Nyab Laj Noj Dev
Tus Sau: Hmoob Khej3 Email: Birdybrid@yahoo.com Zaj ntawm no nws kuj tsis yog kev hlub. Hais txog kev hlub peb twb sau ntau zaj lawm cia kuv ho sau zaj puav tsis hais txog kev hlub tiam sis nws hais txog tej yam txawv txawv. Muaj ib tug phooj ywg nws kuj xav kom kuv sau txog tej yam txawv txawv rau peb tau nyeem ua si laug hnub laug hmo. Zaj ntawm no kuv thov muab tis npe hu ua "Nyab Laj Noj Dev" Kuv tus txiv hlob piav rau kuv mloog tias thaum xyoo 1977 tom qab Lub Teb Chaws Nplog tau poob mus rau tog Nplog Sab Laug lawm thaum ntawv Nyab Laj thiab Nplog Tog Sab Laug (Nplog Liab) tau pib tuaj mus rau hauv Hmoob tej zej zog tuaj mus qhia txog txoj kev cai tshiab uas yog "Socialism" rau tej pej xeem kom paub. Thaum zoo li no lawm tej pej xeem sawv daws cov uas tseem nyob los lawv kuj tseem nyob lawv li qub ua noj ua haus ua liaj ua teb li qub. Muaj ib txhia lawv ntshai lawv tsis kam nyob khiav mus rau ub rau no muaj ib txhia kuj khiav mus rau Thaib Teb tag lawm. Nyob rau hauv lub zos uas kuv tus txiv hlob ntawm no lawv nyob ces txawm muaj ib pab tub rog Nyab Laj kwv yees thaj tsam 40 tawm leej nrog rau cov tub rog Nplog Liab thaj tsam 20 tawm leej tuaj mus nyob rau hauv lawv tuaj mus nrog pej xeem nyob ua ke pab pej xeem ua liaj ua teb li ntag. Thaum uas pab rub rog Nyab Laj ntawm no lawv tuaj nyob rau lub zos Hmoob ntawm no lawm thiab cov pej xeem feem coob nyob lub zos no lawv khiav tag lawm tshuav cov tsawg nyob lawm xwb lawv tej qaib tej npua tej tsiaj tej ntawv Hmoob khiav tag lawm ces tshuav tej tsiaj no tsis muaj tsw tub rog Nyab Laj xav noj tus twg cia li ntes coj los tua noj tus qus heev ntes tsis tau cia li xuas phom tua coj los ua noj li lawm ntag. Tshwj xeeb tiag yog Hmoob cov "Dev" vim hais tias dev yog ib yam tsiaj uas Nyab Laj nyiam noj. Kev noj dev yog noj rau lub caij ntuj no vim tias nqaij dev tus twg tau noj lawm yuav ua rau nws tsis hnov no tiv taus no thiab yuav tsis raug khaub thuas. Ib xyoos twg no ces lawv tsuas noj tib zaug thaum lub caij ntuj no xwb tsis hais Nyab Laj tsis hais Suav lawv puav leej noj dev li kuv hais los ntawv. Li kuv hais tag los ntawv thaum pab Nyab Laj ntawm no tuaj nyob rau hauv kuv tus txiv hlob lawv lub zos ntawm no lawm Nyab Laj luaj zus txhom Hmoob tej dev coj los tua noj li ntag. Tiam sis txoj kev noj dev ntawm pab Nyab Laj ntawm no yog ib qho txaus ntshai thiab txaus hlub tus dev ntawv heev li. Kev tua ib tug tshiaj coj los no raws li sawv daws xij pheej tua mas yog xuas riam hno caj pas, hlais caj pas yog tias koj tua qaib tua npua. Kev tua dev noj xws li muab dev khi ruaj ruaj xuas qws ntaus kom tuag xwb tab txawm yuav ua li kuv hais ntawm no los kuj yog ib qho uas txaus hlub tus tshiaj uas raug tua ntawv heev li. Tiam sis hais txog Nyab Laj tua dev noj nws txaus nrhiab thiab txaus hlub tus dev uas raug tua ntawv heev li. Xws li yog Nyab Laj muab tus dev ciaj ciaj coj los mus pav tes pav taw muab 4 txhais tes taw coj los pav ruaj ruaj rau ntawm ib tug ntoo zoo li tus ntoo khaub lig tab sis nws ua ob tog ib tog pav ob txhais tes ib tog pav ob txhais taw khi ruaj ruaj li ntawg muab ib tug pas coj los xiab tus dev ntawv lub qhov ncauj kom rua loj. Thaum no ces Nyab Laj mam li rhaub dej kom npau npau kub kub muab cov dej uas kub kub ntawv coj mus laub rau dev lub qhov ncauj kom tus dev ntawv nqos cov dej kub ntawv mus rau hauv plab. Thaum laub cov dej kub ntawv mus rau dev qhov ncauj dev nqos mus rau hauv palb mob heev ua rau dev ntsub dev tej quav tej zis tawm tag tib sib los du lug li ntag. Nyab Laj xuas deb kub txhaus li ntawv rau dev qhov ncauj txog rau thaum tus dev ntawv tuag ces tej quav tej zis hauv tus dev lub cev tawm tag hu siv lawm lau thaum ntawv Nyab Laj mam li muab tus dev ntawv coj mus hlab dej kub muab coj los kuam ib yam li kuam npua tshuav qhov twg plaub los tsis zoo ces mam li xuas hluav tawv plov mentsis. Thaum muab tus dev ntawv phais ces dev tej plab nyhuv dawb paug xwb tsis tas yuav ntxuav dej li ntag Nyab Laj cia li muab txhoov tsuag tsuag xyaw txuj lom ua xyaw cov nqaij dev ntawv coj los noj lawm xwb. Nkauj Dab Los Tos Xyum Part 2 |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...