Niam Poj Hauj Sam - Niam Loom MeB
CeeB Toom: Txwv tsis pub koj muaj cov dab neeg hauv no mus hais rau youtube los yog xov tooj cua.
![]() Tus Sau: Hmoob Khej3 Email: [email protected] Ua ntej kuv yuav sau txog Niam Loom Meb kuv thov txhos caug pe hawm txog Niam Loom Meb hauv kuv lub siab tias qhov kuv yuav sau ntawm no tsis yog yuav sau txog qhov tsis zoo los sis sau coj mus muag yuav nyiaj los sis sau tej yam tsis zoo txog Niam Loom Meb thiab Wat Thamkrabok yuav ua rau luag xyav txog lub koob lub npe tsis zoo. Tiam sis kuv sau hauv no yog sau pub dawb rau ib zeej tsoom Hmoob sawv daws cov uas tau tuaj nyeem kom lawv paub txog Niam Loom Meb thiab Wat Thamkrabok mus rau qhov zoo xwb...Thov Niam Loom Meb ho zam txim pub rau kuv tus uas yuav sau txog nws keeb kwm me ntsis nws txoj kev zoo uas nws tau ua pub rau zeej tsoom sawv daws tsis hais neeg Thaib los yog neeg Hmoob huv si. Tham txog Wat Thamkrabok kuv xav tias peb sawv daws yuav luag 1 nrab yeej paub zoo. Nws yog 1 lub wat nyob rau Amphoe Mouang Xeev Saraburi Thaib Teb nws yog tsim tsa los ntawm Niam Loom Meb los sis Mae Chee Mien xyoo 1958 tom qab uas Niam Loom Meb thiab Loom Phaub Ja-run, Loom Phau Ja-rern thiab muaj thaj tsam 10 tawm tus hauj sam lawv tau Thub Doos los txog rau thaj chaw ntawm no lawv pom tau tias nws zoo ua wat lawv thiaj li tau los tsim tsa lub Wat Thamkrabok nyob rau thaj chaw ntawm no. Ib cheeb tsam ntawm Wat Thamkrabok thaum ub 60-70 xyoo dhau los no nws yog hav zoov xwb. Nyob tsis deb ntawv txawm muaj 1 lub zos Thaib ces nyob rau hauv lub zos thaib hauv txawm muaj 1 tug kws tua nqaij los sis maum phas nws keej tua nqaij thiab tua ncaj heev li. Muaj 1 hnub nws txawm tuaj mus yos tua tsiaj nyob rau ntawm pob tsuas uas yog kiag ntawm Thamkrabok ntag. Thaum ntawv nws txawm pom 1 tug kauv nws tsa hlo nws rab phom rau tus kauv tib teg raug kiag tus kauv tiam sis kauv tsis tuag kauv khiav ncig lub pob tsuas ntawv thiab nce mus rau saum hauv tsua lawm. Nyob rau saum hauv tsua nws muaj 1 tug neev taw loj loj nyob rau sauv ces hauv tus neev taw nws txawm teev tau 1 taig dej rau hauv. Thaum tus kauv khiav mus txog rau sauv tus kakuv mus haus cov dej uas nyob rau tus neev taw ntawv tag ces kauv lub qhov nqaij uas tus maum phas tua rau rov qab nqawm zoo li qub tus kauv khiav nqis rov qab los. Thaum tus maum phas ntawm no nws tua raug tus kauv lawm tiam sis tus kauv tsis tuag kauv khiav lawm nws kuj raws qab mus seb puas pom tuag qhov twg cas nws raws musno ua cas pom kauv khiav ua ntshav liab vog nce rau saumhauv tsua lawm nwsw thiaj li nce lawv qab mus saib. Nws nce mus txog ntawm 1 nta xwb ua ciav pom tus kauv khiav nqis rov qab los ua cas kauv mas cus plias hos saib zoo li kauv tsis raug mob li ntag. Thaum tus kauv dhia nqis rov qab los kauv dhia ceev nws tua tsis thas ces kauv dhia dim lawm. Thaum