Tus Sau: Tub Vaj Lis Email: kuvtseemhlub2020@gmail.com
Phone: 030 - 503 - 7762
Ntshe Koj Tsis Nco Kuv Lawm
Nyob zoo os ib tsoom phooj ywg hmoob thoob qab ntuj sawv daws yog vim li cas txoj kev hlub nyob ntiaj teb no yuav mob siab iab siab tsim txom siab ua luaj os lawv es ? muaj qee zaus kev hlub yog lub teeb ci qee zaus kev sib hlub yog kev lwj siab mob siab tu siab heev li xav kom ntiaj teb no muaj ib lub ntuj twg txawj kho txhua tus lub siab ntshws kom ib tug txhob tso ib tug thiaj tsi mob siab os, yog lam tias nws tuag los yog mus ua luag nyab mas kuv twb tsis mob siab tsis chim luaj twg thiab os tab sis ho yog nws muab yus tua ciaj yuav tuag los tuag tsis tau yuav ua dab tsi los ua tsis yog vim yog txoj kev hlub tsis ncaj ncees es tus neeg yus hlub thiaj muab yus tso yam tu siab tshaj os Lub sij hawm tsis ntev kiag twb tau li 2 lub xyoos lawm, thaum ntawv yog xyoo 2009-2010, kuv yeej tsis ntsib ib tug tus twg uas kuv hlub li tseem ua ib tug nraug seev rau kuv niam thiab txiv lawv xwb thaum no kuv tab tom kawm mos 5 xwb kuj muaj ib tus hluas nkauj nrog kuv kawm ua ke nyob rau lub tsev kawm chomthong ມ.ສ.ຈອມທອງ xeev borikhamxay tab sis nws kawm mo 3 xwb kuv kuj tsis tau xav tias kuv yuav tham nws ua hluas nkauj li vim kuv yog ib tug tub uas txom2 nyem xwb noj mov ntxuag kua tsob xwb, kuv txaj muag rau nws heev li nws lub npe hu ua maiv yias vaj , qhov kuv txaj muag mas vim nws zoo nkauj thiab nyiam los saib kuv tas li thaum tav su xwb. Muaj ib hnub thaum kuv yuav mus noj sus ntawm tsev so nws cia li los hais kuv tias: Vaj koj los noj mov e koj tsi kam kuv noj thiab lov ? kuv teb tias kam mas tsam koj tsis kam noj nrog kuv xwb vim kuv tsis muaj dab tsi noj e... ntawm kuv mas txaj muag kawg li vim kuv tsis nco yaum nws li kuv thiaj nug nws npe tias tus muam koj nyuam qhuav tuaj kawm nov los twb kawm ntev lawm os cas zoo li kuv twb ntsib koj dua lawm ne e... koj lub npe hu li cas os ? nws teb kuv tias kuv hu yias os peb yog xeem vaj os e koj nes ? kuv teb tias kuv hu vaj os kuv yog xeem lis os ua tsaug tau paub koj os yias ..ces wb sib tham ib pliag ces wb noj mov tag ces twb txog lub caij mus kawm dua lawm thiab. Txij hnub ntawv los kuv lub siab cia li xav tias eb ua cas maiv yias ho lam los nrog ib tus neeg pluag 22 txom nyem li kuv tham ne? ces muaj ib hnub kuv thiaj lam nug nws ntawm ib tog kev nrog nws cov phooj ywg coob thiab vim kuv tuaj mus kawm thiab nws los kuj tuaj mus kawm thiab ntshe yog txoj hmoo los ua cas wb ho tuaj sib ntsib ntawm kev no kuv thiaj hais tias maiv yias thov nug koj ib los puas laib nab ? maiv yias teb tias tau mas kuv hais tias maiv yias wb ua ke kawm ntawv los tau ob hnub no es koj pos tau muaj tus hlub uas koj yeej nco lawm nes yom? os nws teb tias kuv tsis muaj os tij laug vaj ntshe nej kawm siab22 es nej tsis nyiam peb os kuv teb tias nyiam mas lov hnub koj nrog kuv noj sus tag ntawv kuv muab koj xav cia hauv siab nco koj tas li xwb hov.. nws teb tias wow koj mas cas hais zoo li