Wb Txoj Kev HLub Thiab Txoj Kev Mob Siab
Tus Sau: Nuj Vwj
Email: Hauvsab2006@yahoo.com
Maiv xis ah! Niaj hnub no koj puas tseem nco kuv li kuv nco koj lawm na lod? Koj puas paub tias kuv nco koj tshaj ib puas tsav yam nyob rau hauv lub ntiaj teb no. Yog kuv txoj kev hlub koj lam yog muab nyem tau los sis nthuav saib tau ntshe kuv yuav muab nthuav nyeem qhias rau koj kom tag es koj thiaj li paub tias hauv kuv lub siab yeej hlub koj tiag tsis hais lub caij pw, lub caij sawv los kuv yeej nco koj txhua lub caij....
Kuv nco tau tias koj yog thawj 2 tug hluas nkauj uas qhia kom kuv paub txog lub tsib ntawm txoj kev hlub tias: kev hlub yog dab tsi? Txoj kev hlub uas koj tau qhia kuv ua rau kuv paub lawm ib kauj ruam kuv ntseeg tau tias nej cov uas tau mus nyob lub teb chaws vam meej yeej muaj txuj siab pom deb paub ntau tshaj peb cov uas nyob tom qab no lawm. Maiv Xi ah! Puas yog koj lom txwm los sim seb peb cov tub hluas hmoob nplog heev npaum cas thiab puas txawj hlub koj xwb na? kuv yeej tsis paub li os nawb. Kam yog 8-9 lub xyoo no diam lawm los kuv yeej tseem nco koj tus me ntxhiab ntsuj ntsoov nyob nraim hauv kuv lub me qhov ntswg tuaj li hod.
Kuv nco txhua txoj kev uas koj coj kuv mus ua si thaij duab ua ke wb mus zaum ua ke hauv lub pob zeb tom tiaj rhawv zeb ntawm dawm roob nplee es wb ob leeg zaum ua ke hauv na, koj puas nco qab lawm nad? Es koj muab kuv nhia koj qhia kuv tias: Koj yog ib tug txiv neej mas koj yuav tsum hnia koj tus hluas nkauj li no, hnia pev rau nrav txhua qhov mas koj tus hluas nkauj thiaj li nco koj thiab tsis khiav koj mus hlub lwm tus. Maiv xis aw… koj twb tsis paub li os lub sij hawm ntawv koj qhia kuv nad… kuv ib ce ces twb tsaug tag nrho lawm os thiab twb tsis nco qab hnov xyov yog koj hais li cas rau kuv ntxiv. koj mas thiaj tseem2 yog ib tug tib neeg uas txawj hlub neeg tshaj plaws li. Kuv xav paub tias seb thaum kuv npuav kiag koj daim me di ncauj mas hnov qab zib npaum li tsib piam thaj es puas yog koj nyuam qhuav mus noj piam thaj los sis suab thaj tag los es koj mam los cia kuv hnia koj nab.? los yog koj nqa piam thaj nrog nraim koj na? koj tseg nawb! tsis zoo ua li no ib zaug ntxiv lawm od….kuv mas dhau lawm yuav tsis ua li cas tab sis yog niaj hnub no koj tseem siv koj lub maib ua haib haib li no thiab ib zaug twg koj yuav tsis tau neej zoo ua kiag li nawb.hehehehe!.
