Txoj Kev Hlub 1 Vuag Li Npau Suav Dhau Mus
Pa Choua Yang
Ib Vuag Li Npau Suav
Hlub ib vuag li npau suav dua thaum 2011 ntawv nkauj hmoob Lopburi thiab Nraug hmoob Wisconsin ..Ntuj os leej nus hmoob tus me neeg kuv tshua yog paub tias tiam no txoj hmoo los tsis txog thiab yog kuv paub tias lub ntuj tsuas pub koj thiab kuv los sib paub , sib pab , sib hlub thiab sib tham xwb tsis pub wb los sib tau.Sim me neej no ntshe kuv yuav tsis nrog koj tham ib lo lus hlo li os.Sim me neej no yog ntxov paub tias wb yuav sib hlub mus tsis kawg ntshe cia wb sib paub thiab ntsib nws yuav zoo dua os leej nus. Yog kuv txhob los ntsib koj thiab kuv lub siab twb tsis mob npaum li no. tsis tu siab, tsis poob kua muag zoo li no. Ntshe kuv twb tsis ua neeg kho siab tas npaum no. Ntshe kuv twb tsis tau ua neeg nyob tu siab nrho li no li os leej nus.Yuav ntev npaum li cas kuv thiaj tsis zoo li no lawm esc as koj yuav zoo li tus pos es chob kuv lub siab lawm es mob tas li xwb.......
Xyoo 2011 peb tau txog rau teb chaws Mi Kas no. September 3, 2011 School started. Kuv tau mus kawm ntawv rau lub tsev ntawv hu ua SPASH. Thawj lub week kuv mus rau hauv tsev kawm ntawv no, kuv txaj muag heev thiab kuv tsis tau paub lus me kas li nws nyuaj heev li. Lub school no yog Senior high school lawm. Lub tsev kawm ntawv no kuv muaj 7 hoob kawm diam. Homework ntau heev, Tiam sis kuv tus English teacher thiab ib tug Teacher hmoob siab zoo thiaj pab kuv txhua txhua hnub li. Lub sij hawm no kuv tsis tau paub neeg coob thiab tsis muaj phooj ywg coob li. Kuv paub 2 or 3 tug phooj ywg xwb. Kuv kho siab tsis xav nyob rau tim no li, kuv nco kuv cov phooj ywg nrog rau cov teacher thiab nrog rau cov neeg kuv paub.
Kuv mus kawm ntawv tau 2 weeks lawm. September 13, 2011 after school peb los hauv bus yuav los tsev kuv tau ntsib ib tug me nyuam tub. Nws noog kuv tias “hey are you senior student here?” kuv tsis paub xyov nws hais ab tsi rau kuv li. Kuv cia li tsis teb nws thiab ntsia nws xwb. Nws rov noog tias “are you senior here and where you from? I never see you before here. Are you Hmong girl or Chinese girl?” Kuv thiaj teb rau nws tias “I’m Hmong, I from Thailand. I sorry I didn’t understand English well so what you talking about?”nws thiaj hais lus Hmong rau kuv nws noog kuv tias koj hu li cas thiab xeem hmoob ab tsi os tus muam? Kuv thiaj qhia kuv lub npe thiab lub xeem rau nws. Nws thiaj ho qhia nws lub npe thiab nws lub xeem rau kuv. Nws mam mus zaum lub rooj nram qab ntawm kuv lub rooj lawm.
