Tus Yawg Laus Ruam KhawB LuB RooB SiaB
CeeB Toom: Txwv tsis pub koj muaj cov dab neeg hauv no mus hais rau youtube los yog xov tooj cua.
Tus Sau: Hmoob Khej3 Email: Birdybrid@yahoo.com Ntev heev los lawm tseem muaj ib tug yawg laus nws laus laus heev li lawm hnub nyoog 90 tawm xyoo lawm. Nws ua tsev nyob rau sab roob sab nraum ub hos nws tuaj mus ua liaj ua teb rau sab roob sab nraum no tuaj mus khwv noj khwv haus rau sab roob nraum no. Txoj kev tuaj ntawm tus yawg laus no lub tsev tuaj rau ntawm nws daim teb ces nce lub niag roob loj loj siab siab ntawv rau saum npov roobmam linqis los rau hauv nws daim teb. Txhua zaug nws tuaj mus liaj mus teb nws pheej tau nce lub niag roob siab ntawv tuaj ces nws txawm khwv tau tswv yim nws txawm hais rau nws tus kheej tias "Twb yog vim muaj lub niag roob no loj los loj siab los siab thaiv kuv txoj hau kev kuv tuaj mus teb los yuav tau nce nws tuaj xwb....Kuv sim muab lub niag roob no khawb pov tseg kiag kom ua kiag tib txoj kev tiaj tiaj tuaj ncaj qha rau ntawm kuv daim teb xwb thiaj li tsis tau nce toj tuaj ntxiv lawm" Nws thiaj li los kom nws cov tub cov nyab nrog rau tej xeeb ntxwv sawv daws sib yaum nqa hlau nqa taum txhob mus khawb lub niag roob ntawv ntag. Thaum pib khawb ces yog tus yawg laus ntawm no nws tsev neeg khawb xwb tab sis lawv khawb mus tau ib pliag xwb txawm pib muaj tej neeg zej zog nqa hlau tuaj nrog lawv khawb pab tus yawg laus no nws tsev neeg khawb thiab vim lub roobsiab ntawm no kuj khuam lawv txoj hau kev mus rau lawv tej liaj teb tib yam nkaus. Thaum sawv daws tseem tab tom rau siab ntso khawb lub roob siab ntawv txawm muaj 1 tug yawg yog neeg txawj ntse tuaj txog ntawv nws txawm los hais rau tus yawg laus uas rau siab ntso khawb roobntawv tias "Nej pab ntawm no cas yuav ruam ua luaj li...lub niag roob no loj thiab siab tag npaum li no es nej muaj 4-5nyuag leej tib neeg no xwb nej lam yuav mus khawb tau nab...cas nej muaj zog tsis cia coj mus ua liaj ua teb...lam tuaj mus khawb lub niag roob no ua tus dab tsi...ntshe nej khawb khawb nej tuag kiag twb khawb tsis tau lub roob no kom tiaj" Tus yawg laus thiaj li teb rau tus neeg txawj ntse ntawv tias "Txawm kuv yuav khawb khawb kuv tuag kiag lawm los tseem tshuav kuv tej tub tej ki tseem yuav tuaj khawb ntxiv...tshuav kuv tej xeeb leej xeeb ntxwv tseem yuav tuaj khawb ntxiv...tsis tag li ntawv xwb tseem tshuav tej kwv tij neej tsa pej xeem sawv daws tseemyuav tuaj pab khawb ntxivmus hos...cas koj lam hais li koj"Tus neeg txawj ntse tsis tsis muaj lus yuav teb li cas rau tus yawg laus thaum kawg nwscia li mus lawm. Thaum no ces 1 tug khawb 2 tug khawb tag nrho lub zej zog ntawv sawv daws sau nthwv tuaj mus khawb lub roob ntawv. Lawv khawb mus tsis ntev xwb sawv daws muab lub niag roob loj loj siab siab ntawv khawb nphau tag cia li ua kiag tib txoj kev ncaj ncaj tiaj tiaj tuaj mus rausawv daws tej liaj tej teb lawm xwb. Lus Ua Tsaug: Ua tsaug ntau koj sau cov dab neeg zoo zoo tuaj ua kev lom zem rau ib tsoom niam txiv kwv tij neej tsa. 3Haiv HmooB Admin. Nkauj Dab Los Tos Xyum Part 2 |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj Dab Neeg saum no sau nram qab no. Nias nov rov mus Nplooj Kev SiB HLUB
Widget is loading comments...