Tus Kuv HLub Uas Tuag Ncaim lawm
Nplooj1
Lub Sij hawm kuv tab tom sau zaj dab neeg kev hlub no yog lub caij no ntxiag cua tuaj txias zias kho siab khuav nyob ib leeg thiab maj mam muab lub neej tag los xav ib qho dhau ib qho nws yog ib lub caij uas kho kuv siab heev....Khaub plees nkauj nraum tsis sib tau kuv zaj dab neeg no yuav hais txog kuv thiab kuv tus hluas nkauj uas nws tau tuag lawm rau peb sib pab lo nyeem seb txog thaum kawg ho xaus li cas ...... Xyoo 2009 yuav mus rau 2010 nyob lub zos roob kub twm kuv uas yog tub xai tau mus noj 30 rau ntawm lub zos no thiab ntsib ib tug ntxhais lub npe hu maiv xeem yaj no ... thaum kuv ntsib Maiv muaj 16 xyoo xwb hos kuv muaj 20 xyoo. Lub sib hawm no wb sib pom ib pliag xwb kuv cia li xav tias tej zaum nws yog tus neeg hlub lawm kuv thiaj li nug nws npe thiab xeem tag ces nws qhia kuv tias nws hu ua maiv xeem yaj no. Maiv kuj nug kuv npe thiab xeem ces kuv tau qhia rau nws ib yam nkaus. Nws hais ntxiv tias kuv tuaj qhov twg tuaj cas zoo li nws tsis tau pom kuv dua li. Kuv qhia Maiv tias kuv nyob xeev khuam tab sis kuv tuaj kawm ntawv nyob tsev kawm rau nroog Vees Cas no xwb.Dhau nov kuv ho nug tias maiv lawv nyob qhov twg, nws qhia tias lawv nyob ze ze ntawm no xwb. Ua si ib nyuag pliag ces wb tau mus saib lawv lub tsev kuj nyob tsis deb ntawm tshav pob xwb. Hmo ntawv kuv mus tham thiab tag kis sawv ntxov ntxov los kuv kuj tau mus nrog nws hais lus ib yam nkaus. wb sib tham zoo li npau suav xwb twb tsis tau txaus li los txawm siv pom kev lawm. Kuv rov lo mus kawm ntawv lawm thaum kuv los txog nram tsev kawm xwb Maiv tau hu xov tooj tuaj nrog kuv tham , wb tham ib pliag xwb zoo li kuv nyiam nws heev li lawm ces hnub vas xaum kuv thiaj li rov mus saum lawv zos mus nrog nws nyob tau 2 hnub kuv kuj los tsev lawm thiab ... Lub sij hawm dhau mus sai heev thiab wb txoj kev hlub loj zuj zus lawm. Maiv yog ib tug ntxhais zoo nkauj thiab ntxim hlub heev kuv xav tias cia kuv nrog nws niam thiab nws txiv tham seb nkawv pus kam kuv ua ntawv kom Maiv tuaj kawm ntawv nrog kuv ...yog li kuv thiaj li mus thov thiab mus hais nws niam nws txiv nkawv kuj kam thiab Maiv tau rau npe kawm college ...tom qab wb ob leeg kawm twb yuav tiav ntawv, nws tshuav li 2 xyoo ho kuv ces twb tiav rau 2011 lawm ... Muaj ib hnub maiv yaj niam thiab txiv tau hu