Tsim MeeJ ThiaB PaJ YeeB Kev Hlub Nrog Tsov Rog -1
Nias Nyeem txuas txoj2- 3 ntxiv raws cov npe peb tso ib sab nov.
Tus Sau:
Hmoob Khej3 Birdybrid@yahoo.com Zaj ntawm no yog kuv ib tug yij laug zaj kev hlub. Kuv thov muab tis npe hu ua "Tsim Meej Thiab Paj Yeeb. Xyoo ntawv nws yog ib xyoos tsov rog loj heev (1966) nyob rau Lub Teb Chaws Nplog vim tias cov Paj Thej Laus (Nplog Liab) thiab Nyab Laj Qaum Teb sib koom tes ua ke tua nrog tog Nom Tswv Nplog uas yog Nplog Tog Sab Xis. Tub Rog Nyab Laj Qaum Teb tau tuaj mus pab cov Pab Thej Laus txog 12 Koos Phoos (120,000 tus tub rog) tuaj mus tua sab "Tiaj Rhawv Zeb" uas nws yog ib thaj chaw tiv thaiv tseem ceeb rau tog nom tswv Nplog Sab Xis. Lub sij hawm thaum ntawv Asmeslivkas muab kev pab cuam ntau heev rau nom tswv Nplog Tog Sab Xis uas yog ya lawv cov dav hlau tua rog uas yog cov B-52 tuaj mus bombs cov cov tub rog Nyab Laj Qaum Teb nyob rau sab Tiaj Rhawv Zeb Ameslivkas bomb nnyhav heev li tiam sis kuj tsis ua rau cov tub rog Nyab Laj Qaum Teb swb npaum li cas. Nais Phoos Vaj Pov thiaj li nrhiav cov tub hluas khov kho coj mus ua tub rog tiv thaiv lub teb lub chaw uas yog uas yog xa coj mus ntaus rog tiv thaiv nyob rau sab Tiaj Rhawv Zeb vim hais tias thaum ntawv tub rog los tsis txaus hos Nyab Laj los tuaj coob heev. Thaum ntawv lawv sau tub rog tuaj mus txog rau lub "Zos Hav Zeb Dub" thaum ntawv "Tsim Meej" yog ib tug tub hluas muaj hnub nyoog 18 xyoos nws tsis tau kawm ntawv tsis paub ntawv li tsuas yog niaj hnub mus pab niam thiab txiv ua teb xwb. Thaum nom tswv sau tub rog tuaj txog rau Tsim Meej lawv lub zos tus tswv zos thiaj li muab Tsim Meej ib tug nrog rau ib pab tub hluas xa mus rau Looj Ceeb npaj yuav coj mus ua tub rog tiv thaiv lub teb lub chaw. Tsim Meej tseeb tiag nws tsis xav mus ua tub rog vim nws tshuav ib tug hlub hnub nyoog 16 xyoo nyob rau hauv nws lub zej lub zos ntawm no nws tsis xav ncaim nws tus hlub mus. Tsim Meej niam thiab txiv los kuj tsis xav kom nkawv tus tub mus li thiab vim Tsim Meej yog nkawv ib leeg tub xwb tiam sis vim yog tej nom tej tswv sau lawm ces tsis pom qab yuav ua licas thaum kawg Tsim Meej thiaj li tau ncaim nws tus hlub thiab nws niam nws txiv tuaj mus ua tub rog nyob rau Looj Ceeb. Ua ntej thaum Tsim Meej yuav tuaj mus ua tub rog nws thiab nws tus hlub nkawv tau cog lus ruaj ua ke nws hais kom nws tus hluas nkauj nyob tos nws mus 2 xyoos xwb nws rov qab los thaum nws los txog lawm nws mam li los yuav nws tus hluas nkauj. Nws tus hlub los kuj tau cog lus rau nws hais tias kom Tsim Meej mus nws tso siab Paj Yeeb nyob rau tom qab nws yuav ua lub siab zoo siab dawb tos txog hnub Tsim Meej rov qab los nws yuav tos Tsim Meej rov los yuav nws xwb. Txog hnub Tsim Meej yuav sawv kev mus ua tub rog Nais Phoos Vaj Pov xa tau ib lub dav hlau kiv tshuab "Jolly Green" tuaj tsaws rau nram tiaj tos. Hnub ntawv Paj Yeeb tuaj xa Tsim Meej mus