Tau Hlub Tsis Tau YuavTus sau: Awj Haum Email: tsabntawvhlub@hotmail.com
|
Txwv: Txwv Tsis pub leej twg tuaj muab cov dab neeg hauv no coj mus tso tawm lwm qhov yog tsis tau txais kev tso cai los ntawm 3haivhmoob.com.
Warning: No one can capy these stories at www.3haivhmoob.com to post on your own or other websites without our permission. Thank you for your cooperation. |
Nplooj-1 Kab Npauj wb txoj kev hlub tshwm sim thaum xyoo 2003 - 2004 los ntawm kev sib tham internet. Txoj kev sib tham kev ncua deb tau txais tsab ntawv xwb los lub siab yeej sib hlub cuag wb nyob ua ke lawm...hnub twg kuv tsis tau nyeem nws tsab ntawv yeej ua rau kuv nco nws mus lawm ib hnub li..nws los yeej tib yam nkaus thiab.... Awj Haum yog lub npe ntawm ib zaj movie uas zoo thiab tu siab heev ..Vim Awj Haum yog ib tug neeg siab zoo...Kab Npauj thiaj tau muab kuv lub npe hu ua Awj Haum raws zaj movie......
Vim txoj kev hlub uas yeej nyob rawv wb ob lub siab tsis ploj li..wb txoj kev hlub thiaj loj hlob los txog hnub wb tau sib ntsib thaum 2005 rau lub nroog Xav Kas Mev Taum, Kas Lis Faus Nias. Nyob rau hnub ntawv kuv tau tsav ib lub tsheb liab hos hnav ib ce xam koos dawb zoo nraug heev li..nyob li ntawm Kab Npauj hnav ib daim tiab luv luv txij qaum hauv caug , hos lub tsho luv luv yuav luag pom nws lub cev hluas nkauj.. Kab Npauj wb tau sib ntsib ntawm ib qho chaw ua si..thiab thawj zaug no wb sib puag nkaus..ob lub qhov ncauj tau los sib lo ua ib lub, ob lub cev tau koom ua ib lub lawm xwb...Lub ntiaj teb no tshiab thiab zoo heev li..tam sim no kiag ces tsuas muaj Kab npauj thiab Awj Haum nkawd ob leeg lawm xwb hauv ntiaj teb no.. Wb tau sib puag txaus txaus thiab zoo lub siab lawm wb mam ho hloov chaw mus rau ntawm chaw pw. Kuv tau pw ntawm Kab Npauj xub ntiag cia nws sab tes rau kuv ncoo..ke sib tham ob lub qhov ncauj kuj los sib twb ib pliag ib pliag...thiab hnov ob co me pa tsw tsw qab tawm los xwb.. Kab Npauj wb tau cog lus tias wb yuav sib sau los ua ib yig neej sib hlub mus kom txog hnub kawg thiab yuav tsis muaj hnub uas ib tug ncaim ib tug li...Kaj ntug tag kis xwb lub caij nyoog tau los txog ces kuv tau ncaim rov mus rau xeev Mis nis xaus tas lawm. Wb npaj siab yuav rov sib cuag rau thaum 7 hli hnub tim 4 es mam sib yuav ( July 4th 2005), tab sis vim txoj kev ncua deb ib leeg nyob ib ntus ..tsis sib cuag txhua hnub txhua hmo..ces tus nyob deb yeej swb tus nyob ze.. Kab Npauj tau mus kawm ntawv thiab ua hauj lwm..thiab ntsib ib tug txiv neej dag tias tsis tau muaj poj niam...nij hnub hais lus zoo heev rau nws li ...ua rau nws tau qaug kev hlub swm tus txiv neej dag no lawm..txoj kev uas kuv nco Kab Npauj los nco npaum ntawd..txoj kev Kab Npauj nyob ua ke tshwm sim kev hlub nrog tus txiv neej dag no los kuj loj hlob zuj zus tuaj txhua hnub thiab....Vim Kab Npauj txoj kev hlub plam rau tus txiv neej dag no ces thaum kawg thiaj tau mus ua nws niam yau... Vim txoj kev hlub tsis raws siab xav li qhov ntshaw....nyuaj siab heev Kab Npauj thiaj tau sau tsab ntawv no rau kuv uas yog nws tus me Awj Haum...: " Nyob zoo Awj Haum Tus Neeg Kuv Hlub..Lub neej no ces yog txoj sia tu tsis taus es thiaj tseem nyob xwb os mog txhua yam tsis mus li qhov kuv xav tseg ntawd li os mog. Lub neej no yog mus tau zoo li qhov koj hais lawm ces tsis tag koj yuav txhawj txog