xov tooj tuaj rau kuv tias tub xai aw... lub as thiv no (week no), maiv neb los pem tsev no es wb muab ib tug npua los ua neeb kho Maiv tso es mam rov qab mus nram tsev kawm ntawv os nawb. Kuv thiaj hais rau Maiv niam tias mam kom Maiv los tab sis kuv yuav mus tsev ntshe kuv los tsis tau. Maiv niam nkawv kuj cheem kom kuv nyob ua neeb kho Maiv tag es kuv mam mus tsev .Kuv hais rau Maiv niam tias cia seb txog hnub ntawv yog tsis pom kuv no ces tej zaum kuv rov mus pem xeev khuam lawm vim ntev ntev no tsis tau mus saib kuv niam lawv lawm. Nyob rau hnub vas xuv kuv tau kom Maiv muab tsheb cav xa kuv mus nce tsheb los rau Xeev Khuam lawm hos Miav kuj tau mus tsev lawm thiab. Ntawm kuv mas mus tsis muaj teeb meem tab sis ntawm Maiv Yaj ces nws mus txog tom kev tsheb tau tsoo nws sab heev li .... Qhov xwm txheej no kuv twb tsis paub li twb yog tag kis yuav tsaus ntuj Maiv niam mam hu xov tooj rau kuv tias me tub koj nyob qov twg os ..no ces kuv teb Maiv niam tias kuv mus tsev lawm thiab tab tom tuaj mus pub npua tom teb ....Maiv niam hais ntxiv tias me tub xais aws hnub vas xuv neb nyias los mus nyias tsev es maiv los txog tom kev tsheb tau tsoo raug Maiv sab sab kawg nkaus li peb tseem nyob tim hoom mom 150 lub txaj naj npawb 7 os me tub tsis paub tias xyov Maiv yuav zoo li cas li ...Thaum kuv hnov kiag li ntawv ua rau kuv poob siab nthav ces kuv twb tsis xaus nws niam lo lus li kuv cia li muab xov tooj khwb kiag lawm xwb thiab ncaj qha rov los tsev thiab npaj tuaj mus siab Maiv tab sis lig heev twb yog 10 moo tsaus ntuj ces tsis muaj tsheb tuaj mus nram vias li lawm. Kuv nyuaj siab heev yuav tsav tsheb cav tuaj mus hmo ntawv los kuv niam lawv tsis kam li thiab ...kuv thiaj los hu xov tooj rau maiv niam nrog nws tham nws hais rau kuv tias tub xais aw.. twb tsaus ntuj lawm e tag kis koj mam tuaj nawb nyaj Maiv yuav tsis ua cas thiab .. |
Nplooj2 Nyob rau hmo ntawv kuv yeej tsis pw li. Txhua yam hmo ntawv zoo li hmo ntev tshaj plaws rau kuv tsis txawj kaj ntug li. Tag kis kuv thiaj li tuaj mus saib Maiv rau nram Vees Cas thiab thaum kuv tuaj txog rau ntawm hoo maum 150 lub txaj nws yog 7 moo tsaus ntuj lawm kuv tus phooj ywg hais rau kuv tias kom kuv ua siab loj qhov phem thiab qhov zoo sib npaug zos xwb yog li kom kuv txhob maj maj tsam ho muaj teeb meem rau kuv tus kheej.
