Nkauj Dab Thiab Tub Lis
Tub Lis zaj dab neeg no yog tshwm sim xyoo toj pob nphau los av qeeg qhov txig qhov chaw nyob teb chaws Los Tsuas. Thaum xyoo 2010-2011 tag los ntawd. Yog ib zaj tshwm sim muaj tseeb tiag tiag"Ua ntej thaum tub Lis tsis tau tuag lub pa nej hauv lub zos no muaj 1 cov neeg txawv txawv nyiam tawm tuaj nug neeg zej zog tias puas muaj chaw rau lawv los nyob hauv lub zos no thiab no na .. 1 yam li tias cov poj niam hmoob no lawv ua teb zaub ntawm ntug dej es thaum lawv mus ywg zaub yuav tsaus ntuj ntawv pheej muaj neeg los ncaj nraim nram pa dej los nug tias puas kam lawv los nyob lub zos no thiab no tiag"
Nplooj1 Nyob rau lub caij nplej pib txhawv ! thaum lub 9 hlis ntuj xyoo 2011, teb chaws Hmoob Looj Ceeb uas yog peb Hmoob qub chaw nyob thaum ub, los 6 tam sim no tseem tshuav Hmoob nyob thiab ua liaj ua teb nyob ze ntawd li yad thaum ub..! 1 lub zos me me uas nyob ze ntawm Looj Ceeb muaj 1 yim hmoob nyob 6 hauv lub zos ntawd . Tsev neeg no muaj 1 tug tub thiab 1 tug ntxhais xwb ,tus tub hu "Lis" muaj 16 xyoo, tus ntxhais hu : Ntxawm, muaj 8 xyoo nrog 6 niam thiab txiv tsev neeg ntawd muaj 4 leeg nkaus xwb.
Los rau xyoo ntawd muaj toj pob nphau los ,av qeeg tag , ntuj los nag loj heev ua 6 cov neeg nyob ze ntawd tau txais txoj kev kub ntxhov ntau yam . Muaj 1 tag kis ntawd tus tub lis twb ua zaj npau suav tawm los ua 1 qho chaw ntshai saum neej no lawm tab sis nws tseem me nws thiaj tsis nco qhia los yog nug cov laus . Vim yog ua neeg nyob, yuav noj yuav hnav, 2 txiv tub thiaj tau tawm mus ua teb, kev los phem toj pob nphau txhua hnub thiaj kom niam thiab tus muam nyob tsev xwb. Ob txiv tub tsi ua los tsam sis tau noj ces nkawd thiaj tau mus ua teb lawm tas li txhua hnub. Nyob rau hnub ntawd tus tub thiab nws txiv mus ua teb txog ntawm 1 nta kev xwb toj pob nphau los ntuj cia li los nag kiag tam sim ntawd los hlob heev, ua 6 Lis thiab Lis txiv nkawd tsis tau kev rov los tsev, nkawd thiaj li lug kev los raws kwj ha. Lis lawv nws txiv qab, Lis tus kheej 1 txwm yog neeg siab luv tsis kam pab leej twg los yog ua 1 yam zoo 6 neeg qhuas li. Sij hawm ntawv kiag Lis txawm ntsia pom 1 tug mi nyuam nab raug 1 yav taw tsuam ua 6 tus nab ntawd mus tsi taus nti nti xwb . Thaum Lis pom li ntawd Lis thiaj tau mus pab tus mi nyuam nab ntawd, tab sis vim Lis muab siv zog rub tus mi nyuam nab ntawd heev, thiaj ua 6 tus mi nyuam nab tus tw tu lawm. thaum tus nab tus tw tu, tus nab thiaj tau dim mus lawm tag li ntawd. Lis kuj xav tias nyaj tsis muaj dab tsi thiab .. Lis los txog tsev, Lis kuj mus ua si li txhua zaus . Lis tawm mus tham hluas nkauj lawm . tshuav li tus muam uas tseem yau tsis paub dab tsi nyob hauv tsev xwb. hos niam thiab txiv kuj tau tawm mus tham pem ua si cuav zos lawm thiab. Sij hawm li 4 moo yuav tsaus ntuj ntawd, muaj 1 tug hluas nkauj los txog ntawm lawv tsev. Tus hluas nkauj no nyob pem Lis lawv qaum tsev hu tias :nej puas muaj neeg nyob tsev lawm os ? Thaum hnov hu li ntawv tus muam thiaj teb tias : kuv niam kuv txiv tsis nyob lawm os. Tus hluas nkauj nug ntxiv tias: nov puas muaj 1 tug mi nyuam tub nyob hauv nov thiab os nej tsev neeg no na? Tus muam teb tias : muaj mas koj puas yog hais kuv tus nus os nws tsi nyob lawm. Tus hluas nkauj nug ntxiv tias: koj tus nus hu