Muas Thaiv Yaj txoj Kev Hlub
Real story of my life |
Txwv: Txwv tsis pub leej twg tuaj muab cov dab neeg kev hlub thiab lwm yam hauv no coj mus tso rau lwm lub vas sab yog tsis tau txais kev tso cai los ntawm 3haivhmoob.com.Warning: No one can copy these stories at 3haivhmoob.com to post on your own or other website without our permission. Thank you for your cooperation.
|
Nplooj1
" Tsis tau koj vim txoj kev kawm " Sib hlub npaum li cas los nyias muaj nyias ib txoj hmoo, nyias muaj nyias ib daim ntawv los los ua neeg thiab xaiv txij xaiv nkawm tiag os lawv.
Xyoo 2001 no kuv tau ntsib ib tus ntxhais hu ua Maiv yias xeem xyooj lub sij hawm wb tuaj mus kawm ntawv nyob rau tim ib lub tsev kawm ntaw hu ua " Syxieng May scondary school" nyob rau ib cheeb tsam ze hauv xeev xieng khoung no xwb tab sis wb tsis nyob koom zos. xyoo no yog thawj xyoo ntawm wb uas tuaj mus pib kawm ntawv nyob rau qib 6 ua ke, maiv yias yog thawj thawj tug ntxhais hluas nkauj uas zoo nkauj ntxim kuv lub siab heev li thawj zaug kuv pom nws kuv nco qab hais tias kuv pom nws ib muag xwb tab sis ua rau kuv lub siab yuj li plaws tsis nco qab ntsais muag li vim lub siab nyiam nws heev li lawm. Nov yog thawj xyoo uas wb sib pom txawm kuv yuav nyiag nyiam nws npaum li cas los kuv tsis muaj peev xwm mus qhia rau nws tias kuv nyiam nws li. Xyoo tom qab(2002) wb tau rov tuaj mus kawm ntawv ua ke dua thiab kuv nyiaj uv tsis taus txoj kev nyiam nws lawm xav lawm tias yog tis qhia ntshai nws yuav tsis paub hauv kuv lub siab kiag li. Yog li muaj ib hnub kuv thiaj ntsub ntsub mus qhia tau kuv txoj kev qaug hlub rau nws lawm. Yog li txij hnub ntawv los wb txoj kev hlub pib qab zib thiab loj zuj zus tuaj ua rau wb sib hlub thiab sib nco heev li txhua hmo kuv tau mus saib nws nyob rau tom lawv lub zos txawm yog mus ib leeg caij lub tsheb kauj vab xwb los yeeej tsis nco qab ntshai dab tsi kiag vim yog muaj nws nyob hauv txoj kev hlub thiab txoj kev nco lawm. Los txog xyoo 2003 wb kawm mus txog qib 8 lawm, tab sis lub tsev kawm no muaj los txog rau qib 8 no xwb yog tag qib 8 ces yuav tau mus kawm txawv nroog lawm, yog li ua rau wb nyuab siab nrog txoj kev hlub xyaw nrog txoj kev sib nco thiab muaj qee chim ua rau nws lub kua muag los kuv lub kua muag poob ua rau ib ce hnov caus yaum lub plawv yuav nres li lawm tiag tiag ua rau wb tsis xav ua dab tsi li xav nyob sib sib ze ua ke kom ntev ntev tsis txhob ncaim mus li lawm xwb. Tab sis ntshai yog vim txoj hmoo tiag os lawv, |
Nplooj2 thaum wb kawm tag qib 8 lawm wb ua ntawv tsis yog mus kawm ib lub nroog li qub lawm yog li haj yam ua rau wb quaj los kua muag nrog kua ntswg thiab lub siab mob ua zom ua zaws li, thaum paub tias yuav ncaim mus tiag tiag li kuv thiaj tau mus saib nws thiab wb tau mus ua si pem roob ib hnub los ces kuv txawm los tsev lawm, tseem xav tias yuav rov mus ntsib nws dua ib zaug ntxiv ua ntej ncaim no. tab sis los lawm ces lub sij hawm tsis zoo li xav luag tuaj mus kawm ntawv zuj zus ces kuv thiaj ua ib siab ncaim nws tuaj mus kawm rau Xam neua yam tsis tau hais ib lo lus dab tsi rau nws li, nyob li ntawm nws ces tuaj kawm nyob hauv nroog Phonesavanh no xwb.
Txij li sib ncaim lub sij hawm dhau mus wb yeej sib hnov moo tsawg heev li, lub sij hawm no ua rau wb tsis xav ua neeg li vim sib nco dhau li lawm wb mas seev yees txoj kev sib nco xwb tsis xav kawm ntawv li . Xyoo no kuv txoj hmoo tsis muaj thiab vim ncaim deb lawm thiab tsawg ib lo lus hais kom nws tos ua ntej thaum ncaim yog li thaum kuv ncaim mus tau 4-5 hli xwb ces twb muaj tus tuaj qhaib nws lawm, thaum xeem ntawv tag kuv cia siab hais tias yuav rov los ntsib nws dua no tab sis thaum kuv rov los txog kuv hnov kuv cov phooj ywg hais rau kuv tias lawv tuaj qhaib lawm no, vim yog tsawg ib lub tswv yim thiab tsis nco xav tias lawv qhaib xwb tsis tau yuav ces rov mus kom pom ib muag ho thaum ntawv kuv xav tias mob siab ua luaj lawv twb qhaib ces tsis tas mus lawm no yog li kuv thiaj plam kuv txoj kev hlub thiab tus kuv nyiam thiab nco tshaj plaws mus ua luag tus lawm............... kuv tsis paub tias yuav thaum twg mam pom nws dua thiab txawm pom los ntshe yuav tsis zoo li yav tag los lawm os cov phhooj ywg. Ib zaug ntawm kuv txoj kev hlub no kuv khaws tsis tau ib yam dab tsis tseg saib ua dab muag tab sis kuv nyiam sau nkauj thiab Yog li kuv muab sau tau 2-3 zaj nkauj tseg tau hu so lub kua muag thaum nco txog nws lawm xwb thiab kuv muab sau ua dab neeg tseg rau hauv www. 3haivhmoob.com no kom nyob mus ib ntxhis tsis ploj vim xav lawm hais tias ntshe tsuas tshuav zaj dab neeg no ua chaw nco lawm xwb, zoo li yav tag ntshe yuav tsis muaj ib zaug ntxiv lawm os........ "This life I did not get to be with you because of my luck."Ib tsoom phooj ywg uas tau nyeem txawm kuv sau qhov twg tsis zoo mloog thiab tsis yog los thov txhob xav li cas thiab ho pab qhia lwm zaus mam sau kom zoo tshaj no ntxiv. Ua tsaug uas nej nyeem os... Written By: Moua thai yang ( muas thaiv yaj) Tel : 020 2227-6500 |
|
Lus Ceeb Toom:
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |
|
