Nplooj-1 Nyob zoo ua ntej kuv thov ua tsaug rau nej sawv daws cov ua hauj lwm nyob rau hauv no.ntawm no kuv yuav hais txog kuv ib txoj kev hlub nyob rau yav ntuj qub qab uas kuv thiab kuv tus hlub wb tau tsim muaj los tau ib lub xyoo tab sis tsis muaj txoj hmoo wb tsis tau los nyob ua ke li siab xav.
Muaj ib hnub kuv thiab kuv tus phooj ywg wb kawm ntawv nyob rau hauv lub nroog muaj lub npe hu tias.nroog moos theeb nyob rau ntawm nyab laj qaum teb.hnub 9 hli xiab 2 xyoo 2012 .kuv thiab kuv tus phooj ywg wb tau so rau hnub ntawv,kuv tus phooj yug ntawv thiaj tau caw kuv kom kuv thiab nws mus saib lawv nyob rau ntawm ib lub zos kuj nyob ze rau ntawm lub nroog moos theeb,kuv thiaj li tau nrog nws mus. lawv lub zos ntawv kuj nyob rau yav toj siab muaj roob zeb roob tsuas nyob rau ob sab ntawm txoj kev mus nyob rau hauv nruab nrab.thaum mus ze zuj zus uas yuav txog lawv lub zos ntawv hauv kuv lub siab twb li muaj qee yam zoo li kuv kho siab zuj zus vim yim mus cua yim hlob toj nroob hauv pes yim siab zuj zus tuaj. Thaum ntawv hauv kuv lub siab txawm xav tias ua cas yus haiv neeg hmoob yuav yug los nyob rau yav toj siab ua lub neej nyob nrog rau toj roob hauv pes xwb puas yuav muaj ib hnub twg peb haiv hmoob thiaj tau mus nyob rau yav tiaj nrag li mab thiab suav ces thaum ntawv kuv tus phooj ywg ntawv nws tsav tsheb kuv zaum rau nram qab ces hauv kuv lub siab nws pheeej xav txhua yam ces ua rau kuv tsis nco qab tuav kuv tus phooj ywg nws los kuj nyuam qhuav xyaum tsav tsheb xwb kuj tsis tau keej thiab ces nws thiab kuv wb tau mus nrau rau ib lub pob zeb thiab wb tau ntog ua rau wb sab heev li wb tsav tsis tau tshbe mus ntxiv lawm wb thiaj li los zaum rau ntawm ib lub pob zeb tos seb puas muaj leej twg los mus dhau mam thov lawv pab wb vim txoj kev nws kuj tseem tshuav deb heev li. wb zaum ntawm lub pob zeb tos txog lub ntuj twb yuav tsaus los kuj tsis muaj leej twg los mus dhau li,kuv thiaj tau hais rau kuv tus phooj ywg hais tias yog tsis muaj leej twg los pab wb ces zaum no wb kawg tuag li os.... kuv tus phooj ywg thiaj teb tias npawg koj txhob rawm maj tag kev cia siab twb yuav tsaus ntuj lawm tej zaum yuav muaj neeg los mus dhau txoj kev no xwb ua lub siab loj. wb txawm rov los zaum ntawm lub pob zeb ib pliag xwb ua cas hnov zoo li muaj lub suab quaj los yuav txog ntawm wb,wb thiaj tig los saib ua ciav muaj ib tug ntxhais hmoob quaj quaj los txog ntawm wb,wb thiaj nug tias tus muaj koj ua cas koj ho quaj koj mus dab tsi los?... leej twg ua phem rau koj los?... nws thiaj li hais tias tsis muaj leej twg ua phem rau kuv tab sis vim kuv txoj hmoo phem kuv thiaj quaj xwb. kuv thiaj nug tias ntuj twb yuav tsaus lawm koj mus ib leeg xwb lov ces nws txawm teb tias yog kuv mus ib leeg xwb os nws thiaj nug tias neb mus dab tsi los cas neb zoo li ko tag li os?....kuv thiaj tias wb mus kawm ntawv tab sis wb so lawm kuv nrog tus phooj ywg los mus saib nws tab sis hmoov tsis zoo wb tau los ntog tsheb ntawm no raug wb mob heev wb tsav tsis tau tsheb mus lawm... ces nws txawm hais tias yog li cia kuv pab neb tsav neb lub tsheb thiab thauj neb mus pem nej lub zos puas tau nab? Kuv thiaj hais tias txawm koj tsis kam pab wb los wb yeej yuav thov kom koj pab wb xwb yog koj tsis kam pab wb