Txoj Kev Hlub 2009 Nco Tsis Ploj
Tus sau: Nraug Qaim Hli Lauj
Nplooj1 Xyoo ntawd yog xyoo 2000 lub 9 hli ntuj. kuv rov tuaj txog rau kuv lub tsev kawm ntawv qub. Lub sij hawm no tsev kawm ntawv yuav rov qhib kawm ntawv dua lawm. Lub qub tsev uas xyoo dhau los kuv tau tuaj nyob kawm ntawv saib ob sab qab vag tsib taug mas nws fab nyho me nroj me tsuag niam hlav mos nywb nyoos ntsuab xwb xiab tuaj, saib rau lub tshaj npas mas me nyom niam hlav ntsuab xwb xiab saib qhov twg los neeg tuaj sau npe kawm ntawv coob coob tag zog...
Hnub tom qab kuv rov mus kho kuv lub tsev nyob kawm ntawv thiab luaj ib ncig qab vag tsib taug tag kuv mam mus saib kuv lub tsev no ua cas cov ncej ntsaum kab rwg twb muab noj tu taw tag lawm hnub ntawv kuv rov mus yuav nqeeb thiab yuav ntoo los npaj ua kuv lub tsev tshiab dua. Lub sij hawm dhau los tau 2 hnub lawm hnub 3 kuv mam li ua tau kuv lub tsev nyob kawm ntawv...Saib rau qhov twg los neeg tsis hais mab sua los tuaj ua tsev vig voog rau ub rau no...Saib qhov twg los muaj neeg tuaj coob coob kawg li... Kuv lub tsev kawm ntawv no cov kws qhia ntawv muaj txoj cai tsis pub poj niam nyob xyaw txiv neej lawv muab faib cov poj niam nyob rau ib sab hos cov txiv neej nyob rau ib sab tsis pub los nyob ua ke... Lub sij hawm dhau mus tau ib as thiv tom qab peb pib kawm ntawv kiag lawm.Thawj thawj hnub uas peb pib kawm ntawv kws qhia ntawv los nyeem peb cov npe saib cov neeg nyob rau hauv chav mos 4/1 los yog hoob 9/1 ntawv seb sawv daws puas tuaj txhij. Kuv lub npe yog lub thib 6 thaum nyeem kuv lub npe tag nrho nyeem kiag lub txuas kuv ntawv tias Khammany puas tuaj ua li cas yog ib tug ntxhais hluas nkauj nws zoo nkauj heev li luag nyav thiab teb tias kuv tuaj lawm. Thiab nws muaj ib lub npe hmoob hua Nkauj ntxawm yaj. Lub sij hawm ntawv ua rau kuv cia li yoob tag vim kuv pom dheev nws xwb kuv cia li nyiam nws tag kuv lub siab thiab lub ntsws.Tiam sis kuv yeej tsis muaj peev xwm mus tham thiab nrog nws hais ib lo lus li tsuas yog tau sawv deb deb thiab saib nws hais lus luag ntxhwb ntxhi rau ub rau no xwb. Tus twg saib nws tag ces cia li nyiam thiab hlub nws lawm... Muaj ib hnub peb chav mos 4/1 tau xeem ncaws pob nrog rau chav mos 6/2 peb yuav pib ncaws rau thaum 4:00pm tsaus ntuj yog li kev sib tw zaum no kuj ua rau peb chav mos 4/1 yeej chav mos 6/2 lawm thiab lub sij hawm kuv los zaum so haus dej ntawv tus muam nkauj ntxawm nqa tau ib taub dej los rau kuv haus nws tias puas sab thiab os leej nus?. Kuv teb tias tsis sab thiab vim muaj nej sawv daws pab txhawb lub zog lawm kuj tsis sab thiab os..Nkauj ntxawm luag ntxhi rau kuv xwb.Lub sij hawm ntawv ua rau kuv zoo siab heev li kuv mloog zoo li kuv cia li yuav txawj ya tuaj vim zoo siab dhau thiab yog lub sij hawm kuv tau nyob ze ntawm nkauj ntxawm thawj thawj zaug. Tom qab ntawv tsaus ntuj nkauj ntxawm kuj tau yaum kuv mus nrog nws noj ib pluag mov.Nws tau hais rau kuv tias leej nus qaim hli ib