Zos Txua Qau Thaiv DaB

Zaj Keeb kwm no tshwm sim ntawm lub zos tawg rog Phab  nab  nib khoo  ces ho kis mus txog rau  lub zos tawg rog  Xoom Na phau.  Cov neeg uas nyob rau lub sij hawm yam xwm txheej no  tshwm sim yeej paub zoo.  Nyob rau ntawm xoom phab nab nib khoo  muaj ib  tug poj suav los yog hluas nkauj suav zoo nkauj heev tau dai tuag ntawm ib tsob ntoo vaj khaum txoj kev uas tib neeg dhau kev mus los..Tom qab  tus  niam poj suav no  tuag lawm Thaib kuj tau ua ib lub tsev teev hawm rau ntawm hauv paus vaj khaum,  tib lub sij hawm no  kiag  nyob rau ntawm lub zos tawg rog xoom Na Phau txawm muaj ib tug kwv tij Hmoob  laus npau suav hais tias tus poj suav  uas dai tuag ntawm Phab Nab Nib Khoo  no nws tau los mus nrhiav txiv yuav nyob rau lub zos na phau vim nws ntshaw txiv neej  qhov chaw mos los yog tus qau.
         Kaj ntug  ces tus yawm txiv no thiaj tuaj piav rau kwv tij neej tsa kom suav daws paub es ib leeg txua ib  tug qau ntoo coj los dai ntawm qhov rooj kom tus poj dab no  nws los txog ntawm qhov rooj pom yam khoom no ces nws nqa mus lawm xwb tus txiv tsev thiaj li tsis tuag los yog muaj mob.  Tus  yawm txiv Hmoob no tham rau suav daws tag txawm muaj  ib  tug kwv tij Hmoob  saib tsis taus cov lus no nws tau hais tias yog tus poj  suav dai tuag no tseem los  ntawm nws tsev thiab mas nws muab txiag deev kom txaus txaus siab  xwb.  Hmo ntawv tsaus  ntuj  ces  tus  poj dab suav no  tau los muab tus txiv neej Hmoob no zuaj noob qes  , caij nws plab muab nws qoj ib hmos nti tsis taus li... txog ntua kaj ntug ces nws ntshai heev thiaj tau txua ib rab qau ntoo los dai ntawm nws qhov rooj thiab thov txim rau tus poj dab no.. txij ntawv los nws thiaj tsis  raug teeb meem lawm.. thaum zoo li no nrov thoob zej thoob zos ..cov kwv tij Hmoob nyob rau lub zos Xoom Na phau no thiaj tau txua qau los dai qhov rooj puv zos nkaus li.  Tej yam zoo li no tsis ntseeg los thov txhob thuam tsam mag teeb meem li tus  kwv tij hmoob no. Ua tsaug ntau rau  www.3haivhmoob.com uas muaj qhov chaws  sau dab neeg no.  Mam sib ntsib dua lwm zaus.
Sau npe:  Hmoob nyob xoom Na Phau.

Tej yam zoo li no koj puas ntseeg thiab puas txaus ntshai?

HTML Comment Box is loading comments...