kuv lawm mog tab sis txhua yam tsis zoo li qhov uas koj thiab kuv xav kiag li os. kuv nyob ua hnub ua hmo lwj siab ntsuav xwb. yuav mus zoo dua los yuav nyob zoo dua mas? thov qhia kuv thiab vim tias kuv tsis paub yuav ua li cas li lawm os. kuv mus los ntshe yuav kawg tuag hos nyob los ntshe yuav kawg tuag lawm xwb. tsis paub yuav muab txoj sia mus cog rau leej twg thiaj li yuav dim os. kuv vam tias koj yuav nkag siab zoo kuv thiab. honey kuv ces tam sim no yeej tsis pom qab ua li cas li lawm. xyov yuav ua li cas thiaj li zoo. lub neej tsis mus li qhov koj hais thiab xav mog los vim kuv tsis xav tau lub npe phem xwb es kuv thiaj li uv nyob hnub dhau hnub nkaus xwb os. kuv lwj siab heev li tsis zoo li qhov koj xav rau kuv li mog... kuv lam nyob kom txog caij txog nyoog xwb ces ntshe txhua yam yuav ploj hauv lub ntiaj teb no mus thiaj tag os...........thov hlub kuv thiab txhob xav phem phem rau kuv mog tsis yog kuv xav xav mus zoo li no os. kuv tiam tau daim ntawv tsis zoo los ua neeg thiaj zoo li no lawm xwb os honey. nyob nug kuv moo thiab koj tej lus kuv yeej nco ntsoov tseg mog......los vim kuv ua tsis tau li cas lawm xwb txhua yam tseem nyob li qub os....vam tias koj yuav nkag siab kuv zoo lawm....." Tom Qab kuv tau nyeem nws tsab ntawv no tag ua rau kuv txhawj txog nws heev ..txawm tsis sib tau los kuv xav kom nws muaj kev kaj siab thiab muaj txoj sia txuas ntxiv mus lawm tom ntej es nws mus muaj nws ib lub neej..kuv txawm yuav mus muaj kuv ib lub neej lawm los xij vim wb tau muaj tej yam zoo zoo ua ke ib zaug dhau los mus lawm.. Hnub tsis ntev tom qab kuv kuj tau rov txais nws ib tsab ntawv ntxiv qhia txog nws lub neej nyuaj siab raws li nram Lus Ceeb Toom:
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |
Nplooj-2"Nyob zoo os, kuv tseem nyob li qub tab sis tu siab tias kuv txoj hmoo tsis zoo kuv thiaj tsis tau tuaj pom koj...koj txhob txhawj txog kuv os. cia mam pheej txoj hmoo mus seb zoo li cas xwb os. kuv nco koj kawg li los kuv tsis zoo nug koj moo li xwb os.kuv thov txim ntau uas kuv tsis tau sau ntawv tuaj rau koj lawm vim yog kuv poob kuv txoj hauj lwm lawm es kuv thiaj tsis tau kev sau ntawv tuaj rau koj lawm xwb os. tam sim no kuv nyuam qhuav mus pib dua ib txog hauj lwm tshiab dua es kuv thiaj tsis tau ntsib koj los ntev lawm kuv yeej xav pom koj kawg los tsis tau pom li cia seb puas muaj ib hnub kuv tau pom koj xwb os.... hey, kuv tug sister tuaj rau MN lawm thiab seb puas ntsib koj es puas thaij tau koj los rau kuv pom nas. thiab seb koj puas pom nws thiab, kuv vam tias tej zaum nws yuav tuaj pom nej lawm thiab no. kuv xav tuaj pom koj kawg li tab sis txoj hmoo tsis muaj li ces kuv tsis tau tuaj ces cia nws tuaj seb puas pom nej thiab thaij tau nej los peb saib xwb os. kuv hais rau koj paub tias kuv nyuaj siab heev li xyov yuav hais li cas thiaj li zoo os kuv tsis xav ua neeg li lawm os... xav li cas los tsis muaj ib qho zoo li. xyov yuav nyob es zoo los xyov yuav tuag es zoo. chim siab tshaj plaws li os............. hey koj mus july 4 ces muaj fun rau kuv thiab nawb mog.........kuv nco koj os.... xav nrog koj mus xav nrog koj ua ke ib zaug seb puas daws tau kuv txoj kev chim siab os honey. koj nyob mloog seb puas hnov kuv lub moo zoo os mog..........thov kom koj nyob zoo thiab kaj siab xwb nawb mog..........."