chim kuv ua hmo ntau ntau es koj tuaj nrog kuv noj ib pluag hmo ua ke nawb los.? koj puas kam os...? Kuv tau teb nkauj ntxawm tias tau kawg mas. Hmo ntawv tsaus ntuj kuv thiaj li tau mus nrog nkauj ntxawm noj ib pluag mov ua ke. Dhau hnub ntawv los ces zoo li kuv lub siab cia li qhib rau nkauj ntxawm los nyob hauv kuv lub siab thiab lub ntsws lawm. Hos nkauj ntawm los cia .li txais kuv los nyob rau hauv nws lub siab tib yam nkaus lawm thiab, Txhua txhua hmo lub caij lawb ntawv tag ces wb uake mus ywg zaub nram ntug dej wb ua ke sib hlub thiab sib pab zoo heev li, Txhua lub weekend wb ua ke mus txiav taws taug kev taw li 1 hour thiaj li mus txog hav taws. Lub sij hawm wb mus txog tim hav zoov lawm nkauj ntxawm tau los zaum hauv kuv lub xub ntiag thiab nws tau hais rau kuv tias nraug hli wb sib hlub tag npaum nov lawm es txhob ua siab phem nawb los kuv txoj kev hlub thiab kuv lub cevnkauj xwb kuv yuav thov muab cog rau nraug qaim hli nkaus lawm xwb os...Kuv teb tias kuv yuav tsis ua siab phem rau nkauj ntxawm li os...thiab yuav hlub nkauj ntxawm ib leeg kom txog hnub tsis muaj kuv thiab os... Txij hnub ntawv los wb txoj kev hlub loj hlob zoo yam li tsob ntoos tawg paj txi txiv ntsuab xiab hlob mos nyoos tuaj lawm xwb. Xyoo ntawv wb tau nyob ua ke kawm ntawv ua ke tau ib lub xyoo dhau mus zoo li sai kawg li...Lub sij hawm wb xeem ntawv tag wb yuav tau sib ncaim rov mus tsev mus pab niam thiab pab txiv lawm.....Nkauj ntxawm thiab kuv wb tau cog lus tias txawm wb yuav sib ncaim lawm los wb ob lub siab yuav nyob ua ke thiab yuav ua siab ncaj ncees kom txog rau hnub wb rov tau sib ntsib dua. Kaj ntug tag kis wb thiaj li tau sib ncaim lawm...kuv rov los txog tsev tau ib as thiv tom qab xwb Ua rau kuv nco nkauj ntxawm heev li kuv tig saib rau sab ntuj nkauj ntxawm nyob mas pom duab tshav ntuj kaj nrig ua rau kuv lub siab ya tsheej ntshua nrog huab nrog cua puag saum ib nta ntuj tuaj mus cuag nkauj ntxawm lawm xwb....Txawm nkauj ntxawm wb sib ncaim leeg nyob ib qho lawm los nkauj ntxawm lub me ntsej muag luag ntxhi tseem sawv nruj nraim hauv kuv lub siab tsis paub ploj ib pliag li os... Nyob li ntawm nkauj ntxawm los nws kuj nco kuv heev li thiab nws tau sau ib tsab ntawv tuaj saib kuv.Nws muab faj rau tus tsav tsheb nqa tuaj rau kuv no tab sis tus tsav tsheb tuaj tsis txog kuv ces nws muab rau cov neeg nyob hauv peb lub zos nqa los rau kuv. Kuv muab nthuav los nyeem ua rau kuv lub siab mob kub lug thiab kuv nco nkauj ntxawm tag siab nrho.Nkauj ntxawm tau sau rau kuv tias " Nyob zoo os...tus neeg kuv hlub...Lub sij hawm no koj nyob li cas thiab koj puas nyob zoo os...ntshe tau ntev los no lawm es koj tsis nco kuv li kuv nco koj lawm os...tus hlub.?Ua li cas txij hnub wb sib ncaim los tav no los kuv lub siab twb nrog koj mus lawm xwb kuv lub cev nyob deb koj los kuv lub siab twb nyob nrog nraim koj xwb os..tus hlub. Ua li cas koj tsis tuaj saib kuv li os..kuv qhia rau koj tias kuv nco koj heev li os..ua dab tsi los ua tsis tsheej li os...Txhob ua siab phem rau kuv nawb,kuv nco koj heev li....Rau siab pab niam thiab txiv nkawv tag es tuaj saib kuv thiab os... kuv ntsib koj li nov xwb mam sib ntsib dua os... Sau npe: Nkauj ntxawm yaj."Lub sij hawm kuv nyeem nkauj ntxawm tsab ntawv tag ua rau kuv lub siab mob thiab nco nkauj ntxawm heev li yim xav los yim mob lub siab tuaj xwb.. |
