Maum Miv Xav Yuav Nraug HmooB
Muaj ib hnub ib tug maum Miv zov kev tom nas tsuag nws tau pom ib tug txiv neej Hmoob zoo nraug heev taug kev los ces nws cia li nyiag nyiam tus txiv neej Hmoob no lawm. Yog li nws thiaj tau thov kom ntxhais qaum ntuj pab ua khawv koob muab nws plhis mus ua ib tug ntxhais HmooB zoo zoo nkauj es mus tham tus txiv neej HmooB no. Ntxhais qaum ntuj tau muab tus maum miv no plhis ua ib tug ntxhais zoo zoo nkauj mus tham tus txiv neej Hmoob no ces nkawv tau sib yuav lawm. Tsis ntev tom qab no ntxhais qaum ntuj xav sim seb tus maum miv uas plhis mus ua tus ntxhais Hmoob no nws puas tseem muaj ib lub siab yog Maum miv es xav tom na tsuag li qub. Ntxhais qaum ntuj tau muab ib daim khaub hlab tshuab pa tsuag tsaug rau ces ua tau ib tug nas tsuag khiav ceev ceev hla kiag tus poj niam Hmoob no ces niag poj niam Hmoob no cia li zaum kiag hauv av muab txiv ntswg hnia ntxhiab thiab caum tus nas tsuag tom noj li thaum nws tseem yog miv. Thaum ntxhais qaum ntuj pom li no lawm nws thiaj paub tias Maum Miv no twb mus ua tib neeg lawm los nws lub siab tseem xav tom nas tsuag hloov tsis tau nws lub siab ces cia nws rov qab mus ua miv li qub. Thaum zoo li no lawm ntxhais qaum ntuj thiaj tau muab niag maum Miv no hloov rov qab mus ua Miv lawm.
Zaj Dab Neeg No Qhia Tau Tias:
Tus Tib Neeg Siab Phem Ces Txawm Hais Zoo Npaum Cas Los Yeej Hloov Tsis Tau Nws Lub Siab Qub Li, Qhov Yuav Hloov Tau Nws Lub Siab Ces Yog Tuag Es Lwj Mus Ua Av Tag Mam Mus Ua Dua Neeg Tshiab Rov Fab Lwm Tiam Thiaj Li Yuav Tau Lawm Xwb. " Tus Neeg Qub Ces Lub Siab QuB" QuB Neeg Qub Siab Qub Dev Ces Qub Ntxhiab Yeej Hloov Tsis Tau....
