CeebToom:Cov tshuaj ntsuab no tsuas qhia ua kev kawm rau suav daws xwb vim tsis tau soj ntsuam tawm los ntawm kws kho mob, tej yam uas nej yeej paub los yog tej laus ib txwm siv dua los lawm ces nej siv tau.  Yog tej yam nej tsis paub zoo es pom qhia rau hauv no xwb no los txhob lam coj mus siv tsam ho txhaum rau koj tus mob  ces tsis muaj tshuaj los daws los yog kho tau. Txhua yam tshuaj qhia hauv no nej coj mus siv ho muaj teeb meem peb tus tswv los yog lub Vas Sab qhia cov tshuaj no yuav tsis lees paub los yog thaj tsob txog. Ua Tsaug,

Tshuaj Thaiv Dab

Tshuaj Kho Mob
PictureQhiav Daj & Nas Muv
MUS YOS HAV ZOOV MUAJ DAB PHEM LOS HEM KOJ, LOS UA PHEM RAU KOJ YUAV UA CAS THIAJ PAB TAU?TEB:Yog koj mus yos hav zoov tua tsiaj, muab dab phim nyoob vais, dab hav zoov, los yog muaj dab phem los hem koj, ua cua daj cua dub los nplawm ntawm koj nyob, los ua suab npua quaj, ua suab nees hee yam yuav pab tau koj ces yog li nram no:

  1. Txhua zaus koj mus yos hav zoov nco ntsoov npaj los yog nqa 1 daim nas mus qhuav qhuav, muab tuav los yog mos kom nws ua hmoov kom tag.
  2. Txhoov ib co qhiav daj (los yog ib cov neeg hu ua Vam Phais, los yog : Vas Phais) qhuav qhuav ces koj muab sib xyaws nrog cov nas muv uas piav nqi#1 sauv.
  3. Yog muaj dab los hem koj raws nraim li piav saum toj  ces koj muab cov nas muv thiab cov vam phais los yog qhiav daj no do sib xyaws ua ke kiag, koj raws taws kom muaj hluav ncaig liab ploog ces muab ob co no tso kiag rau saum cov hluav ncaig kom nws kub nyhiab tsw ntxiag thoob plaws qhov txig chaw xwb ces ib pliag tus dab hem koj no yeej khiav xwb xwb thiaj tag. Nov yog ib hauv tshuaj uas tej laus ib txwm siv los pab rau lawv thaum lawv mus yos hav zov. Nws yog ib hau tshauj 12 lag nyiaj tab sis nim no peb muab qhia suav daws ua kev kawm lawm xwb. Leej twg nyob cov teb chaws uas muaj cov khoom no es ho mus yos hav zoov los npaj nrog koj tau ua tshuaj siv yog ib qho zoo.
Tus Qhia: Hmoob Tshuaj Ntsuab
 Picture















Cov nroj paj dag no muaj ntau lub npe, ib co neeg hu ua nroj pab dawb, ib co hu ua nroj kas las mas raws lus nplog. Cov nroj paj dag no feem ntau muaj nyob rau cov teb chaws zoo li Nplog Teb thiab Thaib teb ntau.  Kev siv kuj tsis paub tias lwm tus neeg ho muab siv mus li cas tab sis yam nroj no yog hais tias koj ua riam raug koj tes to, raug nqaij qhov twg to los xij thaum lub qhov nqaij tseem tshiab heev , koj cia li mus de kiag cov uas nplooj tseem mos mos zoo li daim duab sauv sab laug , coj los tsoo tsuag tsuag qhwv kiag rau mas lub qhov nqaij tsis txham dej. Lub qhov nqaij cia li laus kiag ces zoo zuj zus thiab zoo sai kawg nkaus li. Yog tias tsis muaj dab tsi tsoo , koj cia li muab qhov ncauj zom tsuag tsuag kom mos mos coj los qhwv lub qhov nqaij haj yam zoo sai.