Xyoo 2006 lub 3 hli ntuj hmoob hnub vas thiv sawv ntxov txawm hnov cua tuaj ntxuj ntxiag txias zias laj ib ces heev thiab niam nkauj hnub tawm cig ntsa iab thoob plaws ntuj kuv thiaj hais cov phooj ywg tias peb mus thaij duab lawm tim AS NUB XAM VAB LIS tab sis tsis muaj leej twg mus kuv txawm xav zoj tias tsis muaj twg mus li los nyob xwb tsis ua dab tsi ces lam mus ncig ua si. Hnub ntawv kuj cuag li muaj hmoo kuv thiaj li mus, thaum kuv mus txog mus zaum hauv AS NUB kwv yees li 1 teev ces txawm pom Maiv Xis nqis saum sauv los mus txog ntua lub qhov rooj tawm kuv ntsia cov neeg nqis los zom zaws los mus ua cas Maiv Xis txawm luag nyav tig ntsia tuaj ncaj kuv, kuv xav zoj tias ntshe yog ntsia nws cov phooj ywg kuv txawm tig ntsia rov tom qab ib puag ncig muaj tib neeg mus mus los los coob ces kuv txawm dauv muag lias tsis ntsia nws lawm Miav xis nres zoj txawm ncaj nraim los ntawm kuv ces nws txawm nug kuv tias: koj puas yog hmoob? Ces nws txawm los zaum ntawm rooj thiab nroo tias vu! Sab kawg li os………..muab daim tissue los so nws lub ntsej muag ke so ke nrog kuv tham ces wb txawm sib tham txog kev mus ntoj ncig teb chaws. Maiv Xis txawm yaum kom kuv coj nws mus ua si ces kuv thiaj hais Maiv Xis tias: es koj cov phooj ywg ne koj kuj hais lawv nej mam mus mas hauv lub nroog no me me xwb nej yeej poob phem tsis tau li os. Maiv Xis txawm tias xav kom koj coj kuv mus na thiab nws txawm thov kuv tus leb xov tooj chaw nyob email. Hnub ntawv kuv thiaj nrog Maiv Xis mus ua si ntau qhov xws li: thaj luam, vav xias qhuas, khe khoom thiab mus saib vaj tsiaj Ban kurn. Kam yog 7 teev tsaus ntuj lawm wb mam li los txog hauv nroog ces kuv txawm yuav los mus tsev ces Maiv Xis tsis pub kuv los. Maiv Xis coj kuv wb mus noj mov tag ces txawm los ntawm nws lub chaw pw ces nws txawm kom kuv nrog nws pw tab sis wb nyias pw tig nyias mus ib sab xwb wb yeej tsis tau ua dab tsi li od. Hmo ntawv kuv mas laj pw ib hmo kaj ntug kawg nkaus yeej xav li ub li no rau Maiv Xis lawm tab sis vim nyuam qhuav sib paub xwb kuv thiaj tsis ua li cas rau Maiv Xis.
Tag kis 6 teev xwb ces kuv los mus kawm ntawv los maiv xis yeej nrog kuv los saib kuv lub tsev so thiab los tos kuv mus nrog nws noj hmo txhua txhua hmo thaum zoo li no lawm ces zoo li wb cia li sib swm heev thiab zoo li hluas nkauj hluas nraug li lawm thiab wb txoj kev hlub suav hnub loj hlob zuj zus ua rau kuv thiab Maiv Xis wb yeej sib nrug tsis tau. Maiv Xis hais rau kuv tias: kom kuv txhob maj yuav poj niam cia rau lub xyoo tom ntej nws los wb mam sib yuav. Maiv Xis wb tau nyob ua ke noj qab noj tsuag, yoo dab ntub los tau 2 lub hlis txwm nkaus ces Maiv Xis thiaj li rov mus USA lawm. Hnub Maiv Xis hais kuv tias tej zaum nws yuav tau rov mus USA no ces kuv yeej mob siab duj dheev tsis xav kom Maiv Xis mus li hnub Maiv Xis hais tias nws yuav mus ces kuv yeej pw tsis tsaug zog xav txog kuv tus me Maiv Xis txhua vib nas this, Lub ncauj tsis hais lub siab xav tias zaum no Maiv Xis mus lawm wb twb tsis tau sib sau ua txij nkawm xyov puas yuav muaj dua ib zaug ntxiv lawm.
Yog hnub twg nws rov los txog wb tau ua ke li qub mas thiaj li xam rau qhov nws tseem yog ib tug hluas nkauj tseem muaj ntau txoj hau kev taug, qhov no thiaj ua rau kuv lub kua muag poob cheem tsis tau nyob rau ntawm tshav dav hlau VAV TAIS uas muaj tib neeg coob yam tsis nco txaj muag. Suav txij hnub Maiv Xis ya dav hlau rov mus USA ces kuv yeej noj los tsi qab tsuas xav qhov kom muaj Maiv Xis nrog kuv nyob los sis muaj tis ya caum Maiv Xis qab xwb, kuv mloog kuv tus kheej ces zoo li kaw taw tsis tsuj av los tau 6 lub hlis thiaj mam khees me ntsis. Txawm li ntawv los xij Maiv Xis wb kuj tseem sib ntsib thiab hnov lo lus hauv lub xov tooj txhua txhua hmo los txog rau xyoo tom qab uas yog hnub Maiv Xis wb rov tau ua ke li qub. Nyob rau lub xyoo uas Maiv Xis los tom qab no yim ua rau wb sib hlub thiab kev hlub loj tshaj qub thiab los txog rau hnub uas nws rov qab mus USA zaum 2. Kuv lub siab nrog Maiv Xis ces tsuas hnov mob deeg daws baum li av qeeg tas mus lub neej vim nws hais lus zoo, siab zoo. Tos ho zoo li no los vim wb sib hlub heev thiab Maiv Xis wb ho yuav rov tau sib ncaim dua zaum 2.