Nws nrog kuv ib tus phooj ywg tham noog tias cas kuv txaj muag ua luaj nws yuav hais li cas kuv thiaj nrog nws hais lus. Sim hawm ntawv kuv tus phooj ywg ntawv kuj qhia tias nws nyiam hais lus mas tej zaum nws paub koj tsis tau zoo xwb. Hnub tom qab nws tsis los bus lawm tiam sis nws los nyob ntawv thiab hais good bye rau kuv. Nws ua li ntawv tau ib week diam. Muaj ib hnub kuv tus phooj ywg tseem tsis tau los, kuv los ua ntej thiab zaum ntawm lub rooj, nws noog kuv tias koj puas kam kuv zaum nov thiab os Paj tsuas? Kuv thiaj teb tias tau mas. Nws noog kuv tias koj puas xav tias yog kuv caij bus xwb nws zoo dua los caij tsheb zoo nas? Kuv kuj tsis paub yuav teb li cas rau nws. Tsuas teb tias qhov twg los yeej zoo os. Nws noog tias “es kuv xav saib koj daim schedule, es koj puas kam os. Kuv thiaj muab daim schedule rau nws, hnub tom qab thaum sawv ntxov nws cia li nyob ntawvm kuv lub locker tos kuv thiab thiab nrog kuv mus rau kuv lub class. Thaum tsaus ntuj los yog lub sij hawm peb yuav los tsev nws cia los nyob ntawm qhov rooj tos kuv. Nws niaj hnub los tos kuv li ntawv. October10, 2011 nws thiaj noog peb tus xov tooj, kuv thiaj muab rau nws thiab nws ho muab lawv tus xov tooj rau kuv thiab. Thaum kuv los tsev thiab ua homework lawm nws mam li hu tuaj thiab noog tias kuv puas need help for my math class. Kuv tias kuv twb ua tas pem school lawm os. Nws noog ntau yam heev. Nws noog kuv tias kuv puas tau muaj leej twg nyob hauv kuv lub siab. Nws Hais tias kuv puas kam cia nws yog tus nyob hauv kuv lub siab xwb. Nws yog ib tug neeg hais lus luag ntxhi tau ntxim hlub ntxim nyiam thiab yog li kuv thiaj noog nws tias cas koj ho hais li ntawv os. Nws thiaj hais rau kuv tias thaum thawj hnub kuv pom koj xwb kuv twb nyiag nyiam koj lawm lau. Kuv hlob luaj li no kuv yeej tsis tau pom ib tug ntxhais hmoob uas yuav raug kuv siab npaum li koj , Koj yog thawj tug xwb yog li. Kuv thiaj ua zaj ua ntxeev noog koj lau.
Kuv thiaj xav tias tau mas. Nws hais rau kuv tias koj yog kuv thawj tus hlub ntawm kuv os Paj Tsuas. Suav txij li hnub ntawv los ces wb txoj kev phooj ywg los yog kev hlub loj zuj zus mus lawm. Nws hais rau kuv tias, nws yuav hlub ib leeg mus ib sim li. Suav txij li hnub ntawv los mus qhov twg los wb ob leeg mus ua ke. Txhua txhua hnub nws nrog kuv mus rau kuv lub class uas ntev li mus rau nws lub class. November 11, 2011 yog Hmoob Yaj lub party New Year. Kuv mus ua ntej lawm nws li tuaj tom qab but after peb noj mov tas ces kuv nrog kuv niam hlob mus tsev thiab npaj tus kheej lawm. Thaum nws tuaj txog nws nrhiav tsis pom kuv ces nws thiaj mus noog kuv niam ces nws nyob ntawm qhov rooj tos kuv. Thaum kuv rov tuaj txog lawm ces nws thiaj coj kuv mus rau tom nws cov phooj ywg thiab qhia lawv rau kuv thiab qhia kuv rau lawv. Coob tus kuj hais tias peb xav tias nws yog lwm hiav neeg xwb nws yog hmoob lov. Tom qab ntawv nws kuj coj kuv mus ntsib nws cov brothers and sisters. Nws hlub thiab txhawj kuv heev li. Nws ua zoo heev rau kuv. Nws ua rau kuv tsis nco qab nco kuv cov phooj ywg thiab cov teacher tim thaib teb lawm. Lub xyoo ntawv muaj mus ntsib doctor ntau heev li. Yog hnub twg kuv los ntsib doctor ua ntev lawm es nws yeej tuaj tom peb los yog tias hu xov tooj tuaj. Wb xav kom muaj school txhua txhua hnub li. Vim school yog lub chaw rau wb tau ua ke. Sometimes wb los ua homework ua ke. I felt so lucky heev li vim kuv muaj nws nrog kuv. Kuv muaj problem rau laptop heev li vim kuv tsis tau siv laptop thiab tsis tau kawm txog cov program li. Txhua txhua zaum kuv muaj teeb meem rau laptop ces nws yeej solve tas li. Nws yog thawj tus phooj ywg zoo tshaj plaws thiab ho yog zoo li kuv ib tug nus tseem yog tus hlub thiab. Nws yog thawj tug neeg uas kuv thiaj ntseeg siab tau.
