"Txoj Kev Hlub Plam Viv Ncaus Thiab Tus Hlub"
Nplooj1 Los peb mus nyeem ib txoj kev hlub plam vim viv ncaus nrog tus hlub ..Vim nws ib leeg tham wb ob viv ncaus...nyob rau thaum kawg tau ib tug thiaj li plam ib tug lawm ..txhua yam zoo zoo nyob yav tag los tau tig mus ua txoj kev lwj siab lwj ntsws nrog yus mus ib sim neej uas muab rho tsis tau tawm hauv lub neej mus.....
Nyob rau xyoo 2000 xiab 5 lub 10 hli ntuj yog lub caij nplej txhawv zom zaws mus thoob teb, nkauj nag thiab nkauj nag nws niam nkawv mus ua teb los. ib txwm nkauj nag yeej tsis tau muaj dua hluas nraug li. Nyob rau hmo no muaj ib tug hluas nraug tuaj nrog nws tham, tus hluas nraug no nws hu ua Huas Yaj. Huas nkawv nyob ua ke ib lub zos vim nws niam nws txiv lawv nyuam qhuav tsiv los tsis ntev no tab sis huas yaj nws mus kawm lawm xwb. Huas nrog nkauj nag tham tau IB pliag nws rov mus tsev lawm. ua cas hmo no nkauj nag nws pw nws lub siab ntxhov li nyho pw tsis tsaug zog li .nyob li ntawm huas yaj nws yog ib tug neeg kawm ntawv tas txawv teb chaw los. Nkauj nag los yeej hnov luag cav cav huas yaj lub npe ib yam thiab nws yeej tsis xav tias nkawv yuav los sib pom ua nkauj ua nraug tsim muaj ib zaj dab neeg cia li .Huas yaj tuaj nrog nkauj nag nyob txhua2 hmo tas li . tsis ntev twb txog lub caij hlais nplej lawm, hnub ntawv huas yaj nws mus nrog nkauj nag hlais nplej tau ib hnub thiab huas yaj tau hais tso dag ua si rau nkauj nag tias ua cas koj niam nej yuav ua teb ntau luaj li? ua ntau li no ua tiag tuag tiag laiv..! nkauj nag teb tias ua ntau thiaj txaus noj hos.. tsaus ntuj hnub qaij puag tim npoo ntuj lawv rov qab los tsev lawm ....nkauj nag thiab huas yaj nkawv txoj kev hlub suav hnub loj zuj zus tuaj rau nkauj nag lawm xwb tsis paub tias huas yaj xav li cas rau nkauj nag, tab sis nkauj nag tias tiam no yuav yuav huas yaj xwb nws muab nws lub cev rau huas yaj pw txhau2 hmo uas huas yaj tuaj ntsib nws tsis nco qab xav tias tsam yuav puas li vim nws lub siab hlub huas yaj heev yam tsis nco qab nws tus kheej yuav zoo li cas li. Hnub hmo dhau mus tau ntau hli kuj dhau mus txog lub 12 hli ntuj lawm lub hlis no nkauj nag muaj ib tug niam hluas kwv tij nrauj txiv los. Nyob rau hmo no huas yaj nws tuaj nrog nkauj nag nyob nws coj nws ib tug phooj ywg tuaj thiab nkauj nag thiaj hais tias koj coj koj tus phooj ywg ko mus tham kuv tus niam hluas nrauj txiv nrav tham kom nws txhob laj nyob ma...! Dhau ntawv tom qab no huas yaj tuaj nrog nkauj nag nyob sai2 lawm xwb, Nws tuaj hnia nkauj nag tag ces nws mus lawm. Kuj xav tsis txog tias huas yaj nws yuav mus tham tus niam hluas ntawv li. Tsis ntev tom qab txawm nkauj nag yuav paub tias nkawv sib tham los nkauj nag ua siab tsis pub nws lub kua muag poob rau huas yaj pom li vim nkauj nag nws tswj nws tus kheej li cas thiaj zoo, Nkauj Nag lub siab lub ntsws nws nyob li tus ruam lag ntseg dig muag lawm xwb los tus niam hluas ntawv tseem tuaj hais rau nkauj nag hais tias nkawv sib hlub heev lawm thov kom nkauj nag pab nkawv kom sib tau thiab no. Tus niam hluas no nws tias nws muaj ib tug hluas nraug thiab kom nkauj nag txhob mus cuam tshuam tsam nkawv ho tsis sib ntau no ua rau nkauj nag lub kua muag poob ntag ntws tawm cuag dej los twj ywm xwb .tsis ntev twb dhau mus yog xyoo tshiab lawm tiag huas yaj nws yeej tseem tuaj nrog nkauj nag nyob li qub tab sis nws lam tuaj ib pliag li 10 na thi xwb ces nws mus lawm, ntshe nws xav tias nkauj nag yuav tsis paub no nws thiaj tuaj nyob me ntsis kom nkauj nag txhob paub no tab sis nkauj nag yeej paub ..tias nkauj nag txoj kev hlu ces twb raug rhuav tshem puas ntsoog ib hnub zuj zus los lawm.. tab sis nkauj nag tsis paub tias yuav ua li cas thiaj zoo lawm xwb. Lub sij hawm no Nkauj nag tsuas zaum quaj ntsia saum lub hli xwb........ hnub hmo dhau mus lawm tiag2 li....uas Huas Yaj wb txoj kev hlub ces ploj puas ntsoog lawm zuj zus... |
Nplooj2Lub sij hawm dhau mus yam sai kawg nkaus.. huas yaj tsis tuaj ntawm nkauj nag li lawm nws tsuas tuaj ncaj nraim rau nram Nkauj nag tus niam hluas ntawv lawm xwb. Nkauj nag tsis pom qab yuav hais li cas thiab xyov yuav ua li cas thiab yuav zoo li . Txhua tsav txhua yam tau muab nkauj nag lub siab lub ntsws khi ruam tag tsis muaj kev xav kev tawm li lawm txawm li ntawv los nkauj nag yeej tuaj nyob ntawm txoj kev ntsia kua muag ntws sis txhua2 hmo tos ntsia huas yaj mus nrog tus niam hluas ntawv nyob thiab txawm yuav tos lig npaum li cas los xij tsuav pom nws mus nws los xwb yeej zoo Nkauj Nag lub siab lawm.
Tom qab nkauj nag tos2 ntsia nws tsis tuaj ntawm nkauj nag lawm tiag2, nws mob nkauj nag siab heev l... Caij nyoog dhau mus Nkauj nag tau mob 7 hnub los nws yeej tsis pw vim nws tsis xav kom nws niam paub tias nws mob vim txoj kev hlub lwj siab no yog li nws thiaj ua tiag mus ib tug ntxaug2 mus nrog nws niam them teb kua muag ntws sis rau txoj kev hlub ntawm nws lub neej tiam no..... los nws cia siab ntsoov tias nyaj muaj ib hnub huas yaj yuav rov los hlub nws li qub thiab nrog nws sib sau ua ib lub neej...li tej lus tau cog tseg... Muaj ntau zaus nws yuav mus noj tshuaj kom tuag los nws muab xav 2 ho tso kev xav tseg tswj tus kheej txhawm rau yav tom ntej rau nws niam nws txiv thiab nws xav txawm yuav mob npaum cas los yog huas yaj nkawv txoj hmoo raug nyaj muaj ib hnub yeej yuav sibtau xwb. Lub sij hawm tau 2-3 hlis xwb los cas nkauj nag nyob yuav zoo li tau ntau txhiab xyoo ua luaj rau nws txoj kev mob siab. Nkauj nag nws ntsia huas yaj thiab tus niam hluas no nkawv txoj kev hlub loj hlob zuj zus tuaj lawm xwb ntshe huas yaj yuav tsis rov qab los hlub kuv lawm nws thiaj ua ib siab xav tias yus niam yus txiv yug tau ib zaug xwb lawv xav kom yus muaj lub neej ua muaj vauv nrog luag hu ,nws thiaj tau mus txiv lawm txawm nws mus yuav txiv lawm los nws lub siab txoj kev hlub nws muab rau huas yaj nqa tag tshuav lub cev thiab txoj pa mus yuav txiv lawm xwb txawm hais tias nkauj nag yuav txiv lawm nkauj nag ib nplooj siab tsis lwj ib nplooj ntsws tsis qhuav ntshav nrog huas yaj mus tag ib txhiab nyob mus ib txhis nyob mus kom tag nws sim neej li...? Nyob rau thaum kawg nkauj nag tau hais tias txawm nws tsis tau huas yaj tiam no los nws yuav tos seb puas muaj ib hnub ntuj ntsia pom txoj kev mob siab ntsws , ...thiab lub kua muag ntawm wb es lub ntuj puas cia wb los sib ntsib dua ... es Nkauj Nag nws mam piav txoj kev hlub kev mob, thiab kev nco rau huas yaj kom tag txhawm rau tiam no los yog yav tag los uas nws tsis tau qhia nws txoj kev hlub kev nco rau huas yaj..paub li... yog hnub ntawv nws teb kuv cov lus tag kuv lub siab qhuav lub ntsws nkig lawm kuv mam ua ib siab mus raws kuv txoj hauv kev.. .. nkauj nag thiab huas yaj zaj dab neeg los xaus li no xwb nyob rau tiam no...Cia rov fab lwm tias seb puas muaj ib zaug ntxiv lawm... ua neeg nyob rau lub ntiaj teb no txoj kev hlub nws tuav tag nrho yus txoj sia qhov yuam kev thiab tsis yuam kev ntawv coj yus mus taug ib txoj kev uas yuav ua rau yus ntsib yam phem yam zoo..sib xyaws daws...nkauj nag txoj kev hlub ...Nws hlub tau 2-3 hlis xwb tab sis yuav mob mus tag ib sim neej. Thaum kawg no thov ua tsaug rau Hmongmeka.com uas nej tseem muab qhov chaw no rau kuv nthuav tawm txoj kev lwj siab ua kev kawm rau ib tsoom phooj ywg thiab viv ncaus Hmoob mog...Es mam ntsib nej dua lwm zaus...Suav daws nyob zoo.......... Sau Npe: Nkauj Nag Tus neeg uas 1 nplooj siab nyob tsis lwj rau ntawm Huas Yaj mus tag ib sim neej....... |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com