Nplooj2 Tau ib as week tom qab kuv nrog kuv niam thiab txiv nkawv cog nplej liaj tag nrho kuv rov loo tuaj mus ntsib nkauj ntxawm lub sij hawm kuv tuaj ze zuj zus rau ntawm nkauj ntxawm lub zos ua rau kuv lub siab kaj zuj zus tuaj thiab ua rau kuv zoo siab heev tias kuv yuav tau pom thiab ntsib kuv tus me nkauj ntxawm luag li ntxhi rau kuv ua rau kuv lub siab quaj dhuj dhi xwb...Lub sij hawm kuv tuaj txog ntua hauv lawv lub zos kuv tau mus so rau ntawm ib tug phooj ywg hmoob yang tsev ib ntsis tsaus ntuj kuv tau mus saib nkauj ntxawm. tab sis kuv mus txog kuv saib tsis pom nkauj ntxawm ua hauj lwm li kuv thiaj li nug nws tus niam hluas kab lia tias koj tus niam laus nkauj ntxawm mus twg lawm? Nws teb kuv tias, nkauj ntawm mus saib tus txiv laus nkawv nyob txawv nroog lawm.
Kuv hnov kab lia hais li ntawv xwb ua rau kuv lub cev qaug zog tag tsis xav rov los tsev li. Hmo ntawv kuv los pw ib hmos kuv tsis tuaj ib tug dab ntub li kaj ntug tag kis kuv rov loo los tsev los txog tsev tau 2 vij tom qab xwb kuv twb rov npaj tuaj mus kawm ntawv dua lawm...kuv rov tuaj txog nram tsev kawm no ua cas nroj tsuag rov fab nyho li qub lawm thiab kuv rov tuaj tu vajtu tsev yuav rov pib kawm ntawv dua thiab kuv tuaj txog thawj hnub xwb kuv mus tu kuv lub tsev xwb ua li cas ib pliag ntshis nkauj ntxawm txawm siv tuaj txog ntua ntawm kuv ib sab thiab hais rau kuv tias nyob zoo os...tus hlub kuv tig saib ua cas yog nkauj ntxawm luag nyav rau kuv ua rau kuv zoo siab heev li... Nkauj Ntxawm tau nqa ib taub dej tuaj rau kuv haus..nws khawm nkaus kuv thiab hnia kuv kiag ib pas... Nkauj ntxawm hais rau kuv tias kuv twb tuaj ua ntej lawm, kuv mas niaj hnub tuaj saib koj lub tsev seb puas pom koj tuaj xwb tiag tus hlub...Nws tej lus no ua rau kuv zoo siab thiab nco nws heev ntxiv tuaj xwb.... Tom qab wb kawm tag high school lawm wb tau tuaj mus kawm English College ua ke nyob rau hauv nroog. Wb sib hlub los ntau lub xyoo ua rau kuv nco nws tsis paub tag li, nkauj ntxawm los nco kuv tsis paub kawg tib yam nkaus li thiab. wb tau kawm ntawv ua ke xyoo ib (first year) tom qab xyoo ob ces nkauj ntxawm hais tias nws tsis tau xyeej tuaj sau npe kawm ntawv es kom kuv mus sau kuv lub ua ntej tso nws mam li tuaj sau nws lub ua qab no, ces kuv thiaj tuaj sau npe kawm ntawv ua ntej lawm..Ua cas txog hnub tsev kawm ntawv qib kawm ua li cas tsis pom nkauj ntxawm tuaj li ua rau kuv nyuab siab heev rau nws...Kuv kawm tsis tsheej ntawv li...Tau ob hnub tom qab xwbnws thiaj li sau ib tsab ntawv tuaj