June, 7, 2012 School was over. Kuv tau mus kawm summer school rau lub program hu English For college thiab yuav tau mus ib hlis. Uas ntev tsawv, lub sij hawm thaum kuv yuav mus nws tau hais rau kuv tias “yog koj mus no thov nco ntsoov tias tseem tshuav kuv thiab koj tsev neeg nyob tos koj. Rau rau siab kawm ntawv thiab txhob hloov siab nawb.Txawm ciaj tuag los kuv yeej hlub koj xwb thiab ua lub siab zoo rau kuv nawb.” Thiab nws tseem sau tau ib daim ntawv rau kuv thiab. Yog koj mus nco kuv thaum twg ces nyeem daim ntawv no. Nws tuav kuv tes ces mam mus tsev lawm. June, 10, 2012 kuv tau sawv kev mus lawm. Kuv mus kuv tsis muaj xov tooj li ces nws hu tsis tau rau kuv li. Nov yog thawj zaug uas kuv ncaim kuv tsev neeg xwb. Kuv nco kuv tsev neeg nrog rau nws heev. Kuv tsev neeg two weeks xwb lawv twb hu tuaj nrog kuv tham li 5 nas this lawm but nws kuv tsis tau nrog nws tham li. Txhua txhua hnub kuv rau siab saib ntawv thiab kawm ntawv xwb, ua ntev hnub kuv yuav los tsev kuv tau sau ntawv los rau nws tias “tag kis kuv los tsev lawm os.” Nws kuj teb tuaj tias yog koj los txog kuv li tuaj saib koj os. Es kuv nco koj nas, ua cas tsis hnov koj hu los rau kuv li os. Kuv thiaj teb nws tias twb yog kuv tsis muaj xov tooj, kuv siv kuv ib tug phooj ywg lub phone hu los rau koj ob zaug lawm but tsis ntsib koj li. Kuv hu los rau nws thaum twg los lawv tias nws mus nuv ntse lawm xwb. Hnub last day kuv zoo siab heev vim kuv yuav tau rov los pom kuv tsev neeg thiab nws. Tiam sis kuv tsis paub li Tias nws nyob nws twb muaj lwm tus lawm.
