Thawj Tug Ntawm Lub Neej Nco Tsis Ploj
Wb Txoj Kev HLub Koj Puas Nco Lawm
Tus Sau: Maiv xis thoj
Email: nkaujxee93@gmail.com
THAWJ TUG NTAWM LUB NEEJ YUAV NCO TSIS PLOJ VIM KOJ TXOJ KEV ZOO NYOB RAWV HAUV QAB ZIB LUB SIAB. Nws yog ib lub sij hawm uas nco thiab kho siab heev uas thaum kuv tab tom sau txog zaj dab neeg no...Seb puas muaj hnub tus neeg uas ib txwm tau hlub kuv dhau los puas yuav tuaj pom kom nws paub tias ntawm kuv lub siab tseem muaj nws li yav ntuj tag los ntau xyoo dhau mus lawm..
Hnub tim 15.11.2007 muaj ib tug ntxhais nkauj hmoob hu Qab zib txawm mus ua si thiab mus ntsib ib tug tub hluas hmoob hu Muaj tseeb no. Zoo li nkawv kuj sib2 nyiam thiab nkawv thiaj sib tham los tau ib ntus tom qab no nkawv sib hlub heev li tsis paub tias twb sib hlub npaum li cas lawm tab mas lub sij hawm ntawv Muaj tseeb kawm ntawv nyob hauv Vieng xyoo 2 lawm hos Qab zib kawm ntawv nyob 52 mos 4 xwb.
Nkawv tau muaj txoj kev hlub uas zoo thiab ncaj ncees heev li. nyob rau txhua2 hnub Qab zib yeej tos ntsoov Muaj tseeb xwb thaum ntawv yog lub caij ntuj qhua Qabzib nco Muaj tseeb heev thiab tab tom yog lub caij xeem ntawv ua rau Muajtseeb tsis tau los cuag Qabzib ua rau Qabzib tau tos Muajtseeb suav hnub suav hmo tos, tos tos nplooj zeeg tag los tseem tos nploog hlav tag los yeej tseem tos paj tawg nras tag paj twb pib zeeg lawm Muajtseeb mam los saib Qabzib npaum ntawv los Qab zib yeej tseem hlub thiab tseem tos rawv Muajtseeb xwb.
Los txog thaum Qabzib xeem ntawv tag mos 4 qab zib yuav rov mus tsev Qabzib yeej tseem cia siab ntsoov tias nkawv txoj kev hlub tiam no yuav muaj tseeb nkaus xwb. yog li rov txog xyoo tshiab es Qabzib rov qab tuaj kawm ntawv los nkawv kuj tseem sib hlub li qub thiab tab sis mas lub sij hawm ntawv muaj teeb meem ntau yam tshwm sim rau Qabzib yam ntau kawg thiaj ua rau Qabzib mus kawm ntawv rau Nonhais lawm. lub sij hawm los kuj dhau zus thiab nkawv txoj kev hlub nyob txoj kev deb tsis tau sib ntsib ntev ces Muajtseeb txawm hloov siab muaj hluas nkauj tshiab thiab Qab zib kuj tham hluas nraug tshiab tab sis Qabzib lam tham xwb lub siab nyob nco nco Muajtseeb nkaus xwb, tsis ntev los tom qab Qabzib nws mloog tau tias nws lub siab tsuas nco thiab xav txog Muajtseeb tas li xwb nws thiaj tsis tham nws tus hluas nraug ntawv lawm.
Nws yuav rau siab kawm ntawv kom muaj ib hnub tau ua ib tug ntxhais kawm nyob hauv Vieng yog li los txog xyoo 2011 nws thiaj tuaj kawm nyob hauv vieng. Nws tseem xav tias yuav tau ntsib thiab hlub Muajtseeb li qub tab mas Muajtseeb twb muaj hluas nkauj zoo zoo lawm thiab xyoo ntawv muajtseeb twb kawm tag lawm nws mus ua hauj lwm lawm hos nws tus hluas kauj tseem kawm thiab kuj kawm yuav tiav lawm thiab ua rau Qab zib mob siab tshaj plaws li vim Qabzib yug los tom qab thiab hnub nyoog tseem yau yog li qab zib lub neej txoj kev npau suav uas yuav tau Muajtseeb ces thiaj dhau mus ua lub kua muag lawm xwb los txog tav no 2014.12.11 no los Qabzib yeej tseem nco Muaj tseeb thiab nws xav tias ntshe tag tiam no xwb nws thiaj li yuav tsis nco Muajtseeb lawm vim Muajtseeb yog thawj tug hluas nraug hauv Qabzib lub siab.
Txoj kev hlub...uas tsis pom tom ntej thiab sij muab yav tag los coj los xav ua chaw nco yog ib qho lwj siab lwj ntsws tshaj plaws li tsis hais yog koj los yog kwv...xyov yuav ntev npaum cas thiaj tsis nco nws lawm...Ua li lub sij hawm uas yus ho tab tom nco txog nws li no ...Nws ho puas nco txog yus lawm thiab....Txawm tias Muaj Tseeb nws twb tsis hlub kuv lawm los..kuv thov kom nws mus es nws ho hlub hlub tus neeg los yog tus viv ncaus uas nij hnub nrog nws nyob xwb ces Qab Zib lub Siab kaj lawm...Thaum kawg no thov kom Muaj Tseeb paub tias Qabzib ib nplooj tsiab tseem nyob dai dhuam ntawm Muajtseeb no mog...lub caij ntuj so dhau mus..lub caij ntuj no los txog ho nco txog Qab Zib me me xwb ces twb zoo lawm...Kuv thov ua tsaug rau 3Haivhmoob lub vas sab www.3haivhmoob.com uas tau tso kuv txoj kev lwj siab lwj ntsws no tawm kom kuv lub siab ho kaj...es mam ntsib nej dua lwm zaus.
Ua tsaug ntau,
Qib Zib - Tus nyob nrog txoj kev kho siab.
Ceeb Toom: txwv tsis pub leej twg muab peb cov dab neeg kev hlub thiab poj ntxoog los yog lwm yam hauv no coj mus tso ntawm koj lub vas sab website los yog Forum yog tsis tau txoj kev tso cai ntawm peb. Nov peb tsuas yog tso ua kev tuaj nyeem laug caij nyoog xwb . Thov muab kev koom tes. Ua tsaug ntau.
Warning: No one can copy our stories to post on your website, Forum and any other websites without our permission. Printing for selling is prohibited either. Thank you for your cooperation.
