Tshis SiB Nraus Saum Choj
CeeB Toom: Txwv tsis pub koj muaj cov dab neeg hauv no mus hais rau youtube los yog xov tooj cua.
Tus Sau: Hmoob Khej3 Email: Birdybrid@yahoo.com Ntev heev dhau los lawm txawm muaj 2 pab tshis (mes es) mus noj zaub rau ntawm 2 sab roob. Nruab nrab ntawm 2 lub roob ntawv nws yog ib lub kwj ha txhab heev li laub lug rau puag hauv qab roob lawm xwb. Nws muaj ib tug me nyuam choj me me txaus ib tug tshis taug hla tus kwj ha ntawv rab sab roob tim ub tim no. Lub sij hawm thaum ntawv 2 pab tshis ntawm no tab tom los txog rau ntawm tus choj me me. Pab tshis sab roob sab tim ub yuav tuaj mus noj zaub rau sab roob tim no hos pab tshis sab roob tim no los yuav tuaj mus noj zaub lawm sab roob sab tim ub ces 2 pab tshis ntawv txawm los txog rau ntawm ib nrab kev ntawm tus choj. Muaj ib tug tshis uas yog pab tshis sab roob tim ub txawm hais tias "Nej pab ntawm koj na...kav tsij thim rov qab lawm tim ub cia peb pab nrtawm no taug tus choj no mus lawm sab tim ub tso thaum peb mus dhau rau tim ub tag lawm tso nej mam li mus lawm tim peb sab" Ib tug tshis ntawm pab tshis sab roob tim no txawm teb tias "Peb tsis kamthim rov qab lawm...nej pab ntawm ko ntag lau...yog pab uas yuav tsum thim rov qab zam kev rau peb mus tso nej mam li tuaj mus lawm tim peb sab" Thaum no ces 2 pab tshis ntawm no sib cav sib ceg koj los cem tias tim kuv khuam koj txoj hau kev. Kuv los hais tias tim muaj koj khuam kuv txoj hau kev sib cav sib ceg ib tug tsis nyooib tug li lawm ntag. 2 pab tshis ntawm no pab twg los tsis kham thim rov qab li lawm ntag thaum no. Thaum no ces 2 tug tshis uas nyob pem hauv ntej ntawm 2 pab tshis no thiaj li sib nrau sib laub saum tus choj vim koj los xav mus tim kuv sab kuv los xav mustim koj sab. Twb yog vim tus choj me thiab nqaim heev thaum 2 tug tshis ntawv sib nrau sib laub los mus thiaj li ua rau 2 tug poob qab choj poob qab tsuas tuag tag huv si lawm. Thaum no ces tshuav cov tshis uas lawv qab ntawm 2 pab tshis ntawv lawv pom tau tias yog peb ua li 2 tug ua ntej ntawv es koj tsis nyoo kuv hos kuv los tsis nyoo koj es peb sib nrau saum choj no ces choj los nraim thiab thaum kawg ntshe peb yuav poob choj tuag tag zoo li 2 tug ua ntej ntawv ntag lau. Thaum zoo li no lawm pab tshis sab tim no thiaj li mam xav tau "Yog vim li cas peb thiaj li yuav mus noj zaub (mos) rau sab tim ub...sab tim peb nyob no zaub twb noj tsis tag lawm...yog lawv pab sab tim ub tsis muaj zaub nopeb kuj zam kev rau lawv tuaj noj zaub sab tim peb xwb....nws zoo dua li peb sib txeeb mus hla choj es koj los koj tsis zam kuv hos kuv los kuv tsis zam koj...yog tias peb ua li no ces thaum kawg peb yuav poob choj tuag tag li lau" Thaum ntawv ces pab tshis sab tim no thiaj zam kev rau pab tshis sab tim ub tuaj noj zaub rau sab tim no. Thiaj li tsis muaj tshis sib txeeb hlachoj poob choj tuag ntxiv lawm. Lus Ua Tsaug: Ua tsaug ntau koj sau cov dab neeg zoo zoo tuaj ua kev lom zem rau ib tsoom niam txiv kwv tij neej tsa. 3Haiv HmooB Admin. Nkauj Dab Los Tos Xyum Part 2 |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj Dab Neeg saum no sau nram qab no. Nias nov rov mus Nplooj Kev SiB HLUB
Widget is loading comments...