Hnub kuv rov los txog tsis hnov nws ib tsab xov tooj los yog sau ntawv los tuaj saib kuv li but kuv kuj tsis xav li cas. Kuv tsuas xav tias ntshe nws busy xwb. Twb dhua ib hnub ib hmo lawm nws mam li hu tuaj tham ob peb lo lus xwb ces nws mus lawm thiab. Tau 2 weeks lawm yeej tsis hu rov tuaj li but kuj tsis xav li cas li thiab. Muaj ib hnub peb mus shopping nyab Tuam thiab Tuam nkawv thiaj noog tias yog vim li cas wb ho sib tso. Ua rau kuv ceeb tas, thiaj teb tias wm wb tsis tau sib tso os. Nyab thiaj qhia tias nws twb nws muaj lwm tus lawm os kuv me muam ruam es. Kuv kuj tsis ntseeg thiab. Tiam sis 8/18/12 peb nqa school surprise, kuv tau ntsib tas nrho nws cov sisters thiab cov brothers. Lawv txhua tus hu kuv luag ntxhi but nws tsis hu kuv li ua ntxej muag dub txig rau kuv zoo li wb tsis tau sib paub dua li. Thaum kuv pom li no lawm ces mam li paub tias qhov nkawv qhia kuv nws yeej muaj tseeb. Thaum los tsev lawm txawm kuv tsis hais los kua muag poob twj ywm tseg. Txhua txhua yam nws hloov tas nrho li lawm. Kuv thiaj hu rau nws noog tias yog vim li cas but nws yeej tsis teb li cas rau kuv li tsuas yog tias nws tsis khoom xwb. Ces cia li muab khwb lawm xwb. September 2, 2013 peb rov mus school thaum mus txog first week tsis muaj sij hawm sib ntsib li lawm. On Friday September 6, 2013 my English teacher muab nws thiab nws ob tug brothers li duab thaum lawv tseem me me, kom kuv nqa rau nws. Hnub ntawv kuv thiaj nqa nws cov duab los rau nws thiab, thiaj nrog nws tham me me. Thiaj noog nws but nws tseem hais tias wb ib txwm sib ntseeg siab, txhob ntseeg lwm tus tsam yog lawv xav rhuav wb txoj kev hlub xwb. Kom nqa lub koob thaij duab es wb yuav tau thaij duab nyob rau Hmong New Year in 2013- 2014. Hnub Saturday 9/7/13 kuv tau mus pab lawv xauv qhov rooj lawm. Thaum 3:30 P.M. lawv tso peb los noj sus, kuv thiaj pom nws thiab ib tug ntxhais sib tuav tes rawv hais lus luag ntxhi ua ke. Thaum nws pom kuv lawm nws cia li tso tus ntxhais ntawv tes , kuv thiaj hais rau nws tias yog yuav thaij duab ces thaij tsam kuv tsis khoom lawm. Tus ntxhais ntawv tsis tso nws sab tes li. Kuv thiaj li hais rau tus ntxhais ntawv tias, “sorry os phooj ywg thov koj tso nws sab tes wb yuav thaij duab”Tus ntxhais ntawv thiaj tso nws tes ces wb cia li thaij duab tas ces tus ntxhais ntawv rov tuav nws sab tes dua li qub lawm.
Sij hawm dua mus sib pliag nws tus muam yau thiaj los qhia kuv tias tus ntawv yog nws tus new girlfriend. Yog li kuv thiaj xav txog qhov nws kom kuv nqa koob thaij ntshe yog nws thaij duab nrog tus ntxhais no xwb. Kuv thiaj mus hais rau nws tias koj puas xav thaij duab nrog koj tus hluas nkauj nas. Tau mas kuv thaij duab rau nws nkawv but nws tsis smile li thiab nws cia li txav deb ntawm tus ntxhais ntawv lawm. Kuv thiabj muab nkawv ob sab tes los ua ke thiab kom nkawv luag. Thaum thaij duab tas zoo li kuv tsis feel ok, kuv thiaj thov los tsev. Hnub Monday 9/9/13 kuv thiaj noog nws tias tus nov lov, koj tus hluas nkauj tshiab. Thiab muab cov duab rau nws. Wb cov kuv tsis muab rau nws lawm. Suav txij hnub ntawv los wb tsis sib hais lus li lawm wb tseem los zaum ib lub rooj nram qab but tsis sib tham li lawm. Lub xyoo ntawv kuv kho siab , nyuaj siab , mob siab, tu siab heev li. Kuv tsis muaj ib leej twg uas kuv yuav ntseeg siab es qhia kuv cov kev lwj siab li. Tsis quaj li but kuv lub kua muag ntws sis xwb ntshai tsam nws thuam kuv thiab. Kuv xav tias puas yog kuv tuaj tom qab es kuv pab tsis tau nws es nws thiaj tso kuv.?