nas kheev lam peb yog tus koj nco ntawv xwb os tij laug vaj . kuv teb tias maiv yias koj hais tau raug kuv lub siab heev li hov kuv zoo siab tshaj tau ib thooj kub lawm hov. Txij thaum ntawv los kuv lub siab haj yam nco maiv yias heev tuaj lawm xwb wb tau muaj txoj kev sib swm sib nco sib hlub loj hlob zuj zus tuaj xwb muaj qab muaj tsuag los wb sib pab noj yam kaj siab lug xwb tab si smaiv yias wb txoj kev hlub uas wb sib pab sib nco sib tshua nyob ua ke txhua hnub hmo txhua teev uas yog wb sib nco ntawv tig ua kev nyuab rau maiv yias wb txoj kev hlub tuaj lawm xwb vim hais tias thaum maiv yias niam lawv paub tias wb sib hlub sib tso tsis taus lawm lawv thiaj txwv maiv yias kom nws tuaj kawm ntawv e txhob los ntsib kuv lawm. lub sij hawm ntawv muaj ib hmos kuv mus ntawm maiv yias lawv tsev nws kuj tuaj hu kuv lo lus luag txhis tab si hauv nws lub siab ntshai nws niam lawv heev li los nws tsis qhia kuv li kuv pab qhia ntawv thiab keb leb rau nws tag ces wb los tham wb txoj kev hlub tab sis zaum no nws tu siab heev yog kuv tham txog wb txoj kev hlub kuv hais tias maiv yias nyob hauv kuv lub neej thov kom yog koj xwb kuv thiaj xav ua neeg nyob. Nws teb kuv tias tij laug koj pos hlub kuv os.. li no xwb ces nws cia quaj 22 rau ntawm kuv ib sab nws muab nws sab tes los tuav kuv sab thiab hais tias tij laug yog tsis kuv lawm koj yuav ua cas nyob nas? kuv hais tias ua cas koj hais li koj rau kuv os maiv yias tus kuv hlub leej twg ua cas rau koj os qhia kuv mas seb kuv pab pos tau os tus neeg kuv hlub as? kuv hais li no tag mas nws haj yam quaj xwb. hmo ntawv wb nyob txog 11:oo pm tag hmo nkaus kuv nyuaj siab heev li vim tsis paub tias ua cas kuv tus hluas nkauj hais tej yam txawv 22 li ntawv rau kuv yog li ntawv kuv thiaj hais rau nws tias txawm roob yuav muab wb quas hiav txwv yuav cais wb los kuv yuav tuaj cuag kom tau koj os tsis pub koj poob kua muag lawm os>> thaum kuv hais li no nws haj yam quaj heev li kuv thiaj muab kuv sab tes mus so nws cov kua muag nws thiaj hais tais tij laug kuv yuav nco ntsoov koj sab tes thiab koj tus txhiab puag kuv cia hauv siab mus tag tiam no os. Wb sib tham tau ntev lawm nws niam thiaj los hais kom wb txhob nyob lawm nws kuj tsis xav pub kuv mus li thiab tab si nws niam twb hais nws ua ntej kuv yuav tuaj lawm qhov hais ntawv kuv tsis paub li . Nws teb nws niam tias ua li os niam kuv mam los os.. thaum ntawv kuv pom nws lub kua muag ntws sis niab xwb kuv lub kua muag cia li ntws nrog nws kuv tsis paub tias xyov yog ua cas tiag nws hais kuv tias tij laug koj mus tsev nawb mog lwm hmo wb mam nyob dua os nws qhib qhov rooj rau kuv los thiab nws hais me me tias tij laug kuv xav hnia koj ib pas tsam kuv nco nco koj os qhov hais li los vim nws niam lawv yuav muab nws yuam yuav hmoob e kuv tsis paub xwb. kuv hais tias tau mas kuv los nco koj ib yam os nws siab tsis kheev kuv mus li nws thiaj maj mam tawm tuaj nraum zoov thiab hais tias tij laug koj pos kam puag kuv cia hauv koj lub xub ntiag