Tus Sau: Nyiaj Vwj
Email: huabtaisntuj@gmail.com
Dab, kuv tsis tau pom dua los li xyov zoo li cas? Pheej hnov luag tham txog dab ua rau kuv kuj me siab. Tus raug hem los lawm los kuj muaj, tus pom kiag los lawm los kuj muaj lawm, tus piav li cas los kuj muaj ua rau kuv kuj tsis tshua tau luag thiab xob plaub hau txaus ntshai kawg nkaus li, tab si zaum no kuv kuj tau pom muaj raws li nram no:
Xyoo 2013 kuv tus tij laug zoov tsheej vwj uas yog kuv txiv tus tij laug tus tub nws nyob rau sab moos mauj xeev Xieng Khouang Nws muaj ib tug tub hu ua YEEB. Yeeb wb kuj sib hlub heev nws tham tau ib tug hluas nkauj hmoob mes kas. Yeeb tus hluas nkauj hu ua yaj mim no nkawv kuj tau los sib paub thiab sib sau ua txij nkawm lawm lub sij hawm uas tus nyab los yog yeeb tus hlub nws rov los mus rau USA lawm yeeb tuaj khiav ntaub ntawv nyob rau tuam ceeb vees cas thiab tau tuaj nyob rau hauv lub tsev tos qhua KASIKAM Guest House. Txhua zaum Yeeb tuaj yog nws nyob ntev nws yeej hu kuv kom kuv mus nrog nws pw. Thaum Yeeb khiav nws cov ntaub ntawv mus USA tiav lawm Yeeb thiab Yeeb txiv nkawv kuj tau tuaj mus pw rau lub tsev tos qhua ntawv dua.
zaum no yog zaum Yeeb tuaj xam phaj. Yeeb thiaj hu xov tooj rau kuv mus nrog nkawv pw ua ke tham pem ua si kuv thiaj li mus nrog nkawv pws, kuj cuag li kuv tsis tau ntsib los yog pom dab dua los li es dab txhob txwm ua kom kuv pom kiag ntawm kuv lub qhov muag. Hmo ntawv yeeb peb kuj tau mus pw nyob rau chav (….?) tshooj 3 kwv yees li ntawm 10 pm xwb. Yeeb txiv ces yeej tsaug zog lawm hos yeeb wb tseem tsis tau tsaug zog Yeeb thiab Yeeb txiv nkawv pw ib lub txaj hos kuv pw kuv ib lub ces yeeb wb nyuam qhuav qhau loo cev pw kiag li 15 nas this(15 minutes) xwb wb yeej tseem sib tham sib tham ua si ua cas Yeeb txiv txawm ua qig qawg nti mus nti los tsim tsis meej wb ob leeg ntsia ntsoov wb sawv tsees ces yeeb tsa kiag yeeb txiv tias: txiv koj npau suav los yog uas cas pw zoo zoo mas? yeeb txiv tsim dheev los hais tias ua npau suav xwb os no ces txawm rov qhau loo cev pw khwv yees li ntawm 5 nas this (5 minutes) xwb ces yeeb txiv txawm rov ua qig qawg qig qawg li qub dua ces kuv hais rau yeeb tias ua cas rau koj txiv dua lawm muab koj txiv tsa seb no ces yeeb txawm muab yeeb txiv tsa rub rhe sawv los zaum ces wb txawm nug tias koj ua cas los yog koj npau suav no ces yeeb txiv thiaj tias tseem nrog poj ntxoog sib ntaus es poj ntxoog swb kuv tseem muab poj ntxoog caum khiav lawm.
Thaum ntawv ua rau kuv plaub hau xob vog thiab tsis tshua tau luag pes tsawg nyob rau hmo ntawv. Yeeb txiv mas txawj ua neeb thiab kuv xav tias yog tsis txawj neeb mas xyov tseem yuav muaj teeb meem los kuj tsis paub. Kuv kuj tsis tshua tau luag ces kaj ntug tag kis peb sawv lawm kuv mam nug Yeeb tias koj txiv ua npau sauv li ntawv es nyuam qhuav yog zaum no xwb los yog ua cas, Yeeb tias: tsis muaj dab tsis thiab ho tsis tau pw chav ntawv dua li thiab tuaj pw txhua zaum kuj tsis muaj dab tsi thiab tab sis zaum no wb tuaj ces lwm chav puv tag lawm tshuav ib chav ntawv lawm xwb tab sis qhov teeb meem no kuj tsis ua rau wb ntshai los sis ceeb thiab.
