Kev yuav vaj tse yog ib qho tseem ceeb rau yim tib neeg tab sis yog  ho yuav tau tsev muaj dab ces yuav nyob tsis tau lub tsev vim sij tsim kev kub ntxhov tag li xwb.
       Nyob rau ntawm lub nroog Xee Phau muaj ib lub tsev  ib yim Hmoob mus yuav tau nyob tab sis muaj dab ua rau lawv nyob tsis tau thiab thaum kawg lawv tau khiav lub tsev no tawm mus lawm. Lub tsev no mas ob niam txiv tus me nyuam tseem me hais tias nws  pom ib tug Mes kas laus laus los muab nws txhom tag li xwb ua rau nws ntshai heev thiab quaj tag li xwb tsis tas li  yog thaum twg nkawv yuav pob kws liab pob kws txaij coj los  txawb puv vaj puv tsev kom dab khiav tawm mas tus dab no haj yam npau taws rau nkawv xwb.  Tus dab no muaj peev xwm muab nkawv tej khaub ncaus hnav coj mus  ntub dej es muab  coj los dai nrog dej cua dab tsi rau ntawm tus ntaiv uas nkawv tuav es nce mus pw saum txaj. 
           Muaj ib zaug nkawv tau mus yuav ib tug aub dub coj los ua nkawv luag seb tus dab no puas ntshai...tab sis mas tus aub no  quaj cuag dab tsi ib yam li tib neeg muab pas los nplawm nws thiab  khiav los nkaum hauv nkawv ob ceg thiab xub ntiag xwb  tsis tau laug tawm li....Thaum zoo li no ces nkawv ntshai heev thiaj ua siab muab lub tsev no tso pov tseg es poob npe phem los xij.  Vim tej tsev nyob teb chaws vam meej no  ua tau ntau xyoo heev los lawm tsis paub tias tib neeg tuag tsawg phaum nyob rau hauv yog li  tej yim neeg thiaj mus yuav tau cov tsev muaj dab li no nyob.
 Kev Pab  rau tus tswv tsev:

•  Koj yuav tsev ua nej mus nyob koj yuav tau ua li cas?
  
• Koj mus xauj  tsev nyob ua ntej koj yuav ua  li cas ?
  

1. Nqa xyab ntawv mus cheb thoob plaws lub tsev hlawv rau thiab hais rau tias tam sim no koj yog tus tswv tshiab ntawm lub tsev no lawm, yeej ua ntaub ntawv raug cai  koj thiaj yog tus tswv yog tias muaj neeg los yog dab nyob lub tsev no kom lawv tawm txhob nyob lawm es nqa cov nyiaj koj hlawv no mus  nrhiav dua tsev rau lawv nyob,vim dab thiab neej nyob tsis tau ua ke. Thaum koj cheb lub tsev no  koj hais lus  Hmoob tag koj yuav tsum tau  hais lus  Mes  Kas raws  nraim li  no thiab.
2. Yog koj coj kev cai tshiab lawm, thov vaj tswv kom pab ntiab  tej yam phem hauv lub tsev no tawm mus vim koj yuav tau koj yog tus tswv lawm koj yuav los nyob.
3. Ob nqi lus saum toj no  koj yuav tau ua  mam mus nyob thiaj tsis muaj  teeb meem. Muaj tej zaum koj txawm ua li no tag los koj mus nyob tsis tau lub tsev vim tus dab hauv phem heev nws yeej tsis khiav li thiab, tab sis tib neeg ua li ob nqi lus saum toj no feem ntau yeej mus nyob tau tsis muaj teeb meem dab tsi.

Leej twg muaj tswv yim txog tej yam zoo li saum no pab sau qhia suav daws tau khaws siv.

Widget is loading comments...