Tus poj niam Hmoob no twb tuag lawm tseem luag luag rau tus tuaj taw kev rau nws tsis tas li tseem tshuab nws cov ntshav kua lwj tsw tsw phem qias neeg rau tus tshov qeej thiab tus ntaus nruas thaum ib tag hmo. Zaj keeb kwm no yog tshwm sim nyob rau lub zos Naj Xaj uas puab rau ntawm zos Tiaj Zoo teb chaws Xeev Khuam.
Ntawm xyoo 1974 nyob rau lub zos Naj Xaj muaj ib tug poj niam hu ua niam Xeev Choj no tau tuag thiab lub sij hawm uas muab nws los ua kev cai es hu tus taw kev tuaj ua kev cai qhia nws kev kom tuag lawm los pom qab mus cuag nws cov pog cov yawg hauv dab teb ntawv. Thaum tus taw kev tab tom pib taw kev mus txog qhov hais tias seb nws tuag tiag los tuag dag yog tias nws tuag dag no ces sawv tsees los yog tuag tiag no ces tus taw kev mam li taw kev rau nws. Thaum tus taw kev hais li nog tag nrho xwb ces niag tuag cia li luag luag rau tus taw kev thiab nws cov me nyuam uas zaum cuag dab tsi ntawm ib sab.
Lub sij hawm no ces tus taw kev ntshai heev nws sawv tsees khiav thiab hais tias: Kuv tsis kam taw kev rau nej tus neeg no lawm vim yog tuag ua dab xwb ces thaum ntawv cov kwv tij uas nyob hauv lub tsev hauv thiab nws ob tug dag laug thiaj li ua tawv tawv thiab cem niag poj niam tuag no tias: " Cas koj tuag tsis tuag zoo zoo, koj tseem luag li ko rau tus taw kev thiab , koj tsis txaj muag rau lub ntuj los", Tus dab laug hlob hais ntxiv tias nqa rab taus tom ko los kuv xuas roob taus ntxiv kom nws taub hau tawg kiag seb ua cas yuav rhuav plhu ua luaj li...
Muaj tej tug cem niag tuag tias" Niag tsov tom ko yeej tsis tuag..nws muab nws txoj siav zais rau hauv nws lub niag qhov quav lawm xwb...cia li muab riam kem nws hlab pas kiag xwb...thaum zoo li no ces niag poj niam tuag no cia li qi muag twj ywm lawm. Lawv thiaj thov thov kom tus txiv taw kev no los pab ua nws qhov hauj lwm kom tag lawv mam los nyob ntawm nws ib sab. Ces nws thiaj rov qab los taw kev rau niag tuag tag. Teeeb meem kuj tsis tau tag li no thiab. Thaum muab nws tsa nees tag ces lawv zov hmo txog ib tag hmo suav daws tsaug zog tag lawm tshuav tus txiv qeej tshuab qeej thiab tus ntaus nruas ob leeg tseem tshuab qeej, tos nco xwb hnov nrov pleg no...ntshav twb lo tus txiv qeej rab qeej thiab tus ntaus nruas lub tsho tag lawm. Nkawv mam saib no ua cas ntawm niag poj niam tuag no qhov ncauj mas kua ntshav liab vog li.
Nkawv thiaj qw nrov nrov ces cov neeg tsev mam sawv zom zaws los tias yog ua li cas, nkawv thiaj hais tias niag tuag tshuab kua lwj rau nkawv no. Lawv mus saib pem niag tuag no qhov ncauj tseem lo ntshav liab vog li. Vim tus poj niam no tuag ua dab dhau lawm lawv thiaj tsis muab nws pam ntev...tag kis kiag ces kav xwm lawv mus phua txiag los txog xwb cia li muab nws kwv mus faus lawm. Thaum lawv kwv txog ntawm qhov rooj tag ces daig kiag cia li kwv tsis tau tus tuag tawm, lawv thiaj qw zom zaws tias niag tuag tuav qhov rooj lawm kwv tsis tau no ces nws tus txiv mam li los cem heev heev tias yog tseem ua txaj muag li no ces muab riam los txiav nws kom tua ob ya kiag xwb no..ces lawv thiaj kwv dhau mus faus lawm.
