Txoj Kev Hlub Lwj Siab
Kuv Twb Tsis Nco Lawm
Wb Txoj Kev Hlub Kuv Twb Tsis Nco Lawm
Tus sau: Tub Pov Kwm
Email: MaiVangLove001@gmail.com
Nyob rau xyoo 2012 lub 10 hli ntuj kuv tau mus ua hauj lwm nyob rau lub Companies MANI tau 1 xyoo ua ntej lawm. Tam qab txog rau xyoo 2013 lub 1 hlis ntuj nws yog thawj xyoo uas kuv tau pib kev txoj kev hlub uas yog thawj2 zaug ntawm kuv tus kheej uas nws yog kuv tau mus ua hauj lwm nyob rau Companies MANI kuv tau pom 1 tug hluas nkauj uas zoo nkauj heev li nws tau tuaj nrog peb ua hauj lwm ua ke thiab yog li thawj hnub uas nws tau tuaj xam phaj ntawv kuv cov phooj ywg poj niam lawv tau pom nws thiab tsis tag li xwb nws kuj tau tuaj nyob ze rau ntawm kuv 1 tug phooj ywg uas yog peb tus huam nab hmoob qaum tsev thiab thaum uas nws tuaj txog ntawv nws tuaj xam phaj tag xwb nws ho nrov qab los mus tsev lawm yog li kuv cov phooj ywg tau hais rau kuv tias muaj ib tug hluas nkauj tuaj xam phaj tag kis ces nws yuav tuaj nrog peb ua hauj lwm ua ke thiab…
Yog li kuv tau nug lawv tias yog li nws nyob qhov twg tuaj os…..peb tus huam nab hmoob tau teb tias nws nyob nram lav xau tuaj os nws tuaj nrog nws tus niam laus thiab txiv laus nkawv nyob ntawm lav 52 no thiab os…..tsis tas li xwb nws tseem nyob ze ntawm kuv thiab yog li kuv thiaj li tau npaj siab hais tias cia tag kis nws tuaj es kuv sim saib seb nws puas zoo nkauj li lawv hais tiag…Yog tag kis ntawv nws tau nrog peb tus haum nab tuaj ua ke tiag tab mas lawv muab peb faib ua 3 pab …yog li tag kis ntawv kuv ho nrog rau pab 1 uas yog mus ua ntej thaum 5:00 pm ua ntej lawm ces nws ho tuaj thaum pab 2 uas yog tuaj thaum 7:30 pm yog li thaum nws tuaj ntawv kuv ho raug los ua hauj lwm nyob rau ntawm lub qhov rooj uas nkag los hauv chav uas ua hauj lwm..yog li thaum nws qhib lub qhov rooj los ntawv kuv tau sawv mus ntsia nws yam li tsis tau pom dua tib neeg…….
kuv tau ntsai nws txog ntua rau thaum nws tau mus zaum ntawm chaw ua hauj lwm lawm kuv mam li rov qab ua hauj lwm dua kuv cov phooj ywg tau los hais rau kuv tias kuv puas nyiam tus hluas nkauj ntawm thiab. Kuv tau teb lawv tias kuv nyiam dog dig xwb os kuv tsis kam qhia tias kuv nyiam nws vim tias kuv txaj muag qhia rau kuv cov phooj ywg paub….yog li tom qab tau li 2 lub weeks ntawv kuv tau nyiag ntsia nws nkaus xwb xav tias mus nrog nws tham los ho xav tias tsam nws tsis nyiam yus ces kav liam tsis mus yog li tom qab uas tau li 1 lub hlis ntawv huam nab lawv yuav muab nws nce los ua ke nrog rau pab 1 los yog pab 3 ntawv kuv tau mus hais rau kuv tus phooj ywg poj niam uas yog huam nab ntawv tias cia muab nws los nrog peb pab es saib puas yuav tau nrog nws hais lus ua ke, yog li tus phooj ywg ntawv nws thiaj li muab nws los nrog peb pab lawm tiag nws ua rau kuv zoo siab heev li kuv zoo siab twj ywm hais tias yeej muaj ib hnub twg kuv yuav tsum tau nrog nws tham thiab hais xwb li……
Nyob rau hnub tim 7 lub 2 hlis ntuj ntawv uas yog peb nraug pauv mus rau pab 3 lawm peb tau ua hauj lwm thaum tsaus ntuj lawm lub sij hawm thaum 20:40 pm ntawm kuv tau mus nrog kuv ib tug phooj ywg poj niam tham ua si thaum uas kuv mus txog ntawv kuv tus phooj ywg ntawv nws tau nug kuv hais tias ua li kuv puas nyiam tus hluas nkauj ntawv thiab kuv tau teb tias nyiam kawg mas…..yog li wb tham2222 txog nws hmo tom qab kuv cia li mus nrog nws tham vim tsis nco qab tias yuav txaj muag li lawm kuv cia li mus nug tias he leej muam ua hauj lwm puas sab thiab os…nws tau teb kuv tias tsis sab es yog li kuv tau nug tias ua li nws nyob qhov twg tuaj nws tau teb tias nws nyob ntawm 52 tuaj nws tau nug kuv tias es kuv ho nyob qhov twg tuaj thiab kuv qhia tias kuv los kuj nyob ntawm 52 tuaj thiab xwb…..
