Nplooj-1Muaj 1 hnub lub ntuj los nag xuj xuav lub sij hawm ntawv yog 4 teev thiab 30 feeb thaum yuav tsuas ntuj yog hnub tim 23 lub 8 hli ntuj xyoo 2001 kuv tau tsav 1 lub tsheb mus hauj lwm los txog tom kev kuv tau los ntsib 1 niam tais nkawv tab tom mus teb los tiv nag qawv txog ntawm kev kuv siab mas ntxim li yuav no nkawv heev vim cua tuaj nplawm ntws nag los xauv npo kuv thiaj tau theem kuv lub tsheb thiab noog tias nkawv mus dab tsi los tus hluas nkauj nws niam teb tias nkawv mus teb los xwb . kuv saib nws tus ntxhais kuj yog ib tug neeg loj siab thiab ntxim hlub kawg nkaus kuv thiaj tau tsav tsheb thiab pab thauj nkawv los tsev lub sij hawm ntawv kuv los kuj nyiam tus hluas nkauj ntawv kawg nkaus li thiab tab sis kuv kuj nrog nws tham tsis muaj pes tsawg los peb twb mus txog ntawm lawv tsev lawm kuv tsuas noog tau nws tus phone thiab nws lub npe lub xeem xwb dhau ntawv los peb kuj tau sib ncaim mus lawm . kuv los nyob tau 2 hnub tom qab zoo yam li lub siab ntxhov2 kuv thiaj tau hu xov tooj mus nrog nws tham zoo yam li nws kuj yog ib tug ntxhais txawj hais lus tau ntxim siab heev li , wb kuj sib tham tau yam zoo siab hlo thiab muaj kev kaj siab lug ua 6 kuv kuj muaj txoj kev cia siab thiab nyiam nws heev li lawm . Los txog rau hnub tim 26 -8-2001 kuv thiaj tau mus saib nws ib zaug thiab mus nrog nws nyob ua si txij hnub ntawv los wb tau sib tham ua nkauj ua nraug thiab sib hlub heev li lawm txog thaum 1 leeg tso tsis tau 1 tug tseg vim nws yog thawj tug hluas nkauj uas kuv nyiam thiab txaus siab tshaj plaws hauv kuv lub neej no kuv yeej hlub nws thiab ua ib puas tsav yam rau nws tag nrho txhua yam uas nws xav tau los ntawv kuv yeej muab thiab ua txhawm zias pub rau nws vim lub neej no kuv yeej xav lawm hais tias yuav hlub nws ib leeg mus kom txog hnub kawg thiab yuav ua lub teeb pom kev rau nws mus ib sim . ntawm nws los yeej hlub kuv tshaj plaws li thiab ib sim neej nws yeej tsis tau ua tej yam siab kuv thiab tsis tau hais tej lo lus tsis zoo rau kuv li wb yeej yog ib nkawm nkauj nraug uas zoo tshaj plaws rau tib neeg ntiaj teb saib thiab pom ntsoov tias wb sib hlub tshaj plaws zoo yam nkaus li nkawm me kab npauj tu tis uas nyob thiab mus ua ke nraim txawm lub ntuj tshav ntuj los nag , mus rau txoj xu ke twg los wb yeej sib qhia ob leeg sib ua luag mus ua liaj ua teb rau txhua lub kaum roob txhua lub kaum hav lom zem xauv npo yam tsis nco ntshai thiab txhawj txog 1 yam dab tsi li . Wb ua nkauj ua nraug zoo li no los tau yuav luag muaj 1 xyoos txog hnub tim 09 lub 02 hlis ntuj xyoo 2002 tom qab noj peb caug (30) tag kuv thiaj xav hais tias ib sim neej txoj kev sib hlub zoo ua luaj no txawm ciaj thiab tuag los yeej kawg nyob ua ke ua txij ua nkawm mus li, los rau lub 15-03-2002 wb thiaj tau sib sau los nyob ua ke ua ib yig neej raws li wb txoj kev npau suav lawm tiag . |
Nplooj-2hnub wb rooj tshoob ntawv wb kuj tau ua loj thiab yam tsim nyog kawg nkaus li kuj tau caw tag nrho 1 tsoom phooj ywg , tej niam tej txiv , tej kwv tej tij nkauj muam nraug nus sawv daws tuaj koom thiab foom koob hmoov 6 wb ob leeg nqa coj mus ua wb lub neej , ua ntej 1 lub xyoos ntawv wb sib hlub heev li ua dab tsi los 2 leeg ua mus qhov twg los tuav tes rawv ua lub neej nyob sov siab hlo yam yeej tsis tau xav txog tias tus neeg uas yus hlub tshaj plaws hauv yus lub neej yuav muaj 1 nplooj siab lim hiam txia ntshav npaum li no , vim hnub ntawv kuv tau mus ua hauj lwm nyob rau txawv nroog lawm , ntshe yog kuv tsis nyob lawm nws thiaj mus deev hluas nraug thiab tseem nrog hluas nraug mus ua si twb tsis los zov tsev li , thaum kuv rov los txog txhua yam ntawv kuv yeej tsis paub kiag li tsuas yog muaj neeg hais 6 kuv xwb kuv kuj xav tias kav liam nyaj tsuas yog luag lam hais xwb no cas muaj ib hnub kuv mus tim khw (tab laj) cas kuv txawm pom nws nrog 1 tug hluas nraug zaum noj fawm tom lab kuv thiaj tau mus noog nws los nws kuj tias yog lawv cov phooj ywg xwb , dhau ntawv los nws tau ua phem rau kuv heev li. wb ob leeg kuj tau muaj ib tug tub nyuam qhuav muaj 1 xyoo ntau xwb . tab sis wb kuj tau sib cav sib ceg ua hnub ua hmo tsis xav hais lus zoo li lawm ntev thiab ntev mus nws tau khiav mus tom niam tais tsis rov los lawm . tom qab ntawv kuv thiaj txiav txim siab nrauj nws mus . Ib sim neej yeej xav tsis txog tias poj niam nyob hauv lub ntiaj teb no yuav muaj tej tug niag neeg siab phem thiab txia ntshav npaum ntawv li , ntawm kuv tus kheej tsis khuv xim dab tsi tag nrho li yam uas kuv khuv xim tshaj plaws yog lub sij hawm uas dhau los kuv tau siv nrog nws yam tsis nco khuv xim dab tsi li.Ib tsoom phooj ywg yog nej leej twg muaj ib tug hluas nkauj los yog ib txoj kev hlub zoo2 txawm zoo npaum twg los thov nej txhob muab tag tag nej nplooj siab rau tus neeg nej hlub mog thiaj tsis ua rau nej qhov muag dig nawb mog thiab txawm tus nej hlub ntxeev siab rau nej lawm los nej thiaj tsis muaj qhov khuv xim mog . thiab ua ntej nej yuav yuav ib tus hluas nkauj twg los ua poj niam nej yuav tsum ua zoo saib nawb thiaj tsis ua neej yuam kev li kuv . Kawg no thov foom 1 lo lus zoo rau 1 tsoom tub ntxhais hluas uas tau tuaj tsim kev lom zem thiab tso nej zaj dab neeg rau hauv no kom nej suav daws tsuas ntsib txog txoj kev noj qab nyob zoo xwb mog, vam tias yuav ntsib thiab tau nyeem suav daws tej kev zoo siab lwj siab zoo zoo hauv www.3haivhmoob.com no lawm tom ntej es kuv mam ntsib nej dua rau lwm zaus. UA TSAUG . SAUNPE: PHEEJKOOB LAUJ |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com