Ntsib Luj Yaj Thiab Taug Nws Li KeeB Kwm Hu Nkauj
Luj Yaj yog peb Hmoob thawj tus tub hu nkauj seev kho siab nyob Thaib teb uas tau muab cov suab nkauj zwm rau hauv cassette pib thaum xyoo 1991 los lawm. Txuas ntxiv nram no yog peb nrog Luj tham txog kev hu nkauj thiab nws tus kheej pub rau ib tsoom Hmoob tau paub txog Luj txoj kev hu nkauj.
Nug: Nyob zoo kwv Luj zoo siab hnub no tau nrog koj tham,lub caij no nplej siav thoob plaws sab thaib teb nplog teb lawm niam txiv kwv tij yuav pib npaj mus hlais nplej lau yom? Luj Yaj: Tab tom yuav daj hnab os. Nug: xyoo tshiab no koj puas muaj nkauj yuav tawm tshiab rau suav daws tau mloog lawm? Luj Yaj: Tseem tsis tau muaj os laus lawm xyov puas yuav npaj tau li lawm lauj. Nug: koj ua kwv pib hu nkauj thaum xyoo twg los lawm? Luj Yaj: Kuv pib hu nkauj thaum xyoo 1990 los yog 1991 los lawm Nug: Raws li koj nco ne koj ua tau tsawg daim nkauj rau peb Hmoob tau mloog lawm txij koj pib hu nkauj los txog tam sim no? Luj Yaj: ha ha ha tsis tshua nco lawm vim lub sij hawm ntawd coob tus kaw, ib txhia tsis pom ntawm li raws li xav mas li 40 los yog 50 daim lawm. Nug: Koj xav hais li cas txhawb siab rau cov tub ntxhais nij hnub nim no lawv tseem nyiam hu nkauj es tom ntej no kom peb Hmoob tau lawv tej nkauj mloog ntxiv? Luj Yaj: kuj zoo kawg hais txog niam no yuav hu nkauj los ua lag luam mas yeej nyuab tsawv vim lawv tsis yuav lawm lawv tos muab hauv net los xwb tiam sis txhob ntshai cov hu nkauj tom qab yog yus nyiam lawm ces kuj hu mus hu raws li nyiam xwb rau qhov yog tsis ua ces yeej tsis muaj nkauj tawm rau sawv daws mloog lawm hais txog tej no mas muaj hais ntau tiam sis kuv hais me me li no xwb os, tom qab no hais rau ib tsoom phooj ywg tias yog nej hlub cov tub ntxhais hu nkauj thiab no thov nej yuav daim tseem xwb es sawv daws thiaj muaj lub zog siab ua ntxiv mus os ua tsaug sawv daws ib tsoom Hmoob nawb. Nug: kev hu nkauj ces yog ib vuag dua xwb..nyob li koj cov nkauj mas tau 15-16 xyoo los no tib neeg mloog tseem kho siab tseem xav mloog , cov nkauj tshiab nim no mloog 1-2 lwm xwb neeg tsis mloog lawm koj xav tias qhov no peb yuav kho li cas ? Luj Yaj: tej zaum kuj zoo ib yam xwb tiam sis thaum ub tsis muaj neeg hu coob ces sawv daws mloog ib ob tug xwb niam no muaj neeg hu coob lawm ces muaj chaw xaiv ntau thiaj li zoo li mloog tsis ntev tiam sis cov tom qab no lo kuj hu tau zoo kawg ib txhia tus tseem hu zoo dua peb cov ua ntej thiab Nug: Koj ua kwv nyob ntawm Thaib teb yog cov kwv tij Hmoob los txawv teb chaws li Mes Kas, Fab Kis los yog lwm qhov los es lawv tsis paub leej twg ho xav nrhiav kev pab coj ncig teb chaws los yog kev pab lwm yam yuav ua cas lawv thiaj nrhiav tau koj ne yom, vim koj yog ib tug suav daws paub coob thiab peb Hmoob tso siab rau koj? Luj Yaj: tau kawg maj...! yog leej twg ho tsis paub los hu rau kuv es yog kuv ho tsis khoom los mam nrhiav cov neeg paub coj tau maj yog kuv khoom kuv yeej pab tau kawg txhob txhawj os. Nug: Lawv ho yuav nrhiav tau koj qhov twg los yog sau ntawv , los yog hu tau ko qhov twg? Luj Yaj: Nej sau ntawv hauv Face Book los tau yog leej twg cheej tsum tiag yuav los kuv mam muab xov tooj los tau maj xov tooj yog 084 7339950 os Nug: Koj yog ib tug qauv zoo rau peb Hmoob tej tub ntxhais , xyaum hu nkauj raws koj..pab hais 2-3 lo txog ntawm tej kev haus dej haus cawv los yog ua tej yam uas niam txiv txhawj txog kom lawv xyaum mus siv os. Lwj Yaj: tau kawg hais txog kev haus dej caw kuv los kuj haus thaib tiam sis tej no yog leej twg ho nyiam los kuj tsis txhob muab haus lwj laim haus kom muaj caij nyoog xwb ces tej zaum yuav tsis muaj dab tsis nco ntsoov tias yuav tsum haus raws kev muaj rooj noj rooj haus xwb ces tsis muaj dab tsis txhawj maj. Nug: Pab qhia koj nyob rau lub xeev los yog lub zos twg ntawm Thaib teb? Lwj Yaj: nyob xeev Tak lub zos 17 yav qaum teb uas peb Hmoob nyob coob. Nug: koj puas muaj tej yam kev lag luam xav kom peb pab muab tso tawm es kwv tij Hmoob tau tuaj pab koj ? Lwj Yaj: Zoo kawg ua tsuag ntau os tam sim no tsis tau muaj es nyob muaj no yeej yuav vam nej sawv daws xwb os. Nug: ua tsaug koj lub sij hawm nawb kwv Luj uas qhia koj ntau yam ntawm koj rau peb Hmoob tau paub es mam ntsib koj dua rau lwm zaus. Luj Yaj: tsis ua cas ua tsaug koj thiab os |
|
Koj xav li cas rau peb Hmoob Kev Hu Nkauj sau rau nram qab no. Nias Nov rov mus Nplooj Tub Ntxhais Yeeb Yaj KiaB
Comment Box is loading comments...
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com