"Luag Yuav Koj Mus Rau Mes Kas"
  Tus sau   :nkauj zoo  Email:   nkaujzoolove@gmail.com

               
             " Thov Khaws  Kuv Nplooj Siab  Txawm Nciam mus Deb Npaum Twg
           Los  Nco Ntsoov Tias Koj Tseem Muaj Kuv  Nrog Koj Nyob Ua Ke Thiab"

---

Nplooj1

     Nyob zoo ib tsoom phooj ywg hnub no kuv yuav tau piav los yog sau ib zag dab neeg kev hlub ib vuag dua uas tau  ua rau tib neeg ua neeg tsis tsheej neeg..
Lub sij hawm kuv tab tom sau txoj kev hlub no ..cua tuaj nplawm ntws pom me nplooj hmab nplooj ntoos raug cua tshuab ya zom zaws rau ib sab ntuj lawm uas nws zoo li ib lub caij dhau los es thaum tseem muaj ob tug neeg sib sib hlub...tab sis hnub no ho tsuas muaj kuv tuaj zaum ntawm thiaj chaw no sau txog zaj dab neeg lawm xwb.. Ua li nej puas tu siab li kuv tus..Nej puas kho siab li kuv kho thiab..Kuv kho siab thiab nco txog ib tug neeg ib vuag dhau mus kawg nkaus li nawb mog..nyob rau hnub no...
             Nyob rau lub xyoo 2011 ntawv ces txawm muaj ib tug hluas nkauj hmoob nyob lub zov lav kaum hu ua nkauj zoo no xyoo ntawv nws nyuam qhuav kawm tag nrho hoob 11 xwb tseem npaj seb puas tau tuaj nrog luag tej kawm nyob tom lub tsev kawm DOngdok...nkauj zoo muaj ib tug nus kawm ntawv nyob rau ntawm tsev kawm kab xej lub tsev kawm ntawv nyob ze ntawm nkauj zoo lawv lub zos thiab..nyob nyob txawm muaj ib hnub nws tus nus mus kawm ntawv los no nws tus nus txawm coj tau ib co phooj ywg los saib nkauj zoo lawv..
          kuj muaj 2 - 3 tug phooj ywg nrog nws tus nus los tab sis mas nkauj zoo yeej tsis tau xav li cas rau lawv li tsuas muab lawv thwm zoo yam cov nus xwb thiab...nyob nyob muaj ib hnub txawm muaj ib tug ber xov tooj txawv txawv sau ntawv los rau nkauj zoo lub xov tooj ces nkauj zoo tseem xav hais tias tus hmoob no yog leej twg ne ces nkauj zoo kuj tsis teb thiab ..tau 2-3 hnub tom qab ces tus tub hluas ntawv mam hu xov tooj los nrog nkauj zoo tham ces mam qhia hais tias nws yog nkauj zoo tus nus cov phooj ywg uas los saib lawv hnub i...txij thaum ntawv los ces nkawv kuj hu xov tooj sib tso dag ua si ces tus tub hluas ntawv tseem pheej los nrog nkauj zoo lawv hais lus ua si...tom qab ntawv nkawv txoj kev hlub kuj mus tau zoo heev thiab..lub sij hawm dhau mus lawm zuj zus txog 30 xyoo 2011 ces tus tub hluas ntawv tseem tsis mus nrog cov laus noj 30 nram lav 20 ces nws thiaj tau nrog nkauj zoo noj ib cim 30 ua ke ua si yam lom zem xauv npo ib xyoo ....
            