ces wb mus tsis taus kawg pw ntawm no li,ces nws thiaj li los muab wb lub tsheb tsav tau mus. Nws kuj yog ib tug ntxhais tsav tsheb keej ces nws thiaj thauj wb mus txog pem kuv tus npawg lub zos..thaum mus txog pem lawv tsev kuv tus npawg ntawv nws niam thiab txiv lawv mus pw teb lawm tshuav tus niam tij nyob hauv tsev xwb thaum ntawv tsis muaj leej twg xa nws rov qab vim ntawm lawv lub zos cov neeg paub tsav tsheb nws kuj tsawg heev li txog thaum kawg tus npawg no tus niam tij thiaj tau xa tus muam rov los mus tsev vim lawv zos kuj nyob deb heev li thiab. Thaum nws yuav mus nws tau los hais rau kuv thiab kuv tus phooj ywg hais tias ob tug nus kuv xa neb los txog tsev lawm kuv yuav rov qab thov kom lwm zaus neb ua zoo saib txhob cia zoo li zaum no lawm nawb. thaum ntawv hauv kuv lub siab txawm xav tias zaum no wb tau los ua kev nyuaj siab rau sawv daws lawm kuv xav cheem kom tus muam ntawv nrog peb noj ib pluag mov tso mam mus tsav nws mus tsev yog tias nws mus lawm ces tsis muaj txoj hmoo tau sib ntsib lawm los tsis yog kuv tsev ces kuv txawm hais rau nws tias thov ua tsaug ntau uas koj tau pab wb yog koj mus lawm yuav ua cas wb thiaj tau ntsib koj dua maj.....? ,nws thiaj hais tias cia kuv mam muab kuv tus xov tooj rau neb yog muaj dab tsi hu rau kuv tau ib yam thiab yog thaum twg neb zoo lawm no ho tuaj saib peb thiab. Nws hais li tag ces tus niam tij txawm tau xa nws los mus tsev lawm.tau ib hlis tom qab thaum wb zoo lawm wb twb rov tuaj mus kawm ntawv lawm muaj ib hnub kuv thiaj li hu xov tooj rau nws,nws kuj tsis paub kuv yog leej twg vim kuv kuj tsis tau muab kuv tus xov tooj rau nws thiab ces wb sib tham ib pliag nws thiaj rov nug kuv dua es koj yog leej twg tiag nab thov qhia rau kuv tsis tau lov? ,kuv thiaj hais tias kuv yog tus koj tau pab yav tag dhau los thaum ntawv nws thiaj li nco tau,tsis tag li nws tseem hais tias ua cas tau ntev ua luaj tsis hnov neb hu rau kuv li neb nyob li cas lawm? ,kuv thiaj tau teb rau nws tias txawm yuav ntev npaum li cas los yeej tsis muaj hnub kuv nov qab koj li os vim koj yog kuv tus cawm seej lawm,thaum kawg nws thiaj hais ib lo tias yog tseem nco thov ho tuaj saib peb thiab thaum ntawv kuv lub siab cuag li xav kom rov tau pom nws dua tau ib as thiv tom qab kuv thiaj li los mus saib nws thaum kuv los txog kuv tsis paub lawv lub tsev kuv thiaj hu xov tooj rau nws tuaj tos kuv nyob rau tim hauv zos.thaum kuv pom kiag nws xwb zoo li kuv cia li nyiam nws lawm..... |
thaum mus txog nram lawv tsev kuv tau mus ntsib nws niam thiab nws txiv nrog lawv tham thiab ua tsaug rau lawv tus ntxhais uas tau pab kuv thiab kuv tus npawb wb. ,kuv nrog lawv nyob tau ib hnub tseem ces qab kuv mam rov qab los mus nram tsev kawm ntawv lawm.txij li thaum kuv tau mus saib nws los ces kuv txawm pib nco thiab nyiam nws lawm wb thiaj li tau tham xov tooj ntau ntau tab sis kuv tsis qhia rau nws tias kuv hlub thiab nco nws es twb nyiag nyiam thiab hlub nws lawm..,muaj ib hnub nws thiaj hu xov tooj tuaj rau kuv tias nyob zoo tij laug ah.... kuv muaj ntau yam kev tu siab heev nyob rau hauv kuv lub neej kuv tsis pom qab yuav ua cas li os kuv kuj tsis paub xyov muaj dab tsi nyob rau hauv nws lub neej kuv thiaj tau nug nws los nws tsis kam qhia rau kuv li.
