Nraug Hmoob Nyab
|
Txwv: Txwv tsis pub leej twg muab cov dab neeg kev hlub hauv no coj mus tso rau lwm lub Vas Sab los yog website yog tsis tau txais kev tso cia pom zoo lawm ntawm: www.3haivhmoob.com. Warning: No one can copy these stories at: www.3haivhmoob.com to post on your own or other website without our permission. Thank you for your cooperation.
Tus sau: Yang Pheng
Phone: (+84) 975804278 E-mail: txojkevhlubmuabraukoj@gmail.com From: Viet nam |
Nplooj 1 Yang Pheng Txoj Dab Neeg
Txoj kev hlub yuav tsis muaj lwm tiam lawm yog tsis tau tiam no ces yuav tag mus li. Txawm koj twb mus ua luag tus lawm los thaum kuv qi muag zoo li tseem pom koj nyob ntawm kuv ib sab thiab tshuav koj lub me ntsej muag luag ntxhi sawv nruj nraim hauv kuv tus npau suav ua rau kuv tsim dhuj dheev ntuj teb ntuj tag hmo tias koj rov los ua tus neeg kuv hlub sawv ntawm thaj chaw uas kuv thiab koj tau sib ntsib thawj zaug...Koj puas tseem nco tau thaum wb nyuam qhuav sib ntsib koj twb hais rau kuv hais tias koj yuav tsis ncaim kuv mus li thiab koj tsuas muaj kuv ib leeg xwb, kuv thiaj li sau lub siab hlo los hlub koj raws wb tej lus tau cog tseg....... Xyoo tshiab xyoo no Paj Yeeb Tawg Liab tseem nyob ntawm kuv xub ntiag thiab nws twb hais rau kuv tias yuav tsis mus yuav lwm tus. Hnub 19/02/2013 no kuv mus nrog nws nyob nws ua zoo rau kuv heev li kuv tsis paub hais tias puas yog nws yuav ncaim kuv mus es nws thiaj ua zoo rau kuv ua luaj li. koj twb hais rau kuv lawm hais tias koj yuav tsis ua siab phem rau kuv li tiam sis ua li cas hauv koj lub siab yuav phem ua luaj os. hmo ntawv tsaus ntuj kuv thiaj tau ua ib siab rov los tsev lawm vim nws cog lus rau kuv tias(koj kav tsis mus rau rau siab kawm ntawv nawb mog es tsis txhob txhawj txog ntawm wb txoj kev hlub kuv yuav nyob ntawm no tos koj ib leeg xwb)kuv thiaj ua siab los lawm tiam sis hmo ntawv tsaus ntuj xwb nws txawm siv mus muaj lub neej lawm. Yeeb vim yog muaj neeg nqis tsev hais thiaj li tau plam nws lawm. chim lub siab kawg nkaus li os. Tsis paub tias yog tim txoj hmoo los yog tim dab tsi tiag thiaj li tau plam tus neeg yus hlub ntawm lub neej ib zaug dhau los mus lawm cas yuav tu lub siab ua luaj nyob rau tiam no. koj twb yuav mus nrog luag es koj ua zoo ua luaj rau kuv ua dab tsi os. ntuj e koj mus ua lub neej luag ntxhi lawm ntshe koj twb tsis nco kuv lawm os yom? tiam sis koj puas paub hais tias koj muab wb txoj kev plees nkauj nraum los ua lub kua muag rau kuv. koj muab wb txoj kev hlub los ua kev quaj rau kuv no os. cas koj thiaj muab wb txoj me kev hlub los ua kev khuam siab rau kuv os....... chim siab kawg nkaus xav txog thaum twg ces kua muag yim los xwb. Txoj kev hlub uas lwj siab lub neej tiam no yuav zoo yam nkaus li ib rab me riam muab coj los phua kuv lub plawv ua ob sab ..tab txawm tias yuav muab ntxiv sib lo tau ua ke los yeej muaj ib qho caws pliav lo rau ntawv nws yuav tsis zoo li qub lawm. Kheev lam yog tias kuv txawj yaj los txia tau , kuv yuav txia ua ib tug me noog ya mus kom thoob lub ntiaj teb no seb puas yuav kaj lub siab...tab txawm tias ya mus txog ib tog kev es ho muaj neeg muab hneev muab phom coj los tua raug kuv es kuv ho tau tuag lawm los kuv yeej zoo siab tias kuv tau dim txoj me kev lwj siab zaum no mus thiab thiaj yuav tsis hnov qhov mob uas kub lug hauv lub siab zoo li nij hnub nim no lawm.. ..txawm tias kuv ho txia tsis tau ua ib tug me noog ya mus kom thoob ntiaj teb los nyaj lub sij hawm dhau mus zuj zus ces Paj Yeeb Tawg Liab lub npe thiab txoj kev hlub uas lwj siab no yuav maj mam tuag mus raws lub niaj lub xyoo thiab lub caij lub nyoog.... Lwm tiam yog tias muaj tseeb tiag kuv yuav thov yug los ua ib tauv huab es kom thaum twg cua tuaj los cua tshuab,....kom cua muab tauv me huab no tshuab ya mus puv ntuj mus pom paj xyoob paj ntoos..mus pom me nas me noog tsis txhob nyuaj siab zoo li tiam no lawm...Tiam no thov kom koj mus raws koj txoj hmoo ua lub neej kom kaj siab ..nyob li ntawm kuv ces kuv mam nyob raws kuv txoj hmoo, kuv yuav zam txim txhua yam rau koj ...thiab yuav tsis chim qhov uas koj tau ncaim kuv mus lawm mog..Txij hnub no lawm tom ntej koj tau tuag hauv kuv lub siab mus lawm ..nyaj tsis pes tsawg xyoo koj yuav ploj zuj zus hauv kuv lub siab mus thiab txhob xav txog yav tag dhau los lawm mog...tsuas thov kom koj mus tau lub neej kaj siab raws txoj kev ntshaw xwb...ntawm kuv koj txhob xav txog lawm mog... Nraug Hmoob Nyab Laj Txoj Kev Lwj Siab tau los xaus li no xwb thov ua tsaug rau ib tsoom phooj ywg uas tuaj nyeem kuv zaj kev hlub no...mam ntsib nej dua lwm zaus. Sau npe: Yang Pheng |
Nplooj2
Yang Pheng Tsab Ntawv Hlub
CIA KUV MAM MUS nyob zoo Paj Yeeb Liab Tsw Qab tus kuv hlub. tag sim neej kuv tsis muaj hnub hloov siab mus li….Paj yeeb lub sij hawm koj nyeem kuv tsab ntawv no ces kuv twb ncaim koj mus lawm. nyob los lwj2 kuv lub siab ua luaj. nyob kho siab khuav. ntsia qhov twg los tsis muaj koj. quaj ntsia ntsoov lub ntuj pom hnub, Kuv saib noog ya los pom koj. Koj puas paub hais tias kuv nco2 koj. ua dab tsi los tsis ntseeg. tsuas tshuav kuv lub kua muag qhuav2 lawm xwb. cia kuv lub qhov muag qi zaum no thiaj tsis nco koj los cas tus npau suav nim nrhiav koj yuj yees thiab xwb. wb cov lus cog hais tias ib leeg yuav hlub ib leeg kuv tseem cim ntsoov tsis ploj, kuv tau cog lus tias yog kuv tseem muaj txoj sia nyob kuv txoj kev hlub yuav muab rau koj ib leeg. koj yuav yog tus ntawm wb txoj kev hlub lawm xwb txawm koj tsis hlub kuv li wb tej lus cog tseg los qhia rau koj tias kuv tseem hlub koj. Tiam no kuv tsis tau koj lawm ces cia kuv mam ua ib siab muab txoj kev iab siab lwj plawv tso pov tseg rau lub ntiaj teb no. lwm tiam yog muaj tiag kuv mam li thawj thiab los ua koj ib tug me tub rau koj hlub nawb mog., es kuv ncaim lawm mog.... Ua tsaug ntau ntau uas muaj qhov chaw no rau kuv sau txoj me kev lwj siab thiab chim siab uas tsis tau koj os. txawm yuav quaj thiab nrhiav koj npaum li twg los ntshe yuav tsis tau ntsib koj lawm ces kuv mam ua ib siab os Paj Yeeb tus neeg kuv tshua aw…. Nyobzoo 3haivhmoob.com zoo siab ntau uas hnub no kuv tau tuaj hauv no. tau tuaj nyeem ib txhia kev lwj siab thiab chim siab uas vim yog txoj kev hlub tsim muaj. kuv tsis muaj dab tsi tsuas foom hawm kom lub website no tsuas muaj neeg tuaj koom coob zuj zus xwb. thaum kawg no kuv yuav thov sau ib tsab ntawv rau ib tug tij laug uas nws muaj ib txog kev lwj siab nyob rau hauv no.
TSAB NTAWV SAU RAU Tij Laug Lwj Siab.. Tij laug a ! Kuv xav hais rau koj hais tias kuv xav kom koj zam txim pub rau kuv thiab os nawj. kuv yeej hlub koj heev tiam sis ib ntsais muag zoo li npau suav xwb kuv twb yog luag tug lawm tiag2 es txawm yuav rov qab los los tej zaum yuav tsis zoo li qub lawm es koj zam txim rau kuv nawj mog. Kuv xav qhia rau koj paub tias kuv nco koj heev os. Tij laug a! Txij no mus ces kuv thov kom koj mus nrhiav tau tug hlub hlub koj thiab koj hlub hlub nws mus tag ib txhis nawb. Zoo siab ntau tiam no kuv tau ntsib koj, tab sis nws tsuas yog ib vuag zoo li npau suav xwb, ntshe twb yuav rov qab tau ncaim koj mus lawm thiab os. Nyob es rau rau siab kawm ntawv nawb, kuv vam thiab cia siab hais tias tej thaum koj ua nus yuav ua tau raws li koj lub siab xav thiab koj lub siab nyiam. Mam nyob koj nawb. Kuv xav hais tias cia kuv nyob tos koj seb koj puas tuaj es kom kuv tau ntsib koj ib zaug tso no tiam sis kuv tos tsis tau txog hnub koj tuaj lawm, yog hais tias thaum twg koj txais tau kuv tsab ntawv lawm no nco ntsoov hais tias kuv tseem hlub thiab nco koj no os. Txawm kuv ncaim mus lawm los tshuav ib nplooj siab tsis qhuav ntshav tseem nco nco txog ib tug tib neeg nyob rau tom qab li koj. Tu siab tshaj plaws tsis pom qab hais qhia ib lo rau leej twg li. Tsuas yog nco koj twj ywm rau nruab siab lub kua muag ntws sis xwb. Xav hais tias tsis txhob seev tsam leej tub leej roog hnov los ua li cas nco nco koj tseg tsis tau es thiaj li tau muab sau rau koj os. Tiam neej no yog ua lub neej nyob lwj siab tag npaum li no es kuv yuav ua li cas ua lub neej tsis muaj koj os, nyob ces ho nco txog tug neeg uas tau ncaim koj mus lawm thiab nawb. Thaum kawg ntawm kuv tsab ntawv no tsis paub yuav hais ib lo li cas ntxiv.Kuv cia siab ntsoov hais tias koj yuav xaiv tau ib tug nyab hlub hlub niam thiab txiv nkawd ib yam li koj hlub os.! |
Ceeb Toom:Peb cov dab neeg kev sib hlub hauv no tsuas yog sau tawm los ntawm txoj kev xav ntawm tus tswv sau ua kev lom zem rau sawv daws tau nyeem laug lub sij hawm thaum koj khoom xwb, txawm koj tuaj nyeem ho yog zoo li sau rau koj los zoo li sau rau lwm tus los yog leej twg los xij los nej txhob ntaus nqi li cas
Lus Ceeb Toom:
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
