T and T Zaj Dab NeeG Kev Hlub Ntawm LuB NeeJ
Xav Tau ThoJ Txoj Kev HluB
Xavtau Thoj
thoobncozoo@gmail.com
T and T zaj dab neeg
Hauv kuv lub neej muaj ntau yam tu siab heev li…
Ua ntej wb yuav sib ntsib kuv tau paub ib tug hluas nkauj nyob Vangvieng, wb tau sib tso lawm vim yog nws mus yuav txiv lawm. Thaum lub sij hawm ntawv kuv yuav xeem ntawv (IT). Yog li thaum ntawv zoo li tsis mob siab npaum li cas thiab yog li ntawv thaum yuav txog lub 4 hlis kuv ib tug phoojywg hu Mib xeem Lauj nws yog peb ib cov phooj ywg kawm ntawv ua ke nyob tsev kawm ntawv 52.
Nyob nyob los muaj ib hnub nws hais rau kuv tias kuv puas tham hluas nkauj no ces kuv teb tias xav hos vim kuv single los tau ntev lawm ne… heeee… nws tias nws muaj ib tug noob hu Toto xeem Lauj. Kuv tias yog li ces muab nws tus xovtooj rau kuv yog li Mib thiaj li muab nws tus xov tooj rau kuv tab sis kuv hu tsis tau rau Toto vim yog tus xov tooj ntawv yog simnet xwb yog li nws siv simnet los lin WhatsApp yog li ntawm kuv thiaj li sau ntawv rau Toto hauv WhatsApp xwb. Thaum ntawv yog lub sij hawm thaum tseem kawm ntawv li 10 moo tawm yog hnub tim 21 lub 4 hli ntuj 2015. Kuv thiaj li thov nws tus xov tooj uas hu tau ces nws thiaj li muab rau kuv.
Kuv thiaj li hu rau nws thiab sau ntawv hauv WhatsApp thiab hauv facebook xwb. Hauv wb lub neej wb tau muaj ib zaug wb tsis tau sib hu zoo li yog thaum 6 hli txog 9 hli… vim yog kuv mus kawm ntawv hauv Vientiane Capital lawm. Tab sis thaum txog lub sij hawm lub 10 hli, 2015 wb rov qab los sau ntawv thiab sib tham ntxiv… kuv hlub nws heev li tab sis xyov nws puas hlub kuv li… los rau xyoo tshiab hmoob (30) kuv xav tias yuav tau nrog Toto mus ua si tab sis yeej tsis tau mus li vim zoo li wb hmoov tsis txog li vim yog Toto mus ces kuv tsis khoom mus lawm. Tab sis muaj ib hnub kuv tau mus ces pom nws nrog nws niam tuaj ces kuv tau thaij duab nrog nws ua ke .
Thiab muaj ib hmo uas kuv hu nws ces nws tias nws tuaj mus thiab no yog li kuv thiaj li mus kom kuv pom nws thiab kuv yuav nrog nws mus ua si ua ke tab sis tsis zoo li siab xav li vim zoo li nws tsis xav nrog kuv mus li. Nws tau hais tias nws nyob qhov ub qhov no xwb tab sis kuv mus los tsis pom nws li… yog thaum kawg nws twb rov mus tsev lawm xwb… ces kuv hais rau nws tias kav liam yog li na kuv thiaj li nrog kuv cov phooj ywg ua sis tag ces kuv los tsev xwb. Yog li muaj ib hmo kuv thiaj li hu rau nws tias nws puas mus lawm no nws teb kuv tias mus yog li kuv thiaj li mus thiab hmo ntawv wb tau ua ke tab sis wb mus nrog Toto phob thiab meb mus xwb…. Wb tau mus ua ke kuv zoo siab heev li tab sis tsis paub Toto puas zoo siab li kuv xwb. Kuv ib txwm nco thiab hlub Toto heev li…
Kuv tau cog lus tias kuv yuav hlub Toto ib leeg thiab Toto kuj cog lus teb kuv ib yam thiab tab sis ua hluas nkauj hluas nraug ces yeej muaj thaum tsis sib nkag siab li os. Muaj ib zaug wb tau tsis sib nkag siab ua rau kuv mob siab heev li os… ua rau kuv lub kua muag poob los yus tsis paub tias ua cas yus ho mob siab thiab no??? tab sis kuv tu siab heev li vim kuv hu rau Toto tsis teb kuv li… thaum nws teb ces kuv lub kua muag poob ntav los… kuv hais rau nws tias cas koj tsis teb kuv no. kuv thov txim os txhua yam yog tim kuv xwb kuv thov txim nawb Toto… Toto teb tias wm…. Kuv zam txim os yog li wb rov qab sib tham dua ib zaug ntxiv….Muaj teeb meem tag los ntawv ua rau kuv paub tias kuv tso tsis tau Toto mus li vim kuv hlub Toto thiab nyiam Toto heev li. Wb rov sib tham ces kuv yim hlub Toto tshaj qub lawm.
