"1-Pab Nus Muag Ntsuag Nos"
Nplooj1 1 Pab nus muag txoj kev ua Ntsuag Ciaj....
"Lub neej ntsuag ntshaw niam ntshaw txiv , lwm tus saib tsis taus txom nyem siab ntsws leej twg los tsis xav tau...tsuas yog txoj hmoo zam tsis dhau thiaj tau ua ntsuag xwb...Peb cov nus muag yog ib pab menyuam ntsuag ciaj,..niam txiv tsis tau tuag tab sis peb poob rau txoj kev ua ntsuag lawm..."Nyob zoo ib tsoom phooj ywg sawv daws uas tuaj ua si rau hauv lub (website) vas sab www.hmongmeka.com no. Ntawm no kuv yog ib tug ntxhais muaj lub npe tias Siab Muas nyob (laos) Los Tsuas Teb. Kuv tsis paub xyov yuav hais li cas thiab yom tab si kuv tsuas xav los hais kuv ib qhov kev mob siab uas hais txog ntawm lub neej xwb os...Yog nws yeej tsis zoo li.... tsis muaj ib qho zoo li os... Twb tau ntev heev los lawm uas ib khub niam txiv lub neej zoo muaj mi tub mi ntxhais nyob puv tsev lub neej kaj siab lug tsis nco ntshaw txog leej twg...pluag noj twb tsis nco ntshaw vim txoj kev siab hlob ntawm tus txiv thiab sib hlub tsis txaus thiaj ua rau lub neej tawg...ib nyuag muaj xwb twb tsis tsim nyog yuav khav theeb thiab ua tsis saib yus lub neej yad tom ntej li. Vim txoj kev khwv noj khwv haus mus rau pem toj nram hav , zoo yam li ob niam txiv noog ya mus nrhiav kab los pub rau nkawd cov me nyuam noj....nkawm niam txiv no nkawd yog neeg dawb huv, tab sis tau raug iab hiam tias cuam tshuam txog kev lag luam tsis raug cai. Nkawd kuj tau raug mus nyob rau kev tswj fwm ntawm tseem fwv, txoj kev txom nyem thiaj tau poob rau nkawd tej menyuam. Nyob rau ntawm nkawd lub neej, ob niam txiv no nkawd muaj 3 tug ntxhais thiab 4 tug tub, tsuas muaj 2 tug ntxhais uas hlob thiab 4 tug nus uas yau ces mam muaj 1 tug ntxhais kem 2 tug tub thiab xwb. Thaum tau tshwm sim tej kev nyuaj siab no lawm leej twg tsis tau raug yeej tsis nkag siab li...Lub caij thaum yus tseem nyob khov kho yus tej kwv tij tuaj saib yus hais lo lus zoo thiab muaj hauj lwm kev kub ntxhov kev poob nyiaj los yus mus pab luag thiab luag tuaj pab yus, tab si thaum yus lub neej poob qab lawm yus tej kwv tij kiag tseem tsuj kom yus tsev neeg cov mi nyuam tuag ib tug zuj zus mus os. Thaum no tej kwv tij tsis nrog xauj muaj mob muaj nkeeg los luag ua tus tsis paub, muaj ib yam teeb meem mus thov txog luag los yuav kom muab nyiaj luag thiaj ua hauj lwm rau yus, tej tus muab nyiaj lawm los twb tsis ua vim luag ntsia yus yog mi nyuam yaus xwb. Thaum nkawm niam txiv no tsis tau nyob nrog cov mi nyuam lawm nkawd tseem yug tau ib tug mi nyuam uas yog tus tub ntxawg tseg rau tus ntxhais hlob tu nrog rau nws cov me niam hluas thiab nus yau, tus me tub no nyuam qhuav muaj 8 hli xwb. Lub sij hawm ntawd kuv tus niam laus nyuam qhuav muaj hnub nyog 20 xyoo xwb, hos kuv muaj 16 xyoo xwb. Nyob li ntawm cov nus thiab cov niam hluas lawv txhua tus tseem me me heev li twb tsis paub tab tsis paub ab tsi li. Thaum zoo li no lawm kuv tus niam laus kuj tau nrhiav kev pab, tab si nws mus thov txog tus twg los luag hais nyiaj nkaus xwb (ib yam li hais tus sab nrauv tseem cev tes los pab yus tshaj yus cov kwv tij kiag lawm thiab) thaum ntawd kuv tus niam laus tau mus thov txog peb ib tug yawg ntawm peb tsev neeg kiag, kuv tus niam laus thov kom nws pab kuv tus niam laus khiav ntaub ntawv tso