Wb sib ncaim zaum 2 no ces yog zaum kawg ntawm wb txoj kev hlub uas yog “Dab laug tub thaiv wb kev txoj kev hlub”. Thiab ua rau kuv mob siab 1000 npaug ntawm kev mob zaum dhau los yeej tsis pom qab yuav hais qhia rau leej twg, tsis muaj leej twg yuav hais lus tau kom zoo yus siab li theem los ua ib tug neeg twm zeej tsis caum leej twg. Kuv nco tau Maiv Xis lo lus tias “tshuav li 1 as thiv xwb kuv yuav tau mus lawm es wb yeej meem sib hlub kom kawg siab txhob sib nrug tsam tsis tau ua ke li qub lawm” nws lo lus no ua rau kuv poob siab nthav txhua yam nws tsis qhia kuv li thiab lo lus kawg uas Maiv Xis hais rau kuv ces yog hnub nws nce dav hlau nws hais tias: “ tsis xav ncaim koj li os xav nrog koj nyob xwb” txawm nws tsis hlub kuv nws twb ua tau ib siab thiab twb muaj tus zoo dua kuv lawm los xij nws lo lus nws hais no txawm yog nws lam hais rau kuv xwb los kuv yeej zoo siab tsis tu siab tsuav nws tseem muaj pluaj siab hais tau lo lus no rau kuv.
Wb ob lub qhov muag ces o yuav luag npaum tseeb plev thaum zoo siab me ntsis ces los zaum xav los zaum sib ntsia ces ho luag thaum luag tsis taus wb ob lub qhov muag o ces wb ob lub suab luag cia li dhau mus ua lub suab quaj txuas ntxiv. Hnub Maiv xis mus lawm ces kuv rov los mus ncig wb tej me qub chaw nphob xuav. Kuv suav ntsoov Maiv Xis rov mus USA tau 2 hlis 15 hnub es kuv hu tsis tau rau nws twb yog 10 teev tsaus ntuj lawm ces txawm pom ib tug xov tooj txawv txawv hu los rau kuv lub foo kuv zoo siab heev kuv txais nkaus uas cas yog Miav Xis lub suab ua rau kuv hais tsis tau ib lo lus rau nws li. Maiv Xis hais tias: “thov txim kuv ua tsis tau li wb cov lus cog tseg kuv yuav txiv lawm” Maiv Xis tau hais ntau yam rau kuv. Kuv thiaj li tias: “Zoo siab nrog koj thov kom vaj tswv thiab tswv ntuj pov fwm koj lub neej kom nyob kaj siab lug muaj tub ki ua dab tsi kom tau li siab xav” zaum no yog zaum uas Maiv Xis hu los tu moo. Maiv Xis ah! Kuv tsis tu siab rau koj kuv yog neeg txom nyem nyob rau lub teb chaws txom nyem kev vam meej tsis muaj cia kuv ua tus swb kuv tuaj tsis tau ces cia kuv mam li ua tus nco koj mus kom tag tiam no.
Wb sib tham hauv lub xov tooj tsis muaj pes tsawg lo xwb ces muab xov tooj khwb tseg saib ua cas tau 145 minutes. Txoj kev mob siab ntawm kuv niaj hnub no los tseem mob deeg dwb daws tsis xav pub luag txav ze koj li os nawb cia seb puas muaj ib hnub es wb ho rov tau sib hlub rau ntu wb tsis muaj hniav noj mov hauv caug siab tshaj taub hau lawm xwb. Ua tsaug rau vas sab www.3haivhmoob.com thov kom nej nyob mus ntev ntev ua ib lub chaw zwm peb txoj kev mob siab zoo siab tseg rau sawv daws tau tuaj nyeem nawb.
Sau be Nuj vwj
Ceeb Toom: Tsis pub leej twg muab peb cov dab neeg hauv no coj mus tso rau koj lub website, forum los yog lwm qhov uas sis tau txais kev so cai ntawm peb. Tsis pub muab luam muag thiab , nov peb tsuas tso rau suav daws tuaj nyeem laug caij nyoog xwb. Ua tsaug ntau.