nws tuaj tos Tsim Meej nyob rau nram kev tshuam thaum Tsim Meej tuaj txog nkawv ob leeg sib tuav tes mus rau nram lub dav hlau kiv tshuab thaum Tsim Meej nce rau hauv dav hlau lub dav hlau ya lawm Paj Yeeb kua muag poob twj ywm tsis quaj los lub kua muag los nws tsis pub nws niam thiab cov viv ncaus pom tsam lawv paub tias nws nco Tsim Meej heev. Lub dav hlau kiv tshuab Jolly Green ya hla roob hla hav tsis ntev xwb twb tuaj tsaws rau Looj Ceeb lawm. Tsim Meej kawm tub rog 6 lub hlis tiav tus hlob thiaj li muab Tsim Meej thiab ib txhia tub rog xa mus tiv thaiv nyob rau sab Npab Nas ze Tiaj Rhawv Zeb. Txij hnub Tsim Meej ncaim tuaj lawm nws sau ntau tsab ntawv rau cov rov qab mus rau Zos Hav Zeb Dub kom coj mus rau Paj Yeeb nws tuaj nyob kho siab khuav rau tom tshav rog nws nco Paj Yeeb thiab nco nws niam nws txiv heev li. Nyob rau sab Npab Nas Nyab Laj tuaj ntaus lawv heev yuav luag txhua lub week Nyab Laj tuaj nce lawv khaib ntaus lawv tiam sis lawv kuj tiv thaiv tau lawv txhua zaum vim tias lawv hu dav hlau tuaj tua xwb. Ua ntej thaum Nyab Laj yuav nce lawv khaib Nyab Laj xub xuas phom loj tua ua ntej tuaj tag tso mam li tso tub rog nce khaib tuaj mus ntaus. Thawj thawj lub mos txwv phom loj poob saum lawv khaib xwb lawv twb hu mus rau Looj Ceeb tom qab ntawv hauv Looj Ceeb mam li hu mus rau Meskas cov dav hlau tua rog (F-4 Phantom) nyob rau Udonthani Thaib Teb tsis txog 20 nas this cov F-4 twb ya tuaj tua qhov chaw Nyab Laj teeb phom loj ua phom loj ntsiag tag. Tsim Meej ncaim Paj Yeeb mus ua tub rog tau 1 xyoos Nyab Laj tuaj tua lub Zos Hav Zeb Dub uas Paj Yeeb lawv nyob ua rau lub zos no tawg tej pej xeem khiav rau ub rau no tag Paj Yeeb niam thiab txiv coj Paj Yeeb lawv pab nus muag khiav los txog rau Looj Ceeb thaum Tsim Meej hnov xov li ntawv Tsim Meej rov qab tom tshav rog los txog rau Looj Ceeb los ntsib Paj Yeeb. Hmo ntawv nkawv sib tham ib hmos vim sib ncaim lawm ntev. Tsim Meej niam thiab txiv sawv daws puav leej khiav los txog Looj Ceeb tsis muaj leej twg rau Nyab Laj tua licas. Tsim Meej los nyob tau 2 weeks xwb nws rov qab raug xa mus rau tom tshav rog rov qab mus tiv thaiv. Paj Yeeb los kuj ua siab ntev nyob tos nws vim tshuav 1 xyoos lawm xwb nkawv twb yuav sib yuav tiam sis zaum no hmoov tsis muaj thaum Tsim Meej rov qab mus txog tom tshav rog Nyab Laj tuaj coob tuaj ntaus lawv. Thaum ntawv lawv kov tsis yeej cov Nyab Laj ntawv lawv tub rog tuag coob heev li. Thaum Hnov xov hais tias Tsim Meej lawv lub khaib raug Nyab Laj ntaus tawg lawm Paj Yeeb txhawj heev li tsis hnov Tsim Meej xov xyov nws ciaj los tuag li. Dav hlau kiv tshua xa cov tub rog raug tuag tom tshav rog los txhua lub cev tuag Paj Yeej kuj mus saib tag tsis yog Tsim Meej tiam sis kuj tsis hnov Tsim Meej xov hais tias nws tawg dua qhov twg lawm los yog Nyab Laj txhom tau nws licas lawm. |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...