li ib txwm koj puag2 kuv os? nws hais li mas kuv haj yam nco nws thiab hlub nws vim nws hais tau ib co lus rau kuv nco heev tab si qhov nws ua no nws mob siab heev li yog li kuv thiaj puag nws ruaj rauj rau kuv lub xub ntiag. Dhau nov kuv thiaj tias kuv mus tsev lawm nyob no pw zoo koj nawb kuv me nlpooj siab aw... nws teb tias tij laug nco ntsoov kuv nco koj heev os wb mam sib ntsib tag kis kawm ntawv nawb lov . Aw... kuv teb nws ? kuv thiaj los tsev lawm peb nyob ib lub zos hos lawv nyob ib lub zos thiab kuv caij tsheb motausai los yog tsheb cav mus xwb dhau hmo ntawv tag kis hnub tawm plaws tsoom tub ntxhais kawm yuav tuaj mus kawm zom zaws txhua hnub nws nyob ntawm lawv ntug zos tos kuv tab sis zaum no nws tsis tos kuv lawm kuv ntsib nws ib tug muj kawm nrog nws ces kuv nug tias maiv yias tsis mus lawm los nws tsis tau tuaj os? nws tus muj teb tias xyov cas tag kis no nws chim22 es nws tuaj mus ntxov22 lawm kuv thiaj tias ua tsaug nawb kuv mus lawm ces nws cov muj coob mam lawv qab tuaj yog li txhua yam nyob rau hmo wb nyob ntawv los txawv heev thiab hnub ntawv nws txawv txawv lawm thaum kuv tuaj mus txog tom tsev kawm kuv thiaj mus saib ntawm lawv hoob kawm nas has cas nws quaj quaj lawm xwb ....
Kuv nug nws tias ua cas os maiv yias cas koj zoo li no nws tsis teb li nyob tib pob mluas mlob xwb kuv thiaj tuav nkaus nws tes thiab hais tias kuv ua yam twg tsis raug koj siab e koj thiaj zoo li no los ? nws thiaj tias tij laug tsis yog li ko.. twb yog kuv nyuaj siab xwb. kuv tias nyuaj siab dab tsi nas nyuaj siab tsam kuv tsis hlub koj lov qhov kuv nug li ntawv los kuv twb tsis paub tias nws niam tau muab nws cem nyav kawg li kom txhob ntsib kuv txhob tham kuv lawm thiab kom muab kuv tso mus lawv twb muaj ib tug yuav tuaj yuav nws lawm no tab sis nws tias twb txog sij hawm kawm ntawv lawm koj mus kawm ntawv nawb ib chim noj su mam qhia koj os. Hnub ntawv mas kuv tsis qab siab kawm ntawv li lub siab xav txog nws tas li tias cas nws txawv ua luaj ne yog thaum tav su kuv los nrog nws nyob noj sus mas nws quaj kua muag ntws sis xwb peb coob22 tab sisnws zaum ntawm kuv ib sab nws thiaj hais tias tij laug nrog koj noj mov mas noj kua txob noj zaub tsuag xwb los qab tshaj li os ntshe yuav ua cas nco koj os kuv tsis teb nws vim nyuaj siab tias cas nws cia li hais ntau22 yam rau kuv ces kuv tias yog mas tus neeg yus hlub ces noj mov ntxuag ntsev xwb los yeej qab hov. Peb noj sus tag ces peb nyias mus kawm nyias tag lawm hnub ntawv tsaus ntuj kuv rov tuaj tab sis nws tsis tuaj tos kuv ntawm qhov rooj li yav tag lawm wb txoj kev hlub tau hloov mus yam li npau suav tiag22 li. Kuv thiaj hu nws tias maiv yias koj pos nyob tsev lawm os ces nws niam teb kuv tias nyob kawg os tab sis hmo no nws muaj hauj lwm lawm koj mus tsev nawb ces kuv mam paub tias nws niam txwv nws wb lawm yog li hmo ntawv kuv rov los tsev lawm kuv lam los xwb lub siab quaj dhi xwb nws thiaj sau tau ib tsab ntawv hauv xov tooj tuaj tias tij laug kuv thov txim