li cas os ? Tus muam teb tias : kuv tus nus hu Lis os, nws mus yuav poj niam coj los ua nyab 6 peb lawm os. Vim yog txhua zaum thaum tus muam nug tus Lis tias koj yuav mus dab tsi os ..,? Tus Lis pheej dag tus muam tias kuv yuav mus yuav nyab los pab koj ua hauj lwm. Vim txoj kev tsis paub dab tsi li tus muam thiaj tau hais raws li Lis txoj kev dag tus muam 6 tus hluas nkauj ntawd lawm. Lis tus muam nyob hauv tsev xwb tsis tawm mus saib tias tus los nug nws ntawd yog leej twg? Lis tus muam kuj tau qhia txhua yam uas tus muam paub 6 tus hluas nkauj ntawd lawm. Tab sis dhau ntawd tus muam tsis hnov tus hluas nkauj ntawd teb tus muam lawm, yog li nws thiaj tau tawm mus xauj nraum zoov cas tsi muaj neeg li . Vim lub caij ntawd tseem tsis tau tsaus ntuj, Lis tus muam thiaj xav tias yog neeg tuaj nug Lis xwb. Lis tus muam tsis nco ntshai txog dab tsi li. Thaum niam thiab txiv los tsev los tus muam kuj tsis tau hais qhia 6 niam thiab txiv paub txog qhov xwm txheej no li. Hmo ntawd lis mus tham hluas nkauj los txog ntawm kev Lis hnov 1 suab hluas nkauj luag nrov nrov tab sis Lis kuj tsi ntshai li, vim twb ze ze tsev lawm thiab Lis kuj hnov tsi zoo . Hmo ntawd Lis pw ua npau suav tias 1 tug hluas nkauj zoo nkauj heev los hais 6 Lis tias: "kuv yog hmoob nyob Looj Ceeb, thiab yog1 tug ntxhais nkauj ntxawm, vim peb tuaj ua si nkaum taw qaib rau peb lub zos, es peb los txog ntawm kev no, kuv txiv lawv nrhiav vauv rau kuv, lawv thiaj li muab kuv tso cia ntawm no es koj los pab kuv tab sis koj tsis pab kuv zoo zoo, tseem los rub ua kuv daim sev tu nrho lawm thiab, li cas los kuv yeej yuav kom tau koj xwb xwb li nawb Lis."Lis thiaj lis teb tias yog koj yuav los yuav kuv ces cia li mus zoo zoo xwb puas tau ma? Tus hluas nkauj txawm teb tias: yog mus li ko ma mus txog hauv peb teb chawv lawv saib koj zoo li tus nyuj xwb tsi zoo saib os yog koj mus ua kuv tus txiv koj yuav tsum tuag tso thiaj li mus ua tau kuv tus txiv os.. Thaum Lis sawv los tag kis ntawd, Lis kuj tsis tau piav zaj npau suav no qhia 6 niam thiab txiv vim Lis nyiam tus hluas nkauj ntawv heev lawm. Nyob rau Lis nruab siab, Lis paub zoo tias Lis nyiam tus hluas nkauj dab no lawm. Txhua hnub txhua hmo suav txij hnub ntawd los, Lis cia lis pauv mus lawm. Lis tsis kam mus pab niam thiab txiv lawv ua teb li lawm. Lis tsuas hais qhov xav nyob 1 leeg xwb, kho kho Lis siab li ua tsis taus dab tsi li lawm . Lis niam thiab txiv xav tias Lis tub nkeeg xwb . Niam thiab txiv los tsuas hais qhov cem Lis ta mus li ua 6 lis khiav tawm hauv tsev mus lawm 2-3 hmo mam rov los tsev xwb. Lis ua li ntawd tas li xwb. Lis xav nyob 1 leeg txhua lub sij hawm xwb tsis kam mus ua dab tsi li lawm vim Lis tus hluas nkauj niaj hnub los nrog Lis nyob tas li. Nws tos tsis muaj neeg ces nws yeej los nrog Lis ua ke tas li txhua hnub thiab txhua hmo li, thiab nkawv tawm mus ua si tas li. Tej yam tshwm sim no Lis piav rau suav daws los yeej tsis muaj neeg tseeg Lis li. Lawv tsuas hais tias Lis vwm ,thiab lawv tias lis tub nkeeg tsis xav pab niam pab txiv ua noj ua haus xwb. Thaum Lis chim ces Lis tab mus pw tas li xwb, Lis pw tau 1 - 2 hnub mam sawv . Lawv nug Lis los Lis hais Lis qhov tias lis mus ua si lawm xwb tab sis neeg pom ces yog Lis pw nkaus nkaus xwb. Thaum Lis sawv saum