Piv txwv li mab sua nplog los sis lwm haiv neeg uas tsis txawj neeb los sis cov tsis txawj neeb tej thaum uas muaj tej yam txawv txawv tshwm sim zoo li saum no uas yog zoo li ua npau suav muaj tej tug kuj tuag nrog dab ntub lawm kuv kuj pom kiag ntawm qhov muag kiag lawm thiab los yog tim roj ntsha tsis zoo xwb los yog tim dab tsi tiag mas nws zoo li no:
Hnub tim 01/02/2015 dhau los no xwb kuv thiab kuv ob tug phooj ywg peb tau mus tham hluas nkauj ntawm lub zos 516 pas tauv muaj ib tug hluas nplog coj hluas nkauj los pw rau ib chav puab peb uas yog lub tsev so peb mus pw tham hluas nkauj. thaum peb rov los pw kwv yees li ntawm 10:30 pm yuav luag ib tag hmo xwb ces txawm hnov tus nplog ntawv qw qw ua qig qawg nrov ntev loo li ntawm 20 feeb minutes xwb ces lawv kuj tau tuaj coj tus nplog ntawv mus rau tim lub tsev kho mob tsis deb ntawv thiab lawv kuj pab tsis tau nws kuj tau tag sim neej lawm thiab coj los ua dab ua qhua rau tom vaj tse lawm kuj pab nws tsev neeg tu siab kawg nkaus. Qhov teeb meem tshwm sim no kuj tsis paub tias yog tim li cas.
Nyob rau lub 5 hli 2014 dhau los no kuj muaj ob tug tub hluas ib tug yog hmoob ib tug yog plog kuj tau tuaj mus xam phaj ua hauj lwm nyob rau PHU BIA MINING. Nkawv kuj tau tuaj xam phaj tiav lawm hnub xam phaj tag tsaus ntuj nkawv los pw tag kis yuav cuab tib ntxo los mus tsev tsam tsaug zog tsis hnov tsheb ho dhau lawm no. Thaum nkawv pw kwv yees li ntawm 10 teev ces tus tub hluas nplog ntawv ua qaj nrov nrov ua rau tus hmoob tsis tau zoo pw li ces tu hmoob kuj tau mus tsa tu nplog sawv los, tus nplog kuj sawv los zaum zoj ces nws kuj rov qhau cev pws dua lawm li ntawm 10 nas this xwb ces tus nplog kuj rov ua qaj qig qawg qig qawg li qub dua ntev loo tus hmoob kuj xav tias nthse nws yeej ib txwm ua qaj li ntawv nws kuj kav liam lawm lub sij hawm ntawv lig zog lawm thiab tus hmoob kuj cia li tsaug zog tsis nco hnov tus nplog ua qaj txuas ntxiv lawm tag kis kaj ntug 5:00 sawv ntxov tus hmoob sawv los mus ntxuav muag, da dej thaum da dej rov los los tus nplog ntawv kuj tsis sawv li twb yuav txog caij mus tsev lawm los tus nplog kuj tsis sawv li tus hmoob thiaj li xav tias tsam sab sab nws tsis hnov xwb thiaj tau mus tsa lig lig lawm yuav mus tsev no ua cas thaum mus tsa no tus nplog ib ces ces twb txhav tag lawm xyov nws twb tag sim neej thaum twg tsis paub li. Qhov teeb meem no kuj raug rau tus tswv ua lub qhov kub PHU BIA MINING no ua tus thaj tsob.
Tej yam zoo li no nej sawv daws nrog xav seb yog vim dab tsis tiag? kuv xav tias nws muaj ntau yam zoo li no nej sim xav ua li puas yog thiab:
1. Roj ntsha tsi zoo
2. Noj zaub mov muaj tsuaj txhaum
3. Kheev sib tsoo nyhav muaj ntshav los nyob rau nrog cev
4. Yog cov neeg ua muaj keeb kwm
Peb ua neeg nyob txhob lam twv tej yam uas zoo li no txawm yuav muaj tseeb thiab cuav los chawj nws yog ib txoj kev ntseeg ntawm tib neeg tsam ho raug yus ces ho poob nyiaj thiab ua teeb meem nyuab rau lwm tus.
Thaum kawg no thov ua tsaug rau 3haivhmoob.com uas tsim tau qhov chaw zoo zoo no rau suav daws tau tuaj nyeem dab neeg laug lub caij lub nyoog es mam ntsib nej dua lwm zaus.
Sau npe: Nyiaj Vwj Nyob Moos Mauj Teb chaws Los Tsuas.
Ceeb Toom: Txwv tsis pub leej twg muab coj dab neeg hauv no mus tso rau koj lub vas sab website , forum los yog lwm qhov chaw uas tsis tau txais kev tso cai. Tsis pub muab luam muag thiab , nov peb tsuas tso rau suav daws tuaj nyeem laug caij nyoog xwb. Ua tsaug suav daws koom tes.
Warning: Please do not copy our stories to post on your website , forum or any other site without permission. Printing for selling is also prohibited. Thank you for your cooperation.
Dab poj ntxoog koj xav tias puas muaj tseeb ua rau tib neeg tuag tau li txoj dab neeg saum no thiab?...Ho sau rau nram qab no.
Widget is loading comments...