ntau os nawb kuv nco koj heev os ? txij li ntawv los kuv mus ces nws niam pheej zov thiab hais li qub xwb . Wb kev sib ntsib ces yog mus kawm ntawv xwb tab sis wb ua li ntawv tau ob lub vas thiv xwb nws niam cem nws heev nws thiaj tsis kam ntsib kuv lawm ua rau kuv tag tswv yim tsis pom qab ua cas li. Dhau nov los tau ob hlis tom qab lub peb caug xyoo 2010 los txog lawm tiag kuv mob siab heev vim tus neeg kuv hlub hloov tag lawm yog li hmo xiab 2 nws thiaj hu xov tooj rau kuv tias tij laug koj tuaj ntsib kuv pos tau os? kuv tias tsam koj niam cem ne lov nws tias kuv mam thov yog thov tsis tau ces lig lig koj mam tuaj es kuv mam nyiag kev tuaj nrog koj nyob nraum zoov os xyoo no xyov yog txoj hmoo tsis zoo los ua cas tsiab peb caug xyoo no hnub xiab ob ho los nag loj2 heev li. Hmo ntawv wb nyob ib hmo tab sis nws niam lawv tsis paub li wb thiaj tham ntau yam heev li nws thiaj kom kuv muab ib yam dab tsi rau nws saib cia ua puav pheej no sij hawm ntawv kuv nqa tau ib txoj phuam kauv caj pas ces kuv tias kuv tsis muaj dab tsi thiab muab txoj phuam no rau xwb. Hos nws tias ua tsaug os zoo heev li lawm hov yuav khaws cia mus tag kuv ib sim neej os. kuv tias koj yuav muab dab tsi rau kuv? nws tias tsis muaj e seb koj yuav ua li cas rau kuv xwb tab sis kuv ntshai nws niam heev li nws kom kuv deev nws no tab sis kuv tias txhob ua li koj os tsam lawv muab wb tua hov.. Nws tias koj yuav ua cas los tau kuv kuj tag tswv yim lawm kuv cia li muab nws puag hauv xub ntiag thiab muab nws nwj mus nws los xwb. Nyob rau hmo ntawv wb yeej tsi stau ua dab tsi li. Qhov nws kom kuv deev nws mas yog li no nws hais tias: tij laug koj pos kam nws pheej hais tias koj pos kam..koj pos kam tas li xwb.. ces kuv nkag siab kuv thiaj hai sli qhov hais tag sauv lawm rau nws. yog li wb sib tham ntev heev li ntuj los los nag thiab hmo ntawv xyov yog ua cas e ntuj los nag e nws niam lawv tsis hnov wb tham li thiab yog sij hawm dhau yam dej ntws xwb twb yuav kaj ntug lawm nws tias koj mus nawb tsam lawv pom wb os hmo ntawv wb zaum nraum zoov ib hmos vim nws ntshai nws niam xwb tsis tau pes tsawg hnub tom qab hnub xiab 13 lub 12 hli xyoo 2010 cov hmoob nyob sabnlaksao km 20 tuaj tham nws thiab nws niam nyiam lawv cov neeg muaj nyiaj ntawv heev li nws niam thiaj cob nws tus ntxhais rau hmoob lawm tab sis nws hu qhia kuv tias mob dhau lawm os tij laug as... lub sij hawm ntawv kuv ua tsis tau li cas li kuv tsev neeg los txom nyem kuv thiaj yuav tsis tau nws e muaj ib hnub cov hmoob los ntawm lawv tsev thiab thov kom nws nrog lawv mus yees duab no tab sis nws niam yeej txhob txwm kom hmoob zoo zij xwb. Hnub ntawv thaum tav su kuv tab tom caij tsheb tuaj mus saib nws tab si hmoob muab nws ntxias mus ib qho deb txawv ntawm ntug zos ces hmoob muab zij rau hauv tsheb tub lawm lub tsheb ntawv kuv twb tuaj ntsib tab sis kuv tsis paub xwb nws pom kuv tuaj tab sis hmoob muab nws lub xov tooj ceev lawm hu los tsis tau li kuv thiaj nug cov phooj ywg tias nej pov pob nej