rau kuv tias nws niam thiab txiv nkawv kom nws mus kawm ua ib tug kws qhia ntawv no ces nws twb npaj mus kawm ua ib tug kws qhia ntawv lawm... Nws hais rau kuv tias tus hlub koj rau rau siab kawm ntawv As Kiv nawb kuv mam li tuaj nrog koj nyob os...wb mam li nyob ua ke xwb kuv yuav tsis mus xauj( rent) tsev nyob, kuv tuaj nrog koj nyob xwb. Xyoo ntawv wb tau nyob ua ke ib tog xyoo... Hnub ntawv yog lub 12 hli peb hmoob noj peb caug...Hnub xiab ib thiab xiab ob wb tau mus pov pob ua ke lom zem kawg li hos hnub peb kuv rov los xeem ntawv lawm nws nrog nws tus niam hluas kab lia mus ua si tim tshav pob hnub ntawv muaj ib tug neeg coj nws cov kwv tij tuaj zij nkauj ntxawm kiag tim tshaj pob...Yam kuv paub tsis txog li... Nkauj ntxawm thiab kab lia nkawv ob leeg xwb ces kab lia thiaj li pab tsis tau nkauj ntxawm. kuv mus xeem ntawv rov los txog tsev ua li cas tsis pom nkawv los li twb yuav tsaus ntuj lawm kab lia mam li los txog ces kab lia quaj2 xwb tias nkauj ntxawm raug hmoob muab zij lawm no ua rau kuv mob siab heev li kuv caij tsheb mus yos ib lwm tsis tau nkauj ntxawm li ua rau kuv ib ce tsaug tag tsis muaj ib lub zog li kuv mob siab heev li ua rau kuv kawm ntawv los kawm tsis tau, mus xeem los kuv ntxhov siab heev xav li cas los kuv lub siab yeej tsis zoo li vim kuv tsis muaj nkauj ntxawm lawm. Tau ob hnub tom qab xwb nkauj ntxawm tau hu xov tooj tuaj rau kuv.Thawj thawj lo lus nkauj ntxawm hais rau kuv tias nyob zoo os...tus hlub? Tom qab ntawv ces nws hais tsis tau ib lo lus li nkauj ntxawm quaj li quaj daim khaj xov tooj ntawv tag kiag hais tsis tau ib lo lus rau kuv li ua rau kuv nco thiab hlub nkauj ntxawm heev kuv ua tsis tau li cas li. Txog rau hnub no los kuv lub siab tseem tsis tau zoo li os...tseem nco thiab xav ntsoov tias kuv tus me nkauj ntxawm nyob li cas thiab ua dab tsi lawm. Qhov kuv tu siab tshaj yog lub tsiab peb caug xyoo ntawv thiab kuv tseem chim rau peb hmoob lub paj tsiab peb caug los txog niaj hnub no vim muaj lub paj tsiab peb caug ntawv es thiaj li ua rau kuv plam nkauj ntxawm los txog rau niaj hnub no los kuv tseem nco ib nplooj siab tsis lwj thiab tsis qhuav ntshav li os.. Thaum kawg no thov foom kom nkauj ntxawm thiab nkauj ntxawm tus txiv nkawv sib2 hlub mus ib sim xwb ces kuv zoo siab nrog nkauj ntxawm lawm os... Thiab ua tsaug rau ib tsoom phooj ywg uas muab lub sij hawm los nyeem kuv txoj dab neeg nov.Thiab thov hais rau ib tsoom phooj ywg tias yog nej muaj tus hlub zoo lawm txhob cia nws mus ua si ib leeg tsam raug zij li kuv tus thiab nawb....Thiab thov ua tsaug rau Hmongmeka.com uas tseem muab qhov chaw no rau kuv sau kuv txoj dab neeg thiab thov foom kom sawv daws txhua tus muaj lub dag lub zog luag ntxhi nrog lub xyoo tshiab no mus ib sim os...Ua tsaug ntau. Saunpe: Nraug Qaim Hli Lauj." Ceeb Toom: Cov dab neeg kev hlub thiab txhua yam hauv Hmongmeka.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau: 3HaivHmooB.Com |