Nai Koos Laib Ntxhaws NtswG -Txaus ntshais ..Txaus Luag
CeeB Toom: Txwv tsis pub koj muaj cov dab neeg hauv no mus hais rau youtube los yog xov tooj cua.
|
Tus Sau: Hmoob Khej3 Email: Birdybrid@yahoo.com Nyob zoo cov phooj ywg txhua tus.Hnub no kuv lam tuaj sau 2 nyuag zaj txaus txaus luag hauv no rau peb ho tau nyeem ua si. Xyoo 1969 nyob rau Khaib Phus Vias (Lima Site 06) Lub Khaib Phus Vias ntawm no ua ntej ntawv muaj cov Tub Rog Thaib lawv nyob rau sauv tiv thaiv vim tias nws nyob tsis deb ntawm txoj kev 7 uas yog txoj kev cov Nyab Laj Qaum Teb lawv xa tub roog tuaj mus pab cov Pab Thej Laus ua tsov rog nyob rau Nplog Teb. Thaum cov tub rog Nyab Laj tuaj mus coob nrog rau cov tub rog Pab Thej Laus lawv thiaj li tau nce tuaj mus ntaus lub Khaib Phus Vias ntawm no. Cov Tub Rog Thaib nyob rau sauv muaj coob kwv yees thaj tsam ze 2 Koos Loi tiam sis hais txog kev ua tsov ua rog Thaib mas Thaib ruam ruam Nyab Laj thiab Nplog Liab twb tuaj yuav txog ze ze lawm xwb los Thaib tseem qw lom lom zem nyob tsheej pab cuag cov niag tshis noj zaub xwb. Nyab Laj xuas RPG tua pig poog rau tib pliag xwb ces Thaib suab ntsiag tag. Thaumsib tuag kiag lawm 2 tog phomnrov doog diaj Thaib ces Thaib khav qhov ua ib kab sab mus puav Nyab Laj ntes xwb...ntes ciaj ciaj li ntag(Thaum ntawv Meskas ntiav cov Tub Rog Thaib tuaj mus pab tua). Yog thaum Thaib mus ua tsheej niag kab sab li ntawv es tsis nkaum pom Nyab Laj qhov twg mam li tua xwb...yog Thaib ua li no lawm ces Nyab Laj zoo tua heev li cia li khaws tua xwb. Khaib Phus Vias ntawm no muaj ib sab mas ua pob tsuas siab txog li 2 tawm ntsis ntoo thaum cov Nyab Laj thiab cov Pab Thej Laus nce tuaj mus puav cov Thaib tua nyob rau sauv cov tub rog Thaib uas tuag lawm los tuag lawm covuas tsis tau tuag ces lawv dhia puag saum niag pob tsuas los rau hauv av...thaum no ces Nyab Laj khaws loos ntxiv tsuag tsuag rau xwb. Cov Thaib nyob rau saum Khaib Phus Vias yuav luag 2 Koos Loi tuag tag huv si tshuav tib tug tub rog Thaib khiav dim los mus rau Looj Ceeb xwb. (Cov Tub Rog Thaib ntawm no lawv xav tias ntshe Nyab Laj yuav coj tsis tau phomloj tuaj tua lawv vim tiasniag toj roob hauv pes siab heev tsis muaj kev qhov twg tuaj txog...Nyab Laj thiab Nplog Liab twb xuas ntxhw luag phomloj tuaj teeb ze ze rau ntawm lawv qhov nyuag sab tim ub xwb lawv twb tsis paub....Thaib lawv tsis mus Lav Tas Vees los yog Patrol ncig xyuas ib ncig ze ntawm lawv) Yog tias Khaib Phus Vias tawg lawm ces nyob rau sab Nas Qhas nws yog ib qho kom sij heev vim tias Nyab Laj ntaus tau Phus Vias lawm ces Nyab Laj yuav tsum ntaus Nas Qhas. Tus Loj thiaj li tau xa 1 Koos Loi tub rog hauv Looj Ceeb tuaj mus ua khaib nyob ze Phus Vias los mus tiv thaiv. Nyab Laj pib tua Koos Loi Hmoob ntawm no...Nyab Laj xuas phom loj 122mm tua tuaj mus rau saum lawv khaib mos txwv phom loj tuaj raug tus Nais Koos Loi ua rau nws raug mob nyhav lawm yog li ntawv thiaj li tau muab nws xa coj mus kho mob nyob rau Looj Ceeb lawm. Hauv Hoob Kas 2 nyob rau Looj Ceeb thiaj li tau xa dua 1tug Nais Koos Loi tshiab tuaj mus hloov tus qub. Yawg Nais Koos Loi tshiab ntawm no yog ib tug laus zog lawm nws hnub nyoog 55 xyoos hos hais lus muaj ntsis taj tsawv pob ntseg los tsis tshua hnov lus zoo pes tsawg thiab. Thaum nws tuaj txog nws kuj ua tau hauj lwm zoo ib yam li tus qub thiab...txhua yam nws qhas xaj kom sawv daws ua puav leej yog tag. Vim tias Nyab Laj yeej ntaus lawv khaib txhua lub sij hawm tsis hais nruab hnub hmo ntuj yog li ntawv txhua tus tsis hais tus tub rog los yog Nais Koos Loi sawv daws puav leej tau ua hauj lwm nyhav tib yam nkaus. Hmo ntawv nws yog ib hmos niag los los nag tag zog ib tsoom tub rog sawv daws nrog rau Nais Koos Loi yeej tsis tau pw hlo li sawv daws nyob zov nyas ib hmos kaj ntug. Hnub ntawv ces Nais Koos Loi txawm tsis xisnyob nws txhaws