Nco Txog Yawg Phiab
Yawg Phiab Yaj los yog Txawj Xyooj Yaj
kuj yog ib tug laus neeg ntawm peb cov kwj tij Hmoob uas tsiv teb tsaws chaw nrog tsev neeg tuaj mus ua lub neej nyob rau teb chaws Australia rau thaum xyoo 1989.
Lub neej thaum kob tsov rog tawg teb chaws xyoo 1975, yawg Phiab tsev neeg peb suav daws kuj tau nkaum cawm peb txoj sia nrog rau Nai Koos Nom Hawj Xyooj thiahb Nchaiv Pov Xyooj lawv nyob rau roob Phuv Npiab sab uas puab rau ntawm qub Zos Paj Doo uas thaum ub Nai Phoo Vaj Pov los mus tsim tsa nws ib lub yeej tub rog.
Thaum kob rog cob fab xyoo 1978 uas Nplog Liab tua thoob plaws qhov txig chaw no kwv tij neej tsa tsis tau noj tsis tau haus, cov raug tua tuag los coob kawg nkaus li, yawg Phiab thiab peb suav daws tau sib sau coob kwv yees li ntawm 10 yim los mus nkaum ntawm ib lub nyuag qab roob.
Los txog rau Hnub tim 10 lub 5 Hlis -1979 , Ntsuab Xyooj Lauj uas yog Nai Koo Nom Hawj Xyooj Tus Vauv thiaj li tau tuaj Thaib Teb tuaj tos peb suav daws khiav los mus rau Thaib teb. Txoj kev mus los hla roob hav yog ib qho Nplog liab caws mee thiab zov kev, ua ntu zus los mus txaus ntshai kawg nkaus li. Muaj ib co ua peb ntej mas yeej pom tuag tshaib ntawm kev, tej tug kuj yog raug tua tuag thiab.
Yawg Phiab peb los tau 13 hnub thiaj los ti nkaus rau ntawm ntug dej nab khoom , tab sis hmo peb yuav hla dej no nyab laj tau zov kev tua peb, tib neeg tuag pawg lug, muaj kuv txiv , kuv niam, kuv niam tij, kuv txiv peb, nrog rau ob tug xeeb ntxwv peb khiav tau los mus ua ke. Hmo ntawv uas yog hmo peb raug sib tua no, yawg peb thiab Nchaiv Pov Xyooj uas yog kuv txiv peb tau khiav taug ib txoj me nyuam kev hav fab me me los mus ces Nplog Liab tau caws ib lub mee , kuv txiv tau los tsuj tawg ua rau kuv raug mob sab kawg, kuv niam los raug mob, kuv ib tug kwv tuag kiag ntawm hauv ntej, kuv ib tug xeeb ntxwv kuj tuag kiag ua ke ntawv
Yawg Phiab peb tau khiav los nkaum ntawm ib sab me nyuam roob , yawg Phiab kuj tau txiav tau ib co tauj los mus lwm sub rau kuv vim kuv raug mob los ntshav heev. Hmo ntawv peb maub ib hmo los tsis dhau, kuj tau rov qab los nyob ze ze ntawm qhov lub mee tawg no thiab, kaj ntug nyab laj Nplog Liab tau tuaj raws qab thiab tua phom cuag dab tsi ze heev yog li yawg Phiab nrog rau nws tus niam loj thiab tus tub lawv thiaj tau khiav rov mus rau ib sab roob lawm..kuv niam peb tau khiav mus ib sab roob, ua rau peb rov qab sib ncaim zaum ob.
Tau 3 hmos tom qab kuv niam peb hla dej dhau los mus rau Thaib teb, kuj ntsib yawg Phiab hla dej los mus txog Thaib teb thiab , tab sis yawg Phiab tau piav tias nws tsis muaj plab yas rau nws poj niam thiab nws tus me nyuam caij yog li nws tau cia nkawv nyob sab ntug dej tim Nplog es nws hla rau sab Thaib teb mam li nrhiav nkoj mus tos nkawv. Tsaus ntuj Yawg Phiab kuj tau caij nkoj rov qab mus nrhiav nws ob niam tub, tab sis nrhiav tsis tau li.. tsis paub tias Nplog Liab twb tuaj muab nkawv tua tag lawm los yog nws mus nrhiav tsis tau qhov chaw nkawv nkaum li lawm . Los tau ze 40 xyoo no tsis hnov nkawv ob niam tub xov li.. ntshe Nplog Liab tuaj nrhiav tau muab tua tag lawm.
Los txog rau Xoom Vib Nais Yawg Phiab thiaj mam li rov yuav nws tus niam tam sim no thiab tau npaj lub neej tuaj mus nyob rau teb chaws Australia thaum xyoo 1989 lawm, yawg phiab tau tag sim neej tso suav daws tseg rau hnub tim 12/12/2019 thaum sij hawm 4:50pm nyob rau teb chaws AUSTRALIA
Kuv uas yog tus tswv ntawm lub Vaj Sab www.3haivhmoob.com , uas yog ib tug tau nrog yawg phiab khiav phoom kom dim txoj sia Nplog teb los mus rau teb chaws vam meej , thov kom koj tus ntsuj plig mus zoo , lwm tiam muaj tiag peb tau rov los ua txiv ua tub dua. Mus zoo koj mog Yawg Phiab................
Written by: Nyiaj Nkaub Xyooj.
kuj yog ib tug laus neeg ntawm peb cov kwj tij Hmoob uas tsiv teb tsaws chaw nrog tsev neeg tuaj mus ua lub neej nyob rau teb chaws Australia rau thaum xyoo 1989.
Lub neej thaum kob tsov rog tawg teb chaws xyoo 1975, yawg Phiab tsev neeg peb suav daws kuj tau nkaum cawm peb txoj sia nrog rau Nai Koos Nom Hawj Xyooj thiahb Nchaiv Pov Xyooj lawv nyob rau roob Phuv Npiab sab uas puab rau ntawm qub Zos Paj Doo uas thaum ub Nai Phoo Vaj Pov los mus tsim tsa nws ib lub yeej tub rog.
Thaum kob rog cob fab xyoo 1978 uas Nplog Liab tua thoob plaws qhov txig chaw no kwv tij neej tsa tsis tau noj tsis tau haus, cov raug tua tuag los coob kawg nkaus li, yawg Phiab thiab peb suav daws tau sib sau coob kwv yees li ntawm 10 yim los mus nkaum ntawm ib lub nyuag qab roob.
Los txog rau Hnub tim 10 lub 5 Hlis -1979 , Ntsuab Xyooj Lauj uas yog Nai Koo Nom Hawj Xyooj Tus Vauv thiaj li tau tuaj Thaib Teb tuaj tos peb suav daws khiav los mus rau Thaib teb. Txoj kev mus los hla roob hav yog ib qho Nplog liab caws mee thiab zov kev, ua ntu zus los mus txaus ntshai kawg nkaus li. Muaj ib co ua peb ntej mas yeej pom tuag tshaib ntawm kev, tej tug kuj yog raug tua tuag thiab.
Yawg Phiab peb los tau 13 hnub thiaj los ti nkaus rau ntawm ntug dej nab khoom , tab sis hmo peb yuav hla dej no nyab laj tau zov kev tua peb, tib neeg tuag pawg lug, muaj kuv txiv , kuv niam, kuv niam tij, kuv txiv peb, nrog rau ob tug xeeb ntxwv peb khiav tau los mus ua ke. Hmo ntawv uas yog hmo peb raug sib tua no, yawg peb thiab Nchaiv Pov Xyooj uas yog kuv txiv peb tau khiav taug ib txoj me nyuam kev hav fab me me los mus ces Nplog Liab tau caws ib lub mee , kuv txiv tau los tsuj tawg ua rau kuv raug mob sab kawg, kuv niam los raug mob, kuv ib tug kwv tuag kiag ntawm hauv ntej, kuv ib tug xeeb ntxwv kuj tuag kiag ua ke ntawv
Yawg Phiab peb tau khiav los nkaum ntawm ib sab me nyuam roob , yawg Phiab kuj tau txiav tau ib co tauj los mus lwm sub rau kuv vim kuv raug mob los ntshav heev. Hmo ntawv peb maub ib hmo los tsis dhau, kuj tau rov qab los nyob ze ze ntawm qhov lub mee tawg no thiab, kaj ntug nyab laj Nplog Liab tau tuaj raws qab thiab tua phom cuag dab tsi ze heev yog li yawg Phiab nrog rau nws tus niam loj thiab tus tub lawv thiaj tau khiav rov mus rau ib sab roob lawm..kuv niam peb tau khiav mus ib sab roob, ua rau peb rov qab sib ncaim zaum ob.
Tau 3 hmos tom qab kuv niam peb hla dej dhau los mus rau Thaib teb, kuj ntsib yawg Phiab hla dej los mus txog Thaib teb thiab , tab sis yawg Phiab tau piav tias nws tsis muaj plab yas rau nws poj niam thiab nws tus me nyuam caij yog li nws tau cia nkawv nyob sab ntug dej tim Nplog es nws hla rau sab Thaib teb mam li nrhiav nkoj mus tos nkawv. Tsaus ntuj Yawg Phiab kuj tau caij nkoj rov qab mus nrhiav nws ob niam tub, tab sis nrhiav tsis tau li.. tsis paub tias Nplog Liab twb tuaj muab nkawv tua tag lawm los yog nws mus nrhiav tsis tau qhov chaw nkawv nkaum li lawm . Los tau ze 40 xyoo no tsis hnov nkawv ob niam tub xov li.. ntshe Nplog Liab tuaj nrhiav tau muab tua tag lawm.
Los txog rau Xoom Vib Nais Yawg Phiab thiaj mam li rov yuav nws tus niam tam sim no thiab tau npaj lub neej tuaj mus nyob rau teb chaws Australia thaum xyoo 1989 lawm, yawg phiab tau tag sim neej tso suav daws tseg rau hnub tim 12/12/2019 thaum sij hawm 4:50pm nyob rau teb chaws AUSTRALIA
Kuv uas yog tus tswv ntawm lub Vaj Sab www.3haivhmoob.com , uas yog ib tug tau nrog yawg phiab khiav phoom kom dim txoj sia Nplog teb los mus rau teb chaws vam meej , thov kom koj tus ntsuj plig mus zoo , lwm tiam muaj tiag peb tau rov los ua txiv ua tub dua. Mus zoo koj mog Yawg Phiab................
Written by: Nyiaj Nkaub Xyooj.
Click to set custom HTML
Muaj lus sau rau tsev neeg los yog Yawg Phia sau rau nram qab no tau. Ua tsaug
Comment Box is loading comments...
