Kev Ua Neej Tseeb Tiag Ntawm Tib Neeg Lub Neej
|
Tus Saua:
Soob Cai Muas lovetolisten49@gmail.com Phon 604 - 441 - 3950 Lub tswv yim kev thoob tsib to nrog kev ua neej ntawm txoj kev tseeb tiag. Yog peb ua neej ib xyoo dhau ib xyoo xwb ces, cog nplej thiab pob kws. Yog peb ua neej kaum xyoo thiab nees nkaum xyoo ces, cog xyoob thiab cog ntoo. Yog peb ua neej ib puas xyoo ces cog kev txawj ntse thiab tswv yim. Yog peb yuav ua neej mus ntau tiam ces cog kev hlub thiab nrhiav phooj ywg. Yog thaum peb saib lwm tus peb yuav tsum ua zoo nrhiav tej yam zoo uas luag muaj, yog thaum yus saib yus tus kheej yuav tau ua zoo nrhiav tej yam uas yus tseem tu ncua. Txob muab yus lub neej piv rau lwm tus lub neej vim nyias muaj nyias txoj hmoo. Txhob muab yus txoj kev ntshaw los rhuav tshem yam uas yus twb muaj lawm. Yam khoom uas yus muaj lawm ua rau yus saib tsis muaj nqis tab sis muaj coob leej ntau tus twb tsis muaj. Txhua tus poj niam yeej tsim nyog tau txais tus txiv txoj kev hlub thiab qhuas, txhua tus txiv neej yeej tsim nyog tus poj niam yuav tau hwm thiab saib tau. Lub neej dhau los thiab lub neej tom ntej yeej tsis muaj ib tug neeg twg yuav paub txog li yog li yuav tau siv lub sijhawm kom muaj nqis. Txoj kev hlub nyob qhov twg ces lub neej txoj sia nyob qhov ntawd. Yog yuam kev xwb tsis ua li cas, tab sis yog paub meej tias yog kev txhaum thov tsis txhob ua. Tus neeg uas ntse saum lub hlwb xwb tsis yog ntse hauv siab tuaj ces tseem tsis tau ntse tiag. Thaum nyob deb ces cuab suab hu thaum nyob ti yuav tsum ua ntsej muag luag ntxhi. Ua siab ntev mas iab cuag tshuaj ua siab luv mas nrov npaum hluav taws kub tuaj. Txoj kev hlub uas tseeb txhua tus ntshaw thiab xav tau ua lub neej sov siab so yog muaj raws li cov lus no, yog hlub tiag yeej mloog lus, yog lub tiag yeej txawj hais lus zoo, yog hlub tiag yeej ncaj ncees, yog hlub tiag yeej tsis zais siab, yog hlub tiag yeej ua tau siab ntev, yog hlub tiag yeej muaj kev zam txim, yog hlub tiag ces yeej tsis muaj pauj, yog hlub tiag yeej ua tau txhua yam rau, yog hlub tiag yeej muaj lo lus zoo qhuas, yog hlub tiag yeej paub puag thiab plhws nws. Kuv sob lus tsuas muab sau los xaus li no xwb yog leej twg muaj lub zoo laj lim tswv yim thov muab sau txuas ntxiv thov txhob thuam thiab saib tsis taus. Ua tsaug ntau. |
Cov lus zoo zoo saum no yob ib qho kev kawm tau siv..koj ho xav li cas thiab sau rau nram no. Nias nov mus nplooj1
Comment Box is loading comments...