rog txhua tus nkaum cov tub roog Hmoob txhua tus tuag tag nrho tshuav 11 leej tub rog thiab tus Nais koos Phas kiav dim lawm. Tsim Meej nws tus kheej tsis tuag tsis raug mob li cas tab sis nws raug Nyab Laj ntes tau nrog rau 13 tus tub rog tag nrho yog 14 leeg. Lub sij hawm thaum Nyab Laj ntaus lawv khaib tawg yog ntaus sab qaum khaib tuaj. Nyab Laj xuas Lauv Tham (T70 Tank) tuaj mus luam thaum lauv tham tuaj mus luam txoj xov pos hlau vau lawv kov tsis yeej Nyab Laj thiaj li nkag tau los tua lawv ua rau lawv swb. Ho hais txog li ntawm pab uas khiav dim 12 leeg thaum lawv khiav dim hmo ntawv lawv tau hla los txog rau sab "Thaj Tas Nplees" los kaj ntug rau Thaj Tas Plees lawv thiaj li mam hu rau Looj Ceeb nyoob hoom mam li tuaj nqa lawv los mus rau Looj Ceeb. Hais txog li ntawm Tseem Meej lawv pab 14 leeg uas raug Nyab Laj txhom tau Nyab Laj muab lawv coj mus kaw rau lub Zos Moos Xees uas yog ib lub nyuag me nyuam zos me me nyob ze ciam teb Nplog thiab ciam teb Nyab Laj. Xov xwm hais tawm nyob rau "Xov Tooj Cua Laus Luas Phauj" hais tias Nyab Laj ntaus txhua thaj chaw tag tag nrho lawm. Nyob rau Nas Kas los tawg, Pham thib los tawg, sab Luam Phab Npas los tawg, txhia chaw tawg tag huv si lawm. Qhov xov xwm ntawm no ua rau tus loj tsis tso siab.....tseeb tiag yog Pham Thib tawg....tsis tag li ntawv xwb muaj ib txhia tub rog tseem raug Nyab Laj ntes tau lawm thiab (1968-69). Txog rau xyoo 1971-72 thaum lub 6 hli ntuj Tus Loj thiaj li hu yawg Commandant Vaj Xwm tus thawj coj ntawm pab tub rog Commando uas yog ib pab tub rog "Special Force" lawv pab ntawm no tau trained los mus ua tsov rog Guerilla thiab tus Xem Nas Thib Kas Koos Thav Phaj 2 los mus sib thaj. Rooj sib tham zaum no nws yog ib qho "Top Secret" tsis muaj leej twg paub li tsuas yog lawv 3 leeg xws li Tus Loj, Commandant Vaj Xwm, thiab tus Xem Nas Thib Kas Koos Thav xwb. Lawv lub luag hauj lwm los yog lawv qhov mission zaum no yog mus tua Moos Xees los yog mus "Npuv Moos Xees mus tso cov tub rog thiab Meskas cov tub tsav dav hlau uas raug Nyab Laj txais poob coj mus kaw rau Moos Xees kom lawv dim los. Txog rau hnub uas pab tub rog Commando ntawm no lawv yuav mus ua hauj lwm tso cov neeg raug txim nyob rau Moos Xees Tus Loj thiaj li tau los tham rau sawv daws tias tias " Txoj hauj lwm uas nej sawv daws yuav tau mus ua zaum no yog mus tua Moos Xees. Raws li hauv daim Map nej twb pom lawm tias Moos Xees nyob ze ciam teb Nplog heev tsis txog 30 Kilometers....tiam sis tsis ua cas Nyab Laj muaj peev xwm ntaus tau qhov txhia chaw tawg tag...peb yeej muaj peev xwm ntaus tau Moos Xees tawg tib yam nkaus thiab...nej muaj 2 txoj hauj lwm tseem ceeb yuav tau ua xws li yog mus tua lub nkuaj kaw neeg nyob rau Moos Xees mus tso kom tau cov tub rog Nyab Laj ntes lawm rov qab los....thiab mus tua Nyab Laj cov txhab mos txwv riam phom thiab cov Lauv Tham (Tanks) uas nyob rau Moos Xees....txoj hauj lwm no tseem ceeb heev tsis pub leej twg ua mistake li. Lawv pab tub rog Commando ntawm no muaj 36 leeg lawv faib ua 3 teams. Team thib 1 mus tua lub nkuaj nyob rau Moos Xees. Team thib 2 mus caws nplaum thiab tua Nyab laj lub txhob mos txwv riam phom thiab cov Tanks. Team thib 3 ua team pab 2 teams ntawm no thaum lawv xav tau kev pab. (Tuaj Nyeem Txuas Ntxiv -6. Qhov kawg) |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...