lub txaj los mas lis 1 ce ntub tag cuag li Lis mus da dej los. Lis qhia 6 luag tej tias Lis mus ua si sab pob zeb pob tsuas uas nyob puas Lis lawv lub zos. Muaj 1 tug hluas nkauj coj Lis nkawd mus nkag tej qhov zeb qhov tsuas lawm xwb thiab mus txog lawv tej zos mas yog tsev nyiaj tsev kub xwb lawv tej vaj tej tsev zoo nkauj heev li . Lis tej phooj ywg nug Lis tias es tej vaj tsev koj hais ntawv nyob qhov twg? Lis taw tes rau ntawm lub pa dej uas loj heev nyob hauv lawv lub plawv zos xwb, tab sis txawm li ntawd los teb chaws yeej tias Lis tub nkeeg xwb . ( Nias nram qab no mus nyeem txuas ntxiv) |
Nplooj 2Vim Lis tsuas hais qhov pw li pw xwb, ua rau Lis niam thiab Lis txiv chim heev li. Txoj kev pw ua neeg tub nkeeg no, Lis hais npaum cas los lawv tsis ntseeg li lawm . Lub teb lub chaw lawv los cem lawv tej mi tub mi nyuam tias tub nkeeg, mas lawv cem lo nkaus 6 lis lub npe xwb. Muaj ntau zaus uas Lis hnov lawv cem lawv tej mi nyuam los piv rau Lis, ua 6 Lis quaj pos muag nti li, tsis muaj neeg paub txog Lis thiab nkauj dab nkawv txoj kev hlub tias zoo li cas. Sij hawm dhau mus tau 6 lub hli, Lis pw pw ua 6 lis yuag thiab Lis lub cev los me me heev li lawm. Lis hais rau Lis cov phooj ywg tias qhov Lis zoo li ntawd los vim Lis thiab nkauj dab nkawd muaj kev sib hlub zoo heev lawm txawm li cas los Lis yeej yuav mus yuav nws xwb, Lis thiab nws nkauv twb mus ua tau vaj tau tsev hauv tus hluas nkauj dab lawv zos tag lawm, tos Lis niam thiab txiv kam ces Lis twb yuav mus yuav nws ua lis poj niam. Tib neeg yog thaum lawv tsis tau pom qhov tseeb thiab vim Lis los ua neeg tub nkeeg tsuas hais qhov pw li pw xwb ces neeg leej twg los yeej tsis xav tias tej Lis hais no muaj tseeb tiag tiag li. Lis piav dab tsi rau lawv mloog thaum twg mas lawv yeej mus hais lawv twj ywm tias Lis tub nkeeg mas nim hais tias mus ua ub ua no hauv npau suav xwb, dag dhau lawm neeg tub nkeeg mas zoo li Lis xwb, pw li pw xwb los niam mus ua tau tsheej lub tsev ntshe yog ua npau suav xwb os . Lis cov phooj ywg lawv mus liaj mus teb lawv sib tham taug kev li cas los lis yeej paub tag txawm tias Lis yuav nyob hauv lub tsev xwb los lis yeej hnov lawv sib tham. Muaj 1 hnub Lis niam Lis txiv lawv tau mus ua teb tag lawm, hauv Lis xav npaum cas los tsis muaj neeg kam ntseeg Lis li, tu Lis siab heev, Lis thiaj tau mus piav Lis lub neej txoj hauv kev taug rau ib tug niam tais laus laus uas nyob 1 leeg pem hauv zos. Lis qhia txog Lis lub neej tag huv huv rau tus nws tag ces lis thiaj li tau los tsev lawm Tom qab ntawd Lis tau rov los tsev thiab tau hlawv ntaub hlawv ntawv thov kom tus tswv teb tswv chaws zam kev rau Lis mus nyob nrog lis tus poj niam. Lis thiaj tau khiav nkag mus tom hav zoov lawm. Thaum niam thiab txiv lawv los tom teb los tsev; tsis muaj leej twg pom Lis li, tsuas yog pom hlawv ntaub hlawv ntawv puv vaj puv tsev tag . 