Qhov Cav Npuag Tsis Thiab Qhov Cav Npuag XUB
Vim li cas ho muab hu npe raws li saum toj no?
Roob Phuv Npiab Photo: Txawm Love Xiong From; Facebook
Lub Roob Phuv Npiab nyob teb chaws Nplog no nws yeej muaj keeb kwm ntau yam nyob rau sauv tab sis peb yuav piav thiab muab ob yam uas yog ib qho keeb kwm rau cov niam txiv kwv tij Hmoob kev ua noj ua haus li 70 tawm lub xyoo los yog thaj tsam tom qab ntawm xyoo 1940 tawm me ntsis dhau los mus ntawv piav tseg zwm ua keeb kwm rau ob tug kwv tij Hmoob uas hu ua Npuag Tsis thiab Npuag Xub nkawv vim yog tsis khaws cia ces tag cov laus phaum neeg no yuav tsis paub txog tias ob tug kwv tij no nkawv ho muaj dab tsi cia tom qab nkawv twb tag sim neej lawm los tib neeg phij tseem cav txog.
Npuag Xub thiab Npuag Tsis no raws li paub mas nkawv yog cov neeg nyob rau sab teb chaws thas nyav uas puab rau phuv laj pham phais los yog zos Tiaj Zoo uas nplog hu ua Paj Doo vim nkawv tuaj mus ua liaj ua teb nyob rau sab moos cab teb uas zoo ua teb yeeb heev lub sij hawm ntawv mas nkawv tau hla lub roob phuv npiab no tuaj mus mas ib hnub ob tog tsaus kuj hla tsis dhau lub roob no. Thaum rov qab los tsev los kuj los ib hnub tsis dhau lub roob no ib yam yog li Npuag Tsis nws thiaj li tuaj pom ib ya cav loj heev vau rau ntawm ib sab kev ces nws txawm mus muab yav qab ca ntawv ua ib lub txaj chaw pw hauv qab ca hauv. Thaum nws tuaj nram tsev tuaj ces tuaj pw ntawm nws yav qab ca no kaj ntug mam mus rau nram nws daim teb lawm. Thaum los tsev ces los txog ntawm yav qab ca no pw ib hmos kaj ntug mam rov los txog nram tsev yog li thaj tsam ntawm no tib neeg thiaj muab hu siav npe tias qhov cav Npuag tsis.
Ntawm tus kwv tij Hmoob uas npe hu ua Npuag Xub no los taug tib txoj kev tuaj mus ua teb yeeb nyob rau sab teb chaws moos cab ces mus los tsis dhau lub roob phuv npiab no tsaus ntuj lawm nws mus nrhiav tau ib ya qab ca pw thaum mus thiab thaum los ib yam..nyob rau ntawm no thiaj siav npe hu ua Qhov cav npuag xub. Tom qab no nkawv twb tuag tas lawm los ob qho chaw no tseem siav npe thiab tib neeg dhau txoj kev no yeej paub tias ob lub qhov cav no yog thaj chaw twg. Yog li no thiaj hu tias Qhov cav Npuag Xub thiab qhov cav Npuag Tsis. Qhov keeb kwm no kuj tsis tseem ceeb npaum cas tab sis muab zwm tseg kom tej me tub me nyuam tom qab paub tias vim li cas ob qho chaw no tej laus ho muab tis npe hu li no.
Lub Qhov cav npuag ntsis mas nws nyob puab rau sab roob phuv npiab uas ntxee hlo mus rau teb chaws moos cab lawm, hos lub qhov cav npuag xub no nyob ntxee hlo rau sab roob phuv npiab uas mus rau zos hawv ntxhw , naj kheem thiab paj doo lawm. Nim no peb mus tsheb thiab nyooj hoom ces 3-4 teev twb txog lawm tab sis yav ntuj thaum ub tej laus ua liaj ua teb ces mus kaw taw xwb ib hnub ob tog tsaus tsis txog yog li thiaj muaj tej zaj keeb kwm li no. Nyob rau ntau lub zos nyias kuj muaj nyias keeb kwm txawv txawv tib yam nkaus li ob qho piav tag los saum no thiab.
Npuag Xub thiab Npuag Tsis no raws li paub mas nkawv yog cov neeg nyob rau sab teb chaws thas nyav uas puab rau phuv laj pham phais los yog zos Tiaj Zoo uas nplog hu ua Paj Doo vim nkawv tuaj mus ua liaj ua teb nyob rau sab moos cab teb uas zoo ua teb yeeb heev lub sij hawm ntawv mas nkawv tau hla lub roob phuv npiab no tuaj mus mas ib hnub ob tog tsaus kuj hla tsis dhau lub roob no. Thaum rov qab los tsev los kuj los ib hnub tsis dhau lub roob no ib yam yog li Npuag Tsis nws thiaj li tuaj pom ib ya cav loj heev vau rau ntawm ib sab kev ces nws txawm mus muab yav qab ca ntawv ua ib lub txaj chaw pw hauv qab ca hauv. Thaum nws tuaj nram tsev tuaj ces tuaj pw ntawm nws yav qab ca no kaj ntug mam mus rau nram nws daim teb lawm. Thaum los tsev ces los txog ntawm yav qab ca no pw ib hmos kaj ntug mam rov los txog nram tsev yog li thaj tsam ntawm no tib neeg thiaj muab hu siav npe tias qhov cav Npuag tsis.
Ntawm tus kwv tij Hmoob uas npe hu ua Npuag Xub no los taug tib txoj kev tuaj mus ua teb yeeb nyob rau sab teb chaws moos cab ces mus los tsis dhau lub roob phuv npiab no tsaus ntuj lawm nws mus nrhiav tau ib ya qab ca pw thaum mus thiab thaum los ib yam..nyob rau ntawm no thiaj siav npe hu ua Qhov cav npuag xub. Tom qab no nkawv twb tuag tas lawm los ob qho chaw no tseem siav npe thiab tib neeg dhau txoj kev no yeej paub tias ob lub qhov cav no yog thaj chaw twg. Yog li no thiaj hu tias Qhov cav Npuag Xub thiab qhov cav Npuag Tsis. Qhov keeb kwm no kuj tsis tseem ceeb npaum cas tab sis muab zwm tseg kom tej me tub me nyuam tom qab paub tias vim li cas ob qho chaw no tej laus ho muab tis npe hu li no.
Lub Qhov cav npuag ntsis mas nws nyob puab rau sab roob phuv npiab uas ntxee hlo mus rau teb chaws moos cab lawm, hos lub qhov cav npuag xub no nyob ntxee hlo rau sab roob phuv npiab uas mus rau zos hawv ntxhw , naj kheem thiab paj doo lawm. Nim no peb mus tsheb thiab nyooj hoom ces 3-4 teev twb txog lawm tab sis yav ntuj thaum ub tej laus ua liaj ua teb ces mus kaw taw xwb ib hnub ob tog tsaus tsis txog yog li thiaj muaj tej zaj keeb kwm li no. Nyob rau ntau lub zos nyias kuj muaj nyias keeb kwm txawv txawv tib yam nkaus li ob qho piav tag los saum no thiab.