Tom qab nws nws sau tsab ntawv ob rau kuv tag lawm ces kuv yeej tsis hnov txog nws xov li lawm....Xav tias nyaj nws tau lub neej zoo kaj siab raws siab xav es tsis nco txog nws tus AWj Haum uas nws ib txwm hais tias nws hlub tshaj plaws lawm.. ..Suav ib hnub Kab Npauj txoj kev hlub tsuag lawm zuj zus tsis nco txog nws tus Awj Haum..uas nws ib txwm hais tias nws hlub hlub li lawm... Tsis xav tias poj niam lub siab yuav hloov sai ua luaj...muab xam mas siab dub tshaj plaws li.....nov yog qhov kuv xav nyob nraim rau lub siab... Qhov tseeb tiag tsis yog li qhov kuv xav no...Kab Npauj tau txo nws txoj sia tag sim neej rau thaum xyoo 2006 lawm...Ua ntej yuav txo nws txoj sia ntawd nws tau sau ib ntawv ua zaum kawg rau nws tus Awj Haum li no.. "Nyob zoo os awj haum puas nco kuv tiag mas lod??? ua tsaug rau koj lub sij hawm uas tseem nco txog ib tug neeg hmoov phem li kuv no thiab os mog. xav tias ntshe tsis muaj leej twg nco thiab tshua txog kuv li lawm no os. ntawm kuv ces xav tias tuag lawm no xwb es thiaj li tsis mob siab xwb mog, koj yeej paub tias hauv kuv lub siab hlub thiab nco koj npaum li cas kuv txawm hais me xwb los koj yeej paub ntau lawm os mog....ntawm kuv tus kheej ces nyob kho siab khuav thiab lwj siab ntsuav xwb xyov lub neej yuav muab xaus mus zoo li cas os. tam sim no ces kuv twb nyob tsis muaj chaw thiab tsis muaj tswv li lawm tsuas yog txoj sia tsis tu es thiaj tseem nyob li no nkaus xwb ios. Thaum koj tsis pom kuv sau ntawv rau koj lawm ces yog kuv tau ncaim koj mus hauv lub ntiaj teb no lawm...Vim rov los tsis zoo li tus qub lawm...Koj los ntshe tsis yuav kuv lawm thiab.. Lwm tiam muaj tseeb tiag mam thov rov ntsib koj dua. Zoo Siab tiam no tau paub ib tug neeg zoo li koj mog...Koj nyob ho nco txog lub caij wb muaj kev lom zem thiab kaj siab ua ke uas yog thawj hnub tau ntsib koj mog.. Es kuv mam ntsib koj rau lwm tiam lawm xwb..tiam no ces tsis muaj lawm....Lwm Tiam yog tias muaj tseeb tiag mam rov los hlub koj pauj txoj kev sib nco nyob rau lub neej tiam no..qhov uas kuv tsis tau koj thiab koj tsis tau kuv...." Txij nov los ces kuv yeej tsis tau txais nws ib tsab ntawv li lawm..thiab tsis ntev los tom qab no nws tus viv ncaus tau hais rau kuv tias Kab Npauj tau tag sim neej lawm vim txoj kev lwj siab...Qhov tag txoj sia no yog nws noj tshuaj...thiab ua ntej thaum yuav tag txoj sia nws phij tseem hu txog Awj Haum lub npe tag li...txog kiag thaum tsis hnov lawm... Tau Hlub Los Tsis Tau Yuav tau los xaus li no xwb...Thov kom nws mus zoo thiab lwm tiam rov tau ntsib ib tug neeg ntxim hlub li...Kab Npauj.. Tus sau zaj kev hlub:AWj Haum |