"Hlub Tsis Tiag Koj Tuag Rau Kuv Pam"
Nplooj1Txoj Kev Hlub Tsis Hlub Tiag ib tug txhob dag ib tug vim thaum kawg..nws tuag lawm los koj tseem poob nyiaj los mus pam nws tsis tas li xwb..tseem ua dab ua tsov..ua txoj kev ntshai rau tus nyob tom qab no thiab....Kev Hlub Yog Kev Dag..tej kev hlub no tsis muaj tseeb li..Kev Hlub Yog Kev Dag Thiab dag li dag xwb....Txhua tus yuav tau ceev faj tsam ib tug tau txais txoj kev Tuag..Hos ib tug hos tau txais txoj kev poob nyiaj zoo li...Kuv zaj dab neeg txuas ntxiv ntawm no...
Nyob zoo ib tsoom pooj ywg sawv daws kuv lub npe hu ua: Yaj pov xeem thoj, tam sim no kuv siv lub npe hu ua: Tsimmeej thoj , vim thaum muaj teeb meem ntawv tag kuv niam thiab kuv txiv thiaj daws lub npe tshiab rau kuv. tam sim no kuv muaj 30 xyoo , kuv nyob rau xeev Bokeo, laos. kuv zaj dab neeg no muaj raws li nram qab no: Xyoo 2002-2003 uas yog xyoo kuv kawm tiav nyob rau nram Vees Cas (Vientiane), nyob rau xyoo ntawv muaj ib tug phooj ywg lub npe hu ua Ci vaj nyob sab teb chaws mes kas tau los ncig ua si nyob rau hauv Vientiane no, nws yog kuv tus tij laug tus npawg, lub sij hawm nws los txog hauv Vientiane nws hu rau kuv , kuv tau coj nws mus ncig ua si, peb tau mus ua si lom zem heev li, Nws los tham ib tug hluas nkauj nyob rau tom lub zos Phoo Nyas 2 ( Phoun ngam2) los yog ze rau thaj tsam zos Av liab (lav 10), Wb tau ua ke mus tham hluas nkauj nyob rau nrav, Nws tham peb ib tug muam hmoob thoj hos kuv tham ib tug hluas nkauj hmoob xyooj, tsis xav tias kuv los ntsib tus hluas nkauj no es yuav muaj teeb meem li thiab no. Thaum kuv mus pom nws kuv kuj nyiam nws heev, nws lub npe hu ua Cua xyooj, kuv nrog nws tham ua si tau muaj li 7-8 hnub xwb, ces kuv tus phooj ywg txawm hais rau kuv tias: npawg mus hais rau Cua niam thiab txiv es wb coj Cua nrog peb mus ua si pem Pas dej tauv os, ces kuv thiaj mus hais rau Cua niam thiab Cua txiv nkawv tias: thov nkawv es kuv coj Cua nrog kuv mus ua si pem pas dej tauv lawm , nws niam thiab nws txiv kuj kam raws li kuv hais ntawv thiab, Ces peb tau mus ua si ib hnub yuav tsaus ntuj peb kuj tau rov los tsev lawm thiab. Thaum peb los yuav txog tsev npawg Ci txawm hais rau kuv tias: npawg...! yog koj nyiam Cua thiab no ces cia neb sib yuav es kuv mam pab koj ma, Kuv teb tias : Ab ...! mas kuv twb tsis muaj nyiaj , thiab niam txiv los nyob deb deb ntshe kuv tsis tau yuav xyoo no es cia noj 30 tag seb npaj tau li cas no los kuv mam li yuav. Lub sij hawm ntawv npawg Ci txawm hais tias: yuav los ma, kuv twb tseem nyob nov ces koj yuav es kuv mam pab koj txhua yam tsis pub koj poob ib qho nyiaj li os npawg. Ces kuv kuj tsis tau xav yuav thiab tab sis kuv tus npawg siab dawb heev nws tau hais li ntawv ces kuv txawm nug Cua hais tias: Cua es yog li koj puas nyiam kuv thiab koj puas kam yuav kuv mas, Ces Cua teb kuv tias : kam kawg mas yog koj nyiam thiab hlub kuv ces kuv yeej kam yuav koj xwb, ces peb tsuas yog sib tham me me li ntawv tag xwb, ces los yuav luag txog tsev ces npawg Ci txawm hais kuv tias: Npawg yog koj nyiam Cua thiab xav yuav Cua ua poj niam no ces peb cia li mus tom koj cov kwv tij es mus lwm qaib tov xwb ces mam tso neeg mus tshab xo kom niam txiv paub xwb los mas, Ces wb thiaj tau coj Cua los txog tom cov kwv tij tsev nyob zos NaSaLa hais rau kwv tij tag ces lawv hais tias : yog neb sib nyiam lawm ces yuav los yuav los mas. Thaum ntawv cov kwv tij kuj tau los nug kuv thiab nug Cua khov khov tias seb puas sib nyiam tiag tiag mam lwm qaib no ces Kuv hais tias kuv yeej nyiam nws tiag tiag, lawv nug Cua los Cua kuj teb tias nyiam kuv lawm thiab tiag tiag, ces cov kwv tij thiaj li muab wb lwm qaib tag, ces hmo ntawv peb rov qab los pw tom Vientiane lawm, ces kaj ntug mam li los hu plig . hmo ntawv Cua wb pw ua ke, wb kuj tsis tau sib tham dab tsi thiab, kuv puag Cua pw ib hmos li tej niam txiv kuj ua rau wb ob leeg zoo siab thiab tsis muaj dab tsi, ces tag kis sawv ntxov, nws kuj tseem tham rau kuv luag ntxhi li tej niam txiv tshiab thiab. Nyob rau tag kis ntawv peb tau los noj tshais rau tim taj laj xaub, Nyuam qhuav kom lawv ua zaub mov los rau peb noj xwb lawv tseem tab tom ua zaub mov , ces cua txawm hais rau kuv tias Cua yuav mus Hoob Nab me me tso, no ces nws txawm mus hoob nab lawm, cas nws mus ntev heev li, lawv twb ua tau zaub mov los tag peb tos tos tsis pom nws los li, ces npawg Ci hais rau kuv tias: Npawg koj sim mus saib seb cas tsis pom Cua mus hoob nab ntev ua luaj na, Ces kuv mus tom hoob nab los tsis pom nws li , hu xov tooj los nws muab xov tooj kaw tag li lawm, ces kuv yeej poob siab nthav tias nws khiav kuv lawm no, ces kuv los hais rau npawg Ci tias tsis pom Cua lawm os xyov nws khiav dua qhov twg lawm. |
