Roob KuB TwM (ພູເຂົາຄວາຍ) yog ib lub roob hav zoov thiab kuj muaj zej zog nyob tsis deb tsis ze ua ke. Ncua kev ntawm roob kub twm rau lub nroog vees cas  kwv yees deb li ntawm 40 kilau mev thiab kiag thaj chaw no nws muaj qhov dav ob sab tib si los ua ke li ntawm 2,000 ki lau mev puag ncig. Raws li keeb kwm cov hauj saum tau mus nrhiav lawv cov txuj ci khawv koob mas cov hauj sam no tau piav tias ntawm roob kub twm no muaj dab tso hlob heev. Nyob rau cov roob zeb roob tsuas puag ncig koj muaj peev xwm mus khaws los yog nrhiav tau pov haum coj los rau tib neeg tiv thaiv tus kheej yog hais tias koj yog ib tug tib neeg muaj hmoo. Keeb kwm tseem qhia ntxiv tias kuj tau muaj cov hauj sam mus ua khawv koob muab cov pov haum uas nplog thiab thaib hu tias: Lev Laim los yog raws li Hmoob paub mas yog cov pob zeb dub uas leej twg muab phom tua koj los yeej tsis nrov thiab. Keeb kwm ntawm hauj sam tseem nthuav qhia ntxiv tias cov hauj sam uas mus nyob hav zoov rau tej qhov zeb qhov tsua ib ncig ntawm Roob kub twm no lawv kuj tseem mus khaws tau pob txha zaj nyob rau tej lub qhov tsuas loj loj tib yam nkaus.          
             Nyob li nij hnub nim no Roob KuB Twm tsuas yog nom tswv ib thaj chaw txwv tsis pub tib neeg mus ntov xyoob ntov ntoo thiab tua tsiaj lawm xwb tab sis tseem yog ib qho chaw uas  muaj dab tso hlob los yog loj heev rau cov hauj zam yog li ntawv cov hauj sam Thaib , hauj sam Qhab Meem thiab Hauj Sam Phab Mab uas paub txog tej kev kawm txuj no yeej tseem ntshaw thiab xav tuaj mus ncig rau Roob KuB Twm.


Qhia Kom Paub:
   Lo lus tias" RooB KuB TwM"  no tsis tau ntaus nqi tias lub roob zoo nkaus li tus kub twm los yog tias lub roob no muaj kub twm ntau ntau es lawv thiaj tis npe hu ua Roob Kub Twm. Raws li keeb kwm nplog piav tseg mas ''RooB KuB TwM" tsuas qhia tau tias thaum ub thaj chaw no muaj twm coob coob xwb ces  cia li muab hu ua roob kub twm rau thaj chaw no lawm xwb.

---

Koj xav li cas txog zaj keeb kwm no? Sau 6 nram qab

Comment Form is loading comments...