Email: Hauvsab2006@yahoo.com
Maiv xis ah! Niaj hnub no koj puas tseem nco kuv li kuv nco koj lawm na lod? Koj puas paub tias kuv nco koj tshaj ib puas tsav yam nyob rau hauv lub ntiaj teb no. Yog kuv txoj kev hlub koj lam yog muab nyem tau los sis nthuav saib tau ntshe kuv yuav muab nthuav nyeem qhias rau koj kom tag es koj thiaj li paub tias hauv kuv lub siab yeej hlub koj tiag tsis hais lub caij pw, lub caij sawv los kuv yeej nco koj txhua lub caij....
Kuv nco tau tias koj yog thawj 2 tug hluas nkauj uas qhia kom kuv paub txog lub tsib ntawm txoj kev hlub tias: kev hlub yog dab tsi? Txoj kev hlub uas koj tau qhia kuv ua rau kuv paub lawm ib kauj ruam kuv ntseeg tau tias nej cov uas tau mus nyob lub teb chaws vam meej yeej muaj txuj siab pom deb paub ntau tshaj peb cov uas nyob tom qab no lawm. Maiv Xi ah! Puas yog koj lom txwm los sim seb peb cov tub hluas hmoob nplog heev npaum cas thiab puas txawj hlub koj xwb na? kuv yeej tsis paub li os nawb. Kam yog 8-9 lub xyoo no diam lawm los kuv yeej tseem nco koj tus me ntxhiab ntsuj ntsoov nyob nraim hauv kuv lub me qhov ntswg tuaj li hod.
Kuv nco txhua txoj kev uas koj coj kuv mus ua si thaij duab ua ke wb mus zaum ua ke hauv lub pob zeb tom tiaj rhawv zeb ntawm dawm roob nplee es wb ob leeg zaum ua ke hauv na, koj puas nco qab lawm nad? Es koj muab kuv nhia koj qhia kuv tias: Koj yog ib tug txiv neej mas koj yuav tsum hnia koj tus hluas nkauj li no, hnia pev rau nrav txhua qhov mas koj tus hluas nkauj thiaj li nco koj thiab tsis khiav koj mus hlub lwm tus. Maiv xis aw… koj twb tsis paub li os lub sij hawm ntawv koj qhia kuv nad… kuv ib ce ces twb tsaug tag nrho lawm os thiab twb tsis nco qab hnov xyov yog koj hais li cas rau kuv ntxiv. koj mas thiaj tseem2 yog ib tug tib neeg uas txawj hlub neeg tshaj plaws li. Kuv xav paub tias seb thaum kuv npuav kiag koj daim me di ncauj mas hnov qab zib npaum li tsib piam thaj es puas yog koj nyuam qhuav mus noj piam thaj los sis suab thaj tag los es koj mam los cia kuv hnia koj nab.? los yog koj nqa piam thaj nrog nraim koj na? koj tseg nawb! tsis zoo ua li no ib zaug ntxiv lawm od….kuv mas dhau lawm yuav tsis ua li cas tab sis yog niaj hnub no koj tseem siv koj lub maib ua haib haib li no thiab ib zaug twg koj yuav tsis tau neej zoo ua kiag li nawb.hehehehe!.