Wb cov phooj ywj coob tus noog tias yog ua li cas rau wb lawm? Kuv tsis paub xyov yuav teb li cas? Tsuas teb tias tej zaum wb busy es tsis muaj sij hawm sib ntsib xwb. Cov teachers los yeej noog txog thiab tiam sis tsis paub yuav teb li cas lawm tsuas teb tias may be we might busy, had no time to talk xwb. Txhua hnub kuv ntshai rwg tsam lawv noog txog nws thiab kuv. Vim yog lawv noog lawm tsis qhia los tsis zoo qhia los ntshai tsam lawv pom lub kua muag poob. Vim kuv yeej cheem tsis tau kuv lub kua muag lawm. Kuv cia li nyob ua neeg tsis ciaj tsis tuag li ntawv nrog rau cov phooj ywg los tau ib ntus. Muaj ib hnub wb rov los tsev kuv tsaug zog lawm nws cia li tsa kuv thiab hais rau kuv tias ua ib siab mus ua koj lub me neej mog. Txhob nyob li koj lawm os. Thaum kuv hnov nws cov lus no tag ua rau kuv haj yam tu siab heev, tsis quaj rau nws pom tias cia li qi muag twj ywm lawm xwb. Suav txij hnub ntawv los kuv thiaj tu siab nrho ua ib siab mus lawm. Kuv thiaj mus ntsib kuv tus boyfriend tam sis no.Kuv ua ib siab tsis tos nws ntxiv lawm.
Mus zoo koj mog tus neeg kuv tshua. Lwm tiam yog muaj tiag no. kuv mam yug los kom zoo nkauj thiab kawm kom tau master degree es thiaj tsis ua neeg lwj siab no ntxiv lawm mog. Kuv mam nco ntsoov yam zoo zoo uas wb tau muaj dhau los xwb. Yuav tsis nco yam uas phem uas koj tau ua rau kuv ua neeg nrog kev tu siab nrho. Yog mus muaj lwm tus no thov txhob ua rau lawv tu siab zoo li koj ua rau kuv nawb mog, luag thiaj xav hlub koj os. Kuv xav thov kom ib tsoom phooj ywg txhua txhua tus txhob ua li rau nej tus hluas nkauj or hluas nraug. Yog nej tham tau ib tug tsis yog nyob rau hauv nej lub teb chaws los yog nws nyuam qhuav tuaj lwm lub teb chaws tuaj. Vim yog ib qho uas mob siab heev thiab muaj ntau yam rau tus neeg ntawv xav thiab mob siab heev. Vim nws tsis muaj leej twg uas nws yuav qhia tau rau. Tshwj xeeb tshaj xav kom peb cov tub ntxhais hluas nyob rau teb chaws mi kas no. vim muab ceeb heev, tsis paub xav lawm, nws tsuas ua li nws li lub siab nyiam xwb. Tsis paub txhawj lwm neeg lawm thov kawm no thov ua tsaug rau vas sab www.3haivhmob.com uas cia qhov chaw no rau kuv nthuav tawm kuv txoj kev lwj siab uas tau ua kuv lub siab kaj lawm ntau, es mam rov ntsib ib tsoom phooj ywg dua rau lwm zaus.
Sau Npe: Pa Choua Yang.
Ceeb Toom: Txwv tsis pub leej twg muab peb cov dab neeg txhua yam hauv no mus tso rau koj lub vas sab website , Forum los yog lwm qhov uas tsis tau txais kev tso cai los ntawm peb. Tsis pub koj muab luam mus muag thiab , nov peb tsuas tso rau suav daws tuaj nyeem laug caij nyoog thiab ua kev kawm xwb. Ua tsaug ntau.
Warning: No one can copy our stories to post on your own website , Forum or any other internet sites without our permission. Thank you for your cooperation.
|
Lus Qhia:Cov nkauj hauv no peb tsuas tso raws li tus sau zaj dab neeg xa tuaj xwb. Peb tsis ua lag luam yog nej cov tswv leej twg ho xav kom rho tawm no los qhia peb rho tawm xwb . Vam tias nej yuav tsis xav li cas.
|
Txoj dab neeg kev hlub no puas tu siab heev thiab os? Sau rau nram no yog koj xav li cas.
Widget is loading comments...