Kuv tau nrog nws txuas lus li 1 teev nkaus ces kuv cia li mus nrog kuv cov phooj ywg tham lawm……hmo tom qab 18 pm ntawv peb tau so mus noj hmo los kuv ho yog thawj tug uas los ua ntej tshaj cov kuv tau los zaum ntawm lub rooj haus dej nrog rau kuv cov phooj ywg txiv neej uas yog nplog peb tau sib tham ua si yog li nws tau los ntawm nws qhov chaw zaum nws tau nqa 1 lub txiv duaj uas yog nws yuav tuaj noj nws cia li nqa ncaj qha los cev rau kuv nws ua rau kuv cia li ruam tag tias yog ua li cas lawm tiag hmo no yog hmoov dab tsi es cas nws ho nqa lub txiv los rau kuv. Kuv tsis pom qab ua li cas kuv cia li txais mus tuav lawm nws hais tias nws muab rau kuv noj yog li kuv tau ua nws tsaug thiab nws cia li khiav22 mus tom chav dej lawm hmo ntawv kuv los pw ua rau kuv pw tsis tsaug zog kiag li vim xav li cas los yeej xav tsis tawm dab tsi kiag li……
weeks tam qab peb ho raug pauv los mus rau pab 1 lawm peb los mus noj sus thaum 10pm tag ces kuv tau mus nug nws phone ntawm kuv cov phooj ywg poj niam yog li peb tus huam nab tau teb tias nws laib kawg yog li nws tau muab rau kuv ces tau muab sau ntawv mus rau nws vim nws tsis tau swm leej twg kiag li nws zaum 1 leeg tom tej xwb yog li wb tau sau ntawv tau li ntawm 1 lub week nkaus ces muaj ib hmos kuv tau yaum kuv ib tug phooj ywg nrog kuv mus tham nws tim nws tus niam laus tsev tab sis kuv tsis tau pom nws tus niam laus tsev kuv thiaj mus nug kuv tus phooj ywg poj niam, nws tias nws mam li coj kuv mus no tab sis nws tsis coj kuv tus hluas nkauj no tus niam laus ho tuaj txog ntawv kuv tus phooj ywg cia li hais rau nws tus niam laus tias kuv yuav mus nrog nws tus niam hluas nyob tham lus no…ces nws tus niam laus cia li rov qab mus hais rau nws lawm tab sis nws tseem mus da dej los xwb nws cia li mus hnav khuab ncaws lawm tus niam laus cia li rov qab tuaj hais rau kuv tias kom kuv mus lawm tom tsev es nws hnav khuab ncaws tag ces nws mam li nrog kuv tham ua rau kuv zoo siab heev li tsis pom qab yuav ua li cas vim tsis tau tham dua hluas nkauj 1 zaug kiag li es yuav hias li cas ua ntej thiaj li yuav zoo…..
txij hmo ntawv los wb thiaj li tau sib tham sib hlub los wb kev hlub yeej loj zuj zus tuaj lawm xwb txog rau thaum lub 7 hli ntawv kuv tau nqa mov mus rau nws noj txhua22 pluas uas yog thaum los so noj mov ces thaum lub 8-11 hlis nws tau hais rau kuv tias ua li kuv puas kam nws los nrog kuv zaum ua ke es noj mov ua ke kuv tau teb hais tias tau kawg tab mas tsam wb ua li ces ho txaj muag rau lawv es cia wb nyias zaum nyias es kuv mam li nqa mov rau nws noj xwb tab sis muaj 1 hmos nws cia li nqa nws tais mov los zaum ntawm kuv hauv ntej nws cia li hais hey.. kuv nrog koj noj thiab, kuv tau teb tias tau kawg tab mas tsam lawv coob222 es lawv xav li cas rau wb nev nws tau teb tias li ntawv los tsuav kuv hlub22 nws xwb ces nws tsis quav ntsej leej twg li yog li wb tau noj mov ua ke tau 5 lub hlis thiab kaum hnub yog li thaum lub 12 hlis ntawv nws tus niam laus tau kom nws tham ib tug hmoob mekas lawm tab sis kuv tsis paub li vim nws tsis qhia rau kuv li tab sis mas kuv ho paub tias nws yeej muaj ib tug hluas hmoob nplog ua ntej kuv nyob rau xyoo 2012 lawm tab sis nws kuj tsis qhia kuv thiab tab sis mas tus hluas nraug hmoob nplog mas kuv cov phooj ywg lawv ho paub ces lawv ho qhia rau kuv nws ua rau kuv chim thiab tu siab tab mas kuv ho xav tias li cas los kav liam li cas twb txog txij no lawm ua tiag uv mus seb nws ho yuav zoo li cas mus…
Txog rau hnub tim 11 lub 12 hlis ntuj uas yog hnub uas lawv tuaj ua chaw ua si nws tau hu xov tooj tuaj rau kuv kom kuv mus nrog nws ua si ib pliag yog li kuv tau mus nrog nws ua si txog thaum 12pm wb tau los mus tsev thiab npaj tuaj mus ua hauj lwm lawm, tau 3 hnub tom qab ntawv nws tus hmoob mekas ntawv tau los txog lawv tab sis wb tseem nyob nram chaw ua hauj lwm yog li thaum 14:40pm ntawv wb tau los tsev kuv tau nug nws tias ib pliag kuv tuaj wb mus ua si tim tshav pob ua ke. Nws tau teb tias nws tsis khoom mus es kom kuv txhob xav li cas yog li kuv tau teb tias yog li kuv los tsis mus thiab tab sis kuv cov phooj ywg lawv ho mus ces mus txog pev ces nws tau hnav khaub ncaws tuaj mus ntsib nws tus hmoob meskas tim tshav pob lawm kuv yeej tsis paub dab tsi li tab sis kuv cov phooj ywg uas mus ntawv lawv pom nws nrog hluas nraug hmoob meskas ntawv lawv tau hu phone los hais qhia rau kuv tab mas hais tias nws twb tias nws tsis tuaj no tej zaum lawv yuam kev neeg lawm xwb yog li kuv thiaj li tsis quav ntsej dab tsi li vim kuv xav tias wb sib hlub npaum no lawm nws yuav tsis ua siab dub tau rau kuv li…
tag kis sawv ntxov peb rov qab mus ua hauj lwm kuv thiaj li tau nug nws tias puas yog nag hmo koj nrog hmoob meskas mus ua si puas yog…? Yog li nws tau teb tias tsis yog es yog li leej twg ho hais li rau kuv…? Kuv teb tias kuv cov phooj ywg yog cov hais qhia kuv xwb….yog li kuv cia li los mus zaum lawm yog li nws mam li lawv qab los nws mam li los hais tias thov txim os kuv yeej tau mus lawm tiag thov kuv zam txim rau nws kuv tau teb hais tias tsis ua li cas vim kuv tsis muaj nyiaj duas las li laug txawm nws ua li lawm los kuv tsis tu siab tsuav nws mus tau li nws siab nyiam lawm ces kuv yeej zoo22 siab tsis tag lawm….tab sis hauv kuv nruab siab mob heev thaum nws los hais tias nws mus lawm tiag ua rau kuv hais tsis tau tawm ib lo lus kiag li vim mob kuv lub siab heev kuv cia li sawv tsees tig loo mus nrog lub kua muag ntws si los ntawm sab phlu…yog li nws lawv qab los peb rov qab mus ua hauj lwm dua tab sis kuv tsis tig ntsia thiab mus sab nws nyob li yog li nws ho pom kuv chim heev lawm nws ho los hais tias kom kuv txhob xav li cas ib pliag kom kuv nrog nws mus ua si ua ke kuv hais tias kuv tsis khoom mus yog li txog thaum lub sij hawm uas txog 14:00pm ntawv peb tau los mus tsev ntawv nws tau los mus nrho kuv tus kab ces tsheb ua ntej lawm ua rau kuv ua tsis tau li cas lawm kuv thiaj li tau nrog nws mus ib pliag..hnub tom qab kuv rov qab nug nws tias ua li nws puas mus ua si yog mus no kuv nrog nws mus tab mas nws tias kom kuv ho txhob xav li cas es thov cia nws nrog nws tus hluas nraug hmoob nploog mus ib hnub tso nws mam li nrog kuv mus kom tag tshav pob no kuv ho tau ua li nws hais kuv ho tsis mus tab sis kuv ib tug phooj ywg txiv neej ho kom kuv nrog nws mus yuav ib lub ris rau nws hnav yog li kuv thiaj li tau nrog nws mus thaum wb mus txog ntua rau tim tshav pob lawm kuv tau hu phone mus rau nws tias nws puas tuaj yog nws tuaj ces kuv nyob nram tshav pob tos nws tab sis nws ho teb tias nws tsis tuaj yog li kuv tau teb tias yog li ces yuav ris tag ces kuv yuav rov qab mus tsev lawm ..
tab sis wb tseem tsis tau yuav laib lub ris kuv ho tig los mus pom nws hnav ib ce zam hmoob tuaj mus tab sis kuv xav tias ntshe yog hmoob xwb kuv txawm tsis quav ntsej thiab ces kuv cov phooj ywg nplog ho tuaj lawv ho pom ces lawv ho qhia rau kuv tias kuv hluas nkauj tham hluas nraug tov lawm yog li kuv mam li ua tib zoo saib no cas yog nws tiag nws ua rau kuv ib ce tsis muaj zog kiag lawm thiab ua rau kuv chim heev li kuv xav tias kav laim nws kuv ho tau mus rau tom qhov chaw thaij duab yog nws nrog tus hmoob meskas ntawv los thaij duab ua ke lawm nkawv sib khawm ua ke ua rau kuv ntsia tsis taus li kuv tau hu phone rau nws yog 12 zaug los nws tsis kam txais li kuv thiaj li tau tig los nug kuv cov phooj ywg hais tias zoo li no lawm es yuav ua li cas ces kuv cov phooj ywg tau teb nyob ntawm kuv xwb mas yog li kuv thiaj li teb tias yog tias zoo li no lawm yuav ntaus tus twg zoo dua yog cov phooj ywg tau teb tias tus hmoob meskas mas tsis txhaum vim nws tsis paub dab tsis yog yuav ntaus mas ntaus tus hluas nkauj xwb yog li kuv cov phooj ywg txawm hais tias kuv yeej mus ntaus tsis tau nws kiag li yog li kuv thiaj li mus kiag ntawm nws kuv yoj tes kom nws los ces nws los ntawm kuv ces kuv nug nws tias ua li nws puas txaj muag qhov tias nws tsis tuaj yog vim li cas nws ho ua tau li no rau kuv yog vim li cas tiag no ces nws twb tsis tau teb kuv li lus ces kuv cia li tib ncuav pias rau nws sab plhu ces nws ce li quaj22 rau ntawv ces kuv cov phooj ywg cia li muab kuv coj los tsev lawm ces tus hmoob meskas nws ho hu mus qhia nws tus niam laus tuaj txog ces nws ho los mus tsev lawm….
Nyob rau hnub ntawv sij hawm thaum kuv los txog tsev nws yog 17 pm tawm lawm ua rau kuv lub siab quaj li dhi tsis pom qab yuav ua li cas kiag li xav zaj twg los cas nim tsis zoo kuv siab kiag li vim zaum no txoj kev mob siab yuav los caum cuag tau kuv lawm tiag lub kua muag iab yuav ntws los tiag22 li..txog rau thaum 19:30pm ntawv nws tus niam laus tau hu phone tuaj rau kuv tias kom kuv mus es nws yuav nrog kuv tham tab sis kuv hais tias kuv tsis mus yog nws tus niam laus hais tias yog kuv tsis mus ces yuav ua plaub rau kuv xwb yog li kuv thiaj tau mus thaum mus txog nws tawm tuaj zaum nraum qhov rooj tos nws quaj22222 heev li tab mas kuv tsis quav ntsej nws li…kuv tau mus kiag rau hauv nws tsev lawm ces nws tus niam laus tau hu lawv tus txiv yawg tuaj nug kuv kiag…kuv tau lees txhaum thiab lees txais tag nrho txhua22 yam kuv tau ua dhau rau nws los mus ntawv ces txiv yawg ntawv nws twb kom kuv los tsev lawm tab mas lawv niam pog ho hais tias ua li no mas tsis tau kiag yuav tsum tau hu kuv txiv thiab kuv txiv cov kwv tij tuaj lav mas thiaj yuav yog no ces lawv cia li yuam kom kuv los mus caum kuv txiv thiab cov kwv tij tuaj yog li kuv los mus caum kuv txiv tuaj mus txog tuaj mus nrog lawv cov kwv tij tham ces lawv tau nug wb 2 leeg tag nrho ces kuv yeej lees tag nrho huv tib si thiab yog li kuv txiv thov hais tias cia lawv phua lub txim los rau kuv es kuv txiv mam li them tag nrho tab mas lawv tsis kam phua lub txim kiag li yog li lawv tau muab ncua rau tag kis sawv ntxov mam li mus es lawv mam li phua lub txim rau kuv….
Yog li hmo ntawv kuv txiv wb los txog tsev kuv txiv tau nug kuv tias ua li kuv ua dab tsi li ntawv tsis ua zoo xav tso yog li kuv thiaj li tau hais qhia tag nrho rau kuv txiv thiab kuv tus kwv nkawv mloog tag ces kawv hais tias kuv twb tsis txhaum es ua li cas kuv ho tsis hais tim lawv kuv tau teb hais tias kuv cia kuv ua tus txhaum es thiaj li yuav tsis nyuaj22 yog li tag kis ntawv kuv txiv tsis pub kuv mus ua hauj lwm lawm kuv txiv hais tias kom kuv mus hais kom tag tso kuv mam li mus yog li hnub ntawv kuv tau so hauj lwm tsis mus lawm ces kuv tau nrog kuv txiv, tus kwv thiab tus yawm yij lawv mus tham pem lawv cov kwv tij thaum peb mus txog pev lawv tau nug wb dua zaum 3 tab mas nug mus nug los no kuv ho tsis yog tus txhaum nws ho yog tus txhaum ces nws cov kwv tij cia li los hais rau kuv txiv hais tias lawv yuav yuav li ntawm 280.000 kip thiab 1 khub qaib 1 ntig txhuv 1 txwm xyab los kho nws xwb no ces kuv txiv hais rau kuv tias kuv txiv mam li them tab sis kuv hais rau kuv txiv hais tias teeb meem yog kuv li cia kuv mam li them xwb yog li thaum kuv los mus them nyiaj ces nws yeej quaj22 lawm tab sis mas kuv tsis quav ntsej thiab tsis ntsia nws kiag li kuv them nyiaj rau lawv tag ces kuv cia li sawv tsees los tsis hais 1 lub lus rau nws vim mob22 kuv siab heev li….
Thaum kuv los txog tsev ces kuv 1 tug hluas nkauj nyob nram zos WoenKham hu tuaj tias nws yuav tuaj nrog kuv ua si es kuv puas khoom yog li kuv teb tias kuv khoom kawg yog li kuv tau mus nrog nws mus ua si tim tshav pob lawm thiab kuv ho mus yuav paj mus rau kuv tus kwv vim nws raug mus xeem nkauj thiab yog li kuv tau nrog tus hluas nkauj ntawv mus ua si ces nws ho tuaj pom ces nws ho quaj dua yog li hnub ntawv kuv nrog tus hluas nkauj ua si ib hnub thiab yuav tau ib lub tsho nrau tus hluas nkauj ntawv ces nws kuj tau los pom thiab yog li tag kis ntawv peb rov qab mus ua hauj lwm ces kuv tsis nrog nws tham kiag li txog thaum peb los so noj sus ces kuv tsis nqa mov rau nws noj lawm ces los tsis pom mov lawm ces nws rov qab tom chav dej lawm ces kuv noj tag ces kuv los mus ces kuv tsis los zaum ntawm lub rooj qub kuv cia li mus zaum ntawm kuv qhov chaw xwb ces nws ho los pom kuv ua li ntawv lawm ces nws ho los zaum ntawm kuv nrob qaum quaj222 ua rau nws 1 tsuag tag lawm ces kuv cov phooj ywg poj niam lawv los hais kom kuv pab mus ntxias nws tab mas kuv tsis kam tab sis kuv ho ntsia mus pom nws zaum pheeb ai rau tim lub rooj lawm xwb yog li kuv thiaj li mus ntxias nws tau 2:36pm nkaus nws mam li ntsiag….
Yog li nws tau thov tias kom kuv rov qab los hlub nws li qub es nws mam li ua raws li kuv hais xwb yog kuv los yeej tsis xav plam nws mus kiag li yog li kuv tau hais tias ziag no koj thiab kuv wb tsis zoo li yav tag lawm yog koj yuav kom kuv hlub koj li qub tshuav tib txog kev lawm xwb yog nws yuav ntsib kuv no ces kom nws mus nram Ban phak es mam li hu rau kuv mus ntsib nws xwb vim nws tus niam laus tsis kam wb sib tham lawm tab mas yog nws thiab kuv yuav sib tham ces muaj tib txog kev ntawv lawm vim wb los yeej tsis muaj sij hawm kiag li thiab vim sij hawm wb sib ntsib ces tsuas 2pm xwb ces twb tau mus ua hauj lwm wb tau sib ntsib li ntawv los txog rau thaum lub 7 hli ntawv ces nws tau quaj tas li xwb thaum nws pom kuv txhua2 zaus kuv nug los nws tsis kam qhia kuv li yog li nws tau nug kuv hais tias kuv puas kam yuav nws kuv tau teb tias kuv yuav tau kawg tab mas tsam cov laus lawv ho tsis pom zoo lawm vim wb twb tau muaj teeb meem los lawm es tsam lwm hnub wb lub tshoob ces yuav nyuaj22 heev li yog li nws thiaj li tau hais tias yog kuv tsis yuav nws ces nws yuav mus tsev vim nws lub tsev nyob puag nram lav xaus diam tab sis mas qhov tseeb twb yog nws twb yuav mus yuav txiv uas yog yuav nws tus hluas nraug hmoob nplog uas yog nyob puag pem qaum ຊຳເຫນືອ lawm ces kuv cov phooj ywg lawv mam li tuaj hais qhia rau kuv tab sis kuv yeej tsis nco qab mob siab kiag li vim wb yeej taug txoj kev los li ntawv 2pm uas yog txhua22 lub hli txog rau thaum nws mus yuav txiv lawm xwb…tab sis thaum nws mus txog ces ces nws twb sau sms tuaj rau kuv tab sis kuv tsis teb nws li..yog li txog thaum uas nws thiab nws tus txiv rov qab tuaj txog rau ntawv nroog 52 no ces nws twb rov qab xa sms tuaj rau kuv dua thiab tab sis kuv yeej tsis kam teb nws kiag vim nws yog neeg muaj txiv thiab neeg siab txia ntshav heev li yog li kuv thiaj li tsis quav ntsej txog nws li lawm ( muab hais los mas nws twb ncaim kuv mus twb yuav tau li 1 xyoo no lawm os )
... Thaum kawg no thov ua tsaug rau vas sab www.3haivhmoob.com uas tsim thaj chaw no rau peb suav daws tau tuaj zwm txoj kev hlub lub neej tag los cia ua puav pheej lawm yav tom ntej mog...Mam ntsib nej dua lwm zaus..
Sau npe : Tub Pov Kwm
SauNpe: mai
Ceeb Toom: Txwv tsis pub leej twg muab peb cov dab neeg txhua yam hauv no mus tso rau koj lub vas sab, Forum los yog lwm qhov chaw uas tsis tau txais kev tso cai ntawm peb. Tsis pub muab luam muag thiab, ua tsaug rau koj txoj kev koom tes. Warning: Please do not copy our stories to post on your website, forum or any other internet sites without permission. Printing for selling is also prohibited. Thank you for your cooperation.
Txoj Kev HLub Zoo Li No Yog Koj no koj puas nco lawm?
Widget is loading comments...