Muaj ib hnub nws thiaj rov hu xov tooj rau kuv tias tij laug ah... koj nyob li cas lawm xwb kuv thov nug koj ib yam dab tsi puas tau nab?kuv txawm teb tias tau mav.ces nws cia li quaj quaj kuv thiaj nug tias muaj dab tsi thov qhia rau kuv txawm li cas los kuv kuj yog koj ib tug phooj ywg thiab thov txhob ua siab deb maj,thaum ntawv nws thiaj hais tias tij laug ah...! yog nyob hauv koj lub neej yog muaj ib tug neeg los sis ib yam dab tsi uas koj tsis nyiam tsis hlub es luag kom koj mus yuav mus raws li luag nyiam no koj puas pom zoo maj ? kuv thiaj tau teb rau nws tias kuv tsis to taub koj hais dab tsi li ko... thov kom nws qhia tseeb tseeb rau kuv seb yog li cas ces nws txawm hais tias koj xav paub cia muaj sij hawm wb tau sib ntsib tso kuv mam qhia rau koj tham lus tag ces nws txawm khwb xov tooj lawm,muaj qee zaus kuv hu tsis tau rau nws lawm kuv pib txhawj txog nws,muaj ib hnub kuv thiaj li txiav txim siab mus saib nws dua thaum kuv mus txog nws pom dheev kuv xwb cia li dhia tuaj khawm kuv kiag... kuv saib nws ob sab nplhu ua cas kua muag poob dawb vog xwb,kuv txawm cev tes los so nws cov kua muag thiab hais rau nws tias "txhob quaj lawm muaj dab tsi thov qhia rau kuv os",ces nws thiaj li hais tias tij laug aj kuv ntshai tsam koj paub txog ntawm kuv lub neej tag lawm koj tsis kam nrog kuv ua phooj ywg lawm xwb.vim kuv yeej tsis paub xyov nws lub neej zoo i cas tiag li.muaj ib hnub wb tau mus ua si nws thiaj li qhia tag nrho nws lub neej rau kuv... Thaum kuv paub tias nws lub neej raug txoj kev txom nyem heev ua rau kuv haj yam hlub thiab txhawj txog nws heev vim kuv ntshai tsam nws lam mus ua tej yam tsis zoo rau nws tus kheej,txij hnub ntawv los kuv thiaj txiav txim siab tias cia kuv qhia rau nws tias kuv hlub nws los lawm ntev tab sis kuv tsis muaj lub peev xwm los hais qhia nws thaum ntawv ua rau nws lub kua muag poob dawb vog thiab hais rau kuv tias ziag no koj mam hais rau kuv ces lig dhau lawm kuv twb txiav txim siab lawm vim nws niam thiab txiv muab nws yuam mus yuav lwm tus neeg uas yog nws txiv niam yau tug dab laug tus tub lawm.. Qhov no mas vim nws tsis yog niam yau yug nws txiv twb tau muab nws niam nrauj thaum nws tseem me me lawm nws tsis muaj txoj hauv kev uas yuav khiav dim li vim tus tub ntawv nws kuj yog ib tug tub ua hooj lwm nyob rau hauv teb chaws thiab nws niam thiab txiv thiaj muab nws yuam yuav lawv.....lub sij hawm ntawv kuv thiaj hais rau nws tias ntawv tsuas yog koj niam thiab koj txiv