ntawv thiaj ua rau nws xav tsis tag nws xav tias saum hauv tsua sauv yuav tsum muaj 1 kuab tshuaj zoo nyob rau sauv xwb tej zaum kauv mus noj kuab tshuaj ntawv kauv thiaj li tsis tuag tsis tag li nntawv xwb kauv tsam dhia cus plias nqis los mus lawm. Thaum tus maum phas nov nws nce mus txog rau sauv ua ua cas pom muaj 1 taig dej teev rau hauv 1 tug neev taw li kuv hais ntawv ces nws txawm xav tias ntshe yog kauv haus covdejno lawm ntag kauv thiaj li zoo lawm. Ces tus maumphas ntawv los nws yog 1 tug neeg muaj mob 1 coniag pob hlwv thoob nws 1 ce nws txawm xuas tau mus ce tau 1 teg dej los ntxuav muag 1 me pliag tom qab ntawv nws cov pob hlwv ntawm nws ntsej muag cia li zoo ploj tag lawm. Thaum nws pom li ntawv nws thiaj li ces los ntxuav nws cov pob hlwv ntawm nws lub cev ua cas tej pob hlwv ntawv cia li zoo tag ploj tag mus lawm tiag nws tus mob cia li zoo hlo thaum ntawv los. Yog tias koj tsis yog 1 tug paub txog kev cai hauj sam los sis kev ntseeg hauj sam los sis koj tsis ntseeg li hauj sam ntseeg los tsis ua cas Yog tias koj ho paub me me los yog ntseeg me me los yog nyiam me me txog kev cai hauj sam kev ntseeg li hauj sam ntseeg koj nyeem nIam Loom Meb keeb kwm koj yuav pom tau tias Niam Loom Meb nws tsis yog 1 tug neeg dog dig kiag li. ! tug poj niam li Niam Loom Meb nws yog 1 qho nyuaj kawg nkaus uas yuav ua tau rau kom neeg thoob teb chaws ntseeg nws hwm nws thiab tuaj txhos caug pe hawm nws li lawv pe hawm Buddha. Qhov ntawm no tos neeg Thaib lawv ho pe hawm Niam Loom Meb los yog lawv proved tau tias lawm tias Niam Loom Meb lub power yeej yuav luag ib yam li Buddha lawm thiab. Niam Loom Meb yog yug nyob rau Lub Zos Nong Keo hauv Lub Xeev Lopburi nws yug thaum twg lub hli twg thiab nws niam nws txiv yog leej twg tsis muaj leej twg paub. (Qhov ntawm no kuv hnov peb ib txhia Hmoob tug puav tham tias Niam Loom Meb yog Hmoob tus Niam Poj Huab Tais Muam Nkauj Liag tus ua los cawm seej rau Hmoob...tiam sis tsis muaj qhov twg yuav proved tau li Hmoob hais...Niam Loom Meb tseeb tseeb tiag nws yog Thaib...tsis yog Hmoob li ib txhia Hmoob tham) Tom qab ntawv Niam Loom Meb thiab nws tsev neeg tau tsiv hauv Lub Xeev Lopburi mus nyob rau Bangkok tsis ntev tom qab ntawv Niam Loom Meb thiaj li tau mus ua hauj sam uas yog muaj Thaib Tus Supreme Patriarch (Thai Buddhish) ua tus chais Niam Loom Meb plaub ua cia nws ua hauj sam. Dhau li ntawv los Niam Loom Meb nws thiaj li tau los coj nws 2 tug xeeb ntxwv uas yog Loom Phaub Ja-run thiab Loom Phaub Ja-rern nkawv 2 kwv tij mus ua hauj sam. Txog rau xyoo 1958 lawv thiaj li tau coj 1 pab hauj sam muaj 10 leej tau Thub Doos (Kev Thub Doos ntawm hauj sam nws yog 1 txoj kev kawm txoh Bhuddha txoj kev kawm tib yam xws li yog mus rau tej hav zoocv hav tsuag deb tib neeg mus kawm kom lub siab tawv txaus tsis pub muaj qhov nyiam qhov ntshaw