kuv niam tawm , nws tias nyiaj txog tes ces hauj lwm khiav, ib daim npav xov tooj 10 phav kip xwb nws kom yus them, ib poom dej 5 phav kip los kom yus, nqi noj nqi tsheb los yus, txheeb txheeb kawg li , nws yog tus yawg nws txawj khwv muaj lub dag zog tej qho me me li no xwb tseem tos yus ib tug uas yog mi nyuam yaus yuav cev rau nws noj tib si li yam uas tsis paub txaj muag rau lub ntuj thiab daim av, tab si thaum kuv tus niam laus cev nyiaj tag rau nws lawm nws mus txhua hnub, nws tuaj nqa nyiaj ua nqi rau roj tsheb tab si nws khiav hauj lwm tau 1 hlis cov ntaub ntawv tsis mus tsis los li, kuv tus niam laus thiaj nce mus saib pem xeev ces lawv hais tias cov ntawv no tsis tau muaj leej twg tuaj kov txog li, kuv tus niam laus thiaj li hais rau tus yawg ntawd tias kom nws los so es tsis khiav lawm cia kuv tus niam laus mam li yog tus khiav xwb. Kuv tus niam laus hais zoo zoo xwb xav tias ntshe nws yuav nkag siab lawm tab si nws ho tsis tsum khiav qhov teeb meem no li thiab, ces thaum kawg nws muab 1 phav tawm $ (dollar) ntawd coj mus yug nws cov poj niam mi nyuam lawm xwb. Kuv tus niam laus thiaj tau hla nws mus khiav tej ntaub ntawv no tiav tag nrho. Dhau nov, tau thov li ntawm 2-3 tug neeg los pab nws tab sis kuj tsis tau li, kuv tus niam laus ho ntsib ib tug phauj tus yawg uas tawm hauv lub tsev txim los thiab, nkawd tias nkawd mam pab kuv tus niam laus, khiav tej ntaub ntawv. Lawv khiav tau li ntawm 5 lub hli xwb kuv niam thiab 2 tug poj niam uas raug txim nrog kuv niam lawv ua ke kuj tau tawm los ces lawv lub txim muab rau 3 tug txiv ev. Kev raug iab hiam coj mus raug txim zaum no muaj tag nrhov yog 3 khub niam txiv. |
Nplooj2Thaum kuv niam tawm los nrog peb nyob tau tsis ntev xwb, kuv tus niam laus ho tab tom khiav ntaub ntawv tso kuv txiv hmoov tsis muaj hnub ntawd kuv niam pheej cem cem thiab yws yws tas zog hais tias peb twb ua ob pluag noj qab qab lawm kom cia li xa ib qho mus rau kuv txiv pem tsev txim, kuv tus niam laus tias tsis mus cia 2 hnub saum no xwb twb yuav mus saib lawm mam li mus, tab si kuv niam tsis kam li cia kom mus xwb, kuv twb taij taij mus thiab tab si kuv tus niam laus tias kuv tsis txawj tsav maus taus es cia kuv nyob nws coj kuv tus nus nrog nws mus thaum los nws thiaj tsis sab sab, tabsi nkawd mus xa khoom rau kuv txiv tag nkawd twb los yuav txog tsev lawm hmoov tsis muaj nkawd ho raug tsheb nrau thiaj ua rau kuv tus niam laus thiab tus nus nkawd 2 leeg tau lov taw lawm, ces kuv txiv cov ntaub ntawv thiaj tsis mus tsis los tas lawm. Kuv tus nus siv sij hawm mus kho tau 1 xyoo ntau nws twb mus taus kev lawm, hos kuv tus niam laus ces niaj hnub no los nws tseem mus tsis taus kev li twb tau 3 xyoo lawm. Ntawm kuv niam nws hos nyob tsis taus tsev vim tias thaum kuv tus niam laus raug mob ntawd tus phauj thiab tus yawg laus nkawd ntxeev siab lawm thiaj ua rau kuv niam nyob tsis taus nrog peb. Nyob mus li 1 xyoo xwb ces kuv pog ho tuag tso peb tseg ces thaum ntawd kuv tus nus twb tsis tau loj kuv thiaj li tau tawm ntawv los zov nws, tsis muaj nyiaj lawm kawg kev txom nyem los txog ces kuv thiaj tau tso duab nrhiav tus hlub, kuj muaj tus hlub thiab lawv yeej hlub hlub txog kuv cov nus thiab niam hluas yau, lawv kuj pab pab tau 2.3 kis nyiaj rau peb cov nus muag