---

Nplooj2

              Lub sij hawm muab tsiab 30 los noj tag ces nkauj zoo tau tuaj mus kawm ntawv nyob Dong dok ces muaj qee zaum tus tub ntawv kuj tuaj mus tos nkauj zoo tom tsev kawm los tsev thiab tus tub ntawv yeej mus pab nkauj zoo lawv ua liaj ua teb yog lub sij hawm lawv ua noj ua haus thiab tsis tas li ntawv xwb los lub sij hawm nkauj zoo mus kawm ntawv lawv txawm yuav muaj tus tub hluas twg nrog nkauj zoo tso dag ua si los nkauj zoo yeej hais qhia rau lawv tias nws muaj tug lawm....los txog rau cim 30 xyoo 2012 ces tus tub ntawv tseem nrog nkauj zoo koom peb caug tau 2- 3 hnub xwb ces txawm hnov cov laus hu tuaj rau tus tub ntawv tias yuav kom tus tub ntawv los mus tsev es phauj tus ntxhais los sab ub los yuav los yuav tus tub ntawv no..     
            Lub sij hawm no nkauj zoo kuj nrog tus tub ntawv nyob ua ke nkawv kuj 2 leeg hnov cov lus no thiab..txij hnub ntawv los ces nkauj zoo ua ib siab khiav tuaj mus kawm ntawv lawm cia li tsis kam ntsib tsis kam nrog tus tub ntawv noj 30 lawm..tom qab tau 2 week ces tus tub ntawv hu xov tooj tsis tau rau nkauj zoo ces nws thiaj tuaj mus tom nkauj zoo lub tsev kawm ces thiaj mus hais rau nkauj zoo tias vim li cas es nkauj zoo thiaj kaw xov tooj tus tub no kuj quaj kawg li thiab vim nkawv sib paub los tau 2 lub xyoo lawm yeej sib sib swm lawm..ces nkauj zoo tsuas teb tias ua ib siab mus li cov laus hais os kuv yog neeg txom nyem xwb tsis muaj cai yuav los txwv koj tsis pub koj mus vim yog koj niam koj txiv yog tus muab txoj sia rau koj hos kuv ces tsuas yog tus neeg hlub koj xwb tsis muaj cai yuav los cheem koj nyob os..kuv mam ua ib siab tu siab nrho os vim kuv txom nyem es txhua yam thaum kawg thiaj li zoo li no xwb os..
                     Txij hnub ntawv los ces nkauj zoo ua ib siab zuj zus lawm yam li tus dej ntws mus tsis rov txhua txhua yam nkawv tsim muaj tseg ces nkauj zoo ua ib siab muab zais cia hauv siab tsis qhia leej twg txawm yuav mob nws lub siab npaum cas quaj txhua 2 hnub xwb los nws yeej ua lub ntsej muag luag ntxhi xwb mam rau rau siab kawm kom tag seb puas muaj ib hnub es tau lub neej zoo zoo tsis ntshaw leej twg ..tsis ntev tom qab no xwb nkauj zoo hnov tias tus tub ntawv yuav poj niam lawm...los txog hnub no txawm nkauj zoo kawm tiav lawm los nws yeej tseem tsis tau muaj tus tshiab li nws yeej tseem nyob ib leeg xwb thiab tom qab nws kawm tiav lawm nws tau mus ua hauj lwm lawm los lub siab yeej tseem nyob ib leeg tsis muaj pluaj siab yuav mus hlub tau lwm leej lwm tus li lawm vim ntshai tsam luag tsis hlub yus dag yus xwb thiaj li ua ib siab los txog tav no os..thaum kawg no nkawv zaj dab neeg los xaus li no xwb thov ua tsaug rau WWW.3haivhmoob.com uas tseem pab kho kom kuv cov lus no zoo dua qub os. Es  mam ntsib nej dua lwm zaus.
Sau Npe : Nkauj Zoo

---

Lus Ceeb Toom:
 Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag  ua lag luam, los yog coj mus tso rau lwm lub vas sab website los yog Forum uas tsis tau txais kev tso cai ntawm peb. Vam tias koj yuav muab kev koom tes. ua tsaug.
Warning: No one can copy our stories at www.3haivhmoob.com to post on your website or Forum without our permission.  Printing for selling is also prohibited . Thank you for your cooperation. Thank you.
                 Ua tsaug ntau:  
                       3HaivHmooB.Com

Koj Xav Li Cas Sau 6 Nram No:

---