qhov xav tau nyob rau hauv lub siab...dhau li ntawv lawm kev Thub Doos nws tseemyog 1 qho ua rau kom yus siab tawv tsis ntshai dab tsis ntsai neej tsis ntshai tuag tsis ntshai txog tshaib plab nqhis dej) los txog rau ntawm Thamkrabok nov lawv thiaj li tau los tsim tsa ua 1 lub Wat uas yog Wat Thamkrabok los txog niaj hnub no. Nyob rau Wat Thamkrabok lawv kawm hauj sam txoj kev ntseeg lawv kawm tiag tiag ntseeg tiag tiag tsheb los tsis caij txawm yuav mus deb npaum cas lawv mus ko taw xwb tej nyiaj tej txiaj cov neeg coj tuaj donation rau los los lawv tsis txais tsis yuav thiab lawv nyiam mus Thub Doos txhua xyoo raws li thaum ub Bhuddha ib txwm coj thiab ua los mus. Qhov ntawm no nws ua rau lawv tsis zoo li lwm pab hauj sam lawv txawv tag txhua pab hauj sam vim tias Niam Loom Meb nws qhia mus li ntawv qhov ntawm no thiaj li ua rau pej xeem neeg Thaib thoob teb chaws ntseeg lawv tuaj kawm thiab tuaj pe hawm lawv tsis tej pej xeem dog dig los yog tej nomtej tswv qib siab thiab even Huab Tais tsev neeg kiag los lawv yeej tuaj pe hawm Niam Loom Meb lawv ntseeg tau tias Niam Loom Meb yog 1 tug Yawm Saub zoo li Bhuddha thiab. Niam Loom Meb kuj sau tau 1 co lus qhuab qhia thiab tej khawv koob tseem ceeb uas lwm pab pawg hauj sam lawv tsis muaj peev xwm yuav ua tau li nws. Niam Loom Meb kuj tsis yog 1 tug paub ntaub paub ntawv paub sau ntawv txhua yam lus qhuab qhia yog nws hais ntawm nws lub qhov ncauj rau cov hauj sam lawv sau cia xwb tiam sis thaum nws hais lawm mas nws hais ceev heev hauj sam twb sau tsis thas hlo li ua rau lawv xav tsis thoob tias nws twb tsis txawj ntawv tsis paub nyeem ntawv sau ntawv ua cas nws ho yuav paub tag txhua yam tseem paub zoo dua li cov hauj sam txawv ntawv lawv paub lawm thiab. Ua ntej thaum ntawv neeg Thaib lawv thuam Niam Loom Meb heev li. Lawv thuam tias yog 1 tug poj niam ua cas ho tsis coj li tus poj niam coj ho coj li txiv neej thiab chais palub hau ua hauj sam zaum quav tes quav taw rau tib neeg mus pe hawm mas tsis tsim nyog li. Tiam sis tom qab lawv paub tau tias Niam Loom Meb tsis yog 1 tug neeg dog dig lawv thiaj li mam tig lospehawm teev hawm nws (vim lawv pomtxog nws lub power ua tau tej yam txawv txawv thiaj coj tau zoo raws li Bhuddha lawv thiaj li mam tig rov losthov txim thiab pe hawmnws....Niam Loom Meb zaj keeb kwm tseem tshuav ntev kuv lam sau li no ua ntej kuv mam tuaj sau dua ntxiv mus kom tag) Lus Ua Tsaug: Ua tsaug ntau koj sau cov dab neeg zoo zoo tuaj ua kev lom zem rau ib tsoom niam txiv kwv tij neej tsa. 3Haiv HmooB Admin. |
Lwm Yam Uas Koj Xav Mus SaiB
Ci Vaj Lub Neej Tu Siab
|
Tus niam poj hauj sam saum no yog ib tug paub ntuj lus thiab tib neeg hawm heev nco ntsoov koj sau cov lus rau nram qab no txhob sau tej yam tsi raug qhov muag. Ua tsaug. Nias nov rov mus Nplooj Kev SiB HLUB
Widget is loading comments...