Thaum kuv los txog ntua ntawm nws kuv nkag kiag los tuav nws txhais tes, nws hais rau kuv tias " Tub xai a.. koj twb tuaj txog lawm lov". Kuv teb Maiv tias aw.. kuv tuaj txog lawm os ....no tag ces Maiv rov qab hais ntxiv tias "tub xai a koj puas paub kuv tos tos koj tau ib hnub no mas npaum nkaus li 1 xyoo rau kuv li os." Kuv hais rau Maiv tias " txhob txhawj kuv twb tuaj txog lawm kuv yuav pab kom tau koj xwb os nawb" ces maiv hais ntxiv tias "tub xais a tej zaum kuv yuav tsis zoo lawm os e yog koj nyob no koj mus nrhiav kom tau ib tug zoo zoo los hlub koj nawb mog tej zaum wb txoj kev niam txiv yuav tsis muaj tseeb nyob rau lub neej pem suab os tub xai" . Lub sij hawm no kuv kua muag ntws nto tawm los cuag dej tsis muaj dab tsi yuav cheem tau txoj kev poob kua muag...Ntawm Maiv los...nws hais tawm lub suab tsis nrov heev thiab nws ob sab plhu tawm cov me kua muag ntws si...Peb txhua tus nyob rau lub sij hawm ntawv yeej quaj tag txhua tus li...Nws yog ib lub sij hawm uas tu siab tshaj plaws li...nyob rau kuv lub neej.. Kuv hais rau Maiv tias, " Koj txhob hais li ko wb yeej yuav nyob ua ke mus kom tag ib sim neej rau wb tiam no.. xwb koj txhob hais li kuv siab tsis kheej mog" ....Maiv hais ntxiv rau kuv tias" tub xai a.. tsa kuv sawv os no ces kuv tsa nws sawv los zaum ua zaum kawg ces Maiv tau hais tias kom kuv muab koob thaij los yees ib daim duab cia siab ua dab muag no ces kuv muab lub koob los yees tag ces nws hais ntxiv tias nws thov txim uas yuav nrog kuv nyob tsis tau lawm.....Lub sij hawm no kuv quaj quaj heev kuv hais tias kom nws txhob hais li ntawv rau kuv ..... Nws hais ntxiv tias kom kuv puag nws rau xub ntiag kom ruaj ruaj.... thaum kuv muab nws puag kiag rau hauv kuv lub xub ntiag ces luag ib suab rau kuv thiab xwb ces nws txoj me siav tu nrho cuag muab kuv ib nplooj siab dua rhe rho mus lawm.. Kev mob siab zaum no tseem mob tshaj muab lub hau riam ntse ntshe los mus hno kuv lub plawv.... Tom qab nws tuag tag kuv niaj hnub mus saib nws lub ntxa thiab thov kom nws los ua ib tug npau suav rau kuv los nws yeej tsis los ua npau suav li... Kuv thiaj xav tias tej zaum nws mus tau zoo lawm ..nws tsis nco kuv li kuv nco nws lawm os.... Kuv thiaj xav tias cia ua ib siab khiav ntaub ntawv mus nyob txawv teb chaws thaum kuv ua kuv cov ntaub ntawv tag kuv mus xam phaj los tau lawm thiab. Kuv tau mus saib nws ua zaum kawg ...kuv hais rau nws tias maiv a koj mus lawm txog tav no e kuv nco nco koj e koj tsis kam los ua npau suav rau kuv li ces kuv ua ib siab muab koj tso nyob rau teb chaws nplog no e kuv mus nyob mes kas lawm nawb ..e hnub twg yog koj nco kuv no ces sawv los mus ncig wb tej chaw os mog ces ua cas kuv hais li ntawv tag xwb ...hmo ntawv kuv los pw cas ho los ua ib tug npau suav tias tub xais aw koj txhob tos kuv lawm os mog koj kav tsij ua ib siab mus pib koj lub neej os mog vim kuv yeej tsis rov los lawm os ..nws hais li ces kuv hnov dheev na twb pom pom kev lawm ..... kuv thiaj tuaj txog me kas no lo yeej tseem nco nws kawg li os yeej tsis tau xav yuav poj niam li zaj dab neeg los xaus rau lub kua muag xwb. Thaum kawg no kuv thov ua tsaug rau Vas Sab Hmongmeka.com uas muaj qhov chaw no rau peb suav daws tau tso pa. Ua tsaug uas nej tau pab kho tej lus peb sau tom ntej tom qab thiab tseem nrhiav ib cov zoo duab coj los tso phim peb cov dab neeg tu siab thiab... Thov kom nej nrog peb tsoom Hmoob nyob mus kom ntev ntev mog.... Sau Npe: Tub Xai Thoj - Tus Nyob nrog Lub Kua Muag Thiab Txoj Kev Kho siab...... Nco Ntsoov: Txhob hu xov tooj rau lawv cov kev lag luam lawv tso hauv no yog tias koj tsis muaj feem txog kev lag luam nawb. Ua tsaug
|
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com