Xyoo 2006 lub 3 hli ntuj hmoob hnub vas thiv sawv ntxov txawm hnov cua tuaj ntxuj ntxiag txias zias laj ib ces heev thiab niam nkauj hnub tawm cig ntsa iab thoob plaws ntuj kuv thiaj hais cov phooj ywg tias peb mus thaij duab lawm tim AS NUB XAM VAB LIS tab sis tsis muaj leej twg mus kuv txawm xav zoj tias tsis muaj twg mus li los nyob xwb tsis ua dab tsi ces lam mus ncig ua si. Hnub ntawv kuj cuag li muaj hmoo kuv thiaj li mus, thaum kuv mus txog mus zaum hauv AS NUB kwv yees li 1 teev ces txawm pom Maiv Xis nqis saum sauv los mus txog ntua lub qhov rooj tawm kuv ntsia cov neeg nqis los zom zaws los mus ua cas Maiv Xis txawm luag nyav tig ntsia tuaj ncaj kuv, kuv xav zoj tias ntshe yog ntsia nws cov phooj ywg kuv txawm tig ntsia rov tom qab ib puag ncig muaj tib neeg mus mus los los coob ces kuv txawm dauv muag lias tsis ntsia nws lawm Miav xis nres zoj txawm ncaj nraim los ntawm kuv ces nws txawm nug kuv tias: koj puas yog hmoob? Ces nws txawm los zaum ntawm rooj thiab nroo tias vu! Sab kawg li os………..muab daim tissue los so nws lub ntsej muag ke so ke nrog kuv tham ces wb txawm sib tham txog kev mus ntoj ncig teb chaws. Maiv Xis txawm yaum kom kuv coj nws mus ua si ces kuv thiaj hais Maiv Xis tias: es koj cov phooj ywg ne koj kuj hais lawv nej mam mus mas hauv lub nroog no me me xwb nej yeej poob phem tsis tau li os. Maiv Xis txawm tias xav kom koj coj kuv mus na thiab nws txawm thov kuv tus leb xov tooj chaw nyob email. Hnub ntawv kuv thiaj nrog Maiv Xis mus ua si ntau qhov xws li: thaj luam, vav xias qhuas, khe khoom thiab mus saib vaj tsiaj Ban kurn. Kam yog 7 teev tsaus ntuj lawm wb mam li los txog hauv nroog ces kuv txawm yuav los mus tsev ces Maiv Xis tsis pub kuv los. Maiv Xis coj kuv wb mus noj mov tag ces txawm los ntawm nws lub chaw pw ces nws txawm kom kuv nrog nws pw tab sis wb nyias pw tig nyias mus ib sab xwb wb yeej tsis tau ua dab tsi li od. Hmo ntawv kuv mas laj pw ib hmo kaj ntug kawg nkaus yeej xav li ub li no rau Maiv Xis lawm tab sis vim nyuam qhuav sib paub xwb kuv thiaj tsis ua li cas rau Maiv Xis.
Tag kis 6 teev xwb ces kuv los mus kawm ntawv los maiv xis yeej nrog kuv los saib kuv lub tsev so thiab los tos kuv mus nrog nws noj hmo txhua txhua hmo thaum zoo li no lawm ces zoo li wb cia li sib swm heev thiab zoo li hluas nkauj hluas nraug li lawm thiab wb txoj kev hlub suav hnub loj hlob zuj zus ua rau kuv thiab Maiv Xis wb yeej sib nrug tsis tau. Maiv Xis hais rau kuv tias: kom kuv txhob maj yuav poj niam cia rau lub xyoo tom ntej nws los wb mam sib yuav. Maiv Xis wb tau nyob ua ke noj qab noj tsuag, yoo dab ntub los tau 2 lub hlis txwm nkaus ces Maiv Xis thiaj li rov mus USA lawm. Hnub Maiv Xis hais kuv tias tej zaum nws yuav tau rov mus USA no ces kuv yeej mob siab duj dheev tsis xav kom Maiv Xis mus li hnub Maiv Xis hais tias nws yuav mus ces kuv yeej pw tsis tsaug zog xav txog kuv tus me Maiv Xis txhua vib nas this, Lub ncauj tsis hais lub siab xav tias zaum no Maiv Xis mus lawm wb twb tsis tau sib sau ua txij nkawm xyov puas yuav muaj dua ib zaug ntxiv lawm.
Yog hnub twg nws rov los txog wb tau ua ke li qub mas thiaj li xam rau qhov nws tseem yog ib tug hluas nkauj tseem muaj ntau txoj hau kev taug, qhov no thiaj ua rau kuv lub kua muag poob cheem tsis tau nyob rau ntawm tshav dav hlau VAV TAIS uas muaj tib neeg coob yam tsis nco txaj muag. Suav txij hnub Maiv Xis ya dav hlau rov mus USA ces kuv yeej noj los tsi qab tsuas xav qhov kom muaj Maiv Xis nrog kuv nyob los sis muaj tis ya caum Maiv Xis qab xwb, kuv mloog kuv tus kheej ces zoo li kaw taw tsis tsuj av los tau 6 lub hlis thiaj mam khees me ntsis. Txawm li ntawv los xij Maiv Xis wb kuj tseem sib ntsib thiab hnov lo lus hauv lub xov tooj txhua txhua hmo los txog rau xyoo tom qab uas yog hnub Maiv Xis wb rov tau ua ke li qub. Nyob rau lub xyoo uas Maiv Xis los tom qab no yim ua rau wb sib hlub thiab kev hlub loj tshaj qub thiab los txog rau hnub uas nws rov qab mus USA zaum 2. Kuv lub siab nrog Maiv Xis ces tsuas hnov mob deeg daws baum li av qeeg tas mus lub neej vim nws hais lus zoo, siab zoo. Tos ho zoo li no los vim wb sib hlub heev thiab Maiv Xis wb ho yuav rov tau sib ncaim dua zaum 2.