puas pom maiv yias os lawv tias vaj as koj txhob tu siab os hmoob muab maiv yias zij lawm os kuv hnov li no kuv mob siab chim siab tsis xav mus dab tsi li lub cev qaug zog zis tsis paub yuav mus tog twg li hnub ntawv kuv zoo li ib tiam nkaus li txij hnub ntawv los kuv zoo li neeg vwm zoo li tus noog uas luag muab xub tua raug es tsis ob sab tis es yas los ya tsis taus li xwb. Tau 5 lub hlis nkaus kuv tseem nco rawv nws tas li xwb yog li twb ntev loo lawm ho hnov tias nws tuaj noj tshoob no hnub ntawv kuv paub nws tus muj hu ua ci no nws thiaj qhia kuv tias tij laug vaj hnub no maiv yias lawv tuaj noj tshoob os tab sis kuv tsis teb li vim mob siab dhau lawm yog li tag kis ntawv lawv noj haus kuv tuaj mus ua si e yog hmoov muaj los ua cas ho los ntsib nws ib leeg taug kev ntawm ib tog kev nws thiaj tsa ncauj hu kuv tias tij laug koj tuaj sav los tsev es kuv rau mov koj noj os tab si kuv tias maiv yias koj tuaj ua tshoob lawm lov nws teb tias yog mas ces kuv cia mus lawm xwb nws mob siab kawg vim tej laus txiav wb txoj kev sib hlub tu. Nyob rau hmo ntawv kuv mus tsev lawm vim tsis xav pom ib tug uas yus hlub nyob ntawm lawv xub ntiag li no ces hmo ntawv yuav dhau nws thiaj nyiag kev thiab hais nws tus txiv tias nws mus saib nws tus muj ci no tab si nws los sau tau ib tsanb ntawv tuaj rau kuv hauv nws tsab ntawv sau tias tus neeg uas dai kuv siab cas sim neej no yuav nco koj ua luaj nim mus ua luag nyab pw laug npab los lam xwb lub cev lam swb xwb lub siab ya nrog koj tas li xwb luag yuav ua zoo npaum cas los tsis cuag tus neeg ib txwm hlub yus li koj os tij laug e koj puas yuav nco kuv li os kuv nco koj lub me suab lo lus txhawb zog tas li nco koj txhais tes tuav kuv thaum ntuj los nag e wb mus kawm ntawv e tsam no koj nyob li cas kuv pom koj nim ncig ib leeg xwb e koj yeej tsis mus nriav lwm tus los ua cas hauv maiv yias tsab ntawv sau ntau tshaj no tab sis sij hawm tsis txaus e sau qhia meme xwb nyaj nej yuav tsis xav li cas os tsoom phooj ywg. Txij thaum maiv yias mus ua neej lawm kuv kawm los kawm tsis tau ntawv li lam kawm ib xyoo dhau ib xyoo xwb lub siab mob quaj dhi vim tau lub neej txom nyem es thiaj plam tus neeg yus hlub mus lawm kuv thiaj txiav txim siab kawm kom tag mo 7 tau 2 xyoo xwb kuv kawm tag mo 7 kuv yeej tsis tham ib tug hluas nkauj li vim maiv yias ib leeg xwb niaj hnub no kuv tseem nyob ib leeg nco nws xwb txawm nws mus pw hauv luag yug me tub me ntxhais pub luag lawm los xij tshuav kuv muaj ib txoj kev tshua xwb yog li kuv zaj dab neeg los xaus nrog txoj kev mob siab li no xwb yog qhov twg sau tsis raug tsis yog los nej ho pab kho thiab zam txim pub mog kawg no thov ua tsaug rau wwww.3haivhmoob.com uas tsim lub website no rau peb daws kev kho siab kev mob siab thov kom 3haivhmoob tsev neeg ntsib kev noj qab haus huv txhua niaj puas xyoo kom tau noj qab hnav zoo mus ib txhis ua tsaug ntau yog nej xav ntsib kuv lub npe facebook yog *( thovkojibzaug lee ) ces ntsib kuv tau txhua sij hawm ua tsaug