Lawv kuj muab nws faus tsis deb ntawm txoj kev mus ua teb thiab xwb...yog li cov neeg uas mus ua teb rov qab los mas tsis tau luag li...thaum lawv mus ua teb ces lawv yeej sib yaum coob coob mam li mus thaum los tsev los lawv yeej sib yaum ib yam nkaus vim yog koj los tsawg tsawg ces yeej muaj leej twg pov pob zeb pob a cuag dab tsi tuaj rau yus thaum los ze ntawm lub ntxa no li.. Nws yog ib qho txaus ntshai kawg nkaus...lawv mus ua teb es coj aub nrog lawv mus los aub yeej tsis kam ua ntej li thiab...ces tsis ntev tom qab no lub teb chaws tawg nyias khiav nyias tag lawm thiaj dim txoj kev mus ua teb rau thaj chaw uas faus tus niam poj Hmoob no lawm xwb. Ua tsaug ntau uas www.3haivhmoob.com tseem qhib qhov chaw no rau peb tuaj sau dab neeg poj ntxoog khaws ua keeb kwm tseg thiab. Mam sib ntsib dua.
Sau Npe:
Tswv Txos Thoj
Ntawm xyoo 1974 nyob rau lub zos Naj Xaj muaj ib tug poj niam hu ua niam Xeev Choj no tau tuag thiab lub sij hawm uas muab nws los ua kev cai es hu tus taw kev tuaj ua kev cai qhia nws kev kom tuag lawm los pom qab mus cuag nws cov pog cov yawg hauv dab teb ntawv. Thaum tus taw kev tab tom pib taw kev mus txog qhov hais tias seb nws tuag tiag los tuag dag yog tias nws tuag dag no ces sawv tsees los yog tuag tiag no ces tus taw kev mam li taw kev rau nws. Thaum tus taw kev hais li nog tag nrho xwb ces niag tuag cia li luag luag rau tus taw kev thiab nws cov me nyuam uas zaum cuag dab tsi ntawm ib sab.
Lub sij hawm no ces tus taw kev ntshai heev nws sawv tsees khiav thiab hais tias: Kuv tsis kam taw kev rau nej tus neeg no lawm vim yog tuag ua dab xwb ces thaum ntawv cov kwv tij uas nyob hauv lub tsev hauv thiab nws ob tug dag laug thiaj li ua tawv tawv thiab cem niag poj niam tuag no tias: " Cas koj tuag tsis tuag zoo zoo, koj tseem luag li ko rau tus taw kev thiab , koj tsis txaj muag rau lub ntuj los", Tus dab laug hlob hais ntxiv tias nqa rab taus tom ko los kuv xuas roob taus ntxiv kom nws taub hau tawg kiag seb ua cas yuav rhuav plhu ua luaj li...
Muaj tej tug cem niag tuag tias" Niag tsov tom ko yeej tsis tuag..nws muab nws txoj siav zais rau hauv nws lub niag qhov quav lawm xwb...cia li muab riam kem nws hlab pas kiag xwb...thaum zoo li no ces niag poj niam tuag no cia li qi muag twj ywm lawm. Lawv thiaj thov thov kom tus txiv taw kev no los pab ua nws qhov hauj lwm kom tag lawv mam los nyob ntawm nws ib sab. Ces nws thiaj rov qab los taw kev rau niag tuag tag. Teeeb meem kuj tsis tau tag li no thiab. Thaum muab nws tsa nees tag ces lawv zov hmo txog ib tag hmo suav daws tsaug zog tag lawm tshuav tus txiv qeej tshuab qeej thiab tus ntaus nruas ob leeg tseem tshuab qeej, tos nco xwb hnov nrov pleg no...ntshav twb lo tus txiv qeej rab qeej thiab tus ntaus nruas lub tsho tag lawm. Nkawv mam saib no ua cas ntawm niag poj niam tuag no qhov ncauj mas kua ntshav liab vog li.
Nkawv thiaj qw nrov nrov ces cov neeg tsev mam sawv zom zaws los tias yog ua li cas, nkawv thiaj hais tias niag tuag tshuab kua lwj rau nkawv no. Lawv mus saib pem niag tuag no qhov ncauj tseem lo ntshav liab vog li. Vim tus poj niam no tuag ua dab dhau lawm lawv thiaj tsis muab nws pam ntev...tag kis kiag ces kav xwm lawv mus phua txiag los txog xwb cia li muab nws kwv mus faus lawm. Thaum lawv kwv txog ntawm qhov rooj tag ces daig kiag cia li kwv tsis tau tus tuag tawm, lawv thiaj qw zom zaws tias niag tuag tuav qhov rooj lawm kwv tsis tau no ces nws tus txiv mam li los cem heev heev tias yog tseem ua txaj muag li no ces muab riam los txiav nws kom tua ob ya kiag xwb no..ces lawv thiaj kwv dhau mus faus lawm.
Lawv kuj muab nws faus tsis deb ntawm txoj kev mus ua teb thiab xwb...yog li cov neeg uas mus ua teb rov qab los mas tsis tau luag li...thaum lawv mus ua teb ces lawv yeej sib yaum coob coob mam li mus thaum los tsev los lawv yeej sib yaum ib yam nkaus vim yog koj los tsawg tsawg ces yeej muaj leej twg pov pob zeb pob a cuag dab tsi tuaj rau yus thaum los ze ntawm lub ntxa no li.. Nws yog ib qho txaus ntshai kawg nkaus...lawv mus ua teb es coj aub nrog lawv mus los aub yeej tsis kam ua ntej li thiab...ces tsis ntev tom qab no lub teb chaws tawg nyias khiav nyias tag lawm thiaj dim txoj kev mus ua teb rau thaj chaw uas faus tus niam poj Hmoob no lawm xwb. Ua tsaug ntau uas www.3haivhmoob.com tseem qhib qhov chaw no rau peb tuaj sau dab neeg poj ntxoog khaws ua keeb kwm tseg thiab. Mam sib ntsib dua.
Sau Npe:
Tswv Txos Thoj
Tus Piav: Tswv Txos Thoj
Tus sau: HmongMeka
Ceeb Toom: Txwv tsis pub leej twg muab peb cov dab neeg dab poj ntxoog, kev hlub thiab lwm yam hauv no coj mus tso ntawm koj lub vas sab website , Forum los yog lwm qhov chaw uas tsis tau txais kev tso cai ntawm peb. Tsis pub koj muab luam mus muag tib yam nkaus. Ua tsaug uas koj muab kev koom tes.
Warning: No one can copy our Ghosts and Love stories here to post on your own website, Forum or any other internet sites. Printing for selling is also prohibited. Thank you for your cooperation.
Tus sau: HmongMeka
Ceeb Toom: Txwv tsis pub leej twg muab peb cov dab neeg dab poj ntxoog, kev hlub thiab lwm yam hauv no coj mus tso ntawm koj lub vas sab website , Forum los yog lwm qhov chaw uas tsis tau txais kev tso cai ntawm peb. Tsis pub koj muab luam mus muag tib yam nkaus. Ua tsaug uas koj muab kev koom tes.
Warning: No one can copy our Ghosts and Love stories here to post on your own website, Forum or any other internet sites. Printing for selling is also prohibited. Thank you for your cooperation.
Koj xav li cas txog zaj dab neeg tus tuag luag luag saum no ho sau qhia nram qab no.
Comment Form is loading comments...