Wb sib ncaim zaum 2 no ces yog zaum kawg ntawm wb txoj kev hlub uas yog “Dab laug tub thaiv wb kev txoj kev hlub”. Thiab ua rau kuv mob siab 1000 npaug ntawm kev mob zaum dhau los yeej tsis pom qab yuav hais qhia rau leej twg, tsis muaj leej twg yuav hais lus tau kom zoo yus siab li theem los ua ib tug neeg twm zeej tsis caum leej twg. Kuv nco tau Maiv Xis lo lus tias “tshuav li 1 as thiv xwb kuv yuav tau mus lawm es wb yeej meem sib hlub kom kawg siab txhob sib nrug tsam tsis tau ua ke li qub lawm” nws lo lus no ua rau kuv poob siab nthav txhua yam nws tsis qhia kuv li thiab lo lus kawg uas Maiv Xis hais rau kuv ces yog hnub nws nce dav hlau nws hais tias: “ tsis xav ncaim koj li os xav nrog koj nyob xwb” txawm nws tsis hlub kuv nws twb ua tau ib siab thiab twb muaj tus zoo dua kuv lawm los xij nws lo lus nws hais no txawm yog nws lam hais rau kuv xwb los kuv yeej zoo siab tsis tu siab tsuav nws tseem muaj pluaj siab hais tau lo lus no rau kuv.
Wb ob lub qhov muag ces o yuav luag npaum tseeb plev thaum zoo siab me ntsis ces los zaum xav los zaum sib ntsia ces ho luag thaum luag tsis taus wb ob lub qhov muag o ces wb ob lub suab luag cia li dhau mus ua lub suab quaj txuas ntxiv. Hnub Maiv xis mus lawm ces kuv rov los mus ncig wb tej me qub chaw nphob xuav. Kuv suav ntsoov Maiv Xis rov mus USA tau 2 hlis 15 hnub es kuv hu tsis tau rau nws twb yog 10 teev tsaus ntuj lawm ces txawm pom ib tug xov tooj txawv txawv hu los rau kuv lub foo kuv zoo siab heev kuv txais nkaus uas cas yog Miav Xis lub suab ua rau kuv hais tsis tau ib lo lus rau nws li. Maiv Xis hais tias: “thov txim kuv ua tsis tau li wb cov lus cog tseg kuv yuav txiv lawm” Maiv Xis tau hais ntau yam rau kuv. Kuv thiaj li tias: “Zoo siab nrog koj thov kom vaj tswv thiab tswv ntuj pov fwm koj lub neej kom nyob kaj siab lug muaj tub ki ua dab tsi kom tau li siab xav” zaum no yog zaum uas Maiv Xis hu los tu moo. Maiv Xis ah! Kuv tsis tu siab rau koj kuv yog neeg txom nyem nyob rau lub teb chaws txom nyem kev vam meej tsis muaj cia kuv ua tus swb kuv tuaj tsis tau ces cia kuv mam li ua tus nco koj mus kom tag tiam no.
Wb sib tham hauv lub xov tooj tsis muaj pes tsawg lo xwb ces muab xov tooj khwb tseg saib ua cas tau 145 minutes. Txoj kev mob siab ntawm kuv niaj hnub no los tseem mob deeg dwb daws tsis xav pub luag txav ze koj li os nawb cia seb puas muaj ib hnub es wb ho rov tau sib hlub rau ntu wb tsis muaj hniav noj mov hauv caug siab tshaj taub hau lawm xwb. Ua tsaug rau vas sab www.3haivhmoob.com thov kom nej nyob mus ntev ntev ua ib lub chaw zwm peb txoj kev mob siab zoo siab tseg rau sawv daws tau tuaj nyeem nawb.
Sau be Nuj vwj
Ceeb Toom: Tsis pub leej twg muab peb cov dab neeg hauv no coj mus tso rau koj lub website, forum los yog lwm qhov uas sis tau txais kev so cai ntawm peb. Tsis pub muab luam muag thiab , nov peb tsuas tso rau suav daws tuaj nyeem laug caij nyoog xwb. Ua tsaug ntau.
Txoj Kev Hlub Kev Nco Ua Cas Yuav Mob Luaj no..Sau koj txoj kev xav rau nram qab no...
Comment Box is loading comments...