1 hmos kaj ntug kiag yeej tsis pom lis los tsev li, tag kis thaum hnub ntawd, Lis niam thiab txiv mam kub siab heev li, nkawd thiaj tau tawm mus nrhiav Lis qhov txig chaw, lawv hu txog lub ntuj kom pab ua kom nrhiav tau Lis los yeej nrhiav tsis pom . Tag zej zog sawv dawv tuaj pab nrhiav Lis tau 4 hnub nkaus ua 6 tsis muaj leej twg kam tuaj pab nrhiav ntxiv lawm. Muaj ib tag kis sawv ntxov yuav kaj ntug, Lis txiv tau ua ib tug npau suav tias : muaj 1 tug qaib los qua qua nram ntug dej uas nyob hauv zos ..ntawm qhov chaw ntawv zej zog niaj hnub dhau mus dhau los lawv tuaj tshawb tag los yeej tsis pom Lis li , tab sis tag kis ntawv Lis txiv ua npau suav tag nws mus txog nram ntug dej ua cas pom Lis zaum pw ib tsob ntoo uas nyob ntawm ntug dej , Lis 2 sab taw dauv mus hauv dej, Lis zaum qi muag nti pw 1 ntawm tsob ntoo xwb . Lis txiv hu Lis tias: mi tub koj puas hnov os koj txiv tuaj coj koj mus tsev os.? Thaum Lis txiv hu tsis hnov Lis teb, tsis pom Lis nti li, Lis txiv yeej hnov lis txiv lub zog tag nrho lawm, zaum no txiv tus tub mus li nws hais lawm tiag txhua yam mi tub lis hais muaj tseeb ua cas txiv yuav tsis mloog txiv tus tub qhia li os .. ! Tom qab Lis txiv hais li ntawd tag nrho, ntuj los nag loj heev, tag kis ntawd xwb zej zog tuaj muab Lis coj tawm los tso ntawm 1 sab ntug dej, ua cas Lis lub cev yuav loj thiab te taw yuav ntev ua luaj li lawm Lis ua neeg nyob tseem yog mi nyuam yaus xwb ua cas thaum tag sim neej yuav loj thiab siab ua luaj li, zej zog yeej tsis muaj leej twg kam quaj los kua muag li lawm tsuas yog ntshai li ntshai xwb . Lis txiv thiab niam nkawv thiaj quaj mi ntsi xwb . zej zog tsis kam nkawv coj Lis los ua kev ncai dab qhuas li .. lawv thiaj tau muab lis lub cev zais 6 ntawm tus ntug dej ntawv lawm . Tom qab ntawd tau 2 - 3 hnub mas zej zog yeej pom ntshav lo puv tej chaw uas Lis tau tag sim neej ntawd. Thaum Lis twb tuag tag lawm, tus niam tais laus laus mam tuaj piav qhia tias lub zos Looj Ceebtseem tshuav ntau yam nyob rau ntawd vim Lis tuaj qhia nws tias Lis yuav mus nyob hauv lub zos Looj Ceeb, Hmoob mas nyob coob heev hauv tseem loj tshaj thiab zoo nkauj tshaj qhov uas tseem muaj nyob rau tam sim no uas yog saum neej no . Hauv nruab dab Looj Ceeb yog ntuj ceeb tsheej lawm tiag, . txhua yam muaj li qhov uas kuv tau sau lo no txhua yam yog qhov tseeb , Lis tus muam mam rov nco txog tias nws tau teb nkauj dab thiab qhia Lis rau tus nkauj dab ntawd lawm . thaum ntawd yog tus muam txhob qhia thiab yog lawv ua Hmoob tej kev cai pab tej zaum Lis kuj tseem nyob nws nyuam qhuav li 17 - 18 xyoo rau xyoo no( 2012) xwb os hmoob aw ..! "Los ua neeg 1 zaug tsim tau 1 nplooj siab los lawm, txawm teb chaws tsis ntseeg los thov tus ua niam thiab txiv ntseeg nej nplooj thiab yog nej muaj txoj kev ntseeg nej nplooj siab lawm lwm tus yuav hais los nws yeej tsi tu siab li . hos yog nej tsis ntseeg nws ces lub teb lub chaw tseem yuav tshaj nej lawm thia!b os" Peb lub Vas Sab www.3haivhmoob.com thov ua tsaug uas tus muam Oo Vaj tau coj Lis zaj dab neeg no tuaj sau rau suav daws tej niam tej txiv tau ua kev kawm kom nej yuav tau ntseeg nej tej tub kis hais thiab thaum lawv qhia qee yam ntawm lawv lub neej rau nej lawm nawb. Lus Ua Tsaug Ib Qho Ntxiv Thaum kawg no thov kom Lis tus ntsuj plig mus zoo thiab peb vam tias koj txoj dab neeg coj tuaj tso rau hauv no yog ib qhov kev kawm rau tej niam tej txiv lub neej kev ntseeg tej me tub me nyuam lawm tom ntej xwb. Thov koj tus ntsuj plig pov fwm ib tsoom phooj ywg uas tau tuaj nyeem es paub txog koj lub neej nyob rau hnub no. Ua tsaug ntau rau tus kwv los yog tus npawg Lis. Ceeb Toom: Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |