|
Txwv: Txwv tsis pub leej twg tuaj muab cov dab neeg kev hlub thiab lwm yam hauv no coj mus tso rau lwm lub vas sab yog tsis tau txais kev tso cai los ntawm 3haivhmoob.com.Warning: No one can copy these stories at 3haivhmoob.com to post on your own or other website without our permission. Thank you for your cooperation.
|
Npaj kev tuav pov fwm koj tsev neeg nco ntsoov hu rau peb txhob tos tag kis tsam muaj mob yuav tsis tau kev tuav pov fwm rau tus kheej lawm. Ua tsaug Ntau.
|
"Ua cas Yuav Yog Av Luaj Quas Wb Txoj Kev Hlub "
Npaj 1 Txoj Me zoo Phuam So Koj Lub Kua Muag Ua ntej koj yuav nyeem zaj dab neeg tu siab no.....Neeb yog ib tug tub ntsuag hlub Nrog Ntsuab, ib tug ntxhais muaj nyiag , sib hlub heev tab sis thaum kawg Neeb twb tsis tau pauj tus txiaj ntsim rau Ntsuab los Nab Raj Kub Sai cia li tom Ntsuab Tuag lawm...ua rau Neeb lub neej tsaus ntuj nti los txog nij hnub nim no...Ua siab ntev nyeem qhov pib kom txob qhov xaus thiaj paub lub neej tu siab..
Nplooj1
Ua neeg nyob tsuas paub hnub nyob xwb tsis paub hnub tuag xav tsis txog tias ua cas koj txoj sia yuav nrog kuv nyob zoo li ib ntsais muag ploj yaj lis ntsis mus lawm, sim neej no ua cas ib ntsais muag xwb koj lub me ntsej muag ib txwm luag ntxhi txawm yuav nruam ntsis zoo yam li txawb pob zeb rau hauv dej es pom lub npuas dej twb tsis muaj pes tsawg feeb lub pas dej twb rov teeg yees lawm os kuv me nplooj siab tus dai siab thiab zoo lus.
Ua cas nim tsis yog mus ua luag nyab los yog mus txiav taws, de zaub npuas, ev dej los yog mus hauj lwm hnub puav es yuav rov los........ nim yog av luaj dag muab wb quas nkaus rau ib leeg ib lub ntuj kuv thiaj li nrog koj mus tsis tau os kuv me nplooj siab, koj yog tus mus koj nim qi muag nti mus lawm ntsiag to tsis fiv kuv xov tsis rov los lawm cas koj siab dub ua luaj es ua cas koj ho tsis cia kuv ua tus mus es cia koj nyob koj thiaj li paub hais tias tus nyob thiab tus mus tus twg thiaj yog tus ntsib txoj kev tsaus ntuj.. ntshe koj twb tsis nco txog kuv lawm tiam sis koj puas paub hais tias kuv tus uas nyob rov tom qab zoo yam tus ntses poob rau saum nruab nqhuab tsis muaj dej yug txoj sia twb yuav tuag los tuag tsis taus yuav ciaj los ciaj tsis taus li.. Yog vim li cas koj twb paub lawm tias koj yuav tsis nrog kuv nyob mus txog hnub kawg ua cas koj thiaj li tsis hais ib los rau kuv ua ntej thaum wb yuav sib ntsib thiab sib paub, koj yog tus mus ce ntshe koj yuav pom qhov twg los yog qhov tshiab es ntshe koj twb yuav tsis nco txog kuv lawm os, tiam sis kuv yog tus nyob txhua txhia txoj kev uas wb tau niaj hnub taug thiab niaj hnub mus thaum tseem muaj koj zoo li kuj tsis luaj twg nim muaj thiab hnov lub suab luag nkaus xwb ua cas hnub no yuav muab pauv los ua lub suab quaj thiab suab seev sim neej no txawm kuv yuav xav pes tsawg zaj los ntshe koj yuav tsis rov los lawm os xav kom lam muaj ib txog kev twg tuaj tau txog koj thiab rov los tau ntshe kuv yuav tuaj kom txog koj os kuv me leej muam hmoob tus dai siab thiab zoo lus. Kuv zaj dab neeg no tshwm sim nyob rau hnub tim 25 lub 8 hli ntuj nyob rau lub zos roob ntsuab, xeev ub doos xais xyoo 2003 lub caij ntuj nag. Hnub ntawv yog hnub ib tsoom tub kawm ntxhais kawm tuaj mus sau npe kawm ntawv lub sij hawm ntawv kuv tab tom muaj 14 xyoo kawm nyob rau qib mo 4, hos kuv tus hluas nkauj nws tab tom kawm nyob rau mo 2, nws lub npe hu ua Ntsuab xeem thoj. Hnub ntawv yog ib hnub ntuj los nag xuj xuav peb tuaj mus sau npe kawm ntawv kuv yog ib leeg tub ntsuag tsis muaj niam tsis muaj txiv tsis muaj ris tsis muaj tsho tshiab tsis muaj kaus kwv li thiab tseem txaj muag heev li tos luag tej tuaj mus tag mam maj mam lawv luag qab mus xwb tos luag sau npe thiab los tsev twb yuav tag mam li mus sau yus lub npe kawm sim neej no ntshe yog lub ntuj pab thiab los xyov yog vim tus dab tsis Ntsuab thiaj li yog ib tug tuaj lig tshaj kuv lawm thiab ua rau kuv txaj muag heev rau Ntsuab vim kuv khaub hlab heev tiam sis Ntsuab yog ib tug neeg muaj lub ntsej muag luag ntxhi thiab tsis yog saib neeg cev khaub ncaws yog li wb sau npe tag xib fwb los kuj los mus tsev zom zaws lawm Ntsuab ntsia kuv tiv hlo nag los mus lawm Ntsuab thiaj li caij kiag Ntsuab lub tsheb mos taus los raws kuv hais rau kuv hais tias leej nus koj yuav mus qhov twg nab thiab koj lub tsev nyob qhov twg ua cas kuv ho tsis tau pom koj dua li koj niam qhuav tuaj tshiab lov? Kuv hais rau Ntsuab tias yog kawg mav twb yog kuv nyuam qhuav tuaj nrog nej kawm xyoo no xwb os Ntsuab thiaj li hais ntxiv tias koj nyob qhov twg tuaj nrog peb kawm nov nab leej nus ? kuv teb Ntsuab tias twb yog kuv tuaj pem Xeev Khuam tuaj os. es yog li koj tuaj kawm mo dab tsi os kuv thiaj li teb Ntsuab hais tias kuv tseem kawm nyob mo 6 xwb ua li tus muam koj ne ? Ntsuab thiaj li tias nej kawm siab ua luaj li lawm kuv niam qhuav kawm nyob mo 3 xwb os los zoo ma vim nej tseem hluas hluas ne Kuv thiaj hais rau Ntsuab tias thov txim os tus muam koj kav tsij mus ua ntej tsam koj ntub nag tag lawm yuav ua tau rau koj muaj mob os lov tiam sis Ntsuab nws tsis kam nws co co taub hau xwb nws hais tias wb.. yog li los kuv thauj koj mus os lov ? ua tsaug os thov txim koj mus ua ntej kuv li mam lawv qab lo nawb Ntsuab thiaj li tias ua cas koj ho tsis kwv kaus tuaj nab leej nus ? kuv thiaj li dag ntsuab tias twb yog puag ta kuv tuaj ntuj tu nag lawm na xav tias ntshe yuav tsis los nag thiab xav tias ntshe yuav tsis muaj neeg coob ua luaj tuaj sau npe ces tuaj zoj xwb rov qab lawm no kuv thiaj tsis nqa kaus lawm. Ntsuab thiaj li hais tias hwb muab kuv yog koj tsis kam nrog kuv mus ces muab kuv lub kaus no rau koj kwv koj mam li lawv qab lo nawb ? Kuv hais tias ua tsaug thiab thov txim os koj kav tsij kwv mus tsam koj ntub nag tag lawm vim koj yog poj niam kuv yog txiv neej kuv thev dua koj koj kav tsij kwv nawb ? Ntsuab muab lub kaus tua kiag yog li wb 2 leeg tiv nag ib yam thiaj li sib phim thiab seb leej twg thiaj li yog tus thev tshaj kuv thiaj li hais tias thov txhob ua li koj os Ntsuab es koj kav tsij mus ua ntej twb yuav txog lawm Ntsuab thiaj li rov hais tias txawm yog twb yuav txog es thiaj li nrog koj mus ua ke ntag ! Hej leej nus ua cas nrog koj tham lom zem dhau li lawm cia li tsis nco nug koj lub npe li lawm koj hu li cas nab thov txim nawb ? Kuv thiaj li teb tias tsis ua li cas os kuv lub npe txawm koj paub los tsuas li tsis paub los tsuas li thiab xwb os leej muam, yog vim li cas koj thiaj li hais li koj ma leej nus ? tsis yog kuv tsis tsim nyog koj qhia lov ? thov txim nws tsis yog li koj hais os qhia koj los tau kawg tiam sis kuv lub npe phem phem xwb koj txhob luag nawb ? Kuv lub npe hu ua Neeb xeem VAJ os. Wow!... koj lub npeb tsis txawv qhov twg thiab phem qhov twg li ne ua ca skoj ho tias koj lub npe phem no ma ? yog li wb thiaj li ua ke los txog ntua kev ncaim nyias yuav mus nyias txoj sim hawm thaum ntawv Ntsuab thiaj li nug tiag Neeb koj yuav mus txoj twg nab ? kuv thiaj li teb tias kuv yuav mus txoj nrav lawm os ua li koj ne ? Ntsuab thiaj li tias yog li kuv mus txoj pev lawm lawm mam li mus koj os Neeb ua li os koj los ib yam os leej muam. Txog hnub tim 1 lub 9 hlis ntuj peb thiaj li mus kawm ntawv luag tej muaj niam muaj txiv tus xav luag tuaj los muaj txhij muaj txhua tub ntsuag li kuv ces txhais khau thiab cev ris tsho twb tsis muaj nrog luag hnav mus qhib tsev kawm nyob rau thawj hnub li. Txhua txhua hnub sawv ntxov sawv ua ib kab yuav mus nkag hoob kuv yeej tos ua tus nyob puag tom kawg xwb, thiab txhua2 hnub thaum tawm tuaj ziab tshav nte tshav ntuj thaum lub sib hawm so 30 nas thi ntawv kuv ces tsuas mus nyob ib leeg puag tom tej qho tsis muaj neeg li xwb yog li Ntsuab twb los nrhiav kuv 2 zaug tsis pom kuv li Ntsuab thiaj li nug cov phooj ywg nrog kuv kawm ua ke tias ua cas ho tsis pom kuv tuaj li, lawv thiaj li hais rau Ntsuab tias nws nyiam mus nyob ib leeg puag tom laj kaj tov na es koj paub nws thiab lov ? Ntsuab thiaj li hais tias yog ma kuv paub nws ,nws yog peb tus dab laug tus tub xwb Ntsuab dag li ntawv rau lawv ... Muaj ib hnub uas yog hnub van xaum hnub so kawm, hnub ntawv kuv txawm nrog kuv ib tug tij laug mus txiav ntoo xov vaj lawm, Ntsuab txawm tuaj saib kuv nram tsev tiam sis kuv tsis nyob lawm Ntsuab thiaj li tuaj nrog kuv tus phauj tham2 Ntsuab thiaj li tau nug txog ntawm kuv tus kheej, kuv tus phauj thiaj li tau piav thiab qhia txhua yam hauv kuv lub neej rau Ntsuab ua rau Ntsuab lub kua muag ntws kiag tawm los yam uas Ntsuab ib txwm yog ib tug ntxhais muaj niam muaj txiv muaj txhua yam tiam sis thaum Ntsuab hnov kuv tus phauj piav txog kuv lub neej rau Ntsuab tag kuj tseem ua rau rau Ntsuab teev tsis tau nws lub kua muag thiab tom qab nkawv sib tham tag Ntsuab txawm mus kom kuv tus phauj qhia kuv cov khaub ncaws rau Ntsuab. |
Nplooj2Kuv phauj nug Ntsuab tias ua cas koj ho nug nws cov khaub ncaws ma me ntxhais ? Ntsuab dag tias kuv xav pab nws ntxhua xwb os phauj, phauj thiaj li qhia rau Ntsuab, Ntsuab thiaj li mus muab ntxhua thiab saib seb kuv hnav ris tsho Number dab tsi ? tom qab Ntsuab muab ntxhua tag Ntsuab thiaj los mus tsev lawm. Ntsuab thiaj li mus yuav tau 2 ce ris tsho kawm ntawv thiab 1 txhais khau ntaub thiab ib lub tsho tiv no ! Txog hnub van can (Monday) mus kawm ntawv thaum so sawv daws tawm mus ziab tshav ntuj Ntsuab thiaj li tau los nrog kuv nyob ua si ntawm kuv, lub sij hawm no kuv ntsia Ntsuab zoo yam li kuv ib tug muam xwb vim nyob hauv kuv siab yeej tu siab nrho lawm hais tias yeej tsis muaj hnub uas yuav muaj ib tug ntxhais twg yuav kam los ua kuv tus hluas nkauj li ! Ntsuab tau los hais rau kuv tias yog ib pliag nej xub lawb no thov tos kuv nawb kuv muaj qee yam yuav hais rau koj os tij laug Neeb ? Ib pliag txog moos lawb Ntsuab ho xub lawb dua kuv Ntsuab thiaj li mus nyob nram kev tos kuv, Ntsuab nug kuv tias tij laug Neeb koj puas kam thauj wb mus tsev nab ? kuv thiaj li teb Ntsuab tias thov txim vim kuv tsis paub tsav mos taus os ! Ntsuab thiaj li tias txhob dag os ? kuv thiaj li tias tiag2 li los mav es koj kav tsij mus ua ntej kuv li mam lawv qab los nawb ? Ntsuab thiaj li hais tias koj tsis nco thawj hnub wb sib ntsib lawm lov yog koj tsis nrog kuv mus ces kuv yuav rov nrog koj mus kaw taw dua ntag hos ! thiab Ntsuab thiaj li tau hais dag kuv tias tsuag2 vim kuv muaj hauj lwm tom tsev maj heev xav kom koj mus pab na koj tsis kam mus pab kuv lov ? kuv ua tsis tau li cas thiaj li tau nrog Ntsuab mus tiam sis Ntsuab ho xa kuv ncaj qha mus nram kuv tsev kuv nug Ntsuab tias vuag koj niam paub kuv lub tsev thiab ntag ? Ntsuab tias koj txhob hais dab tsi ntau2 koj nyob twj ywm hauv tsev ib pliag kuv yuav tuaj tos koj mus pab kuv ua hauj lwm nawb ? Ntsuab thiaj rov mus tsev lawm thiab ib pliag Ntsuab kuj rov tuaj Ntsuab thiaj kom kuv nkag mus hauv tsev kom kuv mus sim ris tsho kuv nug tias ua cas koj ho kom kuv sim mas ? Ntsuab tseem dag tias kuv yuav rau kuv tus nus nws mus kawm nram Vees Cam (Vientiane) lawm nws luaj thiab siab kiag li koj ntag hos, kuv thiaj li sim tag Ntsuab thiaj li hais tias nws phim koj heev muab rau koj os tij laug Neeb kuv thov txim os vim kuv yeej paub zoo lawm tias koj yog ib tug neeg tsis lam txais khoom yooj2 yim lawm ntawm leej twg vim kuv twb tuaj nrog koj tus phauj tham txog ntawm koj tus kheej lawm ! tiam sis kuv yog tus kom koj tus phauj txhob qhia koj xwb ! Wb tau nyob ua ke 1 xyoo txwm nkaus Ntsuab tau pab kuv txhua yam tsis hais pab dag zog los yog nyiaj txiag nyob rau tom tsev kawm los yog yuav noj yuav haus wb tau sib hlub heev 1 xyoo txwm nkaus kuv kawm tag mo 6 kuv xeem tau tuaj mus kawm kws tshuaj (Doctor) nyob rau nram Vias cas (Vientiane) tab txwm kuv twb tuaj mus kawm nram no lawm los Ntsuab yeej tseem niaj hnub xa nyiaj tuaj pab rau kuv thiab vim Ntsuab yog ib tug neeg muaj hmoo tau yug los nyob rau hauv tsev neeg muaj Ntsuab pab kuv yam nkaus li wb twb yog txij nkawm lawm ! Tiam sis muaj txoj hmoo kuv kawm yog 5 xyoo nkaus, thiab kuv nyuam qhuav kawm txog xyoo 3 xwb tsis muaj txoj hmoo Ntsuab thiab Ntsuab niam nkawm mus de zaub tom teb Ntsuab txawm raug ib tug Nab raj kaub sai tom thiab txoj hmoo tsis tsis muaj lub ntuj tsis pab cawm tsis yeej coj los tsis ncav tsev kho mob thiaj li ua rau ib sij huam thiab ib ntsais muag xwb lub ntiaj teb no tsaus nti thiab tsaus ntais rau kuv txhua yam uas kuv niaj hnub npaj rau wb lub neej Ntsuab lub txiaj ntsim thiab kuv tus nqi twb tsis tau pauj li sim neej no puas yog kuv txoj hmoo phem tus neeg hlub kuv thiab tus neeg kuv hlub thiaj tau txais yam tsis zoo li no ua cas tsis muab thiab raug rau kuv. Thaum kuv hnov dheev Ntsuab niam lub suab quaj hais tsis tau ib lo lus kom meej hauv lub xov tooj rau kuv li, kuv thiaj li muab tua kiag rov hu mus dua los Ntsuab niam twb tseem hais tsis tau qhov tseeb thiab kuv thiaj li kom muab rau tus niam hluas nrog kuv tham los nws kuj quaj ib yam nkaus tiam sis tus niam hluas thiaj li hais rau kuv tias tij laug Neeb Ntsuab twb tso peb tseg lawm os ! Nyob rau lub sib hawm ntawv kuv ua yuav luag tsis taus pa saib daim av tig rov mus nyob rau saum ntuj...lub ntuj tig poob rau ntiaj teb thiab ib ce tuag tag nrho muaj hmoo hnub ntawv ho yog hnub so van xaum (Saturday) thaum yuav tsaus ntuj kuv tseem tab tom npaj yuav mus ncaws pob roj hmab kuv tau quaj heev thiab tsam no Ntsuab niam lawv ho rov hu tuaj thiab kuv ho yog tus nrog lawv tham tsis taus lawm, kuv cov phooj ywg lawv thiaj li tau coj kuv mus zaum, kuv thiaj li khiav mus npaj kiag ris tsho 1 ce kiag nkaus xwb kuv thiaj li mus kiag hmo ntawv tiam sis kev mus Vientiane rau Oudomxay yog ib hmos thiab ib tav su nkaus thiaj li mam txog. Thaum mus txog ntua kuv tau tswj kuv tus kheej kom zoo tshaj plaws thiab tsis pub kom kuv quaj li vim kuv xav hais tias yeej tsis yog Ntsuab tuag li tiam sis peb ua neeg nyob thaum lub sib hawm zoo li no lawm yus tawm plaws xwb tsis hais tus hlob tus yau tus laus tus hluas yeej quaj tag nrho rau yus ua rau yus yeej cheem thiab tswj tsis tau tus kheej li lawm thiab. Thaum kuv mus txog kiag rau ntawm Ntsuab thiaj li kom lawv qhib Ntsuab rau kuv saib kuv chim heev thiab thiaj cem Ntsuab hais tias koj los pw dab tsis rau hauv no nas niag ruam..! txawm kuv hais npaum twg los Ntsuab yeej tsis qhib qhov muag thiab Ntsuab muaj ib lub kua muag ntws tawm plaws los haj yam ua rau kuv quaj nrov kawg ua rau lawv los cheem thiab muab khwb rau lawm. Qhov tu siab tshaj yog kuv tsis tau Ntsuab ib lo lus ua zaum kawg li Ntsuab lo lus ua zaum kawg rau kuv ces yog ua ntej thaum Ntsuab thiab Ntsuab niam nkawm yuav mus de zaub tom teb xwb Ntsuab tau hais rau kuv tias Neeb hnub no koj ua dab tsi xwb os ? kuv hu tuaj qhia koj tias kuv nrog kuv niam wb mus de zaub tom teb lawm kuv mam xa ib co tuaj rau koj nawb ! Tam sim no ce tsuas tshuav tej sib tham yav tag thiab teb Video yees tseg nrog kuv nyob lawm xwb os. Ntsuab kuv xav paub tias koj yeej txaus siab hlo mus los yog koj yeej tsis xav mus li ua cas koj yeej tsis rov os ua ib zag npau suav dab ntub dab tsi qhia kuv li os Ntsuab tiam neej no es kuv yuav nyob li no mus ib sim neej los yuav pib lub neej tshiab os Ntsuab ? xav kom koj los qhia rau kuv ib lo kuv thiaj li yuav paub hais tias yuav ua zaj twg thiab yuav ua li ca os ?Thaum kawg no thov ua tsaug rau 3haivhmoob.com uas tsim muaj qhov chaw no rau peb ib tsoom phooj ywg tau tuaj daws kev nyuaj siab kom lub siab ho zoo los yog kaj lawm ib pliag mog...Thov kom peb hmongmeka.com tsuas tau txais txoj kev vam meej lawm yav tom ntej nrog rau lub xyoo tshiab no nce toj kom zog loj nqis hav kom zog nchav mus qab teb qaum teb kom hmab tsis tawm tes hlua tsis dawm taw koj luag lwm haiv neeg pom los kom luag hwm kom luag ntshawg xwb no mog. Saub Nple: Neeb VAJ Tus nyob nrog lub Kua Muag Thiab Txoj Kev nco Ntsuab Mus Ib Sim Neej.........! |
Neeb Nab tom kuv lawm zaum no kuv so koj tseg..Nyob ho nco txog kuv thiab mog....
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