lawv kev cog lus xwb koj twb tsis tau yog lawv tus poj niam koj yeej tseem muaj txoj cai hlub nrog kuv... Txawm li cas los xij txij hnub ntawv los nws thiab kuv wb sib hlub heev los txog ntua rau lub 7 hli ntuj xyoo 2013 kuv los kuv kuj kawm tag qib 12 tawm tsev kawm mus kawm nyob rau lwm qhov chaw lawm. Txij thaum ntawv los wb tsis muaj sij hawm tau sib ntsib lawm tsuas yog ntsib nyob rau hauv xov tooj lawm xwb thaum twg nws nrog kuv tham ces nws lub kua muag poob tag li xwb kuv los kuj nco thiab hlub nws heev tab sis vim txoj kev deb kev ncua ntev wb tuaj sib ntsib tsis tau li yav tag los lawm nws los yeej tsis kam mus yuav lawv li,muaj ib hnub txog lub 9 hlis xyoo 2013 kuv thiaj li tau txiav txim siab los mus saib nws thaum wb tau sib ntsib tag yuav rov sib ncaim nws thiav hais rau kuv tias wb sib hlub luaj no vim kuv yog neeg txom nyem kuv tsis muaj dab tsi uas yuav muab rau koj kuv thov muab ib lub tsho no rau koj yog thaum twg koj xav thiab nco txog kuv thov koj muab los saib ua chaw nco thiab hais rau kuv tias thov cia kuv hnia koj ib pas muab koj tus ntxhiab cim cia rau hauv kuv nruab siab cia kuv mam muab koj tus ntxhiab cim rau hau kuv nruab plawv.... Nyob li ntawm kuv los kuj tsis muaj ib yam dab tsi uas yuav muab rau nws kuv tsuas yog muab tau ib lub xov tooj ua puav pheej rau nws ces wb txawm sib ncaim lawm.tau tsis ntev tom qab kuv mus kawm ntawv lawm thiab muaj ib hnub nws tau sau tau ib tsab ntawv tuaj rau kuv thiab muab tau ib daim duab tso rau hauv thiab hais tias koj nyob kuv mus lawm txij hnub ntawv los kuv hu tsis tau rau nws li lawm..... Thaum kuv nyeem nws tsab ntawv tag ua rau kuv lub kua mua poob ntav nrog rau txoj kev mob siab lawm xwb yuav tsis muaj ib zaug li lawm vim hnub no nws twb mus ua luag tug niam tsev lawm.ntawm kuv ces nyob nrog lub kua muag thiab txoj kev nco lawm xwb. ..tsis paub tias yuav nco nws mus txog thaum twg...ntshe yuav muab nws nco nco mus txog hnub tsis muaj txoj sia mam tag.....Kuv txoj me kev hlub lwj siab los xau li no xwb.. kuv xav tau ntau tab sis tsis paub xyov yuav hais li cas thiaj li tag kuv txoj kev xav..thiab kuv txoj me kev uas kuv nco txog nws....kawg no thov ua tsaug rau vas sab www.3haivhmoob.com uas tsim tsa qhov chaw no rau peb tau tuaj daws kev nyuaj siab pov tseg....es mam ntsib nej dua lwm zaus Ua tsaug ntau, Sau npe: Xeeb Xyooj Tus neeg uas nyob nrog lub kua muag...thiab txoj kev nco... |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com