Dab Neeg Tsov Thiab Mes Es

Ntev los lawm..Muaj ib  xyoo lub ntuj qhuav heev tsis muaj dej haus li yog li ntawv  ib tug tsov thiab ib tug Mes Es nkawv ob leeg tau los nrhiav pom ib lub me nyuam  pas dej  tab sis dej kuj tsis ntau heev yog li nkawv tau sib ntxeeb dej haus.  Thaum hais tsis sib haum no nkawv tau sib mos thiab sib tog, sib nraus  sab dhau hwv lawm koj los yeej yuav tuag li  kuv los yuav tuag tib yam nkaus  vim nqhis dej heev thiab kuj tshaib plab,  nkawv nyias  cia li pw nyias ntawm ntug pas dej lawm.  Ib pliag  nkawv pom ib tug dav ya saum nkawv nrab qaum mus mus los los..tos thaum twg nkawv tuag ces tus dav no yuav ya nqis los noj nkawv cov nqaij xwb.
                Thaum zoo li no lawm nkawv thiaj hais tias wb yuav tau sib faib dej haus  kom wb  txhob tuag yog tsis li ntawv ces thaum tsis tau dej haus wb ob leeg tuag tag tib sis  tus  maum dav  sauv cia li  los muab  wb noj xwb.  Thaum nkawv sib  tham haum li no nkawv  thiaj li tau cia ib tug haus tag ib tug ho los haus cov dej ces nkawv ob leeg tsis tuag tib si, nyias mam li mus nyias lawm xwb.
Zaj Dab neeg no qhia tau tias: " Muaj Dab Tsi Los Sib Faib Noj Sib Faib  Haus  Zoo Dua qhov uas  Yus cia Yus  Ib Leeg Noj Xwb ..Tab sis thaum kawg  Tsis tau noj ces ob leeg plag tag nrho li".   Ua Phooj Ywg Zoo Dua  Ua Yeeb Ncuab

                                                      

---

koj puas nyiam zaj dab neeg no thiab sau rau nram qab no;

HTML Comment Box is loading comments...