tau siv thiab tab si lub caij no kuv tus niam laus mus kho mob rau pem Bokeo lawm, kuv kuj tau txais kev pab zoo thiab tab si mas ho tsis tau muaj tus uas los saib kuv li thiab, tsuas yog tham ntawm lub xov tooj xwb, thaum lawv los los lawv kuj los xauj kuv ib npliag qee tus, tab si lawv ho los saib kuv ib yam ib tus muam uas lawv hlub hlub thiab xwb ho tsis muaj tus kam yuav yus raws lub siab ntshaw, kuj uv nyob rau lub neej ib leeg mus ib qhov tas li no los tau ntev heev li... Tam sim no kuv tus niam laus twb rov los tsev tau 2 xyoo ntau lawm, nyias mus nyias es rov los peb twb ho loj tas lawm thiab. Kuv tus niam laus twb 26 xyoo hos kuv twb 21 xyoo lawm, kuv cov nus los loj tag li lawm thiab os........tabsi xyov yuav zoo li cas mus li ....niaj hnub no los kuv tseem saib xyuas kuv tsev neeg nkaus xwb tseem tsis tau muaj tus los yuav li os...Hmoob es ntshe yuav nyuaj rau txoj kev sawv mus ua nyab heev li vim lub neej no tsis muaj niam muaj txiv es puas yuav mus tsheej os..... Rov los piav txog txoj kev ua ntsuag.....Thaum kuv niam thiab kuv txiv tau raug coj mus ceev kaw lawm...tshuav peb cov me nus muag ntsuag nos nyob xwb...lub caij txog 30 luag muaj niam muaj txiv...muaj tus coj luag mus yuav khawb ncaws tshiab tshiab los mus ua zam pov pob...Nyob li ntawm peb cov nus muag ntsuag no...nyob de tes nrheev ..tsis muaj tus yuav los coj yus mus yuav khaub ncaws tshiab...lam hnav tej cev me khaub ncaws qub qub..lub siab pus tsuas saib ntuj los yog ntuj saib teb los yog av xwb tu siab tshaj plaws lub neej no...Txog hmo hu plig 30, luag muaj niam muaj txiv yuav qaib qe los hu luag plig..nyob li ntawm peb cov nus muag ntsuag no tsis muaj neeg hu peb plig li... hmo 30 luag tau qe peb cov nus muag tsis tau...tu peb siab tshaj plaws...tej me yau tsis paub tab ...lawv pom luag tej hu plig tau qe qaib..lawv hais tias Siab...thiab niam laus ua cas peb ho tsis tau qe...yus tsis pom qab yuav hais tau li cas rau tej yau li..tsuas plhws lawv taub hau thiab yus lub me kua muag mas ntws tawm cuag dej tias..ua cas lub neej no yuav txom nyem ntsuag nos ua luaj muaj niam txiv yug tsis muaj niam txiv hlub...es nej pus tu siab li peb thiab...nej puas hlub peb thiab....cov phooj ywg...ib sim neej cia fab lwm tiam mus thov kom tau ntawv zoo los rau peb cov me nus muag ntsuag nos kom nrog luag muaj niam muaj txiv ..txhob zoo li tiam no lawm..Kuv xav tias leej tug ua ntsuag tsis muaj tus hlub li peb ..pom luag txiv los peb ntshaw...peb pom luag niam los peb quaj...tsis paub lub neej no yuav tu siab mus txog hnub twg....tsuas xav tias nyaj muaj ib hnub lub ntuj yuav tso ib tug me hlub hlub yus los ua yus tus txij nkawm kom tau lub neej kaj siab xwb.... Ua tsuag uas nej pab twm kuv li zaj dab neeg txom nyem tsis muaj niam , tsis muaj txiv ua ntsuag tu siab li kuv no os nawb..kuv tsuas sau raws kuv lub neej xwb yog twm tas leej twg muaj lub neej txom nyem ntsuag nos li kuv no los ho hlub tshua txog peb cov me nus muag thiab mog... Es mam rov ntsib nej dua rau lwm lub caij. Thaum kawg thov ua tsaug rau Vej Xaij www.3haivhmoob.com uas tau muab qhov chaw no rau kuv tau tuaj qhia kuv txoj me kev tsuag no ua ntsuag ciaj rau ib tsoom phooj ywg Hmoob tau paub. |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com