Yuav Tos Kom Tau KojTus sau: Me vwj
Email: bebenoylove@gmail.com Phone: 020 - 777 - 78896 |
|
Nplooj-1
Kab ntsuab ah! cas kuv yuav nco koj ua luaj li os suav txij hnub koj niam thiab koj txiv lawv muab wb sib cais los txog niaj hnub no los kuv yeej tseg tsis tau koj tus me ntxhiab thiab koj lub me qhov ncauj tsw2 qab kiag li, muaj ntau zaus kuv pw tsaug zog tsim deev los kuv khawm nkaus koj no ua cas ho tsis yog koj es ho yog daim pam uas kuv niaj hmo vov xwb yog ziag no koj niam lawv xav txhua lawm no puas yuav muaj ib hnub koj niam thiab koj txiv lawv ho tig los pom wb txoj kev sib hlub es cia kuv tuaj coj koj los nrog kuv nyob nas lod.
Xav kom ua tau li lub siab xav los yog muaj ib lub ntuj tshiab ntshe kuv yuav coj koj mus nyob lub ntuj tshiab ntawv yuav tsis pub kom muaj leej twg los cuam tshuam wb txoj me kev sib hlub es cia kuv mam li hlub koj kom kawg kuv lub siab lub ntsws, hlub kom tau li qhov koj ntshaw thiab koj xav tau os….. Kab ntsuab tus me neeg dai siab tus ua rau kuv tseem nco thiab lub kua muag los los tsis tu txhua lub caij nco txog niaj hnub no na Kab ntsuab....kuv me nplooj siab qab zib..aws..! Xyoo 2011 thaum lub 5 hli ntuj hmoob, kuv tau paub Kab ntsuab los ntawm kev saib duab toj siab. Wb tau sib tham nyob hauv lub xov tooj los tau yuav luag muaj ib xyoo wb mam li tau sib pom. Ua ntej wb yuv tau sib pom sib cuag ntawv wb tau sib tham hais txog txoj kev sib hlub sib nco txawm tias wb twb tsis tau sib pom li los wb tej me lus qab zib thiab txoj kev xav zoo li wb yeej nyob ua ib ke ntxhua lub sij hawm, txhua hnub thiab txhuas2 hmo. Kuv keev nyiam hais rau Kab ntsuab tias: Tsam ib hnub twg wb sib pom es koj tsis nyiam kuv ne? Kabntsuab teb tias: Nyiam kawg ma...twb pom koj li duab lawm ne, kuv ntshai tsam koj tsis nyiam kuv xwb. Nws txhua lo lus hais rau kuv mas ua rau kuv kho siab zim thiab xav kom muaj Kab ntsuab nyob nrog kuv kiag lawm xwb. Kuv hais rau kab ntsuab tias: yog hnub twg wb tau sib pom no yog wb sib nyiam lawm koj puas kam yuav kuv ? Kabntsuab teb tias : kam ma... yog koj lawm na ..yog tsis nyiam kuv tiag txhob lam hais dag kom kuv zoo siab thiab cia siab od. Wb sib tham hauv xov tooj tas li xwb, muaj ntau zaus Kabntsuab qhia rau kuv tias: wb sib tham xov tooj heev dhau lawm es kuv niam nug kuv tias: kuv tham hmoob nyob qhov twg ua cas yuav tham ntev ua luaj li yog hmoob mes kas lod los yog hmoob nplog? Kabntsuab yeej qhia txhua yam rau kuv paub. Kab ntsuab tau hais rau kuv tias kom kuv mus saib nws ntau zaug lawm tiam sis kuv los muaj hauj lwm ntau thiaj tsis tau mus cuag Kabntsuab li nws tau hais. Txawm tias wb tsis tau sib pom li los hauv kuv lub siab yeej muaj Kabntsuab ib leeg xwb thiab wb yeej tau hais lus txhua hnub txhua hmo zoo tam li wb twb tau nyob ua ib ke lawm. Xyoo 2012 Noj 30 hnub xiab 2 xwb ces kuv mus ntsib Kab ntsuab. Thaum kuv mus txog hauv Kab ntsuab lawv lub tshav pob wb sib teem tuaj mus sib ntsib mas wb sib nrhiav ntev kawg nkaus kwv muaj li ntawm 2 sij/teev wb thiaj mam li sib nrhiav tau vim hnub ntawv neeg coob heev nyob rau ntawm lawv lub tshav pob. Kuv xav hauv lub siab twj ywm tias: Wb sib tham ntev tag npaum no ua li puas yuav zoo li lub siab xav, puas yuav tsim nyog tuaj sib ntsib ib zaug ua li ne tsam wb ib tug ho tsis nyiam ib tug ne yuav hais li cas thiaj li yuav zoo? Thaum wb sib pom kiag kuv kuj tsis tshua nyiam nws pes tsawg, tab sis kuv mam ua twb zoo ntsia nws ib tug me ntiv tes mus rau ib tug me ntiv taw ib sab rau ib sab txhua nrho nws tus kheej mam li pom tias Kabntsuab mas ntxhim hlub heev li tseem zoo tshaj hauv daim duab tojsiab lawm thiab.. |
Nplooj-2 Kab ntsuab nws yog hom hluas nkauj uas zoo nkauj tob tob ntsia ntev ntev mam pom qhov zoo, ntawm Kab ntsuab sab phlu sab laug muaj ib qho peb hmoob keev hais tias yog kab lia, plaub muag tsaus2, ob lub ntsiab muag hlaws2 dub dub zoo li cov kua muag yuav tawm zoo ib yam li thaum uas nws muaj kev tu siab es yuav quaj yuav quaj nws lub cev tab tom zoo ntxim hlub ob lub me ntsag thiab pob tw loj nteev tsis loj tsis siab tsis rog thiab tsis yuag nws cov kaus nhiav sab sauv sab hauv mas tus yees dawb paug zoo tau ntxim nyiam heev, thaum kuv muab nws ntsia tseeb2 li no tag mas ua rau kuv tsis xav nrug nws li, lub sij hawm uas kuv txav ze nws mas kuv tus kheej yeej xav ua neeg phem kiag rau nws tam sim ntawv yim xav nyob ze nws tas mus li. Nws tus kheej tsuas zoo nkauj li tej neeg dog dig xwb, tab sis kuv tsis paub tias yog nws muaj ib tug dab nco cawm seej los yog ua li cas rau kuv lawm es kuv thiaj li yuav muab nws nco ua lwj ua liam li no thiab tsis xav nrug nws ib me pliag los yog ib me chim li lawm. Kabntsuab nws yog ib tug neeg txawj xav yog li ntawv kuv thiaj li tsis paub tias Kabntsuab puas nyiam kuv li kuv nyiam nws yog vim li cas nws thiaj li kam hais tej lus zoo2 dai dai siab rau kuv
Kab ntsuab txhua lo lus uas nws hais tuaj rau kuv mas zoo ib yam li lawv cov tshuaj ntxhw uas niaj hnub no peb hmoob ib txwm cav. Ntuj aw!!! Hauv lub ntiaj teb no es yog Kabntsuab ib leeg xwb thiaj li txawj hais lus zoo xwb los yog txhua txhia tus hluas nkauj yeej txawj hais ib yam thiab na ib tsoom phooj ywg hmoob. Yog nrog Kabntsuab hais lus lawm ces txawm tsis noj mov haus dej li los yeej tsis nco noj nco nqhis ib hnub ces zoo li ib ntsis xwb cas yuav hais lus dai siab tau zoo ua luaj li puas yog koj nyuam nqhuav noj zib ntab tag nrho koj mam li hais lus rau kuv na lod los yog koj mus kawm muaj kws qhia tuaj hais rau kuv? Kabntsuab mas thiaj tseem2 yog tus neeg ncauj qab zib nplaig qab ntsev tiag2 ua rau kuv vwm hlub qaug nco rau nws ua rau kuv muaj kev cia siab zoo siab heev nyob hauv kuv lub neej... Kuv txoj kev cia siab zaum no ces yog npaj siab coj Kabntsuab los ua kuv tus txij nkawm lawm xwb dhau ntawv ces tsis muaj ib yam dab tsi li lawm uas kuv yuav xav tau npaum no.. Wb kev sib ntsib zaum no wb tau ua ke txog rau thaum tsiab 30 xaus tsis sib nrug li nws tau muab nws txoj kev hlub kuv qhia txhua yam rau kuv ua rau kuv mloog zoo li Lub tshiab 30 xyoo no mas zoo li ib pliag rau kuv xwb. Wb tau pib wb txoj kev hlub suav hnub suav hmo loj hlob zuj zus. Wb sib hlub heev li yeej tsis muaj ib yam dab tsis yuav los pauv tau. Thaum wb twb sib tseg tsis taus lawm ces Kabntsuab niam thiab txiv paub tias zaum no kuv hlub Kab ntsuab heev lawm ces lawv tig txwv tsis pub Kabntsuab wb sib tham sib ntsib zuj zus txog rau thaum lawv cem heev thiab lawv muab Kabntsuab kaw hauv tsev txwv tsis pub kab ntsuab wb sib cuag. Kev mob siab zaum no ces npaum nkaus li lawv pov ib lub npoos npib tawg nrov poog ntawm yus xub ntiag pob ntseg quaj nrov zib thiab npaum nkaus nthwv dej SUNAMIB uas los nyab roog Tokyo teb chaws Ziv pees xyoo 2012 tag los no. Thiab ntshe yog lawv pheej hais tias 2012 lub ntiaj teb no yuav puas ntsoog no es tib neeg lub siab ywj fab ywj fwj thiaj li ua rau Kabntsuab wb koj kev sib hlub mus tsis tau ua ke thiaj ua rau wb ob lub siab mob lij lias hauv lub nrog cev tuaj los yog tim lub Npe hu ua Kabntsuab thiab Me no es thiaj ntsia tsis pom thiaj plev plev neeg es thiaj li ua rau wb nyob nrog lub neej tsaus ntuj nti nrog lub kua muag ntws npaum dej tsis tu. Zaum kawg no hais rau Kabntsuab tus kuv hlub paub tias kuv nco thiab hlub koj heev no nawb lam tswj txoj siab nyob ua neeg vwm rau ub rau no lawm xwb o. Kuv zaj dab neeg kev hlub los xaus li no lwm zau mam li tuaj tham rau nej mloog dua. Ib qho kuv thov kom cov niam cov txiv ho pom peb txoj kev sib hlub thiab ho zam txoj kev dav rau peb cov me nyuam thiab nawb tsam ib sij huam ho tau pam neeg ces mam li khuv xim thiab sib qawg quaj ces ho tsis muaj nuj nqis dab tsis lawm thaum no ces yuav lig rau nej heev li lawm mog... Zaum kawg no ua tsaug rau tus tsim tus Website www.3haivhmoob.com no thiab cov tub num ua nej tseem pab muab peb cov lus no zwm raum hauv no rau sawv daw tau nyeem thiab paub thov kom nej sawv daws nyob zoo. Sau npe: Me........Tus hlub Kab Ntsuab 1 Leeg |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com Need Life Insurance Click here..!
Xav tau kev tuav Pov Fwm Tsev Neev Nias Nov..
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com Need Life Insurance Click here..!
Xav tau kev tuav Pov Fwm Tsev Neev Nias Nov..
