Nkauj Mos Mim Txoj Kev HluB 4 Xyoo Nco Tsis Ploj
Tus Sau: Nkaujmos mim Vwj Email: [email protected] Nyob zoo os Pebhaivhmoob! Zoo li hnub no kho kho kuv siab thiab zoo li lub niag kua muag pheej yuav ntws li nas, es thiaj xav tuaj sau kuv txoj kev kho siab me ntsis rau hauv no es thov nej muab tso tawm seb puas muaj hnub tus neeg uas ua rau kuv kho kho siab ntawv puas tau tuaj txog hauv no thiab ho tau nyeem es nrog kuv paub txog tias kuv kho siab rau nws ib leeg tshaj plaws tsis paub yauv hais zaj twg rau nws li no os. Ntuj os hmoob! cas koj nim yuav ua rau kuv kho lub siab ua luaj li no, es zaum no wb yuav sib ncaim nyais mus nyias tiag tiag es puas tsim nrog kuv yuav quaj rau koj pom ib zaum ntxiv dua lawm os? Txoj kev hlub ntawm 4 lub xyoos dhau los mus ntawv nws yuav nyob nraim hauv lub siab txoj kev xav mus ib sim nawb es qhia li ntawv rau nws os. Sim neej no los paub tau nws ib zaug, tau muab wb txoj zoo los sib pub kawg lub siab lub ntsws lawm kuv kuj tsis tu siab thiab tiam sis zoo li pheej kho kho siab rau nws heev rau thaum txiav siab mus ntawm nws. Xyov nws puas paub tias kuv hlub thiab xav ua nws tus rau nws hlub tshaj tiam sis ua cas nws ho tsis yog muaj kuv xwb, yog nws lam yog ib tug txiv nraug nrauj los txiv nraug ntsuag ces yuav tsis pub nws plam ntawm kuv, yuav cia rau kuv ib leeg hlub thiab yuav khaws nws txoj kev hlub kev zoo mus ib sim. Ua cas nov es yuav yog nws muaj teej muaj tug nyob khov kho tuav nws lub neej, es hnub no nws txhos caug ntua nrog lub me kua muag ntws sis thov los kuv thiaj yuav tau ua ib siab ua tus phem tshaj rau nws xwb, tiam sis hauv kuv lub siab mas nws mob khoob lug ntshe nws yuav tsis paub txog li os? Hnub no kuv quaj lub kua muag yuav poob es thov cia ua lub me kua muag tu moo mog kuv tus me nraug swm, zaum no kuv so lub kua muag es thov kom yog zaum uas kuv tau so ua zaum kawg ntawm wb txoj kev hlub xwb mog es cia kuv quaj hnub no cia ua lub me kua muag los tu wb moo ntawm wb sim nkauj sim nraug os. Zaum no ces kuv yuav ua ib siab es ntshe mus tau tus hlub hlub los yuav nco ib zaug, mus tau tus tsis hlub los kua muag yuav poob ua sis niab, me ntuj tshav los nco koj tsis txawj tag, me ntuj nag los yuav muab koj nco mus tsis ploj, tawm ntuj no los ntshe yuav hnov qab tsis tau koj li os. Yog muaj hnub koj tuaj txog hauv nov no ces qhia koj mog tias kuv yuav mus ua lub neej kho siab khuj khuav, yuav mus muab koj nco lub niaj thawm lub xyoo, yuav nco ntsuj ntsoov koj txhua lo lus zoo zwm tseg hauv kuv lub siab, hos kuv yuav hu koj lub npe nyob rau txhua txhua hnub tsis pub kom nws ploj. Txawm koj tus ntxhiab dua tag lawm los tseem tshuav koj lub suab hais lus ploj loog hauv lub pob ntseg mog. Es thov kom wb ob leeg mus zoo, kuv los mus kom txog kuv tus npau suav, koj los yuav tsum mus kom dhau rau koj lub me ntuj tshiab li koj txoj xav tseg mog kuv sim xab yeeb plees nkauj nraug tus zwm nco. Nkaujmosmim tus uas tseem yuav tos seb pua tau ntsib nws rau ib ncua kev twg dua os. Nkauj Dab Los Tos Xyum Part 2 |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...