Muaj ntau zaus uas wb muaj teeb meem tab sis wb kuj dhau tej teeb meem ntawd tag… los muaj ib hmo kuv nrog Toto nyob wb tau muaj teeb meem kuv thiaj tau los tsev thiab zoo li wb twb sib tso li lawm. Kuv thiaj li tsis tau hu rau Toto li ib hmo… tab sis kuv nco Toto heev li vim kuv mus tim kuv tus tij laug lawm es kuv thiaj li tsis tau hu Toto thaum kuv los txog kuv thiaj li tau hu rau Toto kuv tau sau ntawv rau Toto tias thaum kuv tsis muaj koj zoo li lub ntiaj teb no tsis muaj ab tsis zoo li lawm. Toto teb kuv tias nws los ib yam zoo yam li tu ib yam ab tsis mus tsis paub qhia li
Yog li wb rov qab sib tham dua… muaj ntau yam uas yuav hais tab sis yuav ntau heev li hauv kuv lub neej no ces muaj Toto xwb yog tus uas kuv cia siab tias kuv yeej yuav tau vim kuv hlub nws heev tsis muaj leej twg kuv yuav hlub npaum nws li… Tsis paub xyov yav tom ntej yuav zoo li cas tab sis kuv yeej xav tias kuv tsis tso nws li tab sis nws niam tsis pub wb sib tham vim yog kuv thiab Toto wb tseem hluas heev li. Nws kawm ntawv mos 4 ho kuv kawm ntawv xyoo 1 wb tseem kawm ntawv. Yog li ntawv nws niam thiaj tsis tau pub wb sib tham…. Tab sis hauv Toto wb txoj kev xav wb tsis tau tias yuav sib yuav tam sim no tab sis yog thaum wb kawm ntawv tag. Hauv kuv txoj kev xav … xav kom Toto kawm ntawv kom tag thiab kawm English kom keej2 vim tsis ntev kuv twb yuav mus kawm ntawv nyob Australia lawm yog li kuv xav kom Toto rau siab es thaum twg kuv mus kawm lawm es yog kuv tsis los lawm ces kuv yuav los tos Toto mus nrog kuv nyob tim Australia xwb. Tab sis yog li kuv txoj kev xav xwb tab sis kuv nug Toto tias Nws puas kam mus no, nws teb kuv tias Nws tsis mus ces kuv thiaj li lam teb tias yog li txog thaum ntawv kuv mam nug seb leej twg kam ces kuv mam li tos tus ntawv xwb…. Hauv kuv lub siab xav kom muaj Toto xwb… tsis xav muaj leej twg li lawm os vim yuav paub ib tus neeg zoo zoo yeej tsis yooj yim li yeej yuav siv sij hawm ntev ntev mam li sib nkag siab yog li kuv tsis xav nrhiav li os xav muaj nws lawm xwb os.
Tos saib mus seb zaj dab neeg no yuav xaus li cas ……
Kuv zoo siab tau tuaj piav Toto wb zaj dab neeg kev hlub rau suav daws tau paub es mam ntsib nej dua lwm zaus.
Ua tsaug ntau rau lub website: www.3haivhmoob.com uas nej muaj qhov chaw zoo zoo no rau peb sauv daws tuaj sau kev hlub thiab tso pa rau tej tug uas muaj kev nyuaj siab mog.
Sau pe: Xav Tau Thoj
Ceeb Toom: Txwv tsis pub leej twg muab peb cov dab neeg txhua yam hauv no mus tso rau koj lub vas sab website , Forum los yog lwm qhov uas tsis tau txais kev tso cai los ntawm peb. Tsis pub koj muab luam mus muag thiab , nov peb tsuas tso rau suav daws tuaj nyeem laug caij nyoog thiab ua kev kawm xwb. Ua tsaug ntau.
Warning: No one can copy our stories to post on your own website , Forum or any other internet sites without our permission. Thank you for your cooperation.
Kev Hlub Zoo npaum no koj yuav hais li cas rau nkawv..Sau rau nram no..
Widget is loading comments...
