NtsiB DaB
 Nyob Chaw So Rest Area

Ntawm txoj kev  29  mus rau lub nroog  Green Bay Wisconsin los rau lub nroog Wausau muaj ib qho chaw  cov neeg tsav tsheb los so  tau muaj tej yam txawv txawv tshwm sim rau ntau tus tib neeg uas taug txoj kev no es los mus so tso zis thiab  tawm rooj mam dhau lawm.   Nij hnub nim no cov tib neeg uas paub qhov chaw no lawv mus los  lawv tsis los tso quav tso zis nov lawm vim tsis tau luag.
                Thaum lub 5 hlis ntuj xyoo 2015 tag los no kuv thiab kuv  poj niam wb  dhau  ntawm nroog St. Paul,Mn tuaj mus  saib neej tsa rau Green Bay, lub sij hawm 5 teev sawv ntxov  wb mus txog rau qhov chaw hais no  wb tau mus so tso zis tawm rooj no  thaum kuv siv chav dej tag kuv los ntxuav tes   ua cas kuv twb tsis tau ntxuav tes li cia li pom tus  kais tso dej  nyob ntawm ib sab   zoo li muaj neeg tso dej ntxuav tes  dej los loj heev ces muab kaw kiag lawm.. kuv saib no tsis muaj neeg li.  Kuv ntxuav tes kiag ua cas txawm siv rov qab tso tus dej no los  loj heev  thiab ua rau kuv ntshai ces kuv thiaj li khiav tawm plaws los nraum zoov.  
               Kuv kuj tsis qhia kuv poj niam thiab vim tsam nws ntshai,  hmo ntawv wb mus nrog niam tais lawv pw ces txawm muaj ib tug pog mes kas laus laus  los ua npau suav rau kuv poj niam tias, nag hmo neb tuaj txog ntawm chaw so Rest Area  no kuv los ntxuav tes yuam kev rau txiv neej chav dej lawm ua rau koj tus txiv mas ntshai heev  khiav tawm plaws nraum zoov tsis  ntxuav tes li..kuv thov txim ntau nawb. Kaj ntug kuv poj niam thiaj nug kuv tias nag hmo muaj dab tsi koj tsis qhia kuv pem chaw so Rest Area wb tawm mus tso zis puas yog?  Kuv teb tias ua cas koj ho paub no kuv twb tsis qhia koj nev?
                   Kuv poj  niam thiaj piav tias tus poj Mes  kas laus los ua npau suav rau nws li ntawv no, ces kuv mam piav qhov teeb meem rau kuv poj niam.  Dab thiab neej yeej dhau kev mus los  tab sis tsis  sib pom xwb nawb cov phooj ywg, yog nej dhau kev pom tej yam zoo li no ces yog dab xwb.  Ua tsaug ntau rau  vas sab: www.3haivhmoob.com uas  tsim tau  lub vas  sab Hmoob no zoo  heev rau suav daws tuaj siv , mam ntsib nej dua.
Sau npe: Hmoob  St. Paul,MN
               Txawj Kaim Vwj.

Koj puas ntseeg tau tias tej qhov chaw so li no yuav muaj dab taug kev los so es sib phoom li zaj dab neeg no thiab? Sau rau nram no:    Nias nov rov mus rau nplooj Zos Dab

Comment Box is loading comments...