ntswg. Lub sij hawm thaum ntawm tseem tab tom sawv ntxov tsees sij hawm yog 6 moos sawv ntxov tsis pom Nyab Laj tuaj ces muaj ib txhia tub rog tseem tab tom npaj ua tshais no, cov ua tshais los tseem tab tom ua, cov ntxuav muag los tab tom ntxuav muag, cov uas nkees zog ces zaum ntawm tej. Nais Koos Loi tsis ua dab tsi nws ncig kuaj rau ub rau no. Ncig ncig ib pliag nws mloog mloog ces nws txawm nthe tawv tawv tias " Kav tsij tsuag tsuag...tub rog sawv daws pw rau hauv av kom tag tam sim no Nyab Laj tuaj phom loj tuaj lawm" Haub yau....cov uas tab tom ua mov noj thiab cov zaum rau ntawm ib sab ces cia li qhau cev pw tsuag tsuag rau hauv av tag...cov uas ho nyob ze qhov taub los dhia nkag qhov taub...covnyob ze kwj hoob los dhia nkag kwj hoob li ntag lau...xuas tes pos pob ntseg tib si tsam mos txwv phom loj tuaj tawg nrov ces pob ntseg lag. Cas sawv daws pw mloog mloog tsis hnov mos txwv phom loj tuaj poob tawg qhov twg li ne....sawv daws thiaj li mam sawv rov los...cov uas ua zaub ua movnoj lawv rov qab mus saib lawv tej zaub mov ua cia,covuas tsis ua dab tsi ho rov los zaum haus luamyeeb thiab sib tham pem ua si. Tib pliag ntshis ntawv thiab xwb Nais Koos Loi rov nthe tawv tawv li qub "Tsuag tsuag zaum no yog Nyab Laj tua phom loj tuaj lawm tiag tiag li hos...tub rog sawv daws nkaum kom tag" Sawv daws rov ua li qub tus yuav nkaumli cas losnkaum tus yuav pw hauv av los pw. Mloog mloog ntev loo tsis muaj dab tsi. Zaum no zaub mov twb siav tag twb rau saum rooj sawv daws tseem noj mov txog tog xwb Nais Koos Phas rov hais li qub thiab ntag laiv..."Tub rog sawv daws cas nej pheej tsis hnov los yog ua cas Nyab Laj twb tua phom loj tuaj lawm lub mos txwv twb ya nrov xij xej xij xej tim roobtuaj lawm tiag peb pw hauv av komtag tsuag tsuag..." Sawv daws tso dia tseg twb tso tsis yeej tej tus tseem tuav rawv nws rab diav noj mov ntawm tes cia li pw rau hauv av. Kuj tsis muaj dab tsi tshwm sim zoo li 2 zaug qub thiab ntag. Hnub ntawv ces Nais Koos Loi mas qhas xaj kom sawv daws pw rau hauv av mas tuab ntws tuab ntws xwb ntag ua ua sawv daws tsis tau zoo nyob tag nrho noj mov los tsis tau zoo noj li...pheej ib sij ib sij hais tias Nyab Laj tua phom loj tuaj lawm xwb twb tsis pom1 lub mos txwv phom loj tuaj poob tawg qhov twg li...hnub no yog ua li cas rau Nais Koos Loi lawm ne..... Thaum ntawv ces tus Lwm Nais Loi thiaj li txav kiag los ti ntawm tus Nais Koos Loi mloog thiab seb yog ua cas. Ua cas tus Lwm Nais Koos Loi mloog mloog ib pliag no ua cas hnov ib lub suab nrov xij!!!! no ntag nrov yog nkaus li thaum Nyab Laj tua phom loj tuaj es mus mos txwv ya tuaj es mos txwv nrov ntag....tiam sis tsis yog nrov qhov twg tuaj hos nrov kiag ntawm Niag Nais Koos Loi 2 lub niag qhov ntswg tuaj ntag. Tam sim ntawv ces Niag Nais Koos Loi pheej kom sawv daws pw hauv av ntag. Tam sim ntawv ntawv Niag Nais Koos Loi rov hais kom sawv daws pw dua. Tus Lwm Nais Koos thiaj li hais rau Niag Nais Koos Loi tias "Yawg Loj...tsis yog Nyab Laj tua Phom loj tuaj es nrov sav!!! twb yog nrov ntawm koj 2 lub qhov ntswg tuaj xwb sav...koj ua pa kuv hnov nrov xij!!! no ntawv tuaj laiv cas koj pheej tias yog Nyab Laj tua phom loj tuaj no" Niag Nais Koos Loi mam li ua twb zoo mloog zoo zoo no thaum nws ua pa yog nrov ntawm nws qhov ntswg tuaj xwb tiag sav....nws niag txhaws txhaws ntswg ces thaum nws ua pa nws sib sib zog ua pa tshuab tuaj mus covniag ntswg hauv nws qhov ntswg nrov xij!!! no ces nws pob ntseg ho hnov lus tsis zoo thiab ces nws txawm hnov nrov li mos txwv phom loj ya tuaj xwb. Lus Ua Tsaug: Ua tsaug ntau koj sau cov dab neeg zoo zoo tuaj ua kev lom zem rau ib tsoom niam txiv kwv tij neej tsa. 3Haiv HmooB Admin. |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj Dab Neeg saum no sau nram qab no. Nias nov rov mus Nplooj Kev SiB HLUB
Widget is loading comments...