Nplooj2 Thaum zoo li no lawm peb tau nrhiav cua ib hnub thiab hu xov tooj rau cua niam thiab cua txiv , ces nkawv tias kom cia li nrhiav kom tau nkawv tus ntxhais xwb xwb li, thaum ntawv ua rau kuv ntshai heev li, Ces peb nrhiav nrhiav ib hnub yuav tsaus ntuj thiaj hnov nws tus phauj hu rau kuv tias nws tus phauj pom nws nrog nws tus hluas nraug nyob ze ze tom chaw nres tsheb ntiav ( Bus station ) kom kuv cia li los tov xwb , no ces kuv teb tias kav liam os, nws twb khiav kuv tau ib hnub tav no es nws mus cuag hluas nraug lawm los kav liam es mam hais rau nws niam nws txiv paub li ntawv xwb , ces kuv rov qab los tom chaw so lawm, ces ib pliag li 30 nas this nws txiv hu xov tooj ceev ceev tuaj rau kuv tias kom kuv cia li mus coj kom tau nws los cuag n ws txiv xwb xwb li, ces kuv thiaj tau mus txog nram Bus station, ces pom nws nrog nws tus hluas nraug caij tsheb los ua ke, nws tus hluas nraug muaj poj niam lawm, yog cov tsav tsheb ntiav Vientiane mus rau tom Av liab (lav 10 ).
Thaum ntsib nkawv kuv thiaj hais rau cua tias koj txiv kom koj mus ntsib koj txiv tso no. ces cua thiaj nqes los nrog kuv mus, ces npawg Ci peb thiaj los txog tom cua txiv yog thaj sam li 8:00 tsaus ntuj, ces lawv tsis pub peb mus hauv tsev lawv sawv thaiv qhov rooj tag ces Cua txiv hais rau kuv tias ; coj Cua rov mus tsev nawb muaj dab tsi tag kis peb mam hais , thaum ntawv ces cua mus nkag hoob nab lawm, ces wb tos cua tawm los ces wb cia li coj cua rov los, peb tawm los tau 10 nas this xwb ces, Cua cia li ntuav ntuav , ces tsw tsw tshuaj ces kuv hais npawg Ci tias : npawg nres tseb tso Cua no tshuaj lawm , no ces kuv npawg Ci thiaj nres tsheb kiag saib ces nws yeej qaug tshuaj heev lawm, ces npawg Ci hais rau kuv tias: oh npawg tsis tau lawm peb rov qab mus tom Cua niam thiab txiv tso, ces peb los txog kiag tom Cua lawv tsev ces Cua nqes tsheb kiag ces nws twb mus tsis tus lawm , cua niam puag kiag nug Cua los cua tsis qhia li, Ces thaum nws huam tshuaj heev heev ntawv ces nws cia li los khawm kuv ruaj ruaj thiab nws quaj heev, kuv hais nws tias : kuv twb hlub koj ua luaj cas koj ho ua li no rau kuv thiab os ? Lub sih hawm no los nws tsis teb li nws yeej quaj heev heev xwb, ib pliag li 10 nas this ntxiv ces siav tu nro ces nws cia li tuag li ntawv lawm xwb. ces hmo ntawv ib hmos kaj ntug hais tsis tau dab tsi li , nws tus hluas nraug yog hmoob vaj, mus hais rau lawv los lawv tsis kam tuaj nrog peb sib tham li, hais rau nom tswv los nom tswv tsis pab kuv li thiab...vim lawv xiab nom tswv tag lawm , kuv hais tsis sawv li, hais ntau nom tswv yuav coj kuv mus kaw thiab no ces thaum ntawv kuv niam kuv txiv nyob deb heev, lawv tuaj tsis tau , ces nom cia li txiav txim tias kom kuv pam xwb , ces kuv hais tsis sawv li , thaum kawg kuv tau pam cua , Cua mas yog ib tug neeg siab dub , siab nyoos tshaj paws, kuv chim siab tshaj plaws li chim txog hnub tuag kuv yeej tsis zam txim rau nws li....kuv zaj dab neeg los tag li no xwb , thov kom ib tsoom nkauj muam, phooj ywg sawv daws yog nej tsis hlub tus neeg ntawv tiag txhob dag puas nws lub neej..txhob dag nws poob nyiaj...txhob dag nws ua rau ib tug tau txais kev tuag..muaj ib tug hos tau txais kev poob nyiaj li kuv no.... Thaum kawg no kuv thov ua tsaug ntau rau Hmongmeka.com uas qhib kev dav rau kuv tau koom nej thiab vam tias kuv zaj no yuav ua ib qho kev kawm rau suav daws lawv yav tom ntej, es mam ntsib nej dua rau lwm zaus. Ua Tsaug Ntau, Sau Npe: Yaj Pov Thoj Tus